Morgunblaðið - 24.04.2003, Page 1

Sveljandi skekur síðasta tréð í garðinum.
Á morgun verður það höggvið.
En maður hefur ráðgert
að komast yfir
ofurlítinn teinung.
Kannski lumar hann
á lúku af mold.
Aldrei að vita
nema anginn skjóti rótum
í draumakytrunni heima.
Við höfðalagið.
Í fyllingu tímans
má færa hann út í garð,
alþjóð til yndis
– svo fremi að gleymt sé að fullu
að í fyrndinni stóð þar
ekki ósvipað tré …
Þorsteinn frá Hamri.
Síðasta tréð
í garðinum
Morgunblaðið/Árni Sæberg
Nýræktun
skógar