Alþýðublaðið - 05.03.1996, Blaðsíða 8

\V\RE Vffll/
4 - 8 farþega og hjólastðlabílar
5 88 55 22
Þriðjudagur 5. mars 1996
MDUBLMD
36. tölublað - 77. árgangur
Verð í lausasölu kr. 100 m/vsk
I Alþýðuflokkurinn á Vestfjörðum hættir við þátttöku í sameiginlegu framboði
Undirskriftir til varnar Miðskólanum „Það hefur engin ákvörðun
verið tekin enn um hvort skrifstofur fræðslumiðstöðvar flytji í húsið og því eru undirskriftalistarnir einungis inn-
legg í umræðuna," segir Árni Þór Sigurðsson, fulltrúi í skólamálaráði Reykjavíkur, en í gærdag kom fjöldi barna
úr Miðskólanum á fund hans í Ráðhúsi Reykjavíkur og afhenti honum mótmæli gegn flutningi skólans úr Mið-
bæjarskólanum. Höfðu þau meðferðis um tvö þúsund undirskriftir frá velunnurum skólans og færðu Árna.
A-mynd: E.ÓI.
Meðlimum þjóðkirkjunnar fækkaði
um 653 á síðasta ári.
■ Aðild að trúfélögum
Fækkar
stöðugt
í þjóð-
kirkjunni
Á árabilinu 1991 til 1995 fækkaði
meðlimum íslensku þjóðkirkjunnar
um 2.223. Fimm árin þar á undan, frá
1986 til 1990, fækkaði meðlimum
hennar um 382. Mest var fækkunin á
síðasta ári, 1995, en þá fækkaði með-
limum þjóðkirkjunnar um 653 miðað
við 397 árið áður, en að jafnaði hefur
fækkað um milli 300 og 500 sálir í
kirkjunni hvert ár síðustu fimm árin.
Þetta kemur fram í upplýsingum
sem Hagstofa fslands hefur sent frá
sér um breytingar á trúfélagsaðild á ís-
landi frá 1986 til 1995. Þar kemur
einnig fram að nokkur trúfélög hafa
verið í nokkrum vexti síðustu árin:
Nýskráðir umfram brottskráða í kaþ-
ólsku kirkjunni voru 204 á tímabilinu
1991 til 1995, í Hvítasunnusöfnuðin-
um íjölgaði um 230 og í Búddistafé-
lagið sem var stofnað á tímabilinu
gengu 236 meðlimir. Vegurinn óx líka
og efldist á þessum fimm ára tíma,
sem nemur 356 einstaklingum, en
þess er þó að geta að í því trúfélagi
fækkaði um 72 á síðasta ári.
■ Afmælishátíð Alþýðu-
flokksins - Jafnaðar-
mannaflokks íslands
Hátíðarhöld
á áttatíu ára
afmæli
Alþýðuflokkurinn - Jafnaðarmanna-
flokkur Islands verður 80 ára 12. mars
næstkomandi, hann var stofnaður þann
dag 1916. Flokkurinn hyggst minnast
þessara tímamóta með veglegum hætti.
Mikill afmælisfagnaður með borð-
haldi fer fram í Borgartúni 6 (Rúg-
brauðsgerðinn) að kvöldi föstudagsins
15. mars. í upphafi þeirrar samkomu
býður varaformaður flokksins, Guð-
mundur Árni Stefánsson, gesti vel-
komna. Borgarstjórinn í Reykjavík,
Ingibjörg Sólrún Gísladóttir, mun
ávarpa samkomuna og hin vinsæla
gáfu- og gleði-
mannas veit
Spaðar flytur
nokkur lög af
þessu sérstaka
tilefni. Spaða
skipa meðal
annarra Guð-
mundur Andri
Thorsson,
Gunnar Helgi
Kristinsson og
Sigurður Val- Ingibjörg Sólrún
geirsson. Leik- ávarpar jafnaðar-
ararnir Pálmi menn í afmælis-
Gestsson, Örn fagnaöi þeirra.
Ámason og Sig-
urður Sigurjónsson munu fara með
spaug og spé, án efa á kostnað stjóm-
málamanna.
Síðan hyggjast jafnaðarmenn stíga
dans við undirleik hljómsveitarinnar
Skárra en ekkert. Þar fer fremstur í
flokki Guðmundur Steingrímsson
(Hermannssonar), framkvæmdastjóri
Stúdentaráðs Háskóla Islands og harm-
oníkuleikari, auk þess sem ýmsir lands-
þekktir gestasöngvarar munu taka lagið
með hljómsveitinni. Ýmislegt fleira
mun vera á dagskrá án þess að staðfest-
ing hafi fengist á hvað það muni vera.
Sunnudaginn 17. mars verður síðan
afmælisboð á Hótel Borg, þar sem Al-
þýðuflokkurinn heldur vinum stnum og
velunnumm kaffisamsæti. Þar flytur
Jón Baldvin formaður flokksins ræðu,
Gylfi Þ. Gíslason ávarpar samkomuna
og Jakob Frímann Magnússon verður
veislustjóri. Þá flytur Bubbi Morthens
nokkur lög sem frændi hans Haukur
Morthens gerði vinsæl á sínum tíma.
Kosningarnar á Spáni
Almenningur
hefur ekki rugl-
ast í ríminu
- segir Guðbergur Bergsson
„Þessar kosningar á Spáni eru mjög
athyglisverðar, einkum vegna þess að
Sósíalistaflokknum hefur verið spáð
ósigri í íjöldamörg ár,“ segir Guðberg-
ur Bergsson rithöfundur, sá fslendinga
sem þekkir einna best til málefna á
Spáni.
Eins og spáð hafði verið varð hinn
hægrisinnaði Þjóðarflokkur Jose Mar-
ia Aznar sigurvegari í spænsku þing-
kosningunum sem fram fóru á sunnu-
daginn. Sigur flokksins var þó langt í
frá að vera jafn afgerandi margir
höfðu ætlað og er hann talsvert frá því
að hafa náð hreinum meirihluta. Þarf
Aznar því að leita stuðnings svæðis-
bundinna smáflokka til að geta mynd-
að stjórn. Sósíalistarflokkur Felipe
Gonzales tapaði í kosningunum eins
og vitað var, en beið þó alls ekki það
afhroð sem skoðanakannanir bentu til.
,Allir fjölmiðhtr hafa verið að hríð-
ast í Sósíalistaflokkinn og tala um
spillingu innan hans og að stjóm hans
hafi valdið spillingu innan stjómkerf-
isins,“ segir Guðbergur. „Því hefur
líka verið haldið fram að Felipe
Gonzales sé einn af höfuðpaurum
þeirra hryðjuverkasamtaka sem hafa
verið að drepa ETA-menn, aðskilnað-
arsinnaða Baska. Þetta fólk sem hefur
staðið fyrir árásum á flokkinn er úr
röðum vinstri manna og þá einkum úr
hinum gamla Kommúnistaflokki og
hafa gert allt til að fella Sósíalista-
flokkinn."
Valdaskeiði Felipe Gonzales sem staðið hefur í þrettán ár er líklega lokið.
Hægrimenn unnu þó ekki meirihluta og sósíalistar töpuðu ekki jafn stórt
og spáð hafði verið.
Guðbergur segir það gamlan vana
innan Kommúnistaflokksins spænska
að höfuðandstæðingurinn sé ekki
hægrihreyfingin, heldur sósíaldemó-
kratar og sósíalistar. „En þrátt fyrir
allan þennan djöfulgang sem hefur
verið í fjölmiðlunum og á öllum svið-
um, og það að hægrihreyfingunni hef-
ur verið spáð sigri í eitt eða tvö ár,“
segir Guðbergur, „hefur almenningur
ekki ruglast í ríminu heldur haldið
áfram að kjósa Sósíalistaflokkinn. Að
vísu tapar flokkurinn einhverju, enda
er hann búinn að vera við völd í þrett-
án ár og almenningur hefur setið undir
látlausum áróðri. Að undanfömu hafa
skoðanakannanir spáð Sósíalista-
flokknum stórtapi og hægrimönnum
meirihlutasigri, en það varð ekki,“
segir Guðbergur Bergsson.
Ekki ásættanlegt
að aðrir segi okkur
fyrir verkum
-segir Björn Hafberg. Áfall fyrirfélagshyggjufólk
„Við töldum ekki ásættanlegt að
aðrir gæfu okkur fyrirmæli um það
hverja við veldum á framboðslist-
ann. Þá var komið að þeim tíma-
punkti að ekki var hægt að komast
lengra í þessu máli. Menn reyndu
að ná málamiðlunum en því miður
tókst það ekki,“ sagði Björn Haf-
berg, skólastjóri á Flateyri, í sam-
tali við Alþýðublaðið. Alþýðu-
flokkurinn á norðanverðum Vest-
fjörðum hefur hætt við þátttöku í
sameiginlegu framboði félags-
hyggjuaflanna fyrir kosningar í vor.
Fulltrúar annarra lista voru ekki
sáttir við að Sigurður R. Ólafsson,
bæjarfulltrúi á Isafirði, tæki sæti á
hinum sameiginlega lista ásamt
Birni Hafberg og það varð til þess
að Alþýðuflokkurinn dró sig úr
væntanlegu samstarfi.
Á norðanverðum Vestfjörðum
gerðu menn sér dágóðar vonir um
að félagshyggjuöflin og Framsókn-
arflokkurinn gætu sameinað krafta
sína í kosningabandalagi. Fram-
sóknarflokkurinn var fyrstur flokka
til að gefa hugmyndina upp á bát-
inn og síðan hætti Vestfjarðarlisti
Péturs Bjarnasonar við þátttöku.
„Þegar við lögðum af stað í
þessa ferð var okkar markmið að
mynda breiðfylkingu sem væri ör-
ugg um sigur í næstu kosningum.
Þegar við gáfum Framsóknar-
flokknum til kynna að við værum
tilbúin að rétta þeim upp í hendur
forystuhlutverk þorðu þeir ekki að
axla þá ábyrgð. Þeir vildu bara vera
í baksætinu og geta potað og pikk-
að eins og þeim hentaði þegar þeir
sæju hvernig staðan yrði eftir kosn-
ingar,“ segir Björn. Um þá ákvörð-
un Péturs Bjarnasonar og M-lista
manna að draga sig úr samstarfinu
segir hann: „Ég veit svosem ekki
hvað vakti fyrir Pétri en hann
kvaddi einn góðan veðurdag án
þess að nokkrar raunverulegar skýr-
ingar væru gefnar."
Björn segir þróun mála í samein-
ingarviðræð.unum hafa verið mikil
vonbrigði. „Auðvitað er það áfall
fyrir félagshyggjufólk að þetta
skyldi ekki hafa tekist. Við höfum
öll lagt okkur fram, því eins og allt
félagshyggjufólk dreymir okkur um
að geta myndað breiðfylkingu sem
gerir kröfu um að fá sína hlutdeild í
því að stjórna þessu þjóðfélagi."