Morgunblaðið - 14.02.2003, Blaðsíða 8
HINN 23. mars verða
Óskarsverðlaunin afhent. En
Óskarinn er stærsta
verðlauna-hátíðin í
kvikmynda-heiminum. Að
venju er valið á milli fimm
mynda, fimm leikara, fimm
leikkvenna og svo
framvegis. Flestar
tilnefningar fékk Chicago,
alls 13.
Myndirnar sem koma til
greina sem besta myndin
eru Chicago, Gengin í New
York, Stundirnar (The
Hours), Hringadróttinssaga:
Turnarnir tveir og Píanistinn.
Chicago er dans- og
söngvamynd, en Gengin í
New York fjallar um bardaga
á milli tveggja gengja í New
York í gamla daga. Í
Stundunum leika þrjár
frægar leikkonur, þær
Nicole Kidman, Meryl
Streep og Julianne Moore.
Julianne fékk tvær
tilnefningar, bæði sem
aðalleikkona fyrir leik sinn í
myndinni Fjarri himnaríki
(Far from Heaven), og fyrir
aukahlutverk í Stundunum.
Píanistinn er eftir Roman
Polanski og fjallar um mann
sem lifir af ofsóknir nasista
í Seinni heims-styrjöldinni.
Þeir sem tilnefndir eru
sem bestu leikararnir eru
Jack Nicholson fyrir Allt um
Schmidt, Nicholas Cage
fyrir Aðlögun (Adaptation),
Adrien Brody fyrir
Píanistann, Michael Caine
fyrir Hljóðláta Ameríkanann
(The Quiet American) og
Daniel Day-Lewis fyrir
Gengin í New York.
Aðrar leikkonur en
Julianne Moore sem eru
tilnefndar sem
aðal-leikkona eru Salma
Hayek fyrir Fridu, Nicole
Kidman fyrir Stundirnar,
Diane Lane fyrir Ótrygg
(Unfaithful) og Renee
Zellweger fyrir Chicago.
Einnig er tilnefnt í mörgum
fleiri flokkum en þessir þrír
eru taldir mest spennandi.
Chicago fær 13 tilnefningar
Myndir og leikarar sem berjast um Óskars-verðlaunin kynnt
Renee Zellweger í hlutverki sínu í Chicago. Hún var tilnefnd
til Óskarsverðlauna fyrir leik sinn.
KEFLAVÍK og ÍS fögnuðu
bikarmeistara-titlum í karla-
og kvenna-flokki í
körfuknatt-leik um sl. helgi.
ÍS lagði kvenna-lið
Keflavíkur í framlengdum
leik, 53:51. En staðan að
loknum venjulegum leiktíma
var 48:48. ÍS náði að vinna
upp forskot Keflavíkur í fjórða
leikhluta, en um tíma var
staðan 45:27, Keflavík í vil.
„Við ætluðum ekki að tapa, í
það minnsta ekki stórt, en
unnum svo leikinn. Það var
engin pressa á okkur. Hver
einasti leikur okkar eftir
áramót hefur verið
úrslitaleikur svo að við erum
vön svona leikjum,“ sagði
Ívar Ásgrímsson, þjálfari ÍS,
eftir leikinn.
„Ég veit ekki hvað er hægt
að segja nema að við
töpuðum þessum leik með
klaufaskap í lokin. Ég veit
ekki hvort við héldum að
leikurinn væri búinn eða
hvað,“ sagði Anna María
Sveinsdóttir, þjálfari og
leikmaður Keflavíkur, eftir
bikarúrslita-leikinn.
Keflvíkingar höfðu mikla
yfirburði í keppni karla-liða
þar sem þeir unnu Snæfell,
95:71.
Þetta er í fjórða sinn sem
Keflavík verður bikar-meistari
en í annað sinn sem Snæfell
tapar bikarúrslita-leik.
Guðjón Skúlason, fyrirliði
Keflvíkur, sagði eftir leikinn
að þetta væri í síðasta sinn
sem hann hæfi bikarinn á
loft. En Guðjón ætlar að
hætta í lok tímabilsins.
Bárður Eyþórsson, þjálfari
Snæfells, sagði sitt lið ekki
hafa þolað álagið og leikið
langt undir getu.
ÍS og
Keflavík
bikar-
meistarar
Morgunblaðið/Sverrir
ÍS vann lið Keflavíkur í
bikarúrslita-leik.
Morgunblaðið/Árni Sæberg
Davíð Oddsson og Halldór Ásgrímsson utanríkis-ráðherra
tilkynntu um daginn að ríkisstjórnin ætlaði að setja meira en
sex milljarða í atvinnumál.
RÍKISSTJÓRNIN ætlar að
setja meira en sex milljarða
króna í framkvæmdir á
næstu 18 mánuðum. Um er
að ræða framkvæmdir á
borð við vega-framkvæmdir,
menningarhús og til
verkefna í atvinnu-þróun.
Þetta er gert til að minnka
atvinnu-leysi á Íslandi og
efla efnahags-lífið.
Framkvæmdirnar ætlar
ríkið að fjármagna með
sölunni á Landsbankanum,
Búnaðarbankanum og
Íslenskum aðalverktökum.
4,6 milljarðar verða
notaðir til vegagerðar, einn
milljarður fer til byggingar
menningar-húsa á Akureyri
og í Vestmannaeyjum og
700 milljónir fara í verkefni í
atvinnuþróun.
Davíð Oddsson
forsætis-ráðherra segir að
skattar verði bráðum
lækkaðir. Hann vill afnema
eignarskatt, lækka beina
skatta og skatta á helstu
nauðsynjar. Davíð segir að
áætlun um skatta-breytingar
verði kynnt á næstu vikum.
Sex milljarðar til
að auka atvinnu
Forsætisráðherra segir von
til þess að skattar lækki
YFIRVÖLD í Bretlandi og
Bandaríkjunum óttast að
hryðjuverka-menn kunni að
láta til sín taka á næstu
dögum. Hermenn eru á verði
við helstu flugvelli í Bretlandi.
Loftvarnir hafa verið auknar í
Washington, höfuðborg
Bandaríkjanna.
Ótti við hryðjuverk jókst í
vikunni þegar hljóðupptaka
með ávarpi
hryðjuverka-foringjans
Osama bin Ladens var leikin.
Upptakan er talin ósvikin. Í
ávarpi sínu hvetur bin Laden
til hryðjuverka. Hann lýsir yfir
stuðningi við írösku þjóðina.
Hann segir að allir þeir sem
styðji Bandaríkjamenn í stríði
við Íraka séu réttdræpir.
Bandaríkjamenn segja að
upptakan sanni að
ríkisstjórnin í Írak tengist
hryðjuverka-mönnum. Aðrir
segja að þannig sé ekki hægt
að túlka ávarp bin Ladens.
Íraks-málið hefur skapað
mikinn vanda í
Atlantshafs-bandalaginu
(NATO). Þjóðverjar, Frakkar
og Belgar vilja ekki að varnir
Tyrklands verði styrktar.
Hinar þjóðirnar í NATO telja
það nauðsynlegt vegna þess
að stríð kunni brátt að hefjast
í Írak. Deilurnar innan NATO
eru taldar mjög alvarlegar
fyrir bandalagið.
Aukinn ótti við
hryðjuverk
Reuters
Aukinn viðbúnaður er nú í Bretlandi og Bandaríkjunum þar
sem yfirvöld óttast að hryðjuverka-menn láti til sín taka.
AUÐLESIÐ EFNI
8 FÖSTUDAGUR 14. FEBRÚAR 2003 MORGUNBLAÐIÐ
Netfang: auefni@mbl.is