Morgunblaðið - 21.06.2002, Blaðsíða 3
KNATTSPYRNA
MORGUNBLAÐIÐ FÖSTUDAGUR 21. JÚNÍ 2002 C 3
Sláðu í gegn á Skaga
Garðavöllur - Akranesi
laugardaginn 22. júní
Opna SV mótið,
karlamót - einn flokkur.
Punktakeppni með og án forgj.
Hámarks vallarforgjöf. 27.
Opna Lancome kvennamótið,
tveir flokkar.
Punktamót með forgjöf.
Flokkar 0-28 og 29-36 í vallarforgjöf.
Keppnisgjald kr. 2.700.
Skráning og nánari upplýsingar í síma 431 2711
og www.golf.is/gl. Golfklúbburinn Leynir, Akranesi.
SERES Cosmi, þjálfari ítalska
liðsins Perugia, vonar að forseti liðs-
ins Luciano Caucci snúist hugur,
þannig að Suður-Kóreumaðurinn
Ahn Jung-hwan, sem skoraði sigur-
markið gegn Ítalíu, 2:1, verði ekki
látinn fara frá liðinu. „Ahn er leik-
maður sem ég vil hafa í mínu liði.“
OLIVER Kahn markvörður Þjóð-
verja leikur í dag sinn 50. landsleik
gegn Bandaríkjamönnum á HM.
Kahn kemst þar með í hóp 42 leik-
manna sem leikið hafa fleiri en 50
leiki fyrir Þýskaland.
MICHAEL Ballack miðjumaður-
inn snjalli hjá Þjóðverjum er orðinn
heill heilsu eftir meiðsli og hann
verður með sínum mönnum í leikn-
um við Bandaríkjamenn í dag. Sömu
sögu er að segja um Christoph Met-
zelder. Hann er orðinn góður af
meiðslunum sem hann hlaut í leikn-
um við Paragvæ um síðustu helgi.
SEPP Blatter forseti FIFA hefur
fordæmt sumar ákvarðanir dómar-
anna á HM en hann biður Ítali um að
sýna virðingu þrátt fyrir að þeir séu
súrir eftir fallið á HM. „Mér þykja
dómararnir hafa staðið sig að mörgu
leyti vel en aðstoðardómararnir hafa
margir hverjir gert skelfileg mistök
og þá einkum og sér í lagi varðandi
rangstöðudóma. Þeir hafa ekki áttað
sig á því að það er betra að dæma
rangstöðumark gott og gilt í stað
þess að dæma af löglegt mark,“ segir
Blatter.
BLATTER segist vel skilja
gremju Ítalanna og segir þá hafa
orðið illa fyrir barðinu á dómurun-
um. Blatter segir að Totti hefði aldr-
ei átt að vera vikið af leikvelli og
markið sem Tomassi skoraði í fram-
lengingunni hafi verið fullkomnlega
löglegt. „Það eina neikvæða við
keppnina er frammistaða dómar-
anna,“ segir Blatter.
ENSKA úrvalsdeildarliðið New-
castle hefur gengið frá kaupum á
portúgalska landsliðsmanninum
Hugo Viana frá portúgalska liðinu
Sporting Lissabon. Viana er aðeins
19 ára gamall en er talinn einn af
efnilegustu knattspyrnumönnum í
Evrópu og hefur verið líkt við landa
sinn Luis Figo. Talið er að New-
castle hafi þurft að reiða fram sem
samsvarar um 1,1 milljarði króna
fyrir piltinn.
ÍTALSKA landsliðið í knattspyrnu
fékk varmar viðtökur þegar það
sneri til síns heima í gær. Hundruð
aðdáenda liðsins tóku á móti liðinu á
flugvöllunum í Mílanó og Róm og
fögnuðu þrátt fyrir að Ítalir hefðu
tapað fyrir Suður-Kóreu í 16-liða úr-
slitum. Aðdáendurnir héldu á borð-
um með hughreystandi orðum fyrir
landsliðsmennina, „Þið eruð hinir
sönnu meistarar og hættuð aldrei að
berjast.“
ÍTÖLSKU leikmennirnir fengu því
mun betri móttökur en landar þeirra
fyrir 36 árum sem voru grýttir með
tómötum við heimkomuna fyrir
frammistöðu sína á heimsmeistara-
mótinu í Englandi, en þar tapaði liðið
fyrir Norður-Kóreu í riðlakeppninni
og komst ekki áfram.
FÓLK
Tölfræðin með
Þjóðverjum
ÞÝSKALAND og Bandaríkin
hafa sex sinnum mæst á knatt-
spyrnuvellinum. Þjóðverjar
hafa unnið fjóra þeirra og tví-
vegis hafa Bandaríkjamenn
borið sigur úr býtum. Marka-
talan er Þýskalandi í hag,
13:10.
Þjóðverjar unnu fyrstu þrjá
leikina sem þjóðirnar áttust við
í, þann fyrsta 4:3, annan 3:0, en
báðir leikirnir fóru fram árið
1993, og þann þriðja á úr-
slitakeppni HM fyrir fjórum ár-
um, 2:0, með mörkum Jürgens
Klinsmanns og Andreas Möll-
ers. Árið 1999 mættust þjóð-
irnar tvívegis og unnu Banda-
ríkjamenn báða leikina, 3:0 og
2:0. Í marsmánuði 2002 léku
svo þjóðirnar vináttulandsleik í
Þýskalandi þar sem Þjóðverjar
fóru með sigur af hólmi, 4:2.
Á HM í Frakklandi fyrir fjórumárum höfnuðu Bandaríkjamenn
í neðsta sæti þeirra 32 liða sem tóku
þátt í keppninni en nú fjórum árum
síðar eru þeir komnir í 8-liða úrslit
keppninnar – ótrúleg umskipti hjá
þessarri fjölmennu þjóð þar sem
knattspyrnan hefur átt mjög undir
högg að sækja frá íþróttagreinum
eins og körfuknattleik, ruðningi og
hafnabolta.
Rudi Völler, landsliðsþjálfari
Þjóðverja, viðurkennir að þýska liðið
sé kannski ekki í sama gæðaflokki og
Brasilíumenn og Englendingar en
þar með er ekki sagt að ævintýri
þýska liðsins geti ekki haldið áfram í
keppninni.
„Við erum eitthvað á eftir Bras-
ilíumönnum og Englendingum en við
höfum liðsandann, viljann og óbil-
andi sjálfstraust sem getur dugað
okkur til að leggja hvaða þjóð sem er
að velli. Ég er bjartsýnn á að okkur
takist að komast í undanúrslitin. Ef
við spilum okkar leik og náum að
setja bandaríska liðið undir pressu
strax í byrjun leiks þá vinnum við
leikinn. Það er ekkert vanmat í okk-
ar huga. Bandaríkjamenn hafa sýnt
hvers megnugir þeir eru og þeir
mæta til leiks gegn okkur undir þeim
formerkjum að þeir hafi engu að
tapa. Enginn reiknaði með þeim
svona langt í keppninni og það gerir
þá hættulega í mínum huga,“ segir
Rudi Völler.
Líkt þýska liðinu frá 1986
Karl-Heinz Rummenigge, fyrr-
verandi stjarna í þýska landsliðinu,
segir að lið Þjóðverja í dag minni sig
mikið á liðið sem lék á HM 1986 en í
þeirri keppni komust Þjóðverjar í
úrslitaleikinn en töpuðu þar fyrir
Argentínumönnum, 3:2.
„Það er margt í okkar liði í dag
sem minnir mig á liðið 1986. Löng-
unin er til staðar og leikmenn virka í
líkamlega góðu formi. Í keppninni
1986 gátum við ekki borið okkur
saman við Brasilíu, Argentínu og
Frakkland hvað leikni og hæfni
varðar en engu að síður tókst okkur
að leggja gestgjafana í Mexíkó og
Frakkland í leið okkar í úrslitaleik-
inn. Ég held að liðið í dag geti gert
það sama,“ segir Rummenigge.
Árið 1986 voru ekki bundnar mikl-
ar vonir við þýska liðið og það sama
er uppi á teningnum í ár. Rudi Völler
þurfti að glíma við ýmis vandamál
fyrir HM. Meiðsli sterkra leikmanna
voru ekki til að auka vonir Þjóðverja
um velgengni á HM en eftir 8:0 sigur
á Sádi-Arabíu í fyrsta leik fengu
þýsku leikmennirnir sjálfstraustið
og trúna á að þeir gætu náð langt.
Rummenigge segir að Þjóðverjar
eigi besta markvörð heims, sem er
Oliver Kahn, og Miroslav Klose hafi
sýnt og sannað að hann sé framherji
í fremstu röð. Kahn hefur aðeins
þurft að hirða knöttinn einu sinni úr
neti sínu og Klose er sem stendur
markahæstur ásamt Brasilíumann-
inum Ronaldo með 5 mörk.
Skipulagðir og agaðir
Þó svo Bandaríkjamenn hafi ekki
heillað marga með leikjum sínum á
HM hafa þeir komið geysilega á
óvart. Vel skipulagt lið, agaður leik-
ur og sterk liðsheild eru vopnin sem
bandaríska liðið, undir stjórn Bruce
Arena, hefur haft á hendi og sigrar
gegn Portúgölum og Mexíkóum hafa
gefið skýr skilaboð um að Banda-
ríkjamenn eru sýnd veiði en ekki
gefin. Varnarleikurinn hefur verið
þeirra aðalsmerki, ef undan er skil-
inn leikurinn við Pólverja, og sókn-
armenn bandaríska liðsins hafa vak-
ið athygli fyrir vaska framgöngu.
„Það er öll pressan á Þjóðverjum,
flestir reikna með með sigri þeirra.
Þeir eru hávaxnir og líkamlega
sterkir og eru góðir að nýta sér föstu
leikatriðin. Við verðum að vera til-
búnir í mikil átök og það er lykilat-
riði fyrir okkur að taka vel á þeim og
sækja hratt á vörn þeirra þegar tími
gefst. Sjálfstraustið hefur eflst í okk-
ar liði með hverri raun og við mætum
óhræddir til leiks,“ segir Arena.
Þrefaldir heimsmeistarar Þjóðverja
glíma við Bandaríkjamenn í Ulsan
Sýnd
veiði en
ekki gefin
FYRIR ekki mjög mörgum árum hefði verið litið á leik Þýskalands og
Bandaríkjanna á heimsmeistaramóti í knattspyrnu sem viðureign
Davíðs og Golíats en í dag þegar þjóðirnar kljást í 8-liða úrslitunum
í Ulsan í S-Kóreu líta málin öðruvísi út. Þjóðverjar, sem þrívegis
hafa hampað heimsmeistaratitlinum, eru að sjálfsögðu miklu sig-
urstranglegri aðilinn, en eins og keppnin hefur spilast hingað til er
ekki hægt að afskrifa Bandaríkjamenn sem af öllum öðrum þjóðum
ólöstuðum hafa komið mest á óvart í keppninni.
ÍSLANDSMEISTARAR ÍA eiga
ýmsa athyglisverða kosti þegar dreg-
ið verður til 1. umferðar í forkeppni
meistaradeildar Evrópu í knatt-
spyrnu í dag. Þeir gætu fengið þægi-
legt ferðalag og farið til Færeyja eða
Norður-Írlands, en þeir gætu líka
orðið afar óheppnir og lent í Armeníu
eða í nýjasta aðildarríki Knattspyrnu-
sambands Evrópu, Kasakstan.
Þeim liðum sem leika í 1. umferð er
skipt í tvo hópa eftir styrkleika en
Skagamenn eru í sterkari hópnum og
eiga því góða möguleika gegn flestum
þeim liðum sem þeir geta dregist
gegn. Þau eru eftirtalin:
Hibernians frá Möltu, Barry Town
frá Wales, Flora Tallinn frá Eistlandi,
Pyunik frá Armeníu, Zeljeznicar frá
Bosníu, Portadown frá Norður-Ír-
landi, B36 frá Færeyjum, Dinamo
Tirana frá Albaníu, Dudelange frá
Lúxemborg og Zhenis Astana frá
Kasakhstan.
Ef Skagamenn slá út andstæðinga
sína, dragast þeir gegn einhverju eft-
irtalinna liða, sem sitja hjá í 1. um-
ferð:
Dinamo Kiev frá Úkraínu, Sparta
Prag frá Tékklandi, Club Brugge frá
Belgíu, Boavista frá Portúgal, Grazer
AK frá Austurríki, Bröndby frá Dan-
mörku, Maccabi Haifa frá Ísrael,
Legia Varsjá frá Póllandi, Lilleström
frá Noregi, Basel frá Sviss, Partizan
frá Júgóslavíu, NK Zagreb frá Króat-
íu, Levski Sofia frá Búlgaríu og Mari-
bor frá Slóveníu.
ÞRÁTT fyrir að Evrópa eigi fjóra
fulltrúa í 8-liða úrslitunum á heims-
meistarakeppninni í knattspyrnu,
England, Þýskaland, Tyrkland og
Spán, hafa ekki verið færri þjóðir frá
Evrópu í 8-liða úrslitunum síðan á
HM í Mexíkó árið 1970. Í þeirri
keppni komust England, Þýskaland,
Ítalía og Sovétríkin sálugu í 8-liða
úrslitin en Brasilíumenn stóðu sem
kunnugt uppi sem heimsmeistarar –
lögðu Ítali í úrslitaleik, 4:1. Í fyrsta
sinn í sögu HM gæti það gerst að
Evrópa ætti ekki fulltrúa í undan-
úrslitum keppninnar. Líkurnar á að
svo verði eru kannski ekki miklar en
miðað við mörg óvænt úrslit á HM til
þessa er ekki hægt að afskrifa þann
möguleika. Í 8-liða úrslitunum eigast
við: England – Brasilía, Þýskaland –
Bandaríkin, Spánn – S-Kórea og
Tyrkland – Senegal.
m
ð
r
g
Morgunblaðið/Jim Smart
emur aftan að Þorsteini Jónssyni, KR, í baráttu þeirra um knöttinn.
Undanúrslit á HM
án Evrópuþjóða?
ÍA til Færeyja
eða Kasakstan?