Morgunblaðið - 20.01.2003, Blaðsíða 4
KNATTSPYRNA
4 B MÁNUDAGUR 20. JANÚAR 2003 MORGUNBLAÐIÐ
HEIÐAR Helguson skoraði sitt níunda
mark á tímabilinu í gær þegar hann
tryggði Watford dýrmætan sigur, 2:1, á
Norwich í ensku 1. deildinni í knattspyrnu.
Heiðar skoraði markið með skalla eftir
hornspyrnu þegar 90. mínúta leiksins var
runnin upp en eftir það var leikið í fjórar
mínútur áður en flautað var til leiksloka.
Með sigrinum komst Watford í 10. sætið
og er aðeins stigi á eftir Reading sem er í
6. sæti og tveimur stigum á eftir Nott-
ingham Forest og Norwich, sem eru í
fjórða og fimmta sæti.
„Þetta var kærkominn sigur sem er
okkur geysilega dýrmætur því eftir leik-
ina á laugardag vorum við dottnir niður í
14. sæti. Deildin er svo hnífjöfn að það
eiga flest liðin möguleika á að komast í úr-
slitin og það skiptir því öllu máli fyrir okk-
ur að fylgja þessu eftir og ná að vinna tvo
til þrjá leiki í röð. Leikurinn var lengi jafn,
Norwich jafnaði með sjálfsmarki okkar
snemma í seinni hálfleik en eftir það fengu
þeir engin færi. Við sóttum og sóttum,
fengum einar 10 hornspyrnur í síðari hálf-
leik og ég var búinn að fá eitt dauðafæri
áður en ég skoraði, en skaut beint á mark-
vörðinn. Miðað við leiki okkar undanfarið,
þar sem við höfum oft verið betri en ekki
náð að sigra, hefði jafnteflið ekki komið á
óvart, en sem betur fór tókst mér að skora
þetta mark,“ sagði Heiðar Helguson. Af
níu mörkum sínum í vetur hefur hann gert
8 í 1. deildinni.
Sigurmark Heiðars
á síðustu stundu
EFTIR þrjá leiki í röð var sælan úti
hjá Stoke þegar Derby kom í heim-
sókn á Britannia á laugardaginn og
fór í burtu með öll þrjú stigin, loka-
tölur 3:1. Bjarni Guðjónsson og
Brynjar Björn Gunnarsson voru í
byrjunarliði Stoke í leiknum en Pét-
ur Hafliði Marteinsson var á vara-
mannabekknum. Bjarna var skipt
út af á 65. mínútu, aðeins tveimur
mínútum eftir að Chris Greenacre
hafði jafnað metin fyrir Stoke eftir
sendingu frá Brynjari Birni.
Fyrri hálfleikur var markalaus
en hinn eftirsótti Malcolm Christie
kom gestunum yfir á fimmtu mín-
útu síðari hálfleiks. Gestirnir voru
síðan sterkari á lokakaflanum og
bættu þá tveimur mörkum við og
innsigluðu sigurinn.
„Tvö markanna voru ódýr að
mínu mati, bæði komu þau upp úr
uppstilltum leikatriðum,“ sagði
Tony Pulis, knattspyrnustjóri
Stoke.
Stoke er í þriðja neðsta sæti 1.
deildar með 24 stig. Það er leik-
mönnum liðsins nokkur huggun
harmi gegn að helstu keppinautar
þeirra í botnbaráttunni náðu sér
ekki heldur á strik. Neðsta liðið,
Brighton, krækti í eitt stig, en Shef-
field Wed., Grimsby og Bradford
höfðu ekkert upp úr krafsinu.
Stoke lá heima
fyrir Derby
Ensku meistararnir fengu svosannarlega að vinna fyrir sigr-
inum á West Ham sem lék einum
leikmanni færri frá 13. mínútu er
Steve Lomas var rekinn af leikvelli
fyrir að hindra Robert Pires. Rauða
spjaldið þótti harður dómur en
sannarlega samkvæmt reglum. Þá
var dæmd vítaspyrna sem Henry
skoraði af öryggi úr. Á næstu mín-
útu leit allt út fyrir að Arsenal ætl-
aði að kafsigla gesti sína, en allt kom
fyrir ekki og munaði þar mestu um
frábæra frammistöðu Davids James
í marki West Ham. Hann var án efa
besti maður vallarins ásamt Henry.
Flestum að óvörum jöfnuðu gestirn-
ir metin á 40. mínútu eftir að Edu
urðu á mistök sem Jermain Defoe
nýtti til fullnustu og jafnaði metin.
Eftir leikhlé tóku síðan meistar-
arnir öll völd á vellinum en sem fyrr
reyndist James þeim óþægur ljár í
þúfu. En hafi fyrsta mark Arsenal
verið umdeilt þá var annað markið
enn umdeildara. Þannig var að
Dennis Bergkamp sendi fyrir mark-
ið á Henry sem skallaði í markið en
áður en Bergkamp sendi fyrir þá
virtist sem hann gæfi Lee Bowyer
olnbogaskot. Það fór hinsvegar
framhjá dómaranum og markið stóð.
Þótti mörgum Bergkamp sleppa vel
því hann var þegar kominn með gult
spjald. Eftir annað mark Arsenal
var aðeins tímaspursmál hvenær
það þriðja bættist við. Það kom fjór-
um mínútum fyrir leikslok.
„Bæði við og Manchester United
eigum erfiða leiki framundan og því
allt opið ennþá í keppni efstu liða,“
sagði Wenger. „En eigi að síður þá
verður ekki mælt gegn því að staða
okkar er ágæt um þessar mundir.
Glenn Roeder, knattspyrnustjóri
West Ham, sagðist vera stoltur af
sínum mönnum. Þeir hefðu ekkert
gefið eftir þrátt fyrir erfiða stöðu.
Hann sagði hins vegar dómarann
hafa leikið of stórt hlutverk bæði
með þeirri ákvörðun sinni að reka
Lomas út af og eins er hann sleppti
því að refsa Bergkamp. „Flestir á
vellinum sáu að Bergkamp braut af
sér en því miður fór það framhjá
eina manninum á vellinum sem á að
taka eftir brotum af þessu tagi,“
sagði Roeder.
Loksins vann Liverpool
„Ég er afar stoltur af mínum
mönnum eftir þennan leik,“ sagði
Gerard Houllier, knattspyrnustjóri
Liverpool, eftir að hans mönnum
tókst loks að vinna leik í ensku úr-
valsdeildinni er þeir lögðu South-
ampton á útivelli, 1:0, með marki
Emile Heskey. Houllier hafði ekki
stýrt sínum mönnum til sigurs í
deildinni frá 2. nóvember er þeir
lögðu West Ham á Anfield, 2:0. Ell-
efu leikir í röð án sigurs voru að baki
og Houllier sagðist vona að það
versta væri að baki.
Þetta var jafnframt fyrsta tap
Southampton á heimavelli á keppn-
istíðinni en liðið hafði leikið níu leiki
í röð í deildinni án þess að þurfa að
bíta í hið súra epli að tapa.
Newcastle notaði tækifærið þegar
Chelsea tapaði og komst upp í þriðja
sæti með sigri á Manchester City,
2:0, á heimavelli. Leikurinn var vart
hafinn þegar heimamenn höfðu
skorað fyrsta markið og var þar á
ferðinni Alan Shearer, en markinu
vill Carlo Nash, markvörður Man-
chester City, örugglega gleyma sem
fyrst því það var hans sök. Boltinn
barst aftur til hans og Shearer sótti
að honum. Nash skaut knettinum
frá markinu en ekki vildi betur til en
hann skaut honum beint í Shearer
sem þakkaði pent fyrir sig með því
að opna markareikninginn í leiknum
eftir aðeins 10,5 sekúndur. Í síðari
hálfleik bætti Craig Bellamy öðru
marki Newcastle við og innsiglaði
þar með sigurinn.
Sir Bobby Robson, knattspyrnu-
stjóri Newcastle, var að vonum glað-
ur í leikslok og sagði að draumabyrj-
un hefði auðveldað eftirleikinn. „Það
var einkennilegt mark en Shearer á
heiðurinn af því. Hann gerði allt sem
góður framherji á að gera, sótti að
markverðinum, kom honum í vanda
og uppskar eins og hann sáði til,“
sagði Robson sem taldi leikinn hafa
verið góða skemmtun fyrir áhorf-
endur.
Á miðvikudaginn leikur New-
castle við Bolton og á þar með
möguleika á að tryggja stöðu sína í
3. sæti enn frekar með sigri, komast
í 45 stig, vera tveimur á eftir Man-
chester United og fjórum stigum á
undan Chelsea. Robson segir að
þrátt fyrir að staðan sé góð sé engin
ástæða til bjartsýni, þ.e. að liðið nái
að blanda sér í keppnina við Arsenal
og Manchester United. „Ekkert
myndi gleðja mig og stuðnings-
mennina meira en að okkur tækist
að ná Arsenal, en eins og staðan er
nú þá tel ég Arsenal vera í sérflokki
og möguleika okkar á að ná liðinu
ekki vera mikla,“ sagði Robson.
Thierry Henry heldur uppteknum hætti með meistaraliði Arsenal
Skoraði þrjú mörk í
orrustu við West Ham
THIERRY Henry sá til þess að
Arsenal heldur fimm stiga for-
skoti á toppi ensku úrvalsdeild-
arinnar er hann skoraði þrennu
gegn West Ham á Highbury í
gær. Þar tyllti hann sér um leið í
efsta sætið á lista markahæstu
manna deildarinnar, hefur skor-
að 17 mörk. „Eftir sigur Man-
chester United á Chelsea kom
ekkert annað en sigur til greina
hjá okkur en við urðum að hafa
fyrir honum. Ég skil bara ekki
hvernig á því stendur að West
Ham er í fallbaráttu,“ sagði
Henry í leikslok.
Reuters
Thierry Henry skorar þriðja mark sitt – sendir knöttinn fram hjá David James.
■ Úrslit/B10
DENNIS Bergkamp, hollenski
sóknarmaðurinn hjá Arsenal,
sagði að það hefði verið algjört
óviljaverk þegar hann gaf Lee
Bowyer, leikmanni West Ham,
högg í andlitið í leik liðanna í
ensku úrvalsdeildinni í gær. At-
vikið átti sér stað úti á vinstri
kanti, Bergkamp sneri sér með
boltann og gaf fyrir á Thierry
Henry sem kom Arsenal í 2:1
en Bowyer lá eftir á vellinum.
Leikmenn West Ham mót-
mæltu ákaflega en dómarinn,
sem var vel staðsettur, dæmdi
markið gilt.
„Ég skýldi boltanum og sneri
mér við. Ég vissi ekki af Bow-
yer og höndin á mér skall á
honum. Þetta var algjört óvilja-
verk, og ég sagði Bowyer það
þegar hann kom til mín og
sagði að ég hefði slegið sig í
andlitið,“ sagði Bergkamp.
„Þetta var ekki þess eðlis að
Bergkamp hefði átt að fá rauða
spjaldið, en við áttum að fá
aukaspyrnu í stað þess að þeir
skoruðu. Þetta var rothöggið
fyrir okkur,“ sagði Glenn Roed-
er, knattspyrnustjóri West
Ham.
Óviljaverk,
segir
Bergkamp
REAL Sociedad gefur ekkert
eftir í baráttunni um spænska
meistaratitilinn og jók forskot
sitt á ný í þrjú stig um helgina.
Baskarnir lögðu Celta Vigo að
velli, 1:0, með marki frá De
Pedro á laugardagskvöldið og
voru þá fjórum stigum á undan
Real Madrid, sem gat minnkaði
forskotið í eitt stig í gærkvöld.
Það munaði örlitlu að það tækist
en Real Madrid gerði jafntefli,
2:2, við granna sína í Atletico
Madrid. Þar jafnaði Demetrio
Albertini fyrir Atletico á síðustu
mínútu leiksins. Leikmenn Real
Madrid voru einum færri í 50
mínútur, eftir að Ivan Helgueira
fékk rauða spjaldið snemma
leiks, rétt eftir að Atletico hafði
náð forystunni, en samt náði
Luis Figo að skora tvívegis fyrir
hlé, 2:1. Atletico missti einnig
mann af velli um miðjan síðari
hálfleik. Real Madrid fékk gullin
færi til að gera út um leikinn,
Raúl skoraði ekki úr dauðafæri
og markvörður Atletico varði
vítaspyrnu frá Figo.
Raunir Barcelona halda
áfram og nú tapaði liðið heima,
4:2, gegn meisturum Valencia.
Louis van Gaal, þjálfari Barce-
lona, lætur engan bilbug á sér
finna og ætlar ekki að styrkja
liðið með leikmannakaupum
þrátt fyrir slæmt gengi.
Baskarnir
bættu
stöðuna