Alþýðublaðið - 21.02.1985, Blaðsíða 3
Fimmtudagur 21. febrúar 1985
3
Ibúasamtök Vesturbœjar:_
Lagaboð duga
ekki ein
Ragnhildur Helgadóttir menntamálaráðherra ávarpar nokkra valinkunna skörunga ár íslensku þjóðlífi.
Sem sjá má var ávarpi hennar geysivel tekið og þótti það með eindœmum líflegt.
Myntsafn í musterið
Alþýðublaðinu hefur borist eftir-
farandi bréf frá íbúasamtökum
Vesturbæjar:
„Bar svo við í borginni einn
bjartan ágústdag 1983, að há-
markshraða innan gamla Vestur-
bæjarins var breytt í 30 km sam-
kvæmt ákvörðun borgarstjórnar,
breytingu á lögreglusamþykkt og
umferðarlögum.
Að þessu markmiði hafði verið
unnið bæði innan íbúasamtaka
Vesturbæjar og ekki síður í umferð-
arnefnd Reykjavíkur. Fram á þenn-
an dag er Vesturbærinn eina íbúða-
hverfið þar sem þessi lögbundna
ákvörðun um hámarkshraða hefur
verið tekin; — árangurinn hefur
fyrst og fremst verið sá að ákveðinn
hluti ökumanna heldur sig innan
hámarkshraða, ákveðinn hluti
gegnumumferðar sneiðir hjá hverf-
inu og grundvöllur hefur skapast til
þess að meta hvar og hverra aðgerða
er þörf til þess að ná markmiði um
hámarkshraða.
Umferðarnefnd Reykjavíkur og
íbúasamtökin gerðu sér fljótt Ijóst
að á alnokkrum stöðum í hverfinu
dygði ekki lagaboðið eitt sér.
Nokkrar götur, —Öldugata, Ægis-
gata, Bræðraborgarstígur, Fram-
nesvegur og Vesturgata sem dæmi
eru götur þar sem töluverð gegnum-
umferð á sér stað og hún hröð. Til
eru mælingar sem sýna þetta. í
þessum mælingum kemur einnig
fram í hverju vandinn er fólginn.
Flann er fólginn í þeim tiltölulega
fáu bílstjórum stórra og smárra
ökutækja sem fyrirmunað er að
aka á löglegum hraða. Um orsakir
þess skal ekki fjölyrt aðeins nefnt
að þeir gera sér það ekki ljóst að
þeir aka gegnum íbúðarhverfi, að
samband er milli hraða og slysa, að
afleiðingar slysa eru í beinu sam-
bandi við hraða og síðast en ekki
síst að akstur bifreiða er ekki af-
þreying einstaklingsins, honum
fylgir félagsleg ábyrgð.
Umferðarnefnd Reykjavíkur
ákvað síðan í nóvember 1983 að
gerð skyldi einstefna á Vesturgötu
til vesturs frá Seljavegi að Ana-
naustum til þess að draga úr gegn-
umakstri af Seltjarnarnesi og settar
skyldu hraðahindranir á tveimur
stöðum á Vesturgötu og Bræðra-
borgarstíg. Borgarráð samþykkti í
febrúar 1984 einstefnu á vestasta
hluta Vesturgötu en frestaði öðrum
tillögum umferðarnefndarinnar.
Er hausta tók 1984 óttuðust íbú-
ar við Vesturgötu að enn gengi í
garð vetur með snjó og hálku og
þeim hættum sem af umferð hafði
stafað undanfarin ár. Var því geng-
ist fyrir undirskriftasöfnun að til-
hlutan íbúasamtaka Vesturbæjar
meðal fullorðinna ibúa við götuna.
Skrifað var undir eftirfarandi yfir-
lýsingu:
„Undiritaðir íbúar við Vestur-
götu skora hér með á borgarráð
Reykjavíkur að samþykkja hið
fyrsta tillögur umferðarnefndar
borgarinnar um hraðahindranir í
formi upphækkana og þrenginga á
Vesturgötu, nánar tiltekið við Ægis-
götu og Bræðraborgarstíg og að
tryggja að framkvæmdum þessum
ljúki fyrir komandi vetur.
Samþykkt borgaryfirvalda um
lækkun hámarkshraða í gamla
Vesturbænum sl. sumar var óneit-
anlega til bóta en þó vantar enn
mikið á að reglum sé hlýtt við Vest-
urgötu og löggæsla borgarinnar
virðist ekki vera þess megnug að sjá
til þess að reglum sé fylgt. Því skora
íbúar eindregið á borgarráð að
tryggja vörn gegn þeirri hröðu um-
ferð, slysahættu og hávaðamengun
sem fólk býr nú við“
Undir yfirlýsingu þessa skrifuðu
hátt á annað hundrað íbúar við göt-
una og voru það 96% þeirra sem
náðist til. Undirskriftalistar voru
sendir borgarráði 24. september
1984 ásamt bréfi þar sem minnt var
á margendurteknar umleitanir í
skrifum og viðtölum.
í kjölfar þessara aðgerða var
málið tekið upp á ný í Borgarráði og
samþykkt að setja á Vesturgötu
tvær hraðahindranir og skyldu þær
verða við Ægisgötu og Bræðra-
borgarstíg. Skýrt var tekið fram í
samþykkt borgarráðs að hraða-
hindranir skyldu vera í formi hlið-
arþrenginga en ekki upphækkana.
Vegna framkominna sjónarmiða
fulltrúa SVR í umferðarnefnd var
ráð fyrir því gert að ekki væri um
annað fyrirkomulag að ræða.
í samþykkt borgarráðs var skýrt
tekið fram að hraðahindranir
skyldu vera í formi hliðaþrenginga,
— ekki upphækkana. Vegna fram-
kominna sjónarmiða SVR í um-
ferðarnefnd var ráð fyrir því gert að
ekki væri um annað fyrirkonrulag
að ræða.
Samþykkt borgarráðs var falin
umferðardeild gatnamálastjóra til
framkvæmda. Vandinn við þreng-
ingar á Vesturgötu er sá að strætis-
vagnar aka götuna og því erfitt að
þrengja svo að verulega dragi úr
hraða venjulegra bifreiða en stræt-
isvagnar komist eftir sem áður leið-
ar sinnar. Þess vegna urðu járn-
grindur og stýrimeiðir fyrir valinu
sem bráðabirgðaráðstöfun fyrir
veturinn. Að mati verkfræðinga
umferðardeildar var sú útfærsla
sem valin var sú skásta miðað við
árstíma, umferð og þá samþykkt
sem heimilt var að vinna eftir.
Greinilegt var að aðgerðir höfðu
áfrif. Strætisvagnar óku götuna,
verulega dró úr hraða næst þreng-
ingunum. Það kom þó greinilega í
ljós að of langt var milli þessara
hindrana og of margir freistuðust
til að ná upp of miklum hraða milli
þeirra. Á þriðja eða fjórða degi frá
uppsetningu hliðanna bar hins veg-
ar svo við að vagnstjórar á leið 2
lögðu fyrirvaralaust niður akstur á
Vesturgötu fyrir vestan Ægisgötu.
Tillkynntu þeir að þeir myndu ekki
aka þennan spotta meðan þreng-
ingar þessar væru í vegi þeirra. Ekki
var þessi breyting á leiðakerfi sér-
staklega kynnt eða settar upp nýjar
biðstöðvar. Breytingarnar voru
heldur ekki kynntar á þeim tveimur
biðstöðvum sem vagnstjórarnir
treystu sér ekki til að sinna.
Ekki skulu hér rakin í smáatrið-
um þau fréttaskot og flugufregnir
sem fylgdu í kjölfar þessara að-
gerða eða árásir á einstalinga.
Framkvæmdastjóri umferða-
nefndar Reykjavíkur bauð fulltrú-
um SVR og íbúasamtaka Vestur-
bærjar til fundar þann 7. febrúar sl.
Þar voru þessi mál rædd af þeim
skilningi, sem í sjálfu sér ríkir milli
þessara aðila um þörf á auknu um-
ferðaröryggi. Niðurstaða þessara
umræðna var lögð fram sem tillaga
í borgarráði 12. febrúar 1985 og
eftirfarandi samþykkt þar:
„Varðandi hraðahindranir á Vest-
urgötu.
1. Flliðarhindranir sem settar voru
upp við Ægisgötu og Bræðra-
borgarstíg verði teknar niður.
2. Zebra-gangbrautir með upp-
hækkunum komi á þremur stöð-
um á Vesturgötu, þ. e. við Ægis-
götu, Stýrimannastíg og
Bræðraborgarstíg. Skulu þessar
upphækkanir gerðar eins fljótt
og unnt er eftir að malbiksfram-
kvæmdir hefjast í vor. Verði þær
lagaðar m. t. t. strætisvagna.
íbúasamtökin telja að hér sé um
betri ráðstöfun til hraðahindrunar
að ræða og verði veturinn mildur er
hér aðeins um liðlega tveggja mán-
aða bið að ræða á framkvæmd
raunverulegra aðgerða til hraða-
hindrunar.
Grein þessi er sett saman til þess
að varpa ljósi á framkvæmd máls-
ins fyrir íbúa hverfisins og þá öku-
menn sem þar eiga leið umí‘
Fyrir hönd íbúasamtaka Vesturbæj-
ar
Anna Kris.tjánsdóttir
Stefán Örn Stefánsson.
Þjóðminjasafn íslands og Seðla-
bankinn hófu fyrir nokkrum árum
samvinnu sem miðar að þvi að
koma upp myndarlegu safni um
sögu íslensks gjaldmiðils. Samning-
ar um stofnun og rekstur Mynt-
safns Seðlabanka og Þjóðminja-
safns hefur nýlega verið staðfestur
af menntamálaráðherra. Meginat-
riði samningsins eru þau að stofn-
anirnar báðar, Þjóðminjasafnið og
Seðlabankinn, leggja myntsöfn sín
til þessa sameiginlega safns að öðru
leyti en því að jarðfundnar myntir
og þær, sem hafa aðalgildi sem
fornminjar, verða að sjálfsögðu
áfram í Þjóðminjasafni. Seðla-
bankinn tekur að sér að sjá mynt-
safninu fyrir húsnæði og annast
rekstur þess, segir í frétt frá bank-
anum.
Stofninn í hinu nýja safni verður
eiginlegur gjaldmiðill, íslensk mynt
og seðlar eins langt aftur og slikt
nær, umfjöllun um íslenskan verð-
miðil fyrr á öldum, erlendir pening-
ar sem koma við íslenskar heimildir
og gjaldmiðill þeirra þjóða sem ís-
lendingar eiga mest skipti við. í
þessa uppistöðu verður síðan ofið
öðrum þáttum sem til myntfræði
Félag dönskukennara:
Kennsla dönsku-
mælandi barna
Félag dönskukennara mun nú í
vetur eins og síðastliðið ár skipu-
leggja kennslu fyrir dönskumæl-
andi börn á aldrinum 7—11 ára.
Reynt verður að halda við og
styrkja þá kunnáttu, sem nemendur
kunna að hafa úr dönskum skólum
þannig, að um eðlilegt framhald af
fyrra dönskunámi þeirra verði að
ræða. Stjórn félagsins hefur fengið
til starfans Sigurlinu Sveinbjarnar-
dóttur, námsstjóra, sem kennt hef-
ur um nokkurt skeið á grunnskóla-
stigi í Danmörku.
Kennslan fer fram í samvinnu við
Námsflokka Reykjavíkur og verður
í húsakynnum þeirra í Miðbæjar-
skólanum. Flún hefst nú í febrúar
og verður á miðvikudögum kl.
17—18.20.
Nánari upplýsingar í síma 12992
og 14106.
Af innkaupal. 4
hafði Sigurður sonur hans kr. 79,64
á tímann, en kona Sigurðar hins
vegar kr. 66,44. Sigurður hafði því
tæplega 20% meira fyrir hverja
unna stund. Á 33 árum hafði því
bilið milli verkamannshjónanna
skroppið saman um helming.
Friðrik Guðmundsson tók saman.
Heimildir: Fréttabréf kjararannsóknar-
nefndar, Tölfrœðihandbók 1984 og
„Nokkrar athuganir á þróun kaup-
gjalds 1945—1958“ sem Guðlaugur
Þorvaldsson og fleiri tóku saman, fyrir
um 15 árum.
heyra, og má þar nefná minnispen-
inga, heiðurspeninga og orður.
Þjóðminjasafn hefur m. a. lagt hér
til merkilegt safn af heiðurspening-
um íslenskra karla og kvenna frá
tveimur næstliðnum öldum. Einna
elstur þessara peninga er heiðurs-
peningur danska bústjórnarfélags-
ins úr silfri, veittur Skúla Magn
ússyni landfógeta árið 1776.
Nú um helgina bættist Myntsafni
Seðlabanka einstæður fengur þar
sem Halldór Laxness færði því að
gjöf alla þá heiðurspeninga og
skyld gögn sem honum hafa hlotn-
ast fyrir rithöfundarstörf sín, þar á
meðal Nóbelsverðlaunapening og
heiðursskjal það er honum fylgir.
Síðastliðinn sunnudagvar efnt til
stuttrar athafnar í húsakynnum
safnsins að Einholti 4, þar sem dr.
Jóhannes Nordal seðlabankastjóri
skýrði frá tildrögum að stofnun
safnsins og hvernig samvinnu um
það yrði háttað. Halldór Laxness
las gjafabréf sitt og lýsti ánægju
sinni yfir því að þessum gögnum
hefði nú verið komið í vörslu til
frambúðar. Loks flutti mennta-
málaráðherra, Ragnhildur Helga-
dóttir, ávarp og þakkaði þá ein-
stæðu gjöf sem safninu hefði verið
færð.
Um nokkurt skeið hefur verið
unnið að því að koma myntsafninu
fyrir og búa það til sýningar. Því
verki er ekki að fullu lokið, en von-
ast er til að unnt verði að opna sýn-
ingarsal safnsins almenningi áður
en langur tími líður.
FÉLAGSSTARF
ALÞÝÐUFLOKKSINS
Spilakvöld í Firðinum
Spilin veröa tekin fram hjá Alþýðuflokknum í
Hafnarfirði næstkomandi fimmtudag, 21. febrúar
kl. 20.30 í Alþýðuhúsinu við Strandgötu. Spiluð
verður hefðbundin félagsvist.
Sigurvegarar fá vegleg verðlaun. Einnig er þetta
síðasta umferð í þriggja kvölda keppni. Fyrir
hæstaskorsamanlagt verðasvo veitt heildarverð-
laun.
Allirvelkomnir í spennandi og skemmtilegaspila-
mennsku.
Nefndin.
Alþýðuflokksfólk
— Kópavogi
Árshátíð Alþýðuflokksfélaganna í Kópavogi verð-
ur haldin laugardaginn 23. febrúar nk. í Félags-
heimili Kópavogs.
Salurinn opnaður kl. 19. og er miðaverð kr. 700
aðeins. Heiðursgestur hátíðarinnar verður Gréta
Aðalsteinsdóttir sveitarstjórnarfulltrúi i Mos-
fellssveit, en veislustjóri Árni Gunnarsson.
Dans — glaumur — gleði — til kl. 3.
Miðapantanir hjá Grétu (44071), Hrafni (43936) og
Hauði (41394).
Mætum öll — létt i lund.
Nefndin.
Skrifstofa Alþýðuflokksins
Hverfisgötu 8—10 er opin dag-
lega frá kl. 1—5. Sími 29244.