Morgunblaðið - 27.03.2001, Síða 5
KNATTSPYRNA
MORGUNBLAÐIÐ ÞRIÐJUDAGUR 27. MARS 2001 B 5
ÍSLENSKU landsliðsmennirnir
léku með sorgarbönd í leiknum við
Búlgari. Ástæðan var sú að Björgvin
Schram, fyrrverandi formaður
Knattspyrnusambands Íslands, lést
aðfaranótt sl. laugardags.
LANDSLIÐSHÓPURINN yfirgaf
hótelið í Sofíu um hádegisbilið á
sunnudeginum. Flogið var frá Sofíu
til Frankfurt og þar með má segja að
leiðir landsliðsmannanna hafi skilið.
Með þjálfurum og fararstjórum
héldu leikmennirnir sem spila á Eng-
landi til London en aðrir fóru hver í
sína áttina til félaga sinna.
TRYGGVI Guðmundsson fór frá
Frankfurt til Portúgals til móts við
félaga sína í Stabæk en þeir eru þar í
æfinga- og keppnisferð.
TRYGGVA hefur gengið vel með
Stabæk á undirbúningstímabilinu og
hefur skorað átta mörk.
HELGI Sigurðsson ætlar að vera
hjá gríska liðinu Panathinaikos út
samningstímann en hann á rúmt eitt
ár eftir af samningnum við félagið.
HELGI sagði í samtali við Morg-
unblaðið vera mjög ánægður með
veruna í Grikklandi sem og fjöl-
skylda hans en það eina sem skyggi á
veruna er hversu lítið hann hefur
fengið að spila. Hann hefur þó fengið
meira tækifæri eftir að Apostolakis
tók við liðinu fyrir skömmu en hann
mun stýra liðinu út leiktíðina. Helgi
segir að forráðamenn Panathinaikos
séu þessa dagana að leita að nýjum
þjálfara.
ÁRNI Gautur Arason hefur fengið
þau skilaboð frá þjálfara Rosenborg
að hann verði markvörður liðsins
númer eitt fyrir komandi tímabil en
Rosenborg hefur yfir þremur mark-
vörðum að ráða. Fyrir utan Árna er
gamli jaxlinn Jörn Jamtfall og
Espen Johnsen sem Rosenborg
keypti frá Start í haust. „Það er ekk-
ert nema af hinu góða að fá sam-
keppni um stöðuna og þýðir ekki
annað en að ég verð að vera á tán-
um,“ sagði Árni Gautur við Morg-
unblaðið en hann átti fínan leik á
móti Búlgörum og er greinilega í
mjög góðri æfingu.
BIRKIR Kristinsson reiknar með
að koma heim til Íslands um miðjan
maí en í samningnum sem gerður
var á milli ÍBV og Stoke segir að
Birkir verði að vera kominn heim áð-
ur en Íslandsmótið hefst. Þetta þýðir
að Birkir mun ekki spila með Stoke
komist það í aukakeppnina um laust
sæti í 1. deildinni.
„ÉG býst við því að Gavin Ward
verði settur í markið mjög fljótlega.
Hann er búinn að ná sér af meiðsl-
unum og þar sem ég næ ekki að leika
með í aukakeppninni, komumst við í
hana, er eðlilegt að Ward fari að gera
sig kláran,“ sagði Birkir í samtali við
Morgunblaðið en hann kemur til
móts við félaga sína í æfingaferð í
Portúgal í næsta mánuði sem og
leikmennirnir tveir sem ÍBV hefur
fengið að láni frá Stoke í sumar.
LÁRUS Orri Sigurðsson fær
væntanlega tveggja leikja bann fyrir
brottreksturinn á móti Búlgörum.
Þetta þýðir að hann mun ekki verða
með í leikjunum við Möltu í apríl og
júní. Lárus tók stöðu Auðuns Helga-
sonar í hægri bakverðinum í leiknum
á móti Búlgaríu þar sem Auðun tók
út leikbann en hann verður klár í
slaginn fyrir leikinn við Möltu sem
fram fer ytra 25. apríl.
EKKI er þó víst að Auðun gangi
endilega beint inn í sína gömlu stöðu
því Atli Eðvaldsson hefur fleiri kosti.
Til að mynda kom Rúnar Kristins-
son mjög vel út í bakvarðarstöðunni í
seinni hálfleiknum við Búlgari og
Arnar Grétarsson leysti stöðu Rún-
ars á miðjunni vel.
HELGI Sigurðsson kvaddi lands-
liðshópinn snemma á sunnudags-
morguninn. Bílstjóri frá Pan-
athinaikos var mættur fyrir utan
hótelið klukkan 9 og var förinni heit-
ið til Saloniki en þaðan flaug Helgi
til Aþenu.
FÓLK
Í síðari hálfleiknum þurftum við aðfæra okkur aftar og þétta liðið
betur og mér fannst við gera það
mjög vel. Búlgararn-
ir pressuðu nokkuð
stíft á okkur á köfl-
um í seinni hálfleikn-
um en þeir voru ekki
að skapa sér mikið af færum. Við átt-
um hins vegar nokkrar mjög góðar
skyndisóknir og ekki munaði miklu
að við næðum að færa okkur þær í
nyt og skora. Sigurmark þeirra var
frekar slysalegt en við gleymdum
okkur eitt augnablik í vörninni og
var umsvifalaust refsað. Eftir mark-
ið reyndum við okkar ýtrasta til að
jafna metin en því miður gekk það
ekki eftir og við löbbuðum svekktir
af velli enda fannst okkur við ekki
eiga skilið að tapa. Það þýðir ekkert
að hengja haus þrátt fyrir að stigin
séu aðeins þrjú eftir fjóra leiki. Við
höldum vonandi áfram að þróa okkar
leik og ég tel að við höfum vaxið sam-
an sem lið í síðustu leikjum,“ sagði
Eyjólfur.
Verðum bara að bretta
upp ermarnar
,,Það var mjög svekkjandi að fá
þetta mark á sig svona seint eftir að
við vorum búnir að verjast svona vel
einum leikmanni færri. Ég náði að-
eins að slæma hendinni í boltann en
færið var mjög gott og hann var
dauðafrír í markteignum. Ég átti
enga möguleika á að verja skotið í
fyrra markinu. Mér fannst ég ekki
vera nálægt boltanum enda var þetta
þrumuskot alveg út við stöngina,“
sagði Árni Gautur Arason markvörð-
ur. Árni verður ekki sakaður um
mörkin og hann sýndi góð tilþrif í
þau skipti sem reyndi á hann.
,,Eftir að Lárus fór út af vissi ég
að við yrðum mikið í vörninni og ég
hafði töluvert að gera. Við ræddum í
leikhléinu að við yrðum að þétta liðið
og úr því sem komið var stefndu
menn á að ná í eitt stig út úr leiknum.
Það fór gífurleg orka hjá strákunum
í að leika einum færri í svona langan
tíma en þeir sýndu hetjulega baráttu
og áttu nokkur ágæt færi. Þetta var
gífurlega strangur dómur að reka
Lárus út af og ég hélt að Riley myndi
taka á þessum leikaraskap eftir að
hann spjaldaði einn Búlgarann
snemma í leiknum þegar hann
reyndi að fiska vítaspyrnu. Þetta er
hins vegar búið og gert og við getum
ekki annað núna en stefnt á að ná í
tvo sigra á móti Möltu og vinna svo
Búlgarana þegar þeir koma á Laug-
ardalsvöllinn í sumar. Þetta hefur
ekki verið nein draumabyrjun hjá
okkur í riðlakeppninni en við verðum
bara að bretta upp ermarnar í kom-
andi leikjum,“ sagði Árni Gautur.
Erfitt að koma inn á
Andri Sigþórsson lék sinn fyrsta
landsleik – lék síðasta hálftíma leiks-
ins eftir að Eiður Smári Guðjohnsen
haltraði meiddur af velli.
„Það var erfitt að koma inn á þar
sem við vorum manni færri auk þess
sem ég var settur á kantinn sem er
kannski ekki alveg mín sterkasta
staða á vellinum. Ég reyndi að gera
eins og ég gat og það mátti ekki
miklu muna að okkur tækist að jafna
metin. Mér fannst menn vera að
berjast mjög vel allan tímann og liðið
sýndi mikinn styrk og vilja í síðari
hálfleiknum en því miður dugði það
ekki til. Eins og leikurinn þróaðist
eru menn hundsvekktir. Við vorum
að skapa okkur færi og spila ágætan
fótbolta á köflum,“ sagði Andri Sig-
þórsson.
Íslendingar vel
skipulagðir
„Íslenska liðið var mjög vel skipu-
lagt. Það varðist mjög vel, lokaði
svæðunum vel inni á vellinum og
lengi vel hélt ég að við ætluðum ekki
að knýja fram sigur. Leikmenn mín-
ir voru spenntir og orðnir nokkuð
óþolinmóðir og við það töpuðust oft
boltar á miðsvæðinu og Íslending-
arnir náðu upp nokkrum góðum
skyndisóknum sem hefðu vel getað
endað með marki. Ísland er með bar-
áttulið og ég tók sérstaklega eftir því
hve marga sterka skallamenn liðið er
með,“ sagði Stojtcho Mladenov,
þjálfari búlgarska landsliðsins, á
fundi með fréttamönnum eftir leik-
inn í Sofíu og hann bætti við: „Lið
mitt er ungt og á eftir að læra margt
af göldrum knattspyrnunnar.“
Morgunblaðið/Brynjar Gauti
Arnar Grétarsson var óheppinn að ná ekki að jafna undir lok leiksins – Zdradkov náði að verja.
Eyjólfur Sverrisson, fyrirliði íslenska landsliðsins
Við áttum skilið
annað en tap
„VIÐ byrjuðum leikinn mjög vel,
sóttum og gerðum þá hluti sem
fyrir okkur voru lagðir. Við vor-
um að skapa okkur færi, gerð-
um gott mark og þetta leit allt
vel út þar til þeir jöfnuðu metin
og í kjölfarið urðum við fyrir
áfalli þegar Lárus Orri var rek-
inn út af,“ sagði Eyjólfur Sverr-
isson, fyrirliði landsliðsins, eftir
leikinn í Sofíu.
Morgunblaðið/Brynjar Gauti
Leikmenn Íslands fengu lögreglufylgd er þeir mættu til leiks.
Eyjólfur Sverrisson og Árni Gautur Arason fremstir í flokki á
eftir öðrum aðstoðardómaranum.
Guðmundur
Hilmarsson
skrifar frá
Sofíu