Morgunblaðið - 29.08.2002, Blaðsíða 1

B L A Ð A L L R A L A N D S M A N N A
BANDARÍKIN SIGURSTRANGLEG Á HM Í KÖRFUKNATTLEIK / C4
JÚGÓSLAVNESKI handknattleiksmaðurinn
Nenand Perunicic, stjórskyttan sem leikur með
Magdeburg, liði Alfreðs Gíslasonar og Ólafs
Stefánssonar, er kominn með þýskan ríkisborg-
ararétt. Hann er þar með orðinn gjaldgengur í
þýska landsliðið en Þjóðverjar leika sem kunn-
ugt með Íslendingum á HM í Portúgal á næsta
ári. Perunicic er 31 árs gamall og gekk í raðir
Magdeburg fyrir síðustu leiktíð frá Kiel. Hann
á 130 landsleiki að baki með júgóslavneska
landsliðinu og spurningin sem menn velta fyrir
sér nú er hvort landsleikjum hans muni fjölga
og þá undir stjórn Heiners Brands, landsliðs-
þjálfara Þjóðverja. Víst er að Brand mun horfa
til hans þegar valið verður í landsliðið fyrir
næsta leik, gegn Svíum í lok september, enda
hefur Perunicic verið einn allra sterkasti leik-
maður þýsku deildarkeppninnar undanfarin ár.
Perunicic fær
þýskt ríkisfang
ÁRMANN Smári Björnsson, sem
leikið hefur með 1. deildarliði Vals í
knattspyrnu, leikur með norska úr-
valsdeildarliðinu Brann það sem
eftir er tímabilsins í Noregi. Teitur
Þórðarson, þjálfari Brann, fór þess
á leit við Val að fá Ármann leigðan
og urðuP Valsmenn við þeirri
beiðni og heldur hann utan á morg-
un. Brann mætir Bryne á sunnu-
daginn en sjö uPmferðum er ólokið
í deildinni sem lýkur í lok október.
Hann er annar leikmaður Vals
sem fer á leigusamning til félags í
Noregi en á dögunum gekk Guðni
Rúnar Helgason til liðs við Start,
þar sem Guðjón Þórðarson er við
stjórnvölinn.
Ármann Smári, sem er sóknar-
maður að upplagi, hefur leikið sem
miðvörður í liði Vals í sumar, en
Teitur hyggst nota Hornfirðinginn
stóra og stæðilega í framlínunni
enda hefur lærisveinum hans geng-
ið illa að skora mörk – 26 mörk í 19
deildaleikjum. Brann er í bullandi
fallbaráttu. Liðið er í þriðja neðsta
sæti með 21 stig en í tveimur neðstu
sætunum eru Moss með 17 stig og
Start með aðeins 11 stig.
Kristján Sigurðsson varnarmað-
ur KA-liðsins var á dögunum til
reynslu hjá Brann en ekkert verður
af því að hann gangi í raðir félags-
ins. Á heimasíðu KA kemur fram að
tilboð Brann í Kristján hafi reynst
óviðunandi og því hafi verið hafn-
að.
Ármann
leigður til
Brann
KÖRFUKNATTLEIKSLIÐ Hauka
hefur samið við Bandaríkjamann-
inn Stevie Johnson um að hann leiki
með liðinu á næstu leiktíð. Johnson
lék með liði Þórs frá Akureyri í
fyrra og skoraði ríflega 30 stig að
meðaltali og átti tæp 14 fráköst og
er hann því mikill fengur fyrir
Hafnarfjarðarliðið. Mikil breyting
hefur orðið á leikmannahóp Hauka
en þeir Jón Arnar Ingvarsson
(Breiðablik), Guðmundur Bragason
(Grindavík), Bjarki Gústafsson
(Valur), Lýður Vignisson (Snæfell)
og Bragi Magnússon eru horfnir á
braut. Margir leikmenn úr her-
búðum Stjörnunnar hafa skipt yfir í
Hauka en að sögn Reynis Kristjáns-
sonar er markmið liðsins að komast
í úrslitakeppni átta efstu liða.
Johnson
til Hauka
Enskir fjölmiðlar gefast ekkiupp á að orða Eið Smára Guð-
johnsen, framherja Chelsea, við
önnur lið á Bretlandseyjum.
Breska blaðið Daily Star og net-
miðillinn teamtalk birtu fréttir í
gær um að Manchester United
væri að undirbúa 7 milljóna punda
tilboð í íslenska landsliðsmiðherj-
ann. Sagt er að viðræður um hugs-
anleg kaup United á Eiði Smára
fari fram í Mónakó í dag en þangað
eru mættir fulltrúar þeirra liða
sem verða í hattinum á morgun
þegar dregið verður á Evrópumót-
unum í knattspyrnu.
Fyrr í sumar var Eiður Smári
orðaður við lið Manchester-liðið en
þar sem leikmannamarkaðnum á
Englandi verður lokað í fjóra mán-
uði frá og með næsta laugardegi og
sú staðreynd að Alex Ferguson,
stjóri United, er aðeins með þrjá
framherja í aðalliði félagsins –
Ruud van Nistelrooy, Ole Gunnar
Solskjær og Diego Forlan, hafa
fregnir um hugsanleg kaup á Eiði
skotið upp kollinum á nýjan leik.
Þá hafa í gær og undanfarna
daga birst fréttir í enskum fjöl-
miðlum að Glenn Hoddle, knatt-
spyrnustjóri Tottenham, ætli að
festa kaup á sterkum framherja og
hefur nafni Eiðs verið velt upp í því
sambandi. Ekkert hefur hins vegar
verið staðfest í þessum efnum.
Eiður aftur orð-
aður við United
NORSKU meistararnir í Rosen-
borg eru komnir í riðlakeppni
meistaradeildar Evrópu áttunda
árið í röð. Þeir náðu þessum
magnaða árangri með því að
sigra Brøndby öðru sinni í upp-
gjöri Norðurlandastórveldanna,
3:2, í Kaupmannahöfn í gærkvöld,
og þar með 4:2 samanlagt.
Árni Gautur Arason landsliðs-
markvörður fær því enn eitt
tækifærið til að spreyta sig í
meistaradeildinni en hann er að
ljúka sínu fimmta tímabili í röð-
um norsku meistaranna.
Rosenborg var með leikinn í
höndunum eftir að hafa náð 3:0
forystu. Góður endasprettur
dönsku meistaranna kom of seint
en Árni Gautur kom í veg fyrir
að þeir jöfnuðu leikinn með frá-
bærri markvörslu undir lokin.
Auk Rosenborg komust New-
castle, AC Milan, Maccabi Haifa,
Club Brugge, Basel, Auxerre,
AEK, Barcelona, Lokomotiv
Moskva og Dynamo Kiev í gær-
kvöld í riðlakeppni meistaradeild-
arinnar. Dregið verður í riðla í
dag.
Reuters
Odd Inge Olsen, félagi Árna Gauts Arasonar hjá Rosenborg, og
Ruben Bagger hjá Bröndby eigast við í leik liðanna í gærkvöldi.
■ Úrslit … /C2
Átta í röð hjá
Rosenborg
2002
FIMMTUDAGUR 29. ÁGÚST BLAÐ C