Morgunblaðið - 02.06.2003, Blaðsíða 2

ÍÞRÓTTIR
2 B MÁNUDAGUR 2. JÚNÍ 2003 MORGUNBLAÐIÐ
GUÐMUNDUR E. Stephensen,
margfaldur Íslandsmeistari í
borðtennis, vann glæsilegan sigur
á Norðurlandameistaranum
Cypria Asamoah frá Svíþjóð í ein-
vígi þeirra á milli sem fram fór í
Smáranum í Kópavogi á laug-
ardaginn. Guðmundur gerði sér
lítið fyrir og vann einvígið, 4:1.
Svíinn vann fyrstu lotuna, 16:14,
en þá sagði Guðmundur hingað
og ekki lengra og vann næstu
fjórar lotur, 11:7, 11:7, 11:6 og
11:9.
Guðmundur virðist vera í
geysilega góðu formi þessa dag-
ana en á nýafstöðnu heimsmeist-
aramóti sem haldið var í París
vann hann meðal annars besta
borðtennisleikara Dana, Michal
Mais, en hann er í 21. sæti á
heimslistanum.
Guðmundur er í 191. sæti á
heimslistanum, en Cyprian í 216.
sæti.
Guðmundur
fór létt með
Svíann
Morgunblaðið/Jim Smart
Cypria Asamoah og Guðmundur E. Stephensen.
RÚNAR Sigtryggsson, landsliðs-
maður í handknattleik, hafði
ástæðu til að fagna með samherjum
sínum í Ciudad Real í gærkvöldi en
liðið vann spænsku meistarana í
Barcelona 34:31 í úrslitaleik
spænsku bikarkeppninnar. Leik-
urinn fór fram í Santander og
fylgdust 5.000 manns með úrslita-
leiknum en átta efstu liðin í deild-
arkeppninni öttu kappi um bik-
armeistaratitilinn og var leikið á
fjórum dögum.
Rúnar lék stórt hlutverk í vörn
Ciudad en náði ekki að skora. Hann
skoraði hins vegar tvö mörk á laug-
ardaginn þegar Ciudad tryggði sér
sæti í úrslitunum með sigri á Val-
ladolid.
„Það var sérlega gaman að vinna
Börsungana og fín sárabót fyrir að
hafa tapað baráttunni gegn þeim
um sigur í deildinni. Við höfðum
leikinn í okkar höndum og náðum
mest sex marka forskoti í síðari
hálfleik svo sigurinn var ansi
öruggur. Þetta er búið að vera
langt og strangt tímabil og þessi
bikarhelgi var sérlega strembin. En
það er mikil ánægja í herbúðum fé-
lagsins. Við unnum EHF-keppnina,
urðum í öðru sæti í deildinni og í
kvöld vann liðið fyrsta bikarinn í
sögu félagsins,“ sagði Rúnar við
Morgunblaðið, en hann var þá að
fagna með félögum sínum.
Rúnar bikarmeistari
með Ciudad Real
Rúnar Sigtryggsson
ÍTALSKI varnarmaðurinn Lorenzo
Amoruso tryggði Rangers sigur í
skosku bikarkeppninni þegar hann
skoraði sigurmarkið á móti Dundee
í úrslitaleik bikarkeppninnar á
Hampden Park. Markið skoraði
Amoruso á 66. mínútu leiksins og
Rangers kórónaði þar með frábært
tímabil en liðið vann þrefalt í ár;
deildarkeppnina, bikarkeppnina og
deildabikarkeppnina, í sjöunda
skipti í sögu félagsins.
Líklegt er að Amoroso hafi verið
að leika sinn síðasta leik fyrir
Rangers en hann ku vera á leið til
Englands þar sem hann mun vænt-
anlega ganga í raðir Blackburn.
„Meistaraheppni“ var fyrirsögn
sem mörg af skosku blöðunum not-
uðu í yfirskrift sinni um leikinn en
lið Dundee þótti sterkari aðilinn og
réð að mestu gangi leiksins.
Alex McLeish, þjálfari Rangers,
viðurkenndi eftir leikinn að hans
menn hefðu verið nær uppgefnir í
leiknum en seiglan og sigurviljinn
hefði fleytt liðinu í átt að titlinum.
„Mínir menn áttu greinilega ekki
mikið eftir en sem betur fer tókst
okkur að skora því framlenging
hefði gert út af við okkur. Ég er
ákaflega stoltur af liði mínu og ekki
síður af aðstoðarmönnum mínum
og stuðningsmönnum félagsins,“
sagði McLeish en lærisveinar hans
urðu skoskir meistarar um síðustu
helgi þegar þeir burstuðu Dun-
fermline, 6:1, í lokaumferð deild-
arinnar.
Landsliðsþjálfari Norðmanna,Nils Johan Semb, er einn þeirra
sem hafa staðið vaktina í þeim efn-
um og heimsótt m.a. Lazio til þess að
fræðast um þjálfunaraðferðir. Semb
segir í viðtali við norska Dagbladet
að bestu félagslið Ítalíu æfi mest og
að leikmenn liðanna komist ekki upp
með neitt múður á æfingum. Hópur
sjúkraþjálfara og sérfræðinga vopn-
aður nýjustu tækni vakir yfir hjart-
slætti allra leikmanna á æfingum
líkt og „stóri bróðir“ í skáldsögu
George Orwells og sér til þess að
álagið sé nógu mikið til þess að bæta
líkamsástand þeirra.
Líkamlegt atgervi hefur alltaf
verið mikilvægt hjá ítölskum liðum,
líkamsstyrkur leikmanna er mikill
auk þess sem úthald þeirra og þol er
með eindæmum gott. Í herbúðum
Juventus eru allir leikmenn liðsins
með púlsklukkur sem gefa frá sér
merki í tölvu sem sjúkraþjálfarar
liðsins fylgjast grannt með. Ef ein-
hver leikmaður nær ekki því álagi
sem að var stefnt er hann tekin á
séræfingu um leið og sameiginlegri
æfingu liðsins lýkur. Semb segir að
flest ítölsk lið noti sér þessa tækni
og árangurinn hafi ekki látið á sér
standa. „Þeir standa sig vel í að allir
leikmenn fái þjálfun við hæfi og eng-
inn getur falið sig í þeim efnum,“
segir Semb og telur að ítalska deild-
in sé sú sterkasta í Evrópu. „Það eru
lið frá Ítalíu og Frakklandi sem eru
með best þjálfuðu leikmennina.
Þessar þjóðir æfa mest og ná þannig
árangri. Að mínu mati eru Ítalir
fremstir í Evrópu í dag, rétt fyrir
framan Real Madrid, þar á eftir er
enska úrvalsdeildin, Bundesligan í
Þýskalandi og franska deildin er
númer fimm í röðinni,“ bætir Semb
við.
Gamaldags fimleikaæfingar
Harald Aabrekk aðstoðarþjálfari
norska landsliðsins segir að gamal-
dags fimleikaæfingar ítalskra knatt-
spyrnumanna hafi komið sér veru-
lega á óvart í heimsókn sinni á Ítalíu.
„Við Norðmenn höfum trúað því
lengi að engin lið æfðu meira en við
og líkamsástand okkar leikmanna
væri með því besta sem gerist. En
við erum langt á eftir ítölsku liðun-
um og það kemur flestum eflaust á
óvart að helmingur æfinga liðanna
snýst um það eitt að ná upp þoli,
styrk og liðleika. Þar er ekki hlaupið
mikið langhlaup en þess í stað eru
gamaldags fimleikaæfingar notaðar
mikið, sem auka liðleika, samhæf-
ingu, styrk og einbeitingu. Hinn
hluti æfinganna eru með bolta,
tækni og spil. Þetta kom okkur gríð-
arlega á óvart,“ segir Aabrekk en
vildi ekki viðurkenna að um Müll-
ersæfingar væri að ræða hjá ítölsku
liðunum.
Gamaldags fimleikaæfingar eru hluti af velgengni ítalskra liða í Meistaradeildinni
Reuters
Þeir voru í sviðsljósinu á Old Trafford – markverðirnir Dida hjá AC Milan og Gianluigi Buffon, Ju-
ventus. Það var greinilegt í vítaspyrnukeppninni að þeir hafa lagt stund á fimleikaæfingar.
„Stóri bróðir“
fylgist
með leik-
mönnum
ÞRJÚ ítölsk lið komust í undanúrslit Meistaradeildar Evrópu og tvö
þeirra léku til úrslita sl. miðvikudag í keppninni, AC Milan og Juven-
tus, þar sem Milan hafði betur, 3:2, eftir vítaspyrnukeppni á Old
Trafford í Manchester á Englandi.
Sparkfræðingar víðsvegar um Evrópu hafa rýnt í þjálfunaraðferðir
ítölsku liðanna í leit að leyndardómnum á bak við velgengni þeirra í
Meistaradeildinni þetta árið.
Þrefalt hjá Rangers