Morgunblaðið - 08.02.2002, Blaðsíða 3

MORGUNBLAÐIÐ FÖSTUDAGUR 8. FEBRÚAR 2002 C 3

TEITUR Örlygsson hefur leikið
níu sinnum til úrslita með Njarðvík
og sigrað sex sinnum. Friðrik Stef-
ánsson er að leika sinn þriðja bik-
arúrslitaleik en hann lék með KFÍ
árið 1998 í tapleik gegn Grindavík en
hann var í sigurliði Njarðvíkinga ár-
ið 1999.

BRENTON Birmingham hefur
ekki tapað bikarúrslitaleik en hann
lék með Njarðvík árið 1999 og ári
síðar var hann í herbúðum Grindvík-
inga.

PÁLL Kristinsson, leikmaður
Njarðvíkur, er öðru sinni mættur í
„Höllina“ en Pálína Gunnarsdóttir,
unnusta hans, verða í eldlínunni fyrr
um daginn með liði Njarðvíkur.

LOGI Gunnarsson er að leika sinn
fyrsta bikarúrslitaleik með Njarð-
víkingum en faðir hans Gunnar Þor-
varðarson afrekað það að tapa í öll
fimm skiptin sem hann lék til úrslita
með Njarðvík og ekki tókst honum
það síðar sem þjálfara. Gunnar var
aftur á móti formaður félagsins þeg-
ar bikarinn fór til Njarðvíkur árið
1999.

LEIÐ karlaliðs KR í úrslitaleikinn
var á þann veg að í 32 liða úrslitum
var lið Hattar lagt að velli, Hamar
var næst í röðinni, Þór Þ. í 8 liða og
Þór frá Akureyri í undanúrslitum.

NJARÐVÍKINGAR mættu Grind-
víkingum strax í 32 liða úrsl., en síð-
an voru lið Breiðabliks, Reynis frá
Sandgerði og Tindastóls lögð að
velli.

Í KVENNAFLOKKI sigraði KR
lið Keflavíkur í 16 liða úrsl., lið Ár-
manns var næst í röðinni og ÍS var
slegið út í undanúrslitum.

NJARÐVÍK sigraði b-lið granna
sinna úr Keflavík í 1. umferð, KFÍ í
þeirri næstu og lið Hauka í undan-
úrslitum.

ÞESS má geta að heimasíður fé-
laganna eru með líflega umfjöllum
um bikarleikina en slóð Njarðvík-
inga er www.umfn.is/karfan/ en
vesturbæjarliðið er með heimsíðu
sína undir slóðinni www.kr.is/karf-
an/.
BIKAR-
PUNKTAR
Brenton á
að stöðva
„pjakkinn“
„MARKMIÐ okkar er að leikmenn
liðsins séu vel hvíldir og upplifi að
þeir séu léttir í skrokknum þegar í
leikinn er komið,“ Friðrik Ragn-
arsson, þjálfari Njarðvíkur. „Við
tókum vel á því á æfingum liðsins í
síðustu viku og það kom berlega í
ljós í leikjunum gegn Keflavík og
Tindastól, þar voru menn þreyttir
og þungir. Við teljum að Jón Arnór
Stefánsson sé lykilmaður KR sem
þarf að stöðva og Brenton Birm-
ingham fær það hlutverk að slökkva
í „pjakknum.“ Friðrik sagði að óvíst
væri hvað gerðist með Bandaríkja-
manninn Pete Philo sem búið væri
að sækja um leikheimild fyrir. „Ég
nota hann ekki ef hann verður ekki
með okkur það sem eftir lifir leik-
tíðar. Fari svo að það verði gerður
við hann samningur verður Philo í
aukahlutverki í leiknum ef hann
verður þá með. Það er alltaf áhætta
að taka inn nýja leikmenn. Ef við
náum að stilla saman strengi okkar
sem lið á laugardaginn með hjálp
leikkerfa okkar er ekkert lið sem
getur stöðvað okkur – þetta vitum
við og ætlum okkur að gera það,“
sagði Friðrik.
FÓLK

SIGURVIN Ólafsson, knattspyrnu-
maður, skrifaði í gær undir nýjan
tveggja ára samning við KR-inga.
Sigurvin gekk í raðir KR frá Fram í
fyrra en lék þar áður með ÍBV. KR-
ingar hafa á undanförnum vikum ver-
ið duglegir að gera nýja samninga við
liðsmenn sína, en þó eiga fjórir lyk-
illeikmenn eftir að gera það – Krist-
ján Finnbogason, Guðmundur Bene-
diktsson, Þormóður Egilsson og
Einar Þ. Daníelsson.

SPÆNSKA handknattleiksliðið
Ciudad Real, sem er í öðru sæti í 1.
deild á Spáni, vill fá landsliðsmanninn
Ólaf Stefánsson í sínar raðir, sam-
kvæmt frétt þýska netmiðilsins
sport1. Samningur Ólafs við Magde-
burg rennur út sumarið 2003, en
spænska liðið er tilbúið að kaupa Ólaf
strax eftir yfirstandandi keppnistíma-
bil.

CONVERSANO, lið Guðmundar
Hrafnkelssonar á Ítalíu, tapaði á
laugardaginn sínum þriðja leik í
deildinni. Guðmundur var fjarri góðu
gamni þegar liðið heimsótti Fasano,
sem er í næsta nágrenni og tapaði
26:20. Þetta var 500. leikur Convers-
ano í ítölsku deildinni.

UM aðra helgi verður bikarkeppnin
á Ítalíu, en hún er leikin með dálítið
öðru sniði en hér heima. Átta efstu lið-
in í deildinni leika og er keppnin klár-
uð á tveimur helgum. Conversano er í
4. sæti, en Modena, lið Hilmars Þór-
lindssonar, er í 9. sæti sem stendur,
tapaði 25:20 fyrir Mazara um helgina.

STAFFAN Olsson, leikmaður
sænska landsliðsins og þýska félags-
ins Kiel, segist ekki útiloka að hann
endurnýi samning sinn við Kiel til
eins árs, en núverandi samningur
hans við félagið rennur út í vor. Ols-
son endurnýjaði samninginn til eins
árs í fyrra og sagði þá að hann ætlaði
sér að flytja heim til Svíþjóðar að
honum loknum. Olsson verður 38 ára
á þessu ári.

RAÚL, sóknarleikmaðurinn sterki
hjá Real Madrid, verður frá keppni í
tvær vikur vegna meiðsla á fæti sem
hann hlaut í leik við Valladolid, sem
Real tapaði á miðvikudag, 2:1.

ÞÆR fréttir bárust frá Skotlandi í
gær, að innan tveggja vikna verði
Þjóðverjinn Berti Vogts búinn að
skrifa undir samning sem landsliðs-
þjálfari Skota, sem leika í sama riðli
og Íslendingar í undankeppni EM í
Portúgal 2004.

LANDSLIÐSMAÐURINN Andri
Sigþórsson var á skotskónum með liði
sínu Molde gegn Brann í gær er
norsku úrvalsdeildarliðin áttust við í
æfingaleik í Vestlandshallen. Andri
lék aðeins í fyrri hálfleik gegn Teiti
Þórðarsyni og lærisveinum hans og
skoraði Andri mörkin á 5. og 44. mín-
útu. Bjarni Þorsteinsson var einnig í
byrjunarliði Molde. Leiknum lauk
með 3:1 sigri Molde.

FINNINN Mikael Forsell vonast
eftir því að fá sæti í byrjunarliði
Chelsea vegna góðrar frammistöðu
sinnar í leikjum liðsins að undan-
förnu. Forsell hefur skorað 5 mörk í
síðustu átta leikjum Chelsea og
frammistaða hans er farin að vekja
athygli. Belgíska liðið Anderlecht
hefur sýnt Finnanum áhuga en for-
ráðamenn Chelsea segja, að hann sé
framtíðarmaður í liðinu og hafa gert
við hann samning til ársins 2005.

NATALIA Baranova, rússnesk
skíðagöngukona sem er fyrrum
heimsmeistari unglinga í greininni,
fær ekki að keppa á vetrarólympíu-
leikunum sem hefjast í Salt Lake City
í dag. Ástæðan er að hún féll á lyfja-
prófi sem var tekið hjá henni eftir mót
í Austurríki í síðasta mánuði.

DAVID Seaman, Lee Dixon og
Tony Adams léku allir með varaliði
Arsenal í gærkvöld sem gerði 2:2
jafntefli við Watford. Þessar þrjár
gömlu kempur hafa allar verið frá
meira og minna í vetur vegna meiðsla
en þær komust klakklaust frá leikn-
um í gær og gætu því fengið að
spreyta sig með aðalliðinu áður en
langt um líður.
Að mínu mati liggur höfuðstyrk-ur KR-liðsins í Jóni Arnóri
Stefánssyni. Hann hefur leikið best
allra í vetur og er
lykilmaður KR. Það
er ekki nóg að
stöðva strákinn í því
að skora því hann
splundrar upp hvaða vörn sem er
með hraða sínum og hefur gott auga
fyrir samherjum sínum sem njóta
góðs af. Njarðvíkingar munu leggja
höfuðáherslu á að stöðva hann en
það verður erfitt. Að auki hefur KR
yfir ráða meiri breidd en Njarðvík
en ég er ekki viss um að það skipti
öllu máli þegar aðeins er um að
ræða einn leik – stærsta leik ársins.
Herbert Arnarson mun eflaust
blómstra enda að leika í fyrsta sinn
til úrslita og að sama skapi er Arnar
Kárason mjög traustur leikmaður
sem spilar líka hörku vörn.“ Jón
Örn hafði meiri áhyggjur af Keith
Vassell sem stýrir kvennaliði KR
áður en hann leikur sjálfur með
karlaliði KR. „Það bíður erfitt verk-
efni til handa Keith Vassell því hann
hefur verið að gefa nokkuð eftir og
hefur að mínu mati ekki leikið vel í
vetur. Ef eitthvað er hefur Friðrik
Stefánsson miðherji Njarðvíkinga
yfirhöndina ef þeir léku einn á móti
einum. Samt sem áður er Keith
Vassell reyndur leikmaður sem
skilar alltaf sínu en hann er ekki
eins áberandi í leik KR og áður.“
Logi og Brenton áberandi
en Teitur verður lúmskur
„Tvíeykið Brenton Birmingham
og Logi Gunnarsson koma til með
að bera uppi sóknarleik Njarðvík-
inga. Annar þeirra á eftir að eiga
stórleik. Teitur Örlygsson hefur
ekki haft sig í frammi í vetur en
þetta er leikur sem hann langar til
að gefa allt í.
Það sem hefur einkennt þessa
stráka er að þegar í úrslitaleiki er
komið þá eru þeir eins og beljur á
vorin, sprækir og taka af skarið
þegar þurfa þykir. Þrátt fyrir að
stigaskorið dreifist meira í KR-lið-
inu finnst mér alltaf eins og þeir
Logi og Brenton geti nánast skorað
þegar þeir vilja og þeir eiga síðan
alltaf von á því að Teitur detti í stuð
– eins og svo oft áður. Eins og áður
segir er Njarðvík með besta byrj-
unarlið landsins og ég tel að það
skipti litlu máli hverjir verða á
bekknum í þessum leik, það dugir
að nota sex til sjö leikmenn.“
Jón Örn var ekki viss um að nýr
leikmaður væri góð lending fyrir
Njarðvík. „Ég veit að Friðrik Ragn-
arsson mun ekki treysta á að nota
nýja leikmanninn í þessum leik. Ef
hann verður með mun hann leika af-
ar lítið og verður ekki afgerandi
þáttur í leiknum. Annað væri tómt
rugl í svo mikilvægum leik en mað-
ur veit samt aldrei hvað gerist í
íþróttum.“
Jón Örn stýrði sem kunnugt er
liði ÍR til sigurs í keppninni fyrir ári
og sagði þjálfarinn að miklu skipti
að bregða ekki útaf vananum í und-
irbúningi liðanna. „Það er mikil
spenna sem myndast hjá leikmönn-
um á þessum degi. Það er mín trú
að menn notist við sömu rútínu og
notuð er á venjulegum leikdegi í
deildinni. Slíkt hjálpar mönnum að
ná einbeitingu. Ég hef trú á því að
Njarðvíkingar nái að sigra. Þeir eru
með hlutverkin sín á hreinu og
gengur vel að skora. Það sem getur
gert þeim erfiðara fyrir er ef ein-
hverjar breytingar verða á hlut-
verkaskipan þeirra og menn finni
sig ekki í nýjum hlutverkum.“
Morgunblaðið/Jim Smart
bikarúrslitaleik og leikur síðan bikar-
nnarsson og Brenton Birmingham.
Jón Arnór ber
KR-liðið uppi
JÓN Örn Guðmundsson var sannspár þegar hann rýndi í möguleika
karlaliðanna sem léku til undanúrslita í bikarkeppni KKÍ og Doritos
og því var ekki um annað að ræða en að þjálfari ÍR-inga fengi annað
tækifæri þegar að úrslitaleiknum kæmi. Jón Örn sagði að breiður
leikmannahópur einkenndi lið KR en að Njarðvíkingar hefðu á að
skipa besta fimm manna liði landsins og væru því sigurstranglegri.
Jón Örn Guðmundsson þjálfari ÍR segir Njarðvíkinga vera
líklegri til að hampa bikarnum í karlaflokki gegn KR
Morgunblaðið/Þorkell
Jón Arnór Stefánsson, leikmaðurðinn sterki hjá KR-liðinu,
treður hér knettinum í körfu í leik gegn ÍR-ingum.
Eftir
Sigurð Elvar
Þórólfsson
ÞAÐ er ótrúlegt en satt að einn
fremsti leikmaður landsins und-
anfarinn áratug eða svo, KR-
ingurinn Herbert Arnarson, er að
leika í fyrsta sinn í bikarúrslitum.
„Það eru ekki margir sem vita
þetta en þetta er aðeins fimmta
tímabilið sem ég leik hér á landi. Ég
hef aldrei leikið í úrslitum áður,“
sagði Herbert. „Þetta er leikur sem
ekki allir fá að upplifa á ferli sínum
sem leikmenn og ég ætla að njóta
dagsins til hins ýtrasta,“ bætti Her-
bert við.
Herbert er í hlut-
verki nýliðans
ÍÞRÓTTIR