Morgunblaðið - 13.10.2002, Blaðsíða 11
Við Jökullæk innan Töðuhrauka neðarlega í hlíðinni upp af Jöklu. Náttúruvernd ríkisins telur að Töðuhraukarnir og jaðar Brúarjökuls hafi hátt verndargildi á heimsmælikvarða. Töðuhraukar þykja m.a.
sérstakir því auk jökulurðar er í þeim jarðvegur sem vöðlaðist upp í þá við framhlaup jökulsins. Hraukarnir eru um 2,5 km að lengd og mun um tíundi hluti þeirra fara undir Hálslón.
Í Kringilsárrana er mikill gróður, upp frá ánum eru víðibrekkur og mýrar á flatlendinu. Austan ár sést Hálsinn og innan til í honum sér í gilið þar sem Sauðá á Vesturöræfum rennur í Jöklu. Fjöll í fjarska
f.v.: Grjótárhnjúkur, Nálhúshnjúkar, Snæfell og Sauðahnjúkar tveir sem ber í það, þá Þjófahnjúkar, upplýstur hnjúkur er Fitjahnjúkur og innan við hann Litla-Snæfell og Bjálfafell.
Í Kringilsárrana finna hreindýrin gott viðurværi og skjólgóðar lautir. Hálslón kann að hamla fari dýranna í og úr Kringilsárrana og Sauðafelli eftir hefðbundnum leiðum. Truflun á vor- og haustfari dýranna og
eins burðar- og beitarsvæðum kann að valda fækkun í hreindýrahjörðinni á Snæfellssvæðinu og þar með öllum stofninum.
MORGUNBLAÐIÐ SUNNUDAGUR 13. OKTÓBER 2002 B 11