Alþýðublaðið - 23.06.1989, Page 4
4
Föstudagur 23. júní 1989
UMFÍ os skátar;
GÖNGUDAGUR
FJÖLSKYLDUNNAR
Um næstu helgi, laugardag 24.
og sunnudag 25. júní, gangast Ung-
mennafélag íslands og Bandalag is-
lenskra skáta fyrir „Göngudegi
fjölskyldunnar".
Göngudagur fjölskyldunnar hef-
ur verið árviss viðburður hjá ung-
mennafélögunum frá árinu 1979.
Frá árinu 1987 hefur tekist góð
samvinna milli UMFÍ og Bandalags
íslenskra skáta um göngudaginn og
framkvæmd hans tekist vonum
framar.
Framkvæmd göngudagsins er því
í höndum ungmennafélaga og
skátafélaga á hverjum stað. Lands-
samtökin sjá um sameiginlegan
undirbúning, kynningu ásamt við-
urkenningu fyrir þátttöku í göng-
unni. Á síðastliðnu ári tóku um
2—3000 manns þátt í Göngudegi
fjölskyldunnar. Þátttakan hefur
farið sívaxandi frá ári til árs og hef-
ur margur maðurinn hafið fastar
gönguferðir í framhaldi af Göngu-
deginum. Almennt eru gönguferðir
á bilinu tveir til sjö tímar. Slíkt verð-
ur auglýst sérstaklega á viðkom-
andi stöðum.
Kappkostað er að vanda valið á
leiðsögumönnum sem þekkja vel
staðhætti. Þannig er reynt að gera
gönguna sem forvitnilegasta þar
sem Iýst er örnefnum, helstu kenni-
leitum og merkilegum atburðum
sem tengjast svæðinu. Mörg félög
hafa tengt ýmsar uppákomur
Göngudeginum eins og grillveislur,
fjölskylduleiki og annað skemmti-
legt. Göngudagurinn er því víða um
land orðinn sannkallaður útivistar-
dagur fjölskyldunnar.
Frá Göngudeginum í fyrra i Ólafsfirði.
Ný íslensk
iönframleiðsla:
SJÁVAR-
NASL
Nú er komin á markaðinn ný ís-
lensk snakktegund, sjávarnasl svo-
kallað. Það er framleitt af fyrirtæk-
inu Fiskmar hf á Ólafsfirði í sam-
vinnu við Iðntæknistofnun, sem
jafnframt er hluthafi í fyrirtækinu.
Snakk þetta er framleitt úr fyrsta
flokks fiski, og er því óvenjuhollt af
slíku sælgæti að vera. Bragðið
minnir á hefðbundið snakk en þó er
nokkur fiskkeimur af því. Fyrst um
sinn er það ætlað einungis fyrir
heimamarkað en stefnt er að út-
flutningi í framtíðinni. Pokinn af
sjávarnasli mun kosta um 120 kr. út
úr búð.
■ '
Sumarveðrið ’89 — ekki lakari júní en í fyrra, en:
REGNHLÍFAR GÓÐ SÖLUVARA
Sólarleysið verðurþess valdandi að sala á árstíðarvörum dregst saman
eða frestast — meira að gera hjá ferðaskrifstofunum — en er nú loks
að rœtast úr veðri?
Fólk kvartar undan veðrinu
þessa dagana. Eftir firna erfiðan
vetur finnst fólki væntanlega tími
til kominn að fá blítt og hlýtt veð-
ur. Áreiðanlega munu íbúar suð-
vesturhorns landsins ekkert yfir
sig kátir með veðrið þessa dagana,
en Norðlendingar og Austfirðing-
ar hafa verið heppnari. En nú er
að verða góð breyting sagði
Magnús Jónsson veðurfræðingur
okkur í gær, norðanátt væntanleg
með sól í heiði fyrir íbúa suðvest-
urhornsins.
En júníveðrið er ekkert svo
slæmt, ekki miðað við júní í fyrra
og júní 1986, segir Trausti Jóns-
son, veðurfræðingur. Hann sagði
að hitastig hefði verið allgott hér
syðra og úrkoman ekki óvenju-
lega mikil.
„Regnhlífar seldust vel fyrir 17.
júní", sagði Guðríður kaupmaður
Sigurðardóttir í Regnhlífabúð-
inni. Það var greinilegt að höfuð-
borgarbúar voru að undirbúa sig
fyrir enn einn þjóðhátíðardag í
úrhelli. Regnhlifar eru reyndar
minna notaðar hér á landi en víða
erlendis, enda þola þær illa rok
eins og hér tíðkast ásamt hinu
fræga lárétta regni okkar.
Kaupmenn láta margir hverjir
illa af sölu á sumarvörunni fram
til þessa. í vikunni hófst sumarút-
sala á garðhúsgögnum í Hag-
kaupi, boðinn var 50% afsláttur
og varan tók heldur betur kipp að
sögn Þorsteins Pálssonar, sölu-
stjóra Hagkaups. Einar Bridde,
innkaupastjóri í Miklagarði sagði
að salan á sumarfatnaði, svala-
húsgögnum og öðrum varningi
tengdum árstíðinni, hefði farið
hægt af stað, en væri nú greinilega
að lifna.
I leiðindaveðrinu hugsa menn
til annarra landa, þar sem sólin
skín óaflátanlega daginn langan.
Karl Sigurhjartarson í Ferðaskrif-
stofunni Polaris sagði að markað-
urinn hefði tekið fjörkipp að
undanförnu. Erfitt væri að segja
til um hvaða áhrif veðrið hefði í
því sambandi, en örugglega ætti
það sinn þátt.
I tilefni 10 ára heimastjórnar á Grænlandi:
Fjaoraskúfar og fiskiklær
í tilefni af 10 ára afmæli heimastjórnar á Grænlandi nú í
júní veröur opnuö i Þjóðminjasafni íslands i dag kl. 17:15 far-
andsýningin „Fjaðraskúfar og fiskiklær“. Sýningin er komin
hingað á vegum Norrænu stofnunarinnar í Nuuk á Grænlandi
í samvinnu við Þjóðminjasafnið, Norrænahúsið og Græn-
landssjóðinn.
Þessi sýning, sem á eftir að fara
um öll Norðurlöndin, fjallar um
menningu inúíta og indíána og er
sett upp hér í tengslum við nám-
skeið í „shamanisma" á vegum
Norrænu leiklistarnefndarinnar
(NTK), og munu fjölmargir merkir
gestir koma til landsins í tilefni
þess. Meðal þeirra má nefna
indíánasöngkonuna Buffy Sainte-
Marie, sem mun syngja við opnun-
ina í Þjóðminjasafninu.
Áður en sýningin opnar á föstu-
daginn verður kvikmyndin
Koyaanisqatsi eftir Godfrey Reggio
sýnd í Háskólabíói kl. 15:30. Þetta
er heimildamynd um Hopi-indíán-
ana og þeirra heimssýn, en þeir álita
að með hinu háþróaða tæknisam-
félagi sé heimurinn að fara úr bönd-
unum.
Kvikmyndasýningin er opin al-
menningi og er aðgangur ókeypis.
Myndin verður aðeins sýnd einu
sinni hér á landi og eru kvikmynda-
áhugamenn því hvattir til að nota
þetta einstæða tækifæri.
Sýningin í Þjóðminjasafninu
verður opin út ágúst og aðgangur er
ókeypis.
Heiðurskonur á Selfossi
Kvennalistakonur á Selfossi
héldu upp á kvenréttindadaginn
með því að heiðra tvær konur, Guð-
rúnu Eiríksdóttur Ijósmóður og
Stefaníu Gissurardóttur fv. pró-
fastsfrú.
Guðrún var ljósmóðir í héraðinu
í hálfa öld og tók á móti um 1.200
börnum, meðal annars tók hún á
móti elsta barni Stefaníu.
Myndin var tekin af þeim Guð-
rúnu og Stefaníu í hófi sem var
haldið á Hótel Selfossi til heiðurs
konunum tveimur og með þeim á
myndinni er dóttir Stefaníu.
Knattspyrna
#
i
Þjóð-
leikhúsinu
Knattspyrnan er ekki bara það sem maður sér á leikvellin-
um. Hvað er að gerast í hugarheimi fótboltamanna, fyrir leik,
inni á vellinum — og eftir leikinn?
Nú gerist það á laugardags- og
sunnudagskvöld að knattspyrnulið
treður upp í Þjóðleikhúsinu í fyrsta
sinn. Færeyskir íþróttamenn og
leikarar hafa tekið höndum saman
um uppfærslu FRAMÁ, en það
leikrit kafar djúpt í sálarlíf knatt-
spyrnumannanna. Leikritið er upp-
haflega sænskt, en var þýtt yfir á
færeysku úr dönsku.