Morgunblaðið - 26.02.2002, Page 8

HANDKNATTLEIKUR
8 B ÞRIÐJUDAGUR 26. FEBRÚAR 2002 MORGUNBLAÐIÐ
Heimamenn skoruðu fyrsta markleiksins en Haukarnir jöfnuðu
strax og héldu svo ávallt eins marks
forystu þangað til á
18. mínútu að ÍBV
komst aftur yfir og
eftir það varð ekki
aftur snúið fyrir
Haukana. Eyjamenn
náðu fljótlega eftir það öruggri for-
ystu og réðu Haukarnir ekkert við
frábæra Eyjapeyja. Haukarnir
reyndu allt hvað þeir gátu að bregð-
ast við. Þeir skiptu um markmann,
tóku Mindaugas úr umferð en það
var alveg sama hvað þeir reyndu,
ekkert gekk. Hálfleikstölur voru
17:11 ÍBV í vil. Vestmannaeyingar
mættu gríðarlega ákveðnir til seinni
hálfleiks, staðráðnir í því að tapa
ekki niður þessu forskoti. Þeir skor-
uðu þrjú fyrstu mörkin og héldu
áfram að auka forskot sitt jafnt og
þétt. Eyjaliðið hreinlega valtaði yfir
stjörnum prýtt lið Haukanna og náði
mest tólf marka forystu. Það var
ekki fyrr en um miðjan seinni hálf-
leikinn að Haukaliðið fór aðeins að
klóra í bakkann eftir að Viggó hafði
tekið nánast allt byrjunarliðið sitt út
af. Þeir brugðu þá á það ráð að taka
Arnar og Mindaugas úr umferð og
náðu með því að minnka muninn í
fjögur mörk rétt undir lokin en nær
komust þeir ekki, lokatölur 34:30.
Eyjamenn eiga mikið hrós skilið
fyrir vægast sagt frábæran leik og er
þetta besti leikur liðsins í vetur og
örugglega einn besti leikur liðsins í
langan tíma. Þú spilar ekki betur en
andstæðingurinn leyfir sagði einhver
spekingur og það sannaðist heldur
betur í þessum leik, Íslands- og bik-
armeistararnir áttu hreinlega aldrei
möguleika. Maður vallarins var án
efa markvörður Eyjamanna, Hörður
Flóki Ólafsson, sem varði hvorki
fleiri né færri en 25 skot, þar af að-
eins eitt þar sem knötturinn barst
aftur til Haukanna. Einnig var gam-
an að sjá Jón Andra Finnsson koma
sterkan inn eftir mikil og erfið
meiðsli síðustu tvö ár og er hann von-
andi búinn að ná sér. Að öðru leyti
áttu allir Eyjastrákarnir frábæran
leik. Allt Haukaliðið fær falleinkunn
fyrir frammistöðu sína, það var
einna helst Halldór Ingólfsson sem
var með einhverju lífsmarki.
,,Þetta var frábær leikur hjá okk-
ur. Við vorum vitanlega ósáttir við
sjálfa okkur eftir ÍR leikinn og
ákváðum að taka okkur saman í and-
litinu og gefa allt í þetta. Það er auð-
velt að undirbúa lið fyrir leik á móti
Íslands- og bikarmeisturunum og
þeir ekki búnir að tapa leik. Þetta er
annað liðið sem kemur hingað tap-
laust og við náum að leggja það en
við vorum fyrstir til að vinna Val á
sínum tíma í haust. Mér finnst þessi
dómaraumræða sem hefur verið í
kringum leiki Hauka í vetur vitan-
lega gengin út í öfgar, dómararnir
voru mjög góðir hérna í dag,“ sagði
Sigbjörn Óskarsson þjálfari Eyja-
manna.
,,Þetta var auðvitað mjög góður
leikur þótt vissulega sé alltof mikið
að fá á sig þrjátíu mörk en það gefur
augaleið að fyrst við skorum 34 mörk
þá erum við að fá margar sóknir á
okkur í staðinn. Þetta var mjög fínt,
svart og hvítt miðað við leikinn á
móti ÍR síðast,“ sagði maður leiks-
ins, Hörður Flóki Ólafsson, kampa-
kátur eftir leikinn.
,,Við vorum hreinlega að leika illa.
Það vantaði alla einbeitingu í liðið og
við vorum bara andlega og líkamlega
tómir. Þetta var alls ekki spurning
um vanmat. Við gerðum okkur grein
fyrir því fyrir leikinn að þetta er
mjög erfiður völlur hérna og það
vantaði bara alla stemmningu í liðið,
við vorum ekki að spila á okkar getu
og þá vinnum við engan. Það getur
ekki endalaust haft áhrif á liðið að
fimm lykilmenn þess voru á EM en
það hefur kannski svolítil áhrif á liðið
að það er búið að vera rosalega mikið
andlegt álag á okkur undanfarið leik
eftir leik, nýkomnir úr þessum bik-
arúrslitaleik og hann kostar mikla
orku og ég fann það bara að liðið náði
sér engan veginn á strik. Þessi dóm-
araumræða í leikjum okkar í vetur er
hreinlega vitleysa og ég skil hrein-
lega ekki þá umræðu. Dómgæslan í
dag var mjög góð og hreint til fyr-
irmyndar,“ sagði Viggó Sigurðsson,
þjálfari Hauka.
Lítið um varnir
Bláklæddir FH-ingar unnu mik-ilvægan sigur á Þór frá Akur-
eyri, 34:30. Lítið sem ekkert sást til
varnarleiks eða
markvörslu hjá lið-
unum í fyrri hálfleik
og mjög fljótlega var
ljóst að liðin myndu
ná að skora a.m.k. 30 mörk. Liðin
voru með frábæra sóknarnýtingu
fram eftir öllum fyrri hálfleik og það
var ekki fyrr en að um 7 mínútur
voru til leikhlés að einhver mark-
varsla og varnarvinna fór að sjást hjá
liðunum. Staðan í leikhléi var enda
17:16 og talsverð spenna í leiknum.
FH-ingar náðu að hrista af sér
slyðruorðið í vörninni þegar tæpar
tíu mínútur voru liðnar af síðari
hálfleik og náðu þá fimm marka for-
skoti og lögðu grunninn að góðum
sigri. Þórsarar gáfust þó ekki upp,
minnkuðu muninn í tvö mörk en þá
sögðu FH-ingar hingað og ekki
lengra og tryggðu sér tvö mikilvæg
stig.
„Það var eiginlega ekki heil brú í
leik liðanna í dag,“ sagði Björgvin
Rúnarsson, sem var besti leikmaður
FH í leiknum – skoraði sjö mörk sem
öll voru úr hraðaupphlaupum. Páll
Viðar Gíslason var besti leikmaður
Þórs en líkt og FH-ingar áttu þeir í
mesta basli með varnarvinnuna og
markvörsluna framan af leik.
Fjórtán mörk Guðjóns
Framarar klífa enn töflu 1. deildarog eru komnir í níunda sætið
eftir sigur á Selfyssingum, 34:31, í
Framhúsinu. Þeir
hafa krækt í fimm
stig í þremur fyrstu
leikjum sínum eftir
áramótin og ætla sér
greinilega að gera harða atlögu að
áttunda sætinu og úrslitakeppninni.
Liðin voru jöfn að stigum fyrir
leikinn og því mikið í húfi. Stuðnings-
menn þeirra virtust þó ekki gera sér
grein fyrir mikilvægi leiksins og
voru fámennir á pöllunum. Það virð-
ist reyndar ekki tiltökumál lengur
þótt aðeins mæti 150 manns á leik í 1.
deild enda erfitt að byggja upp
spennu í endalausri forkeppni.
Leikurinn var hraður og sveiflu-
kenndur. Selfoss með undirtökin
framan af en Framarar virtust með
pálmann í höndunum eftir að hafa
náð átta marka forystu fyrir hlé. Auk
þess hafði Selfoss misst Þóri Ólafs-
son af velli vegna þriggja brottvísana
áður en fyrri hálfleikur var úti. Sami
munur var, 23:15, þegar 5 mínútur
voru liðnar af síðari hálfleik en þá
tóku Selfyssingar mikinn kipp og
höfðu jafnað metin aðeins 13 mínút-
um síðar. Eftir það var allt í járnum
þar til Guðjón Finnur Drengsson
skoraði þrjú mörk í röð og kom Fram
í 33:30. Manni fleiri í stöðunni 33:31
virtust Selfyssingar enn eiga von en
Björgvin Björgvinsson slökkti hana
með glæsilegu gegnumbroti eftir
aukakast 45 sekúndum fyrir leikslok.
Guðjón Finnur átti stórgóðan leik
með Fram og skoraði 14 mörk á fjöl-
breyttan hátt en hann, Hjálmar Vil-
hjálmsson, Björgvin Björgvinsson
og Róbert Gunnarsson báru uppi
leik Safamýrarpilta. Í heild átti lið
þeirra afar köflóttan leik, sérstak-
lega var varnarleikurinn slakur, en
Framarar sýndu styrk þegar á
reyndi.
Hjá Selfyssingum voru hinir óút-
reiknanlegu Valdimar Þórsson og
Hannes Jón Jónsson allt í öllu ásamt
Jóhanni Inga Guðmundssyni sem
varði 19 skot. Selfyssingar eru
óhræddir við að keyra upp hraðann,
með Valdimar í aðalhlutverki, en það
kom þeim í koll í fyrri hálfleik þegar
þeir fengu hvert hraðaupphlaupið á
sig á fætur öðru. Þeir sýndu mikla
seiglu með því að jafna metin en
höfðu ekki kraft til að fylgja því eftir.
Sigurmark á
elleftu stundu
Einbeitingin skein úr andliti leik-manna Gróttu/KR gegn Aftur-
eldingu í leik liðanna í 1. deild karla í
handknattleik á
sunnudagskvöld.
Einbeitingin skilaði
Gróttu/KR mikil-
vægum sigri, 21:20,
og tveimur stigum nær úrslita-
keppninni. Alexander Paterson
skoraði sigurmarkið úr hraðaupp-
hlaupi rétt fyrir leikslok og gríðar-
legur fögnuður braust út meðal leik-
og stuðningsmanna Gróttu/KR.
Lokamínúta leiksins var æsi-
spennandi. Grótta/KR hafði yfir-
höndina allan hálfleikinn en Mosfell-
ingar komust inn í leikinn þegar
tvær mínútur voru til leiksloka og
jöfnuðu leikinn, 20:20.
Þeir fengu gullið tækifæri til að
tryggja sér sigurinn þegar heima-
mönnum mistókst að skora í næstu
sókn og höfðu eina mínútu til umráða
til að skora sigurmarkið. Það tókst
þó ekki því þegar aðeins 5 sekúndur
voru til leiksloka fengu þeir dæmdan
á sig ruðning. Grótta/KR geystist
fram í sókn og Alexander Paterson
skoraði sigurmarkið, 21:20.
„Þetta var spurning um heppni í
lokin og hún féll okkar megin,“ sagði
Magnús Arnar Magnússon, fyrirliði
Gróttu/KR, kampakátur í leikslok.
Ekki er hægt að taka út neinn leik-
manna Gróttu/KR umfram annan.
Liðið sem heild vann í sameiningu að
þessum sigri.
Leikmenn Aftureldingar náðu ein-
hvern veginn ekki að sýna hvað í
þeim býr í þessum leik. Þeir voru þó
á köflum að leika ágætan sóknarleik
en þeir náðu ekki að brjóta baráttu-
glaða vörn Gróttu/KR á bak aftur.
Reynir Þór Reynisson markvörður
var þeim drjúgur á lokakafla síðari
hálfleiks er hann varði m.a. vítakast
en það dugði ekki til.
Hrun hjá Víkingi
Sigur var innan seilingar hjá Vík-ingum – höfðu þriggja marka
forskot tæpum tíu mínútum fyrir
leikslok þegar
Stjörnumenn sóttu
þá heim í Víkina. En
vænleg staða virtist
slá þá útaf laginu því
Garðbæingar gerðu tíu mörk á móti
tveimur á næstu 8 mínútum og sigr-
uðu, 30:26. „Við misstum haus í lokin,
fengum tvær brottvísanir og réðum
ekki við það,“ sagði Víkingurinn Þór-
ir Júlíusson eftir leikinn og var ekki
sáttur við hrunið síðustu mínúturn-
ar.
Eyjamenn fyrstir
að leggja Hauka
VESTMANNAEYINGAR tóku á móti Íslands- og bikarmeisturum
Hauka á laugardaginn í Vestmannaeyjum. Fyrir þennan leik höfðu
Haukarnir ekki tapað leik, hvorki í deild né bikar, en Eyjamenn hafa
verið brokkgengir og kannski sumpart valdið vonbrigðum miðað við
þann mannskap sem liðið er með. Fyrir leikinn bjóst því enginn við
að Eyjastrákarnir gætu unnið Hauka, nema leikmenn og stuðnings-
menn ÍBV. En annað kom á daginn því Eyjamenn gerðu sér lítið fyrir
og völtuðu yfir Íslands- og bikarmeistarana og endaði leikurinn
34:30 fyrir ÍBV en lokatölur leiksins gefa engan veginn rétta mynd
af leiknum því mest náði ÍBV tólf marka forskoti.
Einar
Hlöðver
Sigurðsson
skrifar
Ingibjörg
Hinriksdóttir
skrifar
Víðir
Sigurðsson
skrifar
Ingibjörg
Hinriksdóttir
skrifar
Stefán
Stefánsson
skrifar
Ólafur Stefánsson hafði sig frekarlítið í frammi. Hann skoraði að-
eins tvö mörk í leiknum en lék félaga
sína oft vel uppi og þá einkum og sér
í lagi franska línumanninn Geric
Kervadec, sem var langmarkahæst-
ur í liði Magdeburg með 9 mörk.
Bennet Wiegert, Nenand Perunicic
og Joel Abati komu svo allir með 5
mörk. Hjá Celje voru slóvensku
landsliðsmennirnir Renato Vugrinec
og Roman Pungartnik atkvæðamest-
ir með 7 mörk og þá átti Dejan Peric,
landsliðsmarkvörður Júgóslava
snjallan leik á milli stanganna.
Leikurinn var allan tímann í járn-
um. Celje hafði eins marks forustu í
hálfleik, 14:13, og jafnt var á flestum
tölum í síðari hálfleik. Júgóslavneski
risinn Nenand Perunicic fékk gullið
tækifæri til að jafna metin undir lok-
in en honum brást bogalistin úr opnu
færi þegar 10 sekúndur voru eftir og
Celje tókst í kjölfarið að skora síð-
asta mark leiksins úr hraðaupp-
hlaupi.
Ólafur átti ekki
sinn besta leik
„Við erum komnir svolítið upp að
vegg en ég tel samt að við eigum fulla
möguleika á að slá slóvenska liðið út.
Þetta eru ekki nema tvö mörk og þó
svo að við eigum í vændum mjög erf-
iðan útileik þá getur liðið leikið mun
betur en það gerði í þessum leik,“
sagði Ólafur Stefánsson í samtali við
Morgunblaðið.
Ólafur sagði að varnarleikur
Magdeburg hefði brugðist en liðið
missti lykilmann varnarinnar, fyrir-
liðann Steffan Stiebler, útaf vegna
meiðsla eftir aðeins 10 mínútna leik.
„Við lentum í basli með vörnina og
við fengum þar að leiðandi mun færri
hraðaupphlaup en ella. Þá var sókn-
arleikurinn vandræðalegur. Celje
lék framstæða vörn og lagði áherslu
á að stöðva skytturnar í okkar liði.
Ég átti kannski ekki minn besta leik
og Perunicic gat ekki beitt sér að
fullu vegna meiðsla,“ sagði Ólafur.
Magdeburg vann tvo titla á síð-
ustu leiktíð. Liðið varð þýskur meist-
ari og sigraði í EHF-keppninni en
ekki hefur gengið sem skyldi hjá lið-
inu í ár. Magdeburg er í sjötta sæti í
deildinni og á varla möguleika á að
verja titilinn og eftir ósigurinn gegn
Celje hafa möguleikar liðsins á að
vinna til verðlauna í Evrópukeppn-
inni dvínað til muna.
„Það er frekar ólíklegt að við
vinnum deildina eins og staðan er í
dag en við höfum ekki gefist upp í
Meistaradeildinni þó svo að það líti
ekki allt of vel út. Þá erum við komn-
ir í undanúrslit í bikarkeppninni svo
stuðningsmenn okkar eru ekki enn
farnir að snúa baki við okkur.“
Morgunblaðið/Jens Wolf
Ólafur Stefánsson náði sér ekki á strik.
Á brattann að
sækja fyrir
Magdeburg
ÞÝSKU meistararnir í Magdeburg standa höllum fæti í viðureign
sinni á móti slóvenska liðinu Celje Piovarna Lasko í 8-liða úrslitum
Meistaradeildar Evrópu í handknattleik. Liðin mættust í Berlín að
viðstöddum 8.000 áhorfendum um helgina og fóru gestirnir með
sigur af hólmi, 31:29. Leikið var í Berlín þar sem íþróttahöll Magde-
burg var upptekin. Síðari leikurinn verður í Slóveníu um næstu
helgi og verður þar á brattann að sækja fyrir lærisveina Alfreðs
Gíslasonar.