Alþýðublaðið - 27.06.1995, Blaðsíða 8
Þriðjudagur 27. júní 1995
MDUBLeiB
94. tölublað - 76. árgangur
Verð í lausasölu kr. 150 m/vsk
■ Ferðahandbók um
Reykjavík - 6 göngu-
leiðir um Þingholt og
sunnanvert Skóla-
vörðuholt
Guðjón
Friðriksson
gæðir göt-
ur borgar-
innar lífi
„Vinstra megin [Óðinsjgötu eru tvö
sérkennileg samföst hús, bæði nr. 22.
Þetta eru hálfgerðar skúrbyggingar
með flötu þaki en mjóum bogadregn-
um gluggum sem minna helst á hallar-
glugga. Fyrir ffaman annað þeirra er
myndarlegur tijágarður og þar koma
ísaldarklappir í Ijós, þær einu sem
sjást enn í holtinu. Þetta minnir okkur
á að héma voru einu sinni gijótnámur.
Allt grjótið í Alþingishúsinu var
höggvið á þessum stað upp úr 1880.“
Þessi tilvitnun er sótt í nýútkomna bók
Guðjóns Friðrikssonar, rithöfundar
og sagnfræðings, Indœla Reykjavtk, 6
gönguleiðir um Þingholt og sunnan-
vert Skólavörðuholt.
Eins og titillinn ber með sér, þá er
bókin leiðsögubók um tiltekin hverfi
borgarinnar. I henni er að finna fróð-
leik um sögu og mannlíf, byggingar-
list, gróður og garða. Það eru engar
ýkjur að segja að bókin er yfirmáta
fróðleg og einstaklega vel úr garði
gerð. Henni er skipt niður í sex kafla,
eftir gönguleiðunum, og er í hveijum
þeirra staldrað við allt það sem áhuga
gæti vakið og því lýst í máli og mynd-
um.
Þegar Guðjón kom við á Alþýðu-
blaðinu sagðist hann í stuttu spjalli
sjálfur hafa búið lengi í þessu hverfi
og þá löngum gert sér það til gamans
að ganga þar um með freyju sinni.
„Við höfum haft yndi af því að ganga
um hverfið og sjá þar eitthvað nýtt í
hvert skipti, fara inn í húsasund og
uppgötva bakveraldir."
Guðjón þekkir Þingholtið og Skóla-
vörðuholtið því vel, þótt göngur hans
hafi ekki beinlínis verið kveikjan að
tilurð bókarinnar, heldur það að fyrir
tíu árum var hann ráðinn til að skrifa
sögu Reykjavíkurborgar. „Ég fór í
gegnum gífurlega mikið af heimildum
við þá vinnu og punktaði þá niður hjá
mér um einstök hús. Undir lokin var
ég komin með heljarinnar spjaldskrá
og má segja að hún sé grunurinn að
þessari bók.“
Hver kafli tekur mið af því að geng-
ið sé í eina dags- eða kvöldstund.
,3ókin er hugsuð sem ferðahandbók,
þótt hún sé ólík öðrum ferðahandbók-
um sem gefnar hafa verið út hér á
landi af því hún veitir leiðsögn um
þéttbýli. Hugmyndin er sú að fólk geti
haft bókina með höndum og skoðað
um leið og það les. Þetta er tilraun til
að fá fólk til að nýta betur útivistar-
svæði innan borgarinnar."
Heldurðu að fólk þekki borgina
Sagnfræðingurinn Guðjón Friðriksson á göngu um Þingholtin. Hann hefur
nú sent frá sér stórfróðlega bók þarsem fjallað er um hvað fyrir augu ber
á göngu um hverfið og sunnanvert Skólavörðuholtið. A-mynd: E.ÓI.
yfirleitt illa?
„Það er auðvitað upp og ofan. Samt
finnst mér lítill skilningur vera á því
hvað er verðmætt."
En þekkir það almennt sögu borg-
arinnar?
,fólk sem er mikið á ferð í þessum
hverfum skynjar söguna vel held ég.
En það eru margir aldir upp í öðrum
fjarlægari borgarhlutum og eiga sjald-
an eða aldrei erindi í gamla borgar-
hluta. Annars er bókin ekki síður
hugsuð fyrir utanbæjarfólk sem er á
ferð í bænum.“
Það stendur ekki til að gefa bókina
út d öðrum tungumálum svo erlendir
ferðamenn geti nýtt sér hana?
„Þessi bók er sniðin fyrir íslendinga
enda margt í sögunni sem útlendir
ferðamenn haf engan skilning á. Þeir
þekkja ekki Þórberg Þórðarson svo
dæmi sé tekið, og því þyrfti að um-
skrifa bókina ef ætlunin væri að þýða
hana.“
Hefurðu uppi áform um að skrifa
bœkur um fleiri hverfi?
,3f þessi bók fær sæmilega góðar
viðtökur þætti mér spennandi að gera
svona bækur, um jafnvel aðra bæi,
eins og Stykkishólm, Húsavík og Eyr-
arbakka. Þegar komið er á staði sem
þessa á landsbyggðinni þá vantar að-
gengilegar upplýsingar þar sem maður
fær leiðsögn um bæinn. Það er ekki
hægt að nálgast slíkt nema rekast á
sögufróðan innanbæjarmann. Það er
til fullt af bókum hér um fjöll og fim-
indi, en mannabyggðir hafa ekki verið
með í dæminu fram að þessu.“
Er það af þvt' að það er svo stutt
síðan viðfluttum á mölina?
„Ætli það ekki. Við erum dálitlir
sveitamenn ennþá, ekki enn búin að
taka borgina almennilega í sátt.“
Bók Guðjóns ætti að leiða lesendur
hennar í allan sannleikann um að
Reykjavík reis ekki í gær, að þar eru
til hús og garðar sem búa yfir fjöl-
skrúðugri sögu, sem kemur inn á sögu
íslenskrar byggingalistar, íbúa- og
verslunarsögu.
Bókin Indæla Reykjavík, 6 göngu-
leiðir um Þingholt og sunnanvert
Skólavörðuholt er 161 blaðsíða og
kostar 2.880 krónur. Utgefandi er Ið-
unn.
■ Fulltrúar Jafnaðarmannaflokks íslands
styrkja tengslin við þýska skoðanabræður sína
Sjávarútvegsstefna
ESB og stækkun
sambandsins
- voru meðal aðalumræðuefna, ásamt varnar- og ör-
yggismálum og samstarfi jafnaðarmannaflokkanna í
Evrópu, segir Jón Baldvin Hannibalsson sem
ávarpaði þingflokksfund þýskra jafnaðarmanna.
Jafnaðarmannaflokkur Þýskalands
(SDP) er nú á kerfisbundinn hátt að
efla tengslin við jafnaðarmannaflokka
í Evrópu - einkum innan Evrópusam-
bandsins og í Mið- og Austur- Evr-
ópu. Fyrir skömmu buðu þeir þó til
viðræðna í Þýskalandi fjórum fulltrú-
um Alþýðuflokksins - Jafnaðar-
mannaflokks Islands. Þeir sem völdust
til ferðarinnar voru formaður Alþýðu-
flokksins, Jón Baldvin Hannibals-
son, og af hálfu þingflokksins þau
Lúðvík Bergvinsson alþingismaður
og Petrína Baldursdóttir varaþing-
maður. Fjórði maður í för var Þröstur
Ólafsson hagfræðingur. Heimsóknin
þótti velheppnuð og ágætlega undir-
búin og skipulögð, svosem gestgjaf-
anna var von og vísa.
„Efni viðræðnanna var í stórum
dráttum fjórþætt: sjávarútvegsstefna
Evrópusambandsins og útfærsla henn-
ar innan sambandsins; undirbúningur
fyrir stækkun Evrópusambandsins -
það er að segja mótun tillagna og
stefnu vegna ríkjaráðstefnunnar 1996;
vamar- og öryggismál sambandsríkj-
anna og síðast en alls ekki síst sam-
starf jafnaðarmannaflokkanna í Evr-
ópu,“ sagði Jón Baldvin Hannibalsson
í samtali við Alþýðublaðið í gær.
„Dagskráin var í stuttu máli sagt
þannig, að mánudagskvöldið 19. júní
buðu þýsku gestgjafarnir okkur að
sitja fund með fulltrúum norður-þýsks
sjávarútvegs og þingmönnum af því
svæði. Þar kynntumst við Islending-
amir því í návígi hvemig fjallað er um
ýmis þau vandamál og ágreiningsefni
sem upp koma innan Þýskalands - og
Evrópusambandsins - og fræddumst
um framkvæmd sameiginlegrar fisk-
veiðistefnu sambandsins. Þarna var
margt ffóðlegt að heyra og sérílagi at-
hyglisvert hvaða álit Þjóðverjarnir
höfðu á samstarfinu við Dani, Hol-
lendinga og hinar nýfijálsu þjóðir við
Eystrasaltið. Ég gerði þeim afturámóti
stuttlega grein fyrir kjamanum í ís-
lenskri fiskveiðistefnu, hvemig kvóta-
kerfið væri uppbyggt og við bárum
saman bækur okkar um kosti og galla
þess - ásamt því að ræða reynslu
Þjóðveija um fiskveiðistjómun innan
Evrópusambandsins.
Á þriðjudeginum tókum við síðan
þátt í fundi sérstaks vinnuhóps innan
þingflokks þýskra jafnaðarmanna
undir forystu Carstens Voigt. Þar
lágu fyrir mikil gögn um megnistefnu,
sjónarmið og tillögur þýskra jafnaðar-
manna að því er varðar stefnu og
breytingar á starfsháttum yfirstjómar
sambandsins. Hluti þess fundar fór
svo í umræður um Bosm'u þarsem að
gætti vemlegrar angistar Þjóðveija ef
Jón Baldvin Hannibalsson: Einna
markverðast við ferðina var fundur
sem við íslendingarnir áttum með
framkvæmdastjóra Jafnaðar-
mannaflokks Þýskalands og for-
manni þingflokks þeirra. A-mynd: E.ÓI.
þeir stæðu nú frammi fyrir því að
þurfa senda í fyrsta sinn vopnaðar
sveitir útfýrir landamæri Þýskalands -
til Bosm'u - þarsem þær myndu jafn-
vel lenda í bardögum. Seinna þennan
dag sátum við þingflokksfund jafnað-
armanna í boði Rudolf Scharping,
leiðtoga Jafnaðarmannaflokks Þýska-
lands. Þama vom nú fyrst og fremst
föstu málin á dagskrá, en ég fékk þó
tækifæri til að ávarpa fundinn stutt-
lega og segja frá sögu íslenskra jafn-
aðarmanna og samskiptum okkar við
hina þýsku skoðanabræður. Menn
voru almennt sammála um að þau
samskipti þyrfti að efla f kjölfar auk-
ins sammna innan Evrópu.
Miðvikudagurinn fór mestmegnis í
tvennt: annarsvegar umræður um Evr-
ópumál við fulltrúa Evrópusambands-
ins og stjómarinnar í Bonn og hins-
vegar viðræður við þýsku jafnaðar-
mennina um flokksmál. Þar hittum við
fyrir Gunther Verheugen, fram-
kvæmdastjóra Jafnaðarmannaflokks
Þýskalands, og formann þingflokks-
ins, Peter Struck. Að loknum þeim
viðræðum var ákveðið að skiptast á
upplýsingum og viðhalda reglubundn-
ara samstarfi milli flokkanna í fram-
tíðinni. Ég held það sé óhætt að segja,
að fundurinn með Verheugen og
Stmck hafi verið einna markvérðastur
við ferðina," sagði Jón Baldvin að
lokum.
Vlnningstólur r- iaugardaginn: 24. júm'1995
VINNINGAR FJÖLDI . VINNINGA UPPHÆÐ Á HVERN VINNING
II 5 af 5 0 2.041.810
M +4af 5 0 543.919
a 4 af 5 69 7.130
Q 3 af 5 2.134 530
Aðaltölur:
BÓNUSTALA:
Heildarupphaeð þessa viku:
kr. 4.208.719
UPPLÝSINGAR, SÍMSVARI 91- 6» 15 11
LUKKULfNA 99 10 00 - TEXTAVARP «1
■ Gullkistan á Laugarvatni
Sápa í Húsmæðraskólanum
Síðustu daga listahátíðarinnar
Gullkistan á Laugarvatni er von á
leikhópi þangað, sem ætlar að sýna
grínleikinn Sápa tvö; Sex við sama
borð og enginn lýgur eftir Ingi-
Mörgu Hjartardóttur og Sigrúnu
Oskarsdóttur. Sýningar verða í Hót-
el Eddu Húsmæðraskólanum
fimmtudags-, föstudags- og laugar-
dagskvöld klukkan 20:30. Leikritið
segir frá þremur hjónum sem öll em í
blekkingarleik af einu eða öðm tagi,
þótt enginn leggi beinh'nis stund á
hreinar lygar. Sviðið er veitingahús
þangað sem pör, þó ekki endilega
hjón, rata inn. Flest eru þau ófull-
nægð og haldin þrá eftir einhverju
öðm en þvr sem þau hafa, hvort sem
það er nýtt ástarsamband, breytt
mataræði eða óvænt atvik í þvotta-
húsinu. Leikarar eru ekki af verri
endanum; Bessi Bjarnason, Edda
Björgvinsdóttir, Eggert Þorleifs-
son, Margrét Ákadóttir, Margrét
Guðmundsdóttir og Valgeir Skag-
fjörð, sem jafnframt semur söngtexta
og lög þau er flutt em í sýningunni.
Leikstjóri hópsins er Sigríður
Margrét Guðmundsdóttir.
Hægt er að panta miða í gestamót-
töku Hótels Eddu í síma 486.1154 og
kostar hver miði 1.200 krónur.
■ Slippstöðin Oddi
Ingi tekur
við stjóminni
Um næstu mánaðamót tekur Ingi
Björnsson við stöðu framkvæmda-
stjóra Slippstöðvarinnar Odda hf. á
Akureyri. Ingi er hagfræðingur að
mennt og var síðast framkvæmda-
stjóri Meklenburger Hochseefi-
scherei, dótturfyrirtækis Útgerðar-
félags Akureyringa í Þýskalandi.
Á sama tíma og Ingi tekur við
Slippstöðinni Odda lætur Guð-
mundur Tuliníus af störfum, en
hann hefur verið framkvæmda-
stjóri fyrirtækisins síðast liðin tvö
ár.