Alþýðublaðið - 26.09.1990, Blaðsíða 3

Miðvikudagur 26. sept. 1990
MNNLENDAR FRÉTTIR
3
FRÉTTIR
Í HNOTSKURN
UÓSMYNDASAMKEPPNI FARVÍSS: Farvís -
tímarit um ferðamál — efnir til ljósmyndasamkeppni í til-
efni af tveggja ára afmæli ritsins. Formaður dómnefndar-
inna er Rafn Hafnfjörð en hann er landsþekktur ljósmynd-
ari sem hefur unnið víða til verðlauna. Aðrir dómnefndar-
menn eru Elín Agnarsdóttir auglýsingastjóri hjá Hans Pet-
ersen hf. og Andrína G. Jónsdóttir, hönnuður Farvíss.
Frestur til að skila myndum í samkeppnina rennur út 15.
okt. nk. Sá er vinnur til fyrstu verðlauna í ljósmyndasam-
keppninni hlýtur Chinonmyndavél frá Hans Petersen hf.
að launum auk þess sem verðlaunamyndin birtist í næsta
tölublaði Farvíss. Á meðfylgjandi mynd eru dómnefndar-
menn en myndin var tekin á tveggja ára afmæli Farvíss.
STÚDENTAR SEMJA VIÐ BUNAÐARBANK-
ANN: Stúdentaráð Háskóla íslands og Búnaðarbankinn
hafa gert með sér samning um fjármálaþjónustu fyrir há-
skólastúdenta og er þetta fyrsti samningur sinnar tegund-
ar á íslandi. Samningur þessi tryggir fyrsta árs nemum
framfærslulán í bankanum, sem svarar til allt að 90% af
áætlaðri fyrstu lánveitingu Lánasjóðs íslenskra náms-
manna, auk þess sem stúdentum er tryggð allt að 50 þús.
króna yfirdráttarheimild þeim að kostnaðarlausu sé hún
ekki nýtt. Til viðbótar mun bankinn veita árlega fjóra út-
skriftarstyrki til háskólastúdenta og allt að 750.000 króna
námslokalán. Meðfylgjandi mynd var tekin við undirritun
samningsins en á henni eru Jón Adólf Guðjónsson banka-
stjóri, Sigurjón Þorvaldur Árnason, formaður stúdenta-
ráðs, Edda Svavarsdóttir, yfirmaður markaðsdeildar Bún-
aðarbankans, Andri Pór Guðmundsson frá Stúdentaráði
og Guðjón Jóhannsson, útibússtjóri Melaútibús Búnaðar-
bankans.
HÆKKANIR Á HUSALEIGU: Leigjendasamtökin,
Neytendasamtökin og Verðlagseftirlit verkalýðsfélaganna
hafa gefið út sameiginlega yfirlýsingu þar sem húseigend-
ur sem leigja út húsnæði eru að gefnu tilefni hvattir til að
taka tillit til þess stöðugleika sem náðst hefur í verðlags-
málum. Leigusalar eru því hvattir til að hækka ekki húsa-
leigu og bent er á að undanfarna 3 mánuði hefur engin
hækkun orðið á húsaleiguvísitölunni og byggingavísital-
an,sem sumir húsaleigusamningar miðast við, hefur
hækkað um 0,4%. Skorað er á húseigendur að taka þátt í
baráttunni við verðbólguna og hækka ekki leiguna við
leiguskipti.
UPPVAXTARSKILYRÐI BARNA 0G UNGLINGA
AISLANDI: Sálfræðingafélag íslands býður til ráðstefnu
um ofangreint málefni að Menningarmiðstöðinni Gerðu-
bergi, laugardaginn 29. sept. kl. 10—16. Ráðstefnan er öll-
um opin og eru foreldrar og fagfólk sem vinnur með börn-
um og unglingum sérstaklega hvatt til að koma. Ráðstefnu-
gjald er kr. 700 og eru kaffiveitingar innifaldar. Ekki þarf
að tilkynna þátttöku fyrirfram. Eftirtaldir aðilar halda fyr-
irlestra á ráðstefnunni: Einar I. Magnússon (Leikskólabarn-
ið), Benedikt Jóhannsson (Er grunnskólinn heimur
kvenna?), Sigurður Ragnarsson (Unglingurinn), Vilhelm
Norðfjörð (Að kljást við vandann), Aðalsteinn Sigfússon
(Fjölskyldur í vanda), Brynjólfur G. Brynjólfsson (Einelti og
viðbrögð við því), Einar Gylfi Jónsson (Vímuefnaneysla
unglinga), Málfríður Lorange (Fötluð börn og aðlögun
þeirra), Hugi Þórisson (Foreldrum er kennt um en ekki
kennt) og Sólveig Ásgrímsdóttir (Uppeldisaðferðir). Eins
og sjá má af þessari upptalningu er víða komið við í fyrir-
lestrum þessum og full ástæða til að hvetja sem flesta til að
mæta á ráðstefnuna í Gerðubergi.
Útvarpserindi íslendinqs vekur athyqli í Finnlandi
SLÁTRAR SAM—
NORRÆNUM SJÓN-
VARPS VERKEFN UM
Borgþór S. Kjærnested
upplýsingafulltrúi gagn-
rýndi samnorræn sjón-
varpsverkefni harðlega í
útvarpserindi sem sent
var á aðalrás finnska út-
varpsins s.l. föstudag.
Borgþór sagði að eytt væri
stórum fjárfúlgum úr vö-
sum skattgreiðenda til
samnorrænna sjónvarps-
verkefna í svonefndu
menningarskyni sem eng-
in lifandi sála hefði nokk-
urn áhuga að horfa á.
Borgþór tók íslensku sjón-
varpsóperuna Vikivaka
' eftir Atla Heimi Sveinsson
og finnska sjónvarpsieik-
verkið Sjö bræður eftir Jo-
uka Turkka sem dæmi.
Útvarpserindi Borgþórs
hefur vakið talsverða athygli
í Finnlandi og víða fengið
undirtektir. í útvarpserindinu
fjallaði Borgþór S. Kjærne-
sted um hina nýafstöðnu
bókastefnu í Gautaborg en
vék fljótlega að menningar-
samstarfi Norðurianda og
einkum sameiginlegum sjón-
varpsverkefnum sem skatt-
greiðendur á Norðurlöndum
greiða svimandi upphæðir
fyrir en horfa ekki á.
„Hvað er að finna á topp-
listanum yfir síðustu samnor-
rænu afrekin?" spurði Borg-
þór í erindi sínu og hélt
áfram: „Fyrst af öllu ber að
nefna Vikivaka, sjónvarps-
óperu sem byggist á texta eft-
ir íslenskan höfund, Gunnar
Gunnarsson og sé hugsað til
árangursins á skjánum, hvarf
hann blessunarlega á vit
feðra sinna fyrir rúmum ára-
tug. Tónlistin er skrifuð af
módernísku tónskáldi frá ís-
landi, Atla Heimi Sveinssyni,
verkinu er stjórnað af Finna,
Heikinheimo, og fram-
kvæmdastjóri upptökunnar
er íslenski kvikmyndaleik-
stjórinn Hrafn Gunnlaugs-
son. Frumsýningin var á
páskadögum 1990 og það
mun ekki verða af fleiri sýn-
ingum, því þegar tíu mínútur
höfðu liðið af sendingunni,
höfðu um 99,9% af sjónvarps-
áhorfendum á Norðurlönd-
um annað hvort skipt um
sjónvarpsrás eða slökkt á
tækinu. Á íslandi fóru áhorf-
endur á næstu myndbanda-
Borgþór S. Kjærnested:
„99,9% skipta um rás eða
slökkva á tækinu þegar hin
rokdýru samnorrænu menn-
ingarverkefni eru send út."
leigu til að bjarga sjónvarps-
kvöldinu með heiðarlegum
vestra eða danskri gaman-
mynd. Dönsku sjónvarps-
þættirnir Matador hafa nefni-
lega orðið svo vinsælir á ís-
landi, að allt Danahatur er
horfið út í buskann, en afsak-
ið, þeir þættir eru taldir versl-
unarvara og tilheyra ekki
menningunni."
Borgþór gefur finnsku
þáttaröðinni „Sjö bræður"
sama dóm. Þættirnir eru nú
sýndir á fimmtudagskvöld-
um í íslenska Ríkissjónvarp-
inu og sagði Borgþór í út-
varpserindinu, að 99,9% af ís-
lenskum sjónvarpsáhorfend-
um reyndu að leysa sjón-
varpsþörf sína á annan hátt
meðan á útsendingunum
stæði.
Borgþór endaði erindi sitt á
því að segja sögu af leigubíl-
stjóra sem hann þekkti í
Reykjavík og horfði ávallt á
finnsku þættina. „Þegar ég
spurði hann hvað það væri
sem gerði það að verkum að
hann horfði á finnsku þátta-
röðina, þá svaraði bílstjórinn
að það væri svo óendanlega
dásamlegt, að það væri til
verri kvikmyndaleikstjóri á
Norðurlöndum en Hrafn
Gunnlaugsson," sagði Borg-
þór S. Kjærnested í hinu um-
talaða útvarpserindi sínu.
Hlutabréf ííslenska hlutabréfasjódnum hf. bodin út
50 milliónir boðnar
út i fyrsta úfanga
Útboöiö veröur alls 200 milljónir
Landsbréfum hf. hygflj-
ast bjóöa út hlutabréf í Is-
lenska hlutabréfasjóðnum
fyrir alls 50 milljónir
króna í fyrsta áfanga en
ráðgert er að bjóða út
hlutabréf fyrir um 200
milljónir alls. Lágmarks-
upphæð sem hægt er að
kaupa hlutafé fyrir er
10.000 krónur.
Landsbréf hf. hefur auglýst
hlutabréfaútboð á hlutabréf-
um í íslenska hlutabréfa-
sjóðnum hf. og mun það hefj-
ast þann 27. sept. nk.
íslenski hlutabréfasjóður-
inn er hlutafélag sem stofnað
var þann 13. mars á þessu ári
að tilhlutan Landsbréfa hf.
Tilgangur félagsins er að fjár-
festa í verðbréfum fyrirtækja,
einkum hlutabréfum arð-
bærra og vel rekinna ís-
lenskra fyrirtækja, og ávaxta
þannig fjármuni og dreifa
áhættu þeirra í hlutabréfavið-
skiptum.
íslenski hlutabréfasjóður-
inn hf. hefur hlotið viður-
kenningu ríkisskattstjóra,
þannig að kaup einstaklinga
á hlutabréfum í félaginu eru
að vissu hámarki frádráttar-
bær frá skattskyldum tekjum.
„íslenski hlutabréfasjóður-
inn er fyrst og fremst hugsað-
ur fyrir almenning enda álit-
legur kostur fyrir þá sem
huga að fjárfestingum. Þá
getur skattafrádrátturinn
skipt miklu máli.
Erfitt er að segja til um hver
ávöxtunin verður á hlutabréf-
unum en stefnt er að því að
hún verði fyllilega sam-
keppnishæf við annað sem
býðst á markaðnum, „ sagði
Gunnar Helgi Hálfdánarson
forstjóri Landsbréfa í viðtali
við Alþýðublaðið.
Sjóðir sem þessi geta haft
mjög góð áhrif á þróun hluta-
bréfamarkaðarins almennt
og gert verslun með hlutabréf
í íslenskum fyrirtækjum mun
almennari en nú er. Það hlýt-
ur að verða til góðs fyrir at-
vinnulífið í landinu.
Kjördœmisrád Alþýðuflokksins á Vesturlandi
Prófkjör i nóvember
Þrír efstu menn listans frá sídustu
kosningum hafa þegar gefiö kost á sér
Aðalfundur Kjördæmis-
ráðs Alþýðuflokksins í
Vesturlandskjördæmi sem
haldið var í Borgarnesi sl.
laugardag samþykkti að
halda prófkjör um skipan
efstu sæta lista Alþýðu-
flokksins á Vesturlandi í
næstu þingkosningum.
Eiður Guðnason alþingis-
maður lýsti því yfir á fundin-
um að hann myndi bjóða sig
fram í prófkjörinu. Sveinn G.
Háifdánarson í Borgarnesi og
Gísli S. Einarsson frá Akra-
nesi gerðu slíkt hið sama. í
síðustu kosningum var
Sveinn í öðru sæti listans en
Gísli í því þriðja.
Ekki er búið að taka
ákvörðun um dagsetningu
prófkjörsins en það mun fara
fram fyrir nóvemberlok.
Á fundinum var kosin próf-
kjörsnefnd til að annast fram-
kvæmd prófkjörsins.
Eiður Guðnason: Mun bjóöa
sig fram i prófkjöri.