Morgunblaðið - 27.03.2001, Qupperneq 12
JÚDÓ
12 B ÞRIÐJUDAGUR 27. MARS 2001 MORGUNBLAÐIÐ
„ÉG er mjög ánægð en það er ekki
það skemmtilegasta að glíma við
sína bestu vini,“ sagði Berglind
Andrésdóttir úr KA eftir sigur í úr-
slitaglímu í opnum flokki við Gígju
Gunnarsdóttir, sem einnig er frá Ak-
ureyri. „Það er mikið fyrir þessu haft
enda reyni ég að ljúka mínum
glímum sem fyrst svo að ég sprengi
mig ekki á tímanum en ætli það sé
ekki bara leti í mér,“ bætti Berglind
við en hún vann einnig í –63 kg.
flokknum. Hún byrjaði að æfa 1996 á
Egilsstöðum en flutti síðan til Ak-
ureyrar 1997 og hóf að æfa af fullum
krafti. Stutt var í að hún skellti sér á
verðlaunapall en fór ótroðnar slóðir
því áður en henni tókst að sigra í
opnum flokki á Íslandsmóti hampaði
hún gulli á Norðurlandamótinu 1999,
þar sem hún reyndar vann einnig í
sínum þyngdarflokki. Sigurinn á
laugardaginn varð henni hvatning
með framhaldið. „Óneitanlega eru
miklu meiri líkur á að ég haldi áfram
eftir þennan sigur og býst við að ég
láti verða af því.“
Tvöfalt hjá
Berglindi
Keppt var í sjö þyngdarflokkumkarla og fimm flokkum kvenna
auk opinna flokka hjá hvoru kyni.
Er leið á daginn kom
að úrslitaviðureign-
um í flokkum og
voru þar flestir
keppendur sem bú-
ist var við, en úrslit urðu þó ekki öll
„eftir bókinni“. Í –60 kg. flokki end-
urheimti hinn þrautseigi Höskuldur
Einarsson úr Júdófélagi Reykjavík-
ur titil. Eins og búist var við varði
Snævar Jónsson úr Júdófélagi
Reykjavíkur sinn titil í –66 kg. flokki
og Vignir Grétar Stefánsson úr Ár-
manni í –73 kg. flokki en báðir sigr-
uðu þeir á ippon. Bjarni Skúlason,
Íslandsmeistari í opnum flokki á síð-
asta ári, sigraði þá einnig í –81 kg.
flokki en var kominn í næsta þyngd-
arflokk fyrir ofan. Hann slapp því
við að mæta Karli Bang Erlingssyni
úr Júdófélagi Reykjavíkur í –81 kg.
flokki, sem hreppti gull í 11. sinn en
Bjarni vann hins vegar örugglega í
–90 kg. flokki. Í –100 kg. flokki tók-
ust á tröllin Vernharð og Þorvaldur
Blöndal úr Ármanni og eftir langa
og stranga glímu hafði Vernharð
sigur. Heimir Haraldsson úr Ár-
manni sigraði í þyngsta flokki, +100
kg. Hann átti að mæta risanum og
Íslandsmeistaranum Gísla Jóni
Magnússyni en þar sem Gísli Jón
sneri sig illa á ökkla í viðureign við
Vernharð í 8-manna úrslitum í opn-
um flokki, var hann úr leik en sig-
urinn verður ekki frá Heimi tekinn.
Kvennaflokkurinn var ekki síður
skemmtilegur. Í –57 kílóa flokki
sigraði Urður Skúladóttir úr KA en
hún er mætt til leiks á ný eftir stutt
hlé. Reyndar sagði hún það hafa
skilað sér að horfa á júdóspólur á
kvöldin og ræða júdó við matarborð-
ið alla daga en hún býr með unnusta
sínum, Bjarna Skúlasyni, sem fyrr
var getið. Berglind Andrésdóttir úr
KA sigraði örugglega í –63 kg.
flokki og Gígja Guðbrandsdóttir úr
Júdófélagi Reykjavíkur í –70 kg.
flokki en Bettina Wunsch frá
Þykkvabæ sýndi staka þolinmæði
þegar hún gerði sér lítið fyrir og
lagði Sólborgu B. Heimisdóttur í
+70 kg. flokki. Í opnum flokki áttust
við, sem fyrr segir, Berglind og
Gígja Gunnarsdóttir úr Ármanni og
sigraði sú fyrrnefnda með fullnaðar-
sigri, ippon.
Morgunblaðið/Árni Sæberg
Vernharð Þorleifsson úr KA tókst að taka Íslandsmeistaratitilinn í opnum flokki af Bjarna Skúla-
syni úr Júdófélagi Reykjavíkur. Hér reynir Vernharð að ná taki á Bjarna.
Vernharð
endurheimti
titilinn
MIKIÐ var um tilþrifamikil brögð og harða skelli í íþróttahúsinu við
Austurberg um helgina þegar fram fór þar Íslandsmótið í júdó. Ak-
ureyringar nældu í nokkur gullin, meðal annars í báðum opnu flokk-
unum. Vernharð Þorleifsson endurheimti meistaratitlinn með því
að leggja Íslandsmeistarann Bjarna Skúlason í karlaflokki og í opn-
um flokki kvenna áttust við tvær dömur frá Akureyri. Þar hafði
Berglind Andrésdóttir sigur á Íslandsmeistaranum og félaga sínum
Gígju Gunnarsdóttur. Sjö félög víðs vegar af landinu sendu tæplega
120 keppendur á mótið.
Stefán
Stefánsson
skrifar
Morgunblaðið/Árni Sæberg
Gígja Guðbrandsdóttir og Anna Soffía Víkingsdóttir, báðar úr
Júdófélagi Reykjavíkur, tókust á í úrslitum -70 kg flokks. Þar
hafði Gígja, sú með taglið, betur en Anna Soffía verst af krafti.
Morgunblaðið/Árni Sæberg
Þorvaldur Blöndal úr Ármanni lét Vernharð Þorleifsson úr KA
hafa mikið fyrir sigri í -100 kg flokki. Hér reynir Vernharð að
skella Þorvaldi en hann stóðst atlöguna.
„ÉG hefði orðið svekktur með
sjálfan mig ef þetta hefði farið á
annan veg,“ sagði Vernharð Þor-
leifsson úr KA eftir sigur á Íslands-
meistaranum Bjarna Skúlasyni í
opnum flokki en Vernharð varði
einnig titil sinn í –100 kg. flokki.
„Ég hef æft mjög vel og gekk vel á
móti í Danmörku í síðasta mánuði
þar sem flestir keppendur voru
Japanir. Ég hef verið laus við
meiðsli og æfi nú á fullu fyrir
stærri verkefni – fyrir Evrópu-
mótið og heimsmeistaramótið og
tek þetta mjög alvarlega. Það er
kominn tími til að gera eitthvað
þar, ég náði níunda sæti á síðasta
Evrópumóti og var þá að stíga upp
úr meiðslum þannig að ég ætla rétt
að vona að verði í verðlaunasæti í
sumar. Ég er í góðri æfingu og
munar um að vera að mestu laus
við meiðsli í langan tíma og ég var
farinn að hlakka til að keppa aft-
ur.“
Kappinn sagðist leggja alla
áherslu á sigur. „Aðallega var
keppnin nú erfið andlega því að
maður vill ekki gera nein mistök
og klúðra hlutunum. Ég tek ekki
mikla áhættu og vil frekar standa
uppi sem sigurvegari eftir leið-
inlega glímu en að tapa skemmti-
legri glímu. Mínar glímur í dag
voru ekkert augnayndi en það
gleymist – hinsvegar gleymist ekki
hver vann,“ sagði Vernharð en
hann hefur snúið sér alfarið að
keppni aftur eftir að hafa reynt að
þjálfa samhliða. „Það eru stífar æf-
ingar fyrir norðan og ég æfi undir
stjórn Jóns Óðins Jónssonar. Ég
reyndi í tæplega tvö ár að þjálfa og
æfa sjálfur en það gekk engan veg-
inn upp svo að um síðustu áramót
tók Óðinn við þjálfun minni aftur.
Það hefur breytt heilmiklu fyrir
mig og þetta er allt annað líf, ég er
ekki nógu ósérhlífinn til að þjálfa
og keppa.“
Æfi á fullu
fyrir stærri
verkefni