Morgunblaðið - 07.02.2003, Blaðsíða 8
AUÐLESIÐ EFNI
8 FÖSTUDAGUR 7. FEBRÚAR 2003 MORGUNBLAÐIÐ
ÍSLENSKA landsliðið í
handknatt-leik tryggði sér á
sunnudag farseðilinn á
Ólympíu-leikana í Aþenu á
næsta ári. Þetta gerði liðið
með því að leggja Júgóslava
að velli, 32:37, í keppninni
um 7. sætið á
heimsmeistara-mótinu í
handknatt-leik í Portúgal.
Íslendingar léku sinn besta
leik í keppninni og var léttleiki
og samheldni í fyrirrúmi hjá
leikmönnum Íslands. Þá
sýndu þeir Ólafur Stefánsson
og Guðmundur Hrafnkelsson
stórleik. Ólafur var þriðji
marka-hæsti leikmaður
heimsmeistara-mótsins og
skoraði hann 58 mörk. En
Ólafur sagðist eiga sér þann
draum að leika á
Ólympíu-leikum er hann var
útnefndur Íþróttamaður
ársins 2002 í byrjun árs.
Íslenska landsliðið í
handknatt-leik hefur fjórum
sinnum áður leikið á
Ólympíu-leikum. Fyrst í
München í Þýskalandi 1972,
þá í Los Angeles í
Bandaríkjunum 1984, í Seoul
í Suður-Kóreu 1988 og í
Barcelona á Spáni 1992.
Það var ekki aðeins
landsliðið sem stóð sig vel á
HM. Dómararnir Gunnar
Viðarsson og Stefán
Arnaldsson gerðu það einnig.
Dæmdu þeir spennandi leik
Spánar og Króatíu í
undan-úrslitum. Þann leik
unnu Króatar eftir að búið var
að framlengja hann tvisvar.
En leiknum lauk með 39
mörkum gegn 37. Króatar
léku til úrslita við Þjóðverja
og sigruðu 34:31.
Landsliðið á
Ólympíuleikana
í Aþenu 2004
Morgunblaðið/RAX
Landsliðsmenn Íslands fagna sigrinum á Júgóslövum í Lissabon í Portúgal.
UNGT fólk tók höndum
saman og flykktist á tónleika
gegn kynþátta-fordómum,
sem haldnir voru á Gauki á
Stöng í vikunni.
Margar hljómsveitir
spiluðu á staðnum og gáfu
þær allar vinnu sína.
Ókeypis var inn á tónleikana.
Grínistinn Jón Gnarr steig
líka á svið og skemmti
viðstöddum, sem hlógu
mikið að bröndurum
kappans. Samtökin
Heimsþorp, sem eru samtök
gegn kynþátta-fordómum á
Íslandi, stóðu fyrir
tónleikunum. Gestir á
tónleikunum fengu gefins
boli og barm-merki með
boðskap félagsins. Yfirskrift
tónleikanna var „rísum ofar
rasisma“.
Morgunblaðið/Árni Sæberg
Hljómsveitin Dáðadrengir kom fram á Gauknum.
Rokkað gegn
kynþátta--
fordómum á
Gauknum
COLIN Powell,
utanríkis-ráðherra
Bandaríkjanna, flutti mikla
ræðu í öryggis-ráði
Sameinuðu þjóðanna á
miðvikudag. Þar kynnti
hann þær sannanir og
vísbendingar, sem
Bandaríkjamenn segjast
hafa fyrir framleiðslu Íraka
á gereyðingar-vopnum.
Afstaða þeirra ríkja sem
hafa neitunar-vald í ráðinu
hefur ekki breyst. En ræða
Powells hefur engu að síður
aukið stuðning margra ríkja
við að Saddam Hussein
forseta Íraks verði að
stöðva.
Í ræðu sinni rakti Powell
þær blekkingar, sem Írakar
beittu vopnaeftirlits-menn
Sameinuðu þjóðanna. Og
sýndi hann fram á það með
myndum að Írakar
stunduðu skipulega feluleik
með vopnin, einkum
lífefna-vopn. Sagði Powell
að Saddam hefði skipað
fyrir um rannsóknir á alls
konar efnum sem valdið
gætu sjúkdómum. Auk
þess að Írakar réðu nú
þegar yfir miklu af
miltis-brandi. Þá réðu þeir
yfir lífefna-vopnum, sem
nægðu í 16.000 eldflaugar.
Powell rakti einnig
tilraunir Íraka með þessi
vopn, til dæmis á lifandi
fólki. Þá sagði hann þá
hafa þróað aðferðir til að
dreifa þeim yfir byggð ból
og vatnsveitu-kerfi. Lét
hann einnig birta tvö
samtöl foringja í Íraks-her
sem sýna vel
blekkingar-leikinn gagnvart
vopnaeftirlitinu. Að auki
fjallaði hann um tilraunir
Íraka til að smíða
kjarnavopn og tengsl
Íraks-stjórnar og
hryðjuverka-samtakanna
al-Qaeda.
Á miðvikudags-kvöld lýstu
10 ríki í Mið- og
Austur-Evrópu yfir stuðningi
við stefnu Bandaríkjanna.
Þá þykir margt benda til að
andstaða stjórnvalda í
Frakklandi og Þýskalandi sé
að linast. Þau leggja þó
áherslu á aðra ályktun í
öryggisráðinu og hefur
Bandaríkja-stjórn gefið
undir fótinn með það.
Gögn um Írak
birt í öryggis-ráði
Reuters
Colin Powell, utanríkis-ráð-
herra Bandaríkjanna, flytur
ræðu sína.
RANNSÓKN á því hvers
vegna Magnús Leópoldsson
var handtekinn vegna
Geirfinns-málsins er nú
lokið. Hún sýnir að
leirmyndin fræga var ekki
viljandi látin líkjast
Magnúsi. Aðeins ein
ábending barst lögreglu um
Magnús eftir að leirmyndin
var birt.
Klúbburinn, þar sem
Magnús var
framkvæmdastjóri, kom
fljótlega við sögu í
rannsókninni á hvarfi
Geirfinns Einarssonar. Í
skýrslu um rannsókn á
handtöku Magnúsar segir
að einhverjar hugmyndir
kunni að hafa kviknað um
tengsl milli Klúbbsins og
Geirfinns-málsins. Það hafi
síðan leitt af sér
sögu-sagnir sem
mögnuðust með tímanum.
Magnús segist ánægður
með skýrsluna sem Lára V.
Júlíusdóttir saksóknari
vann. Hann segir baráttu
sinni fyrir að endurheimta
mannorð sitt loksins lokið.
27 ár eru liðin frá því
hann var settur í
gæsluvarðhald og grunaður
um aðild að
Geirfinns-málinu.
Sögusagnir sem mögnuðust
Leirmyndin sem Ríkey Ingi-
mundardóttir gerði eftir lýs-
ingum vitna af manninum
sem hringdi úr Hafnarbúðinni
í Keflavík. Ríkey segist ekki
hafa gert hana eftir ljós-
myndum af Magnúsi.
Skýrsla komin út um Geirfinns-málið
Netfang: auefni@mbl.is