Alþýðublaðið - 16.12.1997, Blaðsíða 1

Alþýðublaðið - 16.12.1997, Blaðsíða 1
MMMBLMB Desember 1997 Stofnað1919 105. tölublað - 78. Argangur Hitt húsið í ráðgjafaliði Bresku ríkisstjórnarinnar í Hinu húsinu hefur verið þróuð starfsemi fyrir atvinnulaust ungt fólk á aldrinum 18-25 ára. Verkefnið sem gengur undir nafhinu Starfsnám Hins hússins hefur verið að þróast í það form sem það er í núna undanfarin fjögur ár. 30 ungmenni úr Reykjavík taka þátt í starfs- náminu í hvert skipti sem sten- dur í 6 mánuði. Arangur af þessu starfi er verulegur, og sýnir könnun sem dr. Gestur Guðmunds son félagsfræðingur gerði á þessu ári að þetta úrræði skilar bestum árangri allra úrræða sem í gangi eru í Evrópu. Þeir sem fara í gegnum starfsnámið skila sér hvað best áfram í vinnu eða nám. A dögunum var hér staddur John Bateman, framkvæmdastjóri Youth Clubs UK, sem eru syst- ursamtök Samfés (Samtök félagsmiðstöðva) í Bretlandi. Hann var að kynna fyrir koll- egum sínum á Islandi hvað Bretar væru að gera í málefnum atvinnulausra ungmenna. I leiðinni kynnti hann sér hvað við værum að gera. Hann hreifst mjög af starfs- námi Hins hússins og þeirri hugmyndafræði sem þar liggur að baki, og í tillögum sínum til ríkisstjórnar Tonys Blairs tók hann fyrirkomulag Hins Hússins svo til óbreytt upp og lagði fyrir stjórnina. Breska ríkisstjórnin hefur nú ákveðið að leggja til 5,6 millj. punda fjárveitingu. Að sögn Loga Sigurfinnssonar, forstöðu- manns Hins hússins er þetta mikil viðurkenning á því starfi sem unnið hefur verið undan- farin ár á þessu sviði. Þetta hvetur okkur til dáða. Þessi árangur hefur náðst með góðri vinnu okkar starfsmanna og samstarfi við hina fjölmörgu sem að þessu máli koma. Við höfum verið beðin um að mæta á fund samtaka æskulýðs- miðstöðva í Evrópu í Birmingham á næsta ári. Þar komum við til með að kynna starfsnámið sem og aðra starfse- mi Hins hússins sem virðist eiga góðan hljómgrunn meðal nágranna okkar í Evrópu um þessar mundir, sagði Logi að lokum. Forval í Rey kjavík Sunnudaginn 14. desember fór fram forval á fulltrúum Alþýðuflokksins til þátttöku í prófkjöri Reykjavíkurlistans í fulltrúaráði Alþýðuflokksfélag- anna í Reykjavík. Tíu tóku þátt í forvalinu og kosnir voru sjö til þátttöku í áðrnefndu prófkjöri. Þeir sem þátt tóku voru Bryndís Kristjánsdótfir varaborgarfull- trúi, Gunnar Gissurarson vara- borgarfulltrúi, Helgi Pétursson varaborgarfulltníi, Hrannar B. Amarsson framkvæmdastjóri, Magnea Marinósdóttir verslu- narstjóri, Pétur Jónsson borgar- fulltrúi, Rúnar Geirmundsson formaður Alþýðuflokksfélags Reykjavíkur, Sigurður Rúnar Magnússon verkamaður, Stefán Jóhann Stefánsson hagfræðin- gur og Valdimar Leó Friðriks- son framkvæmdastjóri. Ens og fyrr segir voru sjö valdir til áframhaldandi þátttöku og voru það þau Bryndís, Helgi, Hrann- ar, Magnea, Pétur, Rúnar og Stefán. Þessir sjö aðilar þurfa því að undirbúa sig fyrir opið Prófkjör hjá Reykjavíkurlista- num þar sem þau keppa um þau sæti sem Alþýðuflokkurinn fær í sinn hlut. I Alþýðublaðinu í dag má finna greinar eftir hvert og eitt þeirra sem komust áfram auk þess sem rætt er við Ingibjörgu sólrúnu Gísladóttur borgarstjóra um starfið hjá Reykjavíkurlistanum. Guðrún Pétursdóttir í 8. sætið Sjálfstæðismenn í Reykjavík eru komnir í vandræði með list- ann sem valinn var í prófkjöri í lok október og bera á upp í komandi borgarstjórnarkosn- ingum. Vandræðin helgast af kvenmannsleysinu en aðeins tvær konur fengu brautargengi í fyrstu 11 sætin. Kosningin var ekki bindandi vegna þess að þátttaka var undir 50% og hefur því kjörstjórn rétt á að breyta uppröðun á listanum telji hún það honum til bóta. Sú umræða hefur lengi verið meðal manna að Kjartani Magnússyni sem lenti í 8. sæti hafí verið fórnað fyrir álitlega konu og nú virðist sú kona fundin. Guðrún Pétursdóttir, fyrrum forseta- frambjóðandi, á að verða tromp þeirra sjálfstæðismanna ásamt Árna Sigfússyni. Það er nokkuð Ijóst að sjálfstæðismenn gera sér grein fyrir því að þeir eiga ekki neinn einn nógu sterkan gegn Ingibjörgu Sólrúnu Gísladóttur og ætla því að tefla fram tveimur sem taldir eru frekar sterkir. Það er þó alveg Ijóst að þar með lýkur vand- ræðunum ekki því Kjartan er langt frá því að vera sáttur. Hann eyddi miklum krafti í prófkjörsbaráttuna og gefur ekki svo glatt eftir fyrsta varaborgarfulltrúasætið, borg- arfulltrúasæti ef sigur vinnst. Það verður gaman að fylgjast með vandræðaganginum í Val- höll um leið og Reykja- víkurlistinn mun vera með sitt prófkjörí janúar.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.