Alþýðublaðið - 20.10.1994, Blaðsíða 8
.s*
MÞYBUBMÐIÐ
Fimmtudagur 20. október 1994 159.tölublað - 75. árgangur Verð í lausasölu kr. 140 m/vsk
„Samkeppni“ um
útsendingar úr þing-
sölum:
RÚV sýnir
beint frá
Alþingi
„Það er rétt, málið hefur
verið mikið rætt innan forsæt-
isnefndar Alþingis“, sagði
Gunniaugur Stcfánsson, al-
þingismaður í samtali við Al-
þýðublaðið í gær. Þingmaður-
inn sagði að Ijóst væri nú að
ríkissjónvarpið mun á næstu
dögum taka upp beinar út-
sendingar frá fundum Alþing-
is.
Þarmeð er komin upp „sam-
keppni“ um sjónvarpssending-
ar frá Alþingi, því Sýn, sjón-
varpsrás Stöðvar 2, mun halda
áfram útsendingum eins og
verið hefur. Altalað er að þær
sendingar séu nánast eingöngu
í því skyni að halda rásinni,
sem ella kynni að falla keppi-
nautum í skaut.
Gunnlaugur sagði að það
væri mikil bót að fá Ríkisút-
varpið til að senda frá þing-
fundum, því þar með næðu
landsmcnn allir útscndingun-
um, en sendingar Sýnar hafa
aðeins náð til höfuðborgar-
svæðisins og næsta nágrennis.
Sýn sendir í dag beint frá
þinginu til klukkan 17, en þá
er slökkt á sendingunni og
dagskrá Stöðvar 2 birtist á
Sýnar- skjánum. RUV mun
hins vegar senda út til klukkan
16:45 þegar dagskrá stöðvar-
innar hefst.
Sagði Gunnlaugur að samn-
ingur við Ríkisútvarpið væri í
burðarliðnum. Sendingarnar
eru Alþingi að kostnaðarlausu.
Vilhjálmur Egilsson og Hjálmar Jónsson sóknarprestur keppa um fyrsta
sætið á D-lista í Norðurlandskjördæmi vestra. Sæmundur Guðvinsson kann-
aði framboðsmálin
Ræður afstaðan
til ESB úrslitum?
Hjálmar segist hafa allt aðra skoðun en Vilhjálmur á umsókn um aðild að Evrópusambandinu
Það verður tvísýn barátta um
fyrsta sætið á lista Sjálfstæðisflokks-
ins í Norðurlandskjördæmi vestra
við komandi kosningar. Þeir Vil-
hjálmur Egilsson og Hjálmar
Jónsson keppa um sætið en allar lík-
ur eru á kjördæmisþing flokksins
ákveði að viðhafa prófkjör um val á
listann. Ólík afstaða tvímenninganna
til aðildar að Evrópusambandinu
kann að ráða úrslitum um hvor þeirra
hefur betur.
Kjömefnd Sjálfstæðisflokksins á
Norðurlandi vestra hefur lagt til að
prófkjör verði viðhaft við val á list-
ann en fyrir síðustu kosningar var
stillt upp og Pálmi Jónsson í efsta
sæti að venju. Eftir að Pálmi ákvað
að draga sig í hlé að loknu þessu
þingi hefur prófkjör nánast legið í
loftinu. Vigfús Vigfússon formaður
kjördæmisráðs sagði í samtali við
blaðið að kjördæmisþing færi fram
dagana 29. og 30. október á Blöndu-
ósi. Þar yrði tillaga um prófkjör bor-
in upp og væri líklegt að hún yrði
samþykkt.
Ágreiningur um ESB
Eins og kunnugt er þá er Viljálm-
ur Egilsson hlynntur því að Islend-
ingar leiti eftir aðild að Evrópusam-
bandinu. Hjálmar Jónsson var í gær
spurður hvort hann ætti samleið með
Vilhjálmi í þeim efnum:
„Nei, við erum ekki líkir í þeim
efnum. Meðan ekki verður breyting
á fiskveiðistefnu ESB og yfirráðum
þess yfir fiskimiðunum tel ég það
frágangssök að tala um aðild,“ svar-
aði Hjálmar.
Þegar Vilhjálmur var spurður um
ágreining þeirra um þetta atriði vildi
hann lítið við það kannast. „Eg hef
ekki heyrt Hjálmar tjá sig um þetta
mál,“ sagði Vilhjálmur.
Af viðtölum við fólk í kjördæm-
inu að dæma kann þessi ágreiningur
þeirra unt afstöðuna til Evrópusam-
bandsins að ráða úrslitum í keppn-
inni um efsta sætið. Kjósendur upp
til sveita eru sagðir tortryggnir í garð
Evrópusambandsins og á útgerðar-
stöðum greini menn mjög á um mál-
ið.
Tvísýn barátta
Vilhjálmur var spurður hvort það
veikti ekkert stöðu hans að vera bú-
settur og starfandi í Reykjavík. „Nei,
alls ekki. Eg er orginal Skagfirðingur
og Króksari," svaraði Vilhjálmur af
bragði.
Hjálmar sagðist vera í ágætu starfi
sem sóknarprestur á Sauðárkróki.
Hins vegar hefði hann fengið mikla
og víðtæka hvatningu um að bjóða
sig fram í efsta sætið. Sú hvatning
næði langt úr fyrir Sauðárkrók. Vil-
hjálmur taldi sig eiga fylgi að fagna
jafnt í þéttbýli sem dreifbýli. Heim-
ildarmenn blaðsins í kjördæminu
sögðu margir að Hjálmar ætti mun
meira fylgi í dreifbýlinu en Vil-
hjálmur, sérstaklega í Húnavatns-
sýslum, auk þess að eiga fylgi að
fagna á Króknum. Fylgi Vilhjálms-
son væri sterkara á þéttbýlisstöðun-
um og þá ekki síst meðal atvinnurek-
enda og ýmissa framámanna bæjar-
félaga. Vilhjálmur hefði sýnt dugnað
og samviskusemi sem þingmaður og
auk þess væri hann þekktur úr tjöl-
miðlum.
Hjálmar Jónsson er ekki síður vin-
sæll og vellátinn þótt hann hafi ekki
reynslu á við Vilhjálm í stjómmál-
um. Reyndar taldi Framsóknarflokk-
urinn hann sinn mann og það kom
framsókn í opna skjöldu þegar
Hjálmar dúkkaði upp í 3. sæti á lista
Sjálfstæðisflokksins við síðustu
kosningar.
Samkvæmt viðtölum við sjálf-
stæðismenn í kjördæminu þykir ljóst
ui
T3
C
>
E
<
Vilhjálmur Egilsson:
Verður hann látinn gjalda ein-
dreginnar afstöðu í ESB-málinu.
að mjótt verði á munum við kosning-
ar í fyrsta sætið. Það kunni að ráða
úrslitum á hvora hliðina fylgismenn
Pálma í Húnaþingi munu hallast í
prófkjörinu.
Jóhannes ekki fram
Margir höfðu áhuga á því að fá
Húnvetninginn Jóhannes Torfason
bónda á Torfalæk og hluthafa í Stöð
2 til að bjóða sig fram fyrir Sjálf-
stæðisflokkinn í Norðurlandi vestra.
Ekki tókst að ná tali af Jóhannesi í
gær, en heimildarmenn blaðsins
sögðu Jóhannes hafa aftekið að fara
fram. Hins vegar hefur annar Hún-
vetningur, Agúst Sigurðsson bóndi
á Geitaskarði, tilkynnt að hann muni
gefa kost á sér til framboðs. Ekki
sækist hann þó eftir fyrsta sæti list-
ans en er sagður hafa hug á 2. til 3.
sæti.
Fyrir síðustu kosningar skipaði
Runólfur Birgisson á Siglufirði 4.
sætið. í samtali við blaðið sagðist
Runólfur ekki vera búinn að ákveða
hvort hann gæfi kost á sér núna.
Hann ætlaði að heyra hljóðið í
mönnum á kjördæmisþinginu áður
en hann tæki ákvörðun. Þá mun
Björn Jónasson sparisjóðsstjóri á
Siglufirði vera að íhuga framboð.
Þrátt fyrir nokkra eftirgrennaslan
tókst ekki að hafa upp á neinni konu
sem talin væri líkleg til að láta að sér
kveða við val í efstu sæti listans.
Menn sögðu hins vegar að nógur
væri tíminn og þessi mál ættu öll eft-
ir að skýrast. Það eina sem væri pott-
þétt væri slagur Hjálmars og Vil-
hjálms um fyrsta sætið.
Framboð - eöa ekki framboð
Rætt við fólk sem hefur verið orðað við framboð með Jóhönnu Sigurðardóttur.
ÖgmundurJónasson,
formaður BSRB
Stend fyrir utan þetta
„Ég stend utan við þetta allt
saman enda lengi verið óflokks-
bundinn maður“, sagði Ögmund-
ur Jónasson, formaður BSRB, í
gær. „Við Jóhanna hittumst í sum-
ar og þar lýsti ég áhuga minum á
að félagslega sinnað fólk þjappaði
sér saman og leitaði leiða til sam-
starfs. Það er engin launung að
minn hugur stendur í félags-
hyggjuátt og mér hefur oft fundist
mikið til um viðhorf Jóhönnu til
jafnaðarmennsku. En ég er ekki
inni í myndinni“, sagði Ogmund-
ur.
Sigurður Pétursson,
sagnfræðingur
Ekkert ákvedid enn
„Ég hef verið spurður um það
hvort ég hyggi á framboð fyrir nýjan
jafnaðarmannafiokk. Ég hef ekkert
ákveðið í þessu efni, en mundi trú-
lega ekki segja nei, ef eftir mér yrði
óskað“, sagði Sigurður Pétursson,
sagnfræðingur, en hann er einn úr
innsta hring í stuðningsmannahópi
Jóhönnu Sigurðardóttur. „Stofnun
nýs stjórnmálaafls þýðir miklar
breytingar á vinstri væng stjómmál-
anna, jafnvel þótt ítrustu óskir um
breiða samfylkingu náist ef til vill
ekki að þessu sinni. Hún næst hins-
vegar áður en langt um líður“, sagði
Sigurður.
Árni Gunnarsson,
fyrrum þingmaður
Ekki beinlínis heillandi vid-
fangsefni
„Eg hef heyrt þess getið að ég sé
að fara í framboð með Jóhönnu.
Sannleikurinn er sá að ég hef eng-
ar ráðagerðir um að fara út í
stjórnmál að nýju. Enda eru
stjórnmál ekki beinlínis heillandi
viðfangsefni um þessar mundir.
Hins vegar svíður mér sárt að sjá
flokkinn minn fara svona, en í Al-
þýðuflokknum hef ég starfað í 40
ár“, sagði Arni Gunnarsson í gær.
Njáll Harðarson,
blikksmíðameistari
Tilbúinn ef á mig verdur
kallad
Njáll Harðarson, sá hinn sami og
bar fram tillöguna um úrsögn Jafn-
aðarmannafélags íslands úr Alþýðu-
fiokknum síðsumars, sagði að af
undirbúningi flokksstofnunar væri
allt gott að frétta. „Ef ýtt verður á
mig að fara á framboðslista, mun ég
að sjálfsögðu ekki undan skorast.
Það er þörf fyrir þennan flokk, það
kraumar óánægjan í þjóðfélaginu
vegna lélegs siðferðis. Fólkið á botn-
inum horfir á ótrúlegar aðfarir í kerf-
inu og getur ekkert að hafst. Gegn
þessu munum við berjast, og ég fyrir
mitt leyti er tilbúinn að gera allt hvað
ég get til gagns“.
Ágúst Einarsson,
prófessor
Kjaftasögur - ekki annad
,„Fú, ég hef heyrt því fleygt að ég
muni fara í framboð með flokki
Jóhönnu. Þetta er nú bara kjafta-
saga sem á ekki við neitt að styðj-
ast“, sagði Ágúst Einarsson, pró-
fessor í samtali við Alþýðublaðið.
Trúlega hafa menn talið Ágúst lík-
legan eftir að hánn studdi Jó-
hönnu í formannsslagnum á
flokksþing Aiþýðuflokksins í
Keflavík síðastliðið sumar.
Lára V. Júlíusdóttir,
lögfræðingur
Gef pólitíkinni frí
„Framboð af minni hálfu hefur
aldrei verið í myndinni. Nú er ég bú-
in að gefa pólitíkinni fn“, sagði Lára
Júlíusdóttir, fyrrverandi lögfræðing-
ur ASÍ, en hún gerðist nýlega með-
eigandi í lögfræðistofunni Löggarð-
ur í Kringlunni. Hún sagði erfitt
tveim herrum að þjóna eða starfa á
tveim vígstöðvum. Lára sagðist hafa
unnið að undirbúningi að stofnun
nýs flokks á vegum Jóhönnu Sigurð-
ardóttur. Lára gekk til liðs við Al-
þýðuflokkinn vegna kynna við Jó-
hönnu. „Ég hef óbifandi trú á Jó-
hönnu enda hefur hún sýnt og sann-
að að hún er alvöru stjómmálamað-
ur, einn af fáum. Hins vegar hefði ég
viljað sjá þetta gerast í einum
flokki", sagði Lára.