Morgunblaðið - 23.05.2003, Blaðsíða 2

DAGLEGT LÍF
2 C FÖSTUDAGUR 23. MAÍ 2003 MORGUNBLAÐIÐ
F -bekkurinn
KÆRU fyrrverandi nem-endur. Nokkuð er nú umliðið síðan ég sleppti afykkur hendinni! Oft hef-
ur gamli F bekkurinn minn komið
upp í hugann og æ oftar eftir því
sem árunum fjölgar. Þess vegna
finnst mér tímabært að rifja upp og
endurnýja gömul kynni. Mér væri
því sönn ánægja að því að sjá þig
heima hjá mér í Lækjarási 5, föstu-
daginn 28. febrúar kl. 20:30.
Bestu kveðjur,
Birgir G. Albertsson
Þannig hljóðaði boðskortið sem
nemendur F-bekkjarins í Lang-
holtsskóla, á árunum 1955 til 1961,
fengu sent frá gamla kennaranum
sínum og sjálfsagt hefur þetta út-
kall vakið gamlar minningar og ylj-
að mörgum um hjartarætur. Og
flestir hlýddu kallinu og héldu til
fundar við Birgi á heimili hans og
konu hans Eddu Guðmundsdóttur.
Þar urðu fagnaðarfundir, margt
skrafað, hlegið og rifjað upp og
sjálfur sagði Birgir að þetta hefði
verið ein ánægjulegasta kvöldstund
sem hann hefði átt um langt skeið.
„Ég tók við þeim í 7 ára bekk og
kenndi þeim fram að fullnaðarprófi
í 12 ára bekk. Þegar þau hófu
skólagönguna var miðað við að þau
kynnu ekkert að lesa og ég átti
bara að vera með þau í einn mánuð.
Síðan átti ég að taka við 10 ára
bekk. En mér líkaði svo vel við þau
eftir þennan mánuð að ég hreinlega
neitaði að skilja við þau.“
Einstakur hópur
„Þetta var fyrsti bekkurinn sem
ég kenndi,“ sagði Birgir ennfremur.
„Ég varð stúdent frá MR 1954 og
tók svo eitt ár í stúdentadeild
Kennaraskólans, og hóf kennslu í
Langholtsskóla haustið 1955. Ég
var tvítugur þegar ég hóf kennslu-
feril minn og kenndi síðan óslitið í
Langholtsskóla, lengst af í ung-
lingadeild, eða alveg frá því ég
sleppti hendinni af F-bekknum vor-
ið 1961.“
Birgir sagði að ýmsir samverk-
andi þættir hefðu valdið því að hann
ákvað að fara í kennslu að loknu
stúdentsprófi í stað þess að fara í
lengra nám. „Systkini mín voru
bæði kennarar og bein og óbein
áhrif þeirra hafa vafalaust haft sitt
að segja. Ánægjuleg samskipti og
góð reynsla af öðrum kennurum
gerðu starfið að ýmsu leyti áhuga-
vert. Starf mitt meðal unglinga í
Kristilegum skólasamtökum hafði
og jákvæð áhrif. Ekki má heldur
gleyma því að langt sumarleyfi átti
sitt aðdráttarafl.“
Birgir kvaðst sjá upphaf kennslu-
ferils síns við Langholtsskóla í hill-
ingum. „Skólinn var þá eingöngu
barnaskóli, en fjöldinn slíkur að 7
ára bekkir voru sjö eða átta. Skól-
inn var þá næstum nýr og flestir
kennarar ungir og sprækir. Menn
höfðu almennt meiri tíma aflögu til
að ræða hugðarefni sín enda ólíkt
þjóðfélag með minni hraða og færri
gerviþarfir. Nemendur í bekkjar-
deildum voru allt upp í 35 talsins,
en vandamál hlutfallslega færri en
nú. Það er á ýmsan hátt erfiðara að
vera kennari í dag. Gjörbreytt þjóð-
félag gerir auknar kröfur til kenn-
arans.
Töluverð breyting varð þegar
unglingadeild var stofnuð við skól-
ann og ýmis vandamál því tengd
skutu upp kollinum. F-bekkurinn
var fyrsti og eini bekkurinn sem ég
kenndi alla leið á barnaskólastiginu
og skipar alltaf heiðurssætið hjá
mér eftir 43 ára kennsluferil. Eftir
að börnin luku fullnaðarprófi
kenndi ég íslensku, ensku og
dönsku á unglingastigi og þaðan
minnist ég einnig margra elsku-
legra nemenda, þótt tengslin yrðu
ekki eins náin enda samskiptin ekki
eins mikil og löng. Börnin í F-
bekknum verða alltaf „börnin mín“
þótt þau verði 55 ára á þessu ári.
Ég var ungur og áhugasamur
þegar ég tók við þeim, fór mikið
með þeim í ferðalög og við gerðum
margt skemmtilegt saman. En hafi
ég gefið þeim eitthvað hef ég fengið
það margfalt til baka,“ sagði Birgir
þegar hann rifjaði upp samskiptin
við F-bekkinn sælla minninga.
Mætingin sérlega góð
„Aðdragandinn að endurfundum
mínum og þessara eftirlætisnem-
enda minna var nokkur. Það hafði
komið til tals hjá einstaklingum í
bekknum að reyna að hittast, en
það hafði aldrei gengið eftir. Eftir
að ég hætti kennslu, vorið 1998, fer
sú hugmynd að þróast með mér að
gaman væri að hitta aftur gamla
hópinn, sem ég hafði átt svo góð
samskipti við. Ég fékk lánaðan
kladdann úr 12 ára bekk 1961 og
tókst á skömmum tíma að hafa uppi
á réttum heimilisföngum. Ég lét
prenta út bekkjarmyndina með
boðsbréf á bakhliðinni og sendi öll-
um. Viðbrögðin voru strax mjög já-
kvæð, þótt um langan veg væri að
fara fyrir suma. Fáeinir áttu ekki
heimangengt, ein er búsett í Banda-
ríkjunum og annar var nýkominn
úr aðgerð og treysti sér ekki svo
dæmi séu nefnd. En mætingin var
alveg sérlega góð eftir öll þessi ár.“
Gleðin í öndvegi
„Þetta var yndislegt kvöld,“ sagði
Birgir þegar hann rifjar upp endur-
fundina. „Hópurinn tvístraðist eftir
fullnaðarpróf og sumir höfðu ekki
sést síðan. Það urðu því heldur bet-
ur fagnaðarfundir eins og nærri má
geta.
Þótt allir hefðu breyst í útliti
voru andlitin hin sömu, hópurinn
small samstundis saman og gladdi
mig með blómum og gjöfum.
Ég var með kladdann úr 12 ára
bekk, sem við kölluðum „dómara-
bókina“, en samkvæmt henni höfðu
hvorki verið gefin „gul eða rauð
Birgi G. Albertssyni
kennara fannst mál til
komið að fá gamla
F-bekkinn úr Lang-
holtsskóla í heimsókn
og bauð því öllum
hópnum heim til sín.
Sveinn Guðjónsson
spjallaði við hann um
endurfundina og
kennsluferilinn.
Í ÞÁ GÖMLU
GÓÐU DAGA

Jólaskemmtanir voru mikil-
vægur þáttur í skólastarfinu.
Hér eru nokkrar stúlkur úr
bekknum á jólaskemmtun í 12
ára bekk.
 Bekkjarsysturnar Kristín Geirs-
dóttir, Ingibjörg Karlsdóttir og
Margrét J. Björnsdóttir, með
elsta barn hjónanna Birgis og
Eddu, Borghildi, en Margrét var
í vist hjá þeim hjónum.
 Strákarnir úr F-bekknum á
góðri stund. Erlendur höfðinu
hærri en hinir.
 Birgir fór með bekkinn í ferða-
lög, stundum upp á sitt eins-
dæmi. Hér hefur F-bekkurinn
lagt land undir fót.
 Aftasta röð frá vinstri: Haraldur
K. Olgeirsson, Guðmundur Hjart-
arson, Þorvarður Jónsson
(d. 08.02.’74) Hannes Tómasson,
Kristbjörn Theódórsson, Arnar
Guðlaugsson, Erlendur Krist-
jánsson (sitjandi), Gunnar H. Lofts-
son, Erling J. Sigursson, Sigurður
Reynisson, Sigurður Þorsteinsson,
Jóhann Hákonarson, Halldór
Jónsson.
Önnur röð: Sigrún Jensdóttir, Klara
K. Jóhannsdóttir, Arndís Guðna-
dóttir, Sigríður Aradóttir, Hólm-
fríður M. Ingibergsdóttir, Guðfinna
Helgadóttir, Guðný R. Jónasdóttir,
Anna Jónsdóttir, Þóra Júlía Gunn-
arsdóttir, Viktoría Jónsdóttir (d.
27.01.’87) , Elmar Geirsson, Guð-
mundur V. Jakobsson.
Fremsta röð: Hrefna Sigurð-
ardóttir, Hildur Leifsdóttir, Mar-
grét J. Björnsdóttir, Ingibjörg
Karlsdóttir, Birgir G. Albertsson,
Kristín Geirsdóttir, Guðný Jón-
asdóttir, Sigrún Kjartansdóttir,
Jóna Borg Jónsdóttir.
Bekkjarmyndin – 10 ára F í Langholtsskóla 1958–1959





í hófi