Alþýðublaðið - 25.06.1991, Blaðsíða 1

Afkoma Vátryggingafélags Islands
Tapið f óp upp í 160 milljónir
Það virðist ekki hafa ver-
ið gæfuleg útkoma af bif-
reiðatryggingum Vátrygg-
ingafélags Islands á síðasta
ári. Þá var tjón af ku-
manns- og eigendatrygg-
ingum 207,5% af iðgjöldum
ársins. Rekstrarhalli félags-
ins í heild var 160 milljónir
í fyrra á móti 50 milljón
króna hagnaði árið áður.
Þessar upplýsingar er að
finna í grein sem forstjóramir
Axel Gíslason og Ingi R.
Helgason skrifa í fréttabréf
Vátryggingafélagsins. Svo
sem menn muna varð það fé-
lag til við sameiningu Sam-
vinnutrygginga og Bmna-
bótafélagsins sem átti að
verða til mikilla hagsbóta fyr-
ir félögin og þá væntanlega
viðskiptavinina líka. Sú sam-
eining varð í byrjun febrúar
1989 svo árið í fyrra var
fyrsta heila starfsár hins nýja
félags. I grein forstjóranna
kemur fram, að í fyrra var
samtala rekstrarkostnaðar og
greiddra umboðslauna 23,4%
af iðgjöldum ársins en árið
1988 nam sambærilegur
kostnaður stofnfélaganna
27.7% af iðgjöldum. For-
stjóramir segja að þessi ár-
angur sé ..ánægjulegur" en
viðurkenna þó að nauðsyn-
legt sé að gera enn betur og
draga frekar úr kostnaði.
I slysatryggingum öku-
manns og eigenda reyndust
tjón 302 milljónum hærri en
iðgjöld áður en nokkuð tillit
var tekið til rekstrarkostnað-
ar.
Afkoma í húseigenda-
tryggingum var einnig sögð
mjög slæm. Afkoma í sjó- og
farmtryggingum var góð í
fyrra og sömuleiðis em stjór-
amir ánægðir með ágóða af
kaskótryggingum bíla.
Alls námu iðgjöld ársins
tæpum 3,5 milljöðrum króna
og tjón tæpum þremur millj-
örðum.
Hlutur endurtryggjenda í
heildariðgjöldum nam 738
milljónum. Eigin iðgjöld
námu því 2,7 milljörðum og
eigin tjón tæpum 2,6 millj-
örðum. í launagreiðslur og til
launatengdra gjalda fóm lið-
lega 420 milljónir, liðlega
100 milljónir í umboðslaun
og 280 milljónir í annan
rekstrarkostnað. Bókfært eig-
ið fé var 375 milljónir í árs-
lok og forstjórarnir segja Vá-
tryggingafélag íslands standa
traustum fótum.
Willy Brandt
í heimsókn
Fyrrum formaður þýska
jafnaðarmannaflokksins,
borgarstjóri Vestur-Berlín-
ar og kanslari V-Þýskalands,
Willy Brandt, kemur í heim-
sókn hingað til lands í vik-
unni ásamt eiginkonu sinni.
Willy Brandt kemur hingað
íboði Germaníu og mun flytja
fyrirlestur á vegum félagsins
pg Alþjóðastofnunar Háskóla
íslands um Evrópumálefni.
Fyrirlesturinn verður fluttur
í Háskólabíói föstudaginn 28.
júní og hefst klukkan 17.00.
Þar mun Brandt meðal ann-
ars fjalla um sameiningu
Þýskalands, breytingamar í
Evrópu frá 1989 og framtfð
Evrópu í hinu alþjóðlega sam-
félagi.
Meðan Brandthjónin dvelja
hérlendis, daga 27.-30. júní,
munu þau sitja boð forseta ís-
lands, forsætisráðherra og ut-
anríkisráðherra.
Einnig mun Germanfa halda
boð til heiðurs Brandt í Viðey.
Formaður Germaníu er Þor-
varður Alfonsson.
VERKALÝÐSFÉLAGIÐ
BALDUR 75 ÁRA
Verkalýðsfélagið Baldur á
Isafirði hélt nýverið upp á 75
ára afmæli sitt. Baldur er
fjölmennasta verkalýðsfél-
agið á Vestfjörðum, félags-
menn eru í dag um 560,
meirihlutinn eru konur í
fiskvinnslustörfum.
Á síðasta ári var félagsstarf-
ið í Baldri með öflugasta móti.
Fyrir utan fiskvinnslunám-
skeið sem eru orðin fastur lið-
ur í starfi félagsins voru haldin
kjamanámskeið fyrir starfs-
fólk á sjúkrahúsum og stofn-
unum aldraðra.
Auk þess vom haldin trún-
aðarmannanámskeið, hús-
bréfanámskeið. námskeið um
félagsstörf og fleira.
í kjaramálaályktun sem
gerð var á aðalfundi félagsins
sem haldin var fyrir skömmu
segir m.a.: Fundurinn varar
við þeim tilburðum sem nú ný-
lega hafa komið fram. í vaxta-
hækkun og hækkun opinberrar
þjónustu, sem valdið geta
verðhækkunarskriðu og eyði-
lagt þann mikilsverða árangur
sem þó hefur náðst í efnahags-
málum. Ef stjómvöld taka
ekki strax í taumana með betra
fordæmi en sýnt hefur verið
undanfamar vikur hafa þau
slitið friðinn og hrifsað til sín
og fjármagnseiganda hagnað
þann sem átti að vera til skipta
við kjarasamninga í haust.
Kjarasamningamir i' haust
þurfa að byggjast á efnahags-
umhverfi sem framlengir þann
stöðugleika sem ríkt hefur og
sem skilar verkafólki auknum
kaupmætti með launajöfnun í
þjóðfélaginu og skattleysi á
framfærslulaun.
Núverandi formaður Bald-
urs er Pétur Sigurðsson sem
jafnframt er formaður Alþýðu-
sambands Vestfjarða.
Bilun í björgunarþvrlu Landhelgisgœslunnar
Beðið dögum saman
eftir varahlut
„Það munaði því að vara-
hluturinn var ekki til hjá
umboðinu í Englandi og
þurfti því að fá hann frá
Frakklandi sem tekur mun
lengri tíma. En nú er stykkið
komið og þyrlan fer í loftið í
dag,“ sagði Sigurður Steinar
Ketilsson stýrimaður í
stjórnstöð Landhelgisgæsl-
unnar í samtali við Alþýðu-
blaðið í gær.
Stóra þyrla Gæslunnar hefur
verið biluð frá því fyrir helgi.
Af þeim sökum var ekki
hægt að grípa til hennar þegar
hjón slösuðust snemma á laug-
ardagsmorgun er þau óku vél-
sleða ofan í djúpa spningu á
Snæfellsjökli.
Þyrla frá Vamarliðinu var
send til hjálpar en lenti harka-
lega á jöklinum og skemmdist.
Önnur bandarísk þyrla var þá
send eftir hinum slösuðu. Þá
var leitað til Landhelgisgæsl-
unnar á sunnudaginn þegar
maður hrapaði í Krísuvíkur-
bjargi og slasaðist. Það tókst
að koma honum upp á bjarg-
brúnina og þaðan var hann
fluttur til Reykjavíkur með
litlu þyrlu Gæslunnar sem tek-
ur eina sjúkrakörfu. Ýmsum
hefur þótt einkennilegt að
stóra þyrlan skuli veraónothæf
í fjóra eða fimm sólarhringa
vegna þess eins að einn vara-
hlut vantaði.
Sigurður Steinar sagði að
það hefði verið ljóst á föstu-
dagsmorgun að skipta þurfti
um stykki í hreyfilbúnaði stóru
þyrlunnar. Það hefði ekki verið
til á varahlutalager Landhelg-
isgæslunnar og svo óheppilega
hefði viljað til að það hefði
ekki heldur verið til hjá um-
boðinu í Englandi. Ef sú hefði
verið raunin hefði varahlutur-
inn komið samdægurs til
landsins.
Enska umboðið cr mcð að-
setur skammt frá Heathrow-
flugvelli og menn þar alltaf
skotfijótir að koma yarahlutum
á næstu fiugvél til Islands. En
nú hefði þurft að leita til
Frakklands, helgi að ganga í
garð og ekki þýddi að fá
Frakka til að breyta helgar-
venjum sínum. Varahluturinn
var loks kominn í hendur fiug-
virkja Gæslunnar í gær og þá
hafist handa um að ganga frá
viðgerðinni.
Að sögn Sigurðar Steinars
er jafnan til hér nokkur lager af
varahlutum í þyrluna. En það
kostaði sitt að liggja með stór-
an lager. Hins vegar hefði
tækifærið verið notað meðan
þyrlan var úr leik að skipta um
gfrbox sem hefði átt að gcra
innan skamms.
Sigurður sagði þetta sýna
enn einu sinni nauðsyn þess að
nnur fullkomin björgunarþyrla
yrði keypt til landsins.
Björgunarþyrlan fer í loftið eftir hádegi í gær að aflokinni viðgerð. A-mynd E.Ól.
RITSTJÓRN © 625566 - 625538 • FAX 627019 • ÁSKRIFT OG AUGLÝSINGAR 0 625566