Alþýðublaðið - 22.12.1994, Blaðsíða 1
íslenskt veitingahús í Moskvu?
Jón Baldvin Hannibalsson utanríkisráðherra og Kozyrev ræddu ýmiskonar samstarf
landanna á sviði viðskipta og framkvæmda á fundi í Moskvu. Viðræður um sjávarút-
vegsmál verða í Murmansk í janúar.
„Islensk og rússnesk fyrirtæki
hafa haft samstarf um markaðskönn-
un varðandi rekstur vöru- og kæli-
geymslu í útjaðri Moskvu sem gæti
orðið nokkurs konar birgðastöð.
Einnig hafa Rússar lýst yfir áhuga
sínum á samstarfi við okkur um opn-
un veitingastaðar í Moskvu sem byði
upp á hágæðafiskrétti,“ sagði Jón
Baldvin Hannibalsson utanríkisráð-
herra í samtali við blaðið. Hann er
nýkomin til landsins frá Moskvu þar
sem hann átti viðræðufundi með
Kozyrev utanríkisráðherra.
Jón Baldvin sagði varðandi næstu
skref í þessum málum að það væri
spurning um hvort íslensk fyrirtæki
treystu sér til að taka áhættu með því
að efna til samstarfs um þessi verk-
efni eins og kringumstæður væru
núna í Rússlandi. Hins vegar væru
viðskiptatækifæri mikil því margir
Rússar væru komnir með mikla
kaupgetu án þess að geta nýtt hana.
En það væri hætt við því að þeir sem
ekki vildu taka áhættu núna í við-
skiptum kæmust ekki að þegar allt
væri þama orðið áhættulaust.
„A fundi mínum með Kozyrev var
það markverðast að undirrituð var
sameiginleg yfirlýsing um grund-
vallarreglur í samskiptum landanna
og hins vegar að samkomulag tókst
um að efna til tvíhliða viðræðna milli
Islendinga og Rússa um sjávarút-
vegsmál. Akveðið var að sá fundur
fari fram í Murmansk fyrir miðjan
janúar,'1 sagði Jón Baldvin Hanni-
balsson.
„Eg boðaði það að sendiráð okkar
í Moskvu myndi fylgja þessum við-
ræðum okkar eftir með því að af-
henda utamikisráðuneytinu í
Moskvu minnisblað um þau efnisat-
riði sem ég hefði lagt til að yrðu um-
ræðuefni sérfræðingahópsins sem
kemur saman í Murmansk fyrir
miðjan janúar. Síðan var jafnframt
sagt að við myndum halda opnurn
þeim möguleika að efna til fram-
haldsviðræðna og þá með þátttöku
Norðmanna síðar.
Þetta er í fyrsta skipti sem tækifæri
hefur gefist til að fara yfir meginat-
riði Smugumálsins. Af minni hálfu
var því lýst yfir að íslendingar vildu
ná sem bestu samstarfi við Rússa
varðandi alla þætti sjávarútvegs,
veiðar, vinnslu og markaðssetningu
sjávarafurða. Við værum reiðubúnir
til samninga sem heildarlausnar sem
tæki á mörgum þáttum," sagði utan-
ríkisráðherra.
Jón Baldvin sagði að auk þess hafi
verið rætt all ítarlega um samstarf
landanna varðandi möguleika á sviði
viðskipta og framkvæmda. Einnig
hefði verið rætt um samskipti innan
Barentshafsráðsins og þá sérstaklega
til að hvetja Islendinga varðandi
samstarfið í Norðvestur-Rússlandi,
það er að segja á Murmansk- og Ark-
angelsksvæðinu. Seinni hluti fundar-
ins hafi hins vegar farið í alþjóðamál
þar sem megináherslan var samstarf
Rússa við Atlantshafsbandalagið og
þá sérstaklega afstaða Rússa til yfir-
jýstra áforma um stækkun Atlants-
hafsbandalagsins í austurátt. Utan-
ríkisráðherra sagði Kozyrev hafa
gagnrýnt þá stefnu í ítarlegu máli og
talið mikið skorta á skýra hugsun um •
markmið og leiðir varðandi þá
stefnumótun af hálfu Nató.
Það má ekki
vanmeta reynslu
- segir Elín G. Ólafsdóttir um framboðs-
mál Kvennalistans.
„Það má ekki vanmeta reynslu og
það má ekki setja samasem merki
milli ferskleika og þeirra sem eru að
feta fyrstu skrefin. Mér finnst skipta
mestu að það sé nokkurs konar jafn-
ræði í þessum hópum sem eru full-
trúar á Alþingi," sagði Elín G. Olafs-
dóttir Kvennalistakona þegar hún
var innt álits á umræðum um að fá
fyrri þingmenn Kvennalistans í
framboð aftur.
Elín sagði að það væri heilmikil
ábyrgð að setjast á þing og útheimti
bæði þroska, reynslu og þor. Því
skipti máli hvemig liðssveitin væri
samansett að þessu leyti.
„Með tilliti til þessa finnst mér það
ekki fráleitt að konur sem hafi öðlast
einhverja reynslu af þingstörfum og
hverfa frá komi síðan aftur. Sljkt
gæti jafnvel verið mjög æskilegt. Eg
er ekki að tala hér um persónur held-
ur hugmyndafræðina,“ sagði Elín.
Hún kvaðst ekki hafa heyrt raddir
um að fá fyrrverandi þingkonur í
framboð í öðrum kjördæmum en í
Reykjanesi.
Elín sagði engar nýjar fréttir vera
af framboðsmálum Kvennalistans í
Reykjavík.
rr
Gamall og góður Stalínisti"
„Ég hef þá kenningu að á
þriðja glasi geti sannir Alþýðu-
bandalagsmenn ekki stillt sig um
að fara að tala um Stalín. Og í
veislu um daginn varð ég enn
vitni að því að Alþýðubandalags-
menn fóru að gleðjast yfir þess-
um mikla leiðtoga. Það var mikið
sungið og þegar var tilkynnt að
einn forsöngvarinn væri „gamall
og góður stalínisti“ greip um sig
almenn kátína. Þetta var einmitt
á þriðja glasinu. Menn hlógu dátt
og margir settu upp þennan
„hann var nú góður þrátt fyrir
allt karlinn“-svip sem ég hef svo
oft séð í andlitum Alþýðubanda-
Iagsfólks,“ skrifar Egill Helgason
meðal annars í pistli sínum í dag.
★ Sjá Silfur Egils á blaðsíðu 2.
Jólasveinn sem segir ekki nei Þessi jólasveinn er al-
gert dauðyfli, en það sakar ekki að biðja hann um eitthvað gott í skóinn.
Hann segir alveg örugglega ekki nei. ★ Sjá „Útsendarar Alþýðublaðsins i
jólaskapi" á blaðsíðu 7. A-mynd: E.ÓI.
Fáviti í Þjódleikhúsinu
Þjóðleikhúsið frumsýnir á öðrum í
jólum leikrit byggt á hinu heims-
þekkta ritverki Dostojevskís, Fúvit-
anum. Myshkin fursti, sem Hilmir
Snær Guðnason leikur, er takmarka-
laust græskulaus og góðhjartaður.
Því er hann kallaður Fávitinn. henn
hefur einnig þann kross að bera að
vera flogaveikur. Alls staðar í kring-
um hann er illska og fláræði, undir-
Nýiasta apótekið
^ 0’r»mi iim r\nni moi+iIÍAr\A‘
Nýjasta apótek landsmanna hefur opnað í Torginu,
verslunar- og þjónustumiðstöðinni í Grafarvogi.
í tilefni opnunar eru mörg frábær
opnunartilboð í snyrtivörudeildinni.
Verið velkomin.
Dæmi um opnunartilboð:
Nýi Sun Moon Stars dömuilmurinn, 30 ml. kr. 2.200-
Escada rakspíri og svitastifti í setti, kr. 3.000-
Unglingailmurinn Red- og Blue Jeans, 75 ml. kr. 2.290-
Max Factor snyrtivörur með 20% afslætti.
Nýi Tocade dömuilmurirtn fiá Rochas með 15% afslætti.
Hydra Star, dag- og næturkrem ftá Dior í öskju, kr. 2.990-
SchoII fótaefrtin í gjafaöskjum með 25% afslætti.
Neutrogena ofriæmisprófaðar húðvörur með 25% afslætti.
Ódýrir varalitir á kr. 275- og margt fleira.
GRAFARVOGS APOTEK
Torginu, verslunar- og þjónustumiðstöðinni Hverafold 1-5, Grafarvogi, 112 Reykjavík, sími 587-1200
Opið virka daga frá kl. 9-19, laugardaga 10-14 en lokað á sunnudögum nema annað sé tilkynnt.
ferli og græðgi. Myshkin hrindir af
stað atburðarás sem laðar fram kosti
þeirra sem á vegi hans verða, en ger-
ir illt ástand jafnvel verra. Þetta er
saga um kærleikann og kristna trú,
þjáninguna, mannúð og mann-
vonsku. Auðmýktinni er teflt fram
gegn klækjum. I verki sínu fávitan-
um, íjallar Dostojevsky um þessar
miklu andstæður af einstæðum
skilningi og innsæi snill-
ingsins, en þetta er í fyrsta
sinn sem leikverk byggt á
sögu hans er sýnt á landi.
Leikstjórinn, Kaisa
Korhonen, er með þekkt-
ustu leikstjórum Norður-
landa Hún hefur áður sett
upp verk hér á landi, en
það var með Nemenda-
leikhúsinu fyrir fáum ár-
um. Aðstoðarleikstjóri er
Kári Halldór. Þau hafa sér
til fulltingis frábæra leik-
húsmenn frá heimalandi
Kaisu, Finnlandi.
Önnur hlutverk en
furstans hrekklausa eru á
hendi Baltasar Kormáks,
Tinnu Gunnlaugsdóttur,
Helgu Bachmanns, Stein-
unnar Ólínu Þorsteins-
dóttur, Halldóm Bjöms-
dóttur, Eddu Arnljótsdótt-
ur, og Gunnars Eyjólfs-
sonar. Fleiri þekktir leik-
arar fara með smærri hlut-
verk. Þómnn Sigríður
Þorgrímsdóttir hannar
búninga, Jóhann G. Jó-
hannsson, tónlistarstjóri
Þjóðleikhússins hefur að
sjálfsögðu umsjón með
tónlistinni en hljóðstjóm-
in er í höndum ekki
óffægari Stuðmanns en
Sigurðar Bjólu.
Leikgerð þessi er eftir
Bretann Simon Grey,
þýdd á íslensku af Ingi-
björgu Haraldsdóttur, en
hún er endurskoðuð af
leikstjóranum Kaisu og
landa hennar Seppo
Parkkinen.