Morgunblaðið - 06.03.2003, Blaðsíða 3

MORGUNBLAÐIÐ FIMMTUDAGUR 6. MARS 2003 B 3














































































































NFRÉTTIR HAGNAÐUR Þorbjarnar Fiska-
ness hf. á árinu 2002 nam 1.003
milljónum króna eftir skatta. Árið
áður var hagnaður félagsins 412
milljónir. Í tilkynningu frá Þor-
birni Fiskanesi segir að afkoman á
síðastliðnu ári sé sú langbesta til
þessa.
Gengishagnaður ársins 2002 var
um 730 milljónir, en gengistap á
árinu 2001 var 829 milljónir. Heild-
arskuldir um síðustu áramót að
frádregnum veltufjármunum lækk-
uðu frá áramótunum þar áður um
961 milljón. Segir í tilkynningunni
að áhrif gengisbreytinga á tekjur
félagsins séu verulegar þar sem
meginhluti tekna sé í erlendri
mynt og komi það fram í lækkun
framlegðar rekstrarins miðað við
árið 2001 og í lækkun skulda.
Rekstrartekjur ársins 2002 voru
4.466 milljónir, en voru 4.427 árið á
undan. Hagnaður fyrir afskriftir
og fjármagnsliði nam 1.193 millj-
ónum, sem er 26,7% af tekjum, en
var árið á undan 1.430 milljónir
eða 32,3% af tekjum. Fram kemur
í tilkynningunni að lækkun á fram-
legð í hlutfalli við tekjur saman-
borið við árið 2001 megi, auk
áhrifa gengisbreytinga, einkum
rekja til þess, að vinnsludekk
tveggja frystiskipa félagsins hafi
verið endurnýjuð og þau hafi verið
frá veiðum í samtals um 20 vikur.
Þá hafi hráefniskostnaður í land-
vinnslu aukist verulega frá árinu
2001.
Veltufé frá rekstri var 939 millj-
ónir, eða 21 % af tekjum, en var
árið á undan 1.011 milljónir, eða
22,8% af tekjum. Eiginfjárhlutfall
hækkaði á milli ára úr 21,17% í
31,24%. Eigið fé í árslok 2002 var
2.892 milljónir en var 1.899 millj-
ónir í árslok 2001 og hækkaði því
um 993 milljónir á milli ára. Arð-
semi eiginfjár á árinu 2002 var
53,11%.
Í tilkynningu Þorbjarnar Fiska-
ness segir að líkur séu á að rekstur
ársins 2003 verði í þokkalegu með-
allagi. Sterk staða íslensku krón-
unnar hafi verulega tekjulækkandi
áhrif á sjávarútvegsfyrirtæki, eins
og alla aðra útflutningsstarfsemi.
Kostnaður við reksturinn hafi ekki
lækkað að sama skapi og megi þar
nefna að hráefniskostnaður land-
vinnslu hafi hækkað verulega og
valdi áhyggjum hvernig horfir
hvað það varðar. Þá hafi launa-
kostnaður í landvinnslu hækkað.
Segir í tilkynningunni að mark-
aðir fyrir afurðir fyrirtækisins séu
í þokkalegu lagi. Afurðir hafi selst
jafnóðum og útlit sé fyrir að svo
verði áfram.
Stjórn félagsins mun leggja til
við aðalfund, 10. apríl næstkom-
andi, að í ljósi góðrar afkomu síð-
astliðins árs verði greiddur 17%
arður til hluthafa.
Framlegð lækkar milli ára
hjá Þorbirni Fiskanesi

 


   





 

  
  



  

 
   





!
 



 

"
#





$%

& # "
' 
  

%%
()
()

%%

*%
$
 !

*

 
!
$%%
 
!
()
(%)
 
    !
   
"#$
 $ 
  


LÆKKUN stýrivaxta Seðla-
bankans niður í 5,3% í febrúar var
sú fyrsta á árinu og jafnframt sú
síðasta, segir í markaðsyfirliti
Greiningar ÍSB fyrir marsmánuð.
Greining ÍSB spáir því að bankinn
fari að hækka vexti aftur á síðari
hluta þessa árs og að þeir verði
komnir í 6,0% í árslok. Greining
ÍSB telur að íslenska hagkerfið sé
nú að sigla inn í nýtt skeið hag-
vaxtar eftir skammvinnt samdrátt-
arskeið.
Greining ÍSB telur engan vafa
vera á því að hagvaxtarskeið sé
framundan en segir þó ekki ljóst
„hversu hraður vöxturinn verður
og hvort og þá með hvaða hætti
ríki, sveitarfélögum og Seðlabanka
tekst að varðveita stöðugleikann“.
Eftir áætlaðan 0,5% samdrátt
landsframleiðslu spáir Greining
ÍSB því að hagvöxtur verði um
2,8% í ár en um 2,4% á næsta ári,
sem er örlítið hærra en spár
Seðlabanka gera ráð fyrir. Þá tel-
ur Greining ÍSB að vextir verði
orðnir 7,2% við árslok 2004 og
hækki enn á árunum 2005 og 2006
en fari lækkandi eftir það.
Í yfirlitinu kemur fram að verð-
bólgan haldist að öllum líkindum
undir markmiði Seðlabanka á
þessu ári og því næsta. Gerir spáin
ráð fyrir um 1,8% verðbólgu á
árinu en 2,4% á árinu 2004.
3% hagvöxtur 2003 og 2004
Greining ÍSB segir að boðaðar
flýtiframkvæmdir ríkis og sveitar-
félaga skapi störf fyrir um 0,6% af
vinnuafli í ár og um 0,4% á næsta
ári og telur hún að samsvarandi
aukning verði á landsframleiðslu
bæði árin. Fjárfestingar sem ráð-
ist verður í vegna framkvæmdanna
örva hagvöxt á næstunni og að
teknu tilliti til þess ætti hann að
vera um 3% á þessu ári og næsta,
að mati Greiningar ÍSB. Þá segir
einnig að boðaðar skattalækkanir
séu til þess fallnar að örva bæði
neyslu og fjárfestingu en erfitt sé
að segja til um áhrif þeirra fyrr en
lækkanirnar hafa verið útfærðar.
Verði stækkun Norðuráls og
framkvæmdum við Norðlingaöldu-
veitu hrint í framkvæmd á þessu
ári telur Greining ÍSB líklegt að
landsframleiðsla muni aukast um
0,5-1,0% á næstu tveimur árum.
Fyrsta og síð-
asta vaxta-
lækkun ársins
að baki