Morgunblaðið - 09.02.2003, Blaðsíða 11

MORGUNBLAÐIÐ SUNNUDAGUR 9. FEBRÚAR 2003 C 11
PÉTUR Pétursson, leigutaki Vatns-
dalsár í Húnaþingi, hefur tekið
Reykjadalsá í Reykjadal í Suður-
Þingeyjarsýslu á leigu. Ekki náðist í
Pétur til að fá smáatriðin uppgefin,
en reikna má fastlega með því að
Pétur og hinn franski samstarfs-
maður hans, Guy Geffroy, haldi
þeim sið sem þar var kominn að
veiða aðeins á flugu og sleppa öllum
laxi, rétt eins og þeir hafa það sjálfir
í Vatnsdalnum.
Pálmi Gunnarsson var með
Reykjadalsá á leigu tvö síðustu sum-
ur, en sleppti henni að síðasta sumri
loknu. Áin hefur verið í öldudal og
innleiddi Pálmi því „veiða-sleppa“
fyrirkomulagið og taldi ána þurfa „í
gjörgæslu“ eins og hann komst að
orði. Áin gaf þokkalega 2001, en dal-
aði aftur í fyrra og gaf aðeins fáa
tugi laxa. Samhliða þessu hefur urr-
iði náð sterkari tökum á ánni eins og
títt er þegar laxinn lætur undan.
Reykjadalsá og neðri hluti hennar,
Eyvindarlækur, hafa þó oft gefið
góða og viðvarandi laxveiði.
Tunguá seld sér
Veiðifélag Grímsár og Tunguár
hefur ákveðið að Tunguáin verði
seld sér með tveimur stöngum á
komandi sumri. Er sala veiðileyfa
hafin hjá Þorsteini Þorsteinssyni á
Skálpastöðum og kosta leyfin ekki
nema rúmar níu þúsund krónur.
Þarna veiðast 60 til 80 laxar á einum
og hálfum mánuði að jafnaði. Nýtt
veiðihús með svefnrými fyrir fjóra
verður tilbúið fyrir komandi vertíð.
Bara fluga í Grímsá
Viðvarandi breyting verður með
þessu á fyrirkomulagi í Grímsá þar
sem veitt verður á átta stangir í ánni
í stað tíu. Þá verður veiðitíminn í
ánni færður aftur, og þá í raun stytt-
ur, um fjóra daga. Það sem má
kannski telja veigamest er að nú
verður aðeins fluguveiði leyfð í ánni.
Þorsteinn Þórsteinsson, formaður
Veiðifélags Grímsár, sagði í samtali
við Morgunblaðið að það væri góð
fiskvernd fólgin í því að leyfa aðeins
flugu og með þessu væri auk þess
verið að svara gagnrýnisröddum um
stórveiðar á maðk að flugutíma
loknum. „Eftir sem áður mega menn
þó hirða laxa sína í Grímsá. Menn
ráða því öllu sjálfir, en margir sem
veiða í ánni sleppa flestum eða öllum
löxum sínum, þannig að þetta er góð
blanda á sleppingum og nýtingu,“
sagði Þorsteinn.
Pétur tekur Reykjadalsá
Ljósmynd/Páll Ketilsson
Það styttist í fyrstu köstin. Hér er stemmningsmynd frá veiðistaðnum Glanna í Langá.
ERU
ÞEIR AÐ
FÁ’ANN?
FRÉTTIR
FRAMTÍÐIN, styrktarsjóður aldr-
aðra, afhenti Dvalarheimilinu Hlíð
baðstól, sjúkrarúm og fleiri hjálp-
artæki nýlega. Styrktarsjóðurinn
varð til eftir að Kvenfélagið Fram-
tíðin var lagt niður árið 2000 og
eru m.a. tveir karlmenn í stjórn
hans. Sjóðurinn hefur haldið uppi
merki kvenfélagskvenna, með út-
gáfu jólamerkja og minning-
arspjalda og jafnframt haldið
áfram stuðningi við Hlíð, líkt og
Kvenfélagið Framtíðin gerði af
miklum myndarskap í áratugi. Á
myndinni, sem tekin var við af-
hendingu gjafanna, eru f.v. Heið-
rún Björgvinsdóttir, skrif-
stofustjóri Hlíðar, Brit J. Bieltvedt,
framkvæmdastjóri Öldrunarstofn-
unar Akureyrarbæjar, Hlín Gunn-
arsdóttir og Sverrir Valdimarsson,
stjórnarmenn í styrktarsjóðnum,
Margrét Kröyer, formaður, Guð-
rún Óskarsdóttir, ritari, og Helga
Tryggvadóttir, hjúkunarforstjóri. Í
baðstólnum situr Ársæll Magn-
ússon, gjaldkeri styrktarsjóðsins.
Framtíðin færir Hlíð gjafir
Morgunblaðið/Kristján
HREPPSNEFND Hólmavíkur-
hrepps vill ógilda þann gjörning
síðustu hreppsnefndar Kirkju-
bólshrepps, sem sameinaðist
Hólmavíkurhreppi á miðju síð-
asta ári, að gangast í ábyrgðir
fyrir skuldbindingum einkahluta-
félags gagnvart skattyfirvöldum
og gefa út víxla til félagsins.
Á fundi hreppsnefndar Hólma-
víkurhrepps á þriðjudag var Ás-
dísi Leifsdóttur sveitarstjóra
veitt heimild til að ná samkomu-
lagi við eigendur Tóftardrangs
ehf. sem Kirkjubólshreppur
ákvað að greiða 20 milljónir
króna skömmu fyrir samein-
inguna í fyrra. Var féð ætlað til
jarðhitaleitar í hreppnum.
Greiðsla upp á 13,5 milljónir fór
fram í byrjun maí 2002 og tveir
víxlar gefnir út fyrir alls 4,5
milljónir. Þá var litið á 2 milljóna
kr. innborgun til Ræktunarsam-
bands Flóa og Skeiða sem
greiðslu til Tóftardrangs. Víxl-
arnir hafa ekki verið framseldir.
Er Kirkjubólshreppur samdi
við Tóftardrang stóð fyrir dyrum
sameining við Hólmavíkurhrepp,
sem félagsmálaráðuneytið ákvað
þar sem íbúar Kirkjubólshrepps
höfðu verið færri en 50 lengur en
þrjú ár samfleytt. Mikil andstaða
var við þessa ákvörðun ráðuneyt-
isins innan hreppsnefndar
Kirkjubólshrepps. Var óskað eft-
ir frestun sameiningar þar sem
mikil vinna hefði farið fram und-
anfarin ár við öflun jarðhita.
Einn hreppsnefndarmaður af
fimm var þó á móti og varaði við
þessum gjörningi. Svo hart var
deilt innan hreppsnefndar um
málið að oddvitaskipti urðu.
Ákvörðun Kirkjubólshrepps
var kærð til félagsmálaráðu-
neytisins og í kærunni var því
m.a. haldið fram að 20 milljón-
irnar tæmdu sveitarsjóðinn, 5
milljónir væru árlegar skatt-
tekjur hreppsins og að hann ætti
um 15 milljónir í lausafé. Einnig
taldi kærandi að tveir hrepps-
nefndarmenn hefðu verið van-
hæfir til að fjalla um málið vegna
skyldleika við stofnendur Tóft-
ardrangs.
Brot á sveitarstjórnarlögum
Ráðuneytið komst svo að
þeirri niðurstöðu í júní sl. að
Kirkjubólshreppur hefði með
ákvörðun sinni gerst sekur um
brot á nokkrum ákvæðum sveit-
arstjórnarlaga. Þannig hefði ver-
ið óheimilt að afhenda Tóftar-
drangi allar rannsóknir, borholur
og aðra undirbúningsvinnu
vegna hitaveitu, óheimilt hefði
verið að ábyrgjast skuldbinding-
ar gagnvart skattyfirvöldum og
óheimilt að inna greiðslu af
hendi til Tóftardrangs og gefa út
víxla.
„Mál þetta er nokkuð sérstaks
eðlis og er ekki að sjá að sam-
bærilegt úrlausnarefni hafi áður
komið til kasta ráðuneytisins,“
sagði í úrskurði félagsmálaráðu-
neytisins og vísað m.a. til þess að
eftir sameiningu við Hólmavík-
urhrepp, sem tók gildi í byrjun
júní 2002, yrði Kirkjubólshrepp-
ur ekki lengur til.
Ásdís Leifsdóttir sagðist í
samtali við Morgunblaðið vonast
til þess að samkomulag næðist
við eigendur Tóftardrangs. Það
yrði farsælasta lausnin fyrir alla
aðila þannig að ekki þyrfti að
fara með málið fyrir dómstóla.
Ógildingar
krafist á ákvörð-
unum Kirkju-
bólshrepps
RAFLÖGNUM og rafbúnaði er víða
ábótavant á sveitabýlum landsins,
að því er umfangsmikil skoðun raf-
magnsöryggisdeildar Löggildingar-
stofu leiðir í ljós. Á fjórða hundrað
sveitabýli vítt og breitt um landið
voru skoðuð af óháðum faggiltum
skoðunarstofum á síðastliðnum
þremur árum.
Í tilkynningu frá Löggildingar-
stofu segir að markmiðið með þess-
um skoðunum hafi verið að fá sem
gleggsta mynd af ástandi raflagna
og rafbúnaðar sveitabýla og koma
ábendingum á framfæri til eigenda
og umráðamanna þeirra um það
sem betur megi fara. Skýrslu með
niðurstöðunum verður dreift til allra
lögbýla í landinu, um 3.700 talsins,
og einnig til löggiltra rafverktaka.
Skoðanir tóku til stærstu sem
smæstu þátta, einkum varðandi raf-
magnstöflur, raflagnir og almennan
rafbúnað. Löggildingarstofa vekur
m.a. athygli á því að athugasemdir
hafi verið gerðar við þrjú atriði á
allflestum býlum sem skoðuð voru.
Þannig voru athugasemdir gerðar
við merkingu töflubúnaðar í 92% til-
vika, tengla í 85% skoðana og töflu-
taugar í 79% tilvika. Einnig var raf-
búnaður, s.s. loft- og vegglampar og
töfluskápar, víða í ólagi.
Löggildingarstofa hvetur eigend-
ur býlanna til að umgangast allan
rafbúnað af varfærni og nota ein-
ungis búnað sem hæfir aðstæðum.
Þá er hvatt til þess að löggiltur raf-
verktaki sé fenginn til að yfirfara
raflagnir og rafbúnað og stuðla
þannig að bættu öryggi manna og
húsdýra.
Rafmagnstöflur
mjög slæmar
Í skýrslunni segir meðal annars:
„Niðurstöður skoðana gefa til
kynna að ástand rafmagnstaflna sé
mjög slæmt. Þetta er mikið
áhyggjuefni þar sem það getur haft
í för með sér mikla slysa- og bruna-
hættu. Þá var rafbúnaður, svo sem
tenglar og lampar, víða í ólagi en
rétt er að hafa í huga að marga
bruna af völdum rafmagns í gegnum
tíðina má einmitt rekja til þeirra
hluta. Aðgæsluleysi er ásamt göml-
um og biluðum rafbúnaði helsta
ástæða rafmagnsbruna og því er af-
ar mikilvægt að sá rafbúnaður sem
notaður er sé ávallt valinn með tilliti
til staðsetningar og notkunar. Úr
sumum ágöllum getur notandinn
bætt með betri umgengni en flestar
athugasemdirnar kalla á úrlausn
fagmanns.“
Raflögnum
víða ábótavant
á sveitabýlum