Morgunblaðið - 25.07.2003, Blaðsíða 8

AUÐLESIÐ EFNI
8 FÖSTUDAGUR 25. JÚLÍ 2003 MORGUNBLAÐIÐ
UM 1.100 manns verða með
lög-heimili við Kára-hnjúka
vegna fram-kvæmda við
Kára-hnjúka-virkjun.
Þjóðskrá hefur veitt ítalska
verktaka-fyrirtækinu
Impregilo heimild til að skrá
lög-heimili starfs-manna í
þorpum sem eru að myndast
við Kára-hnjúka vegna
framkvæmdanna. Á þetta við
um þá starfs-menn sem
dvelja í vinnu-búðum í hálft ár
eða lengur.
Reist verða fjögur
megin-þorp við Kára-hnjúka.
Það stærsta verður við
Kárahnjúka-stíflu og hefur
hlotið heitið Laugarás. Búðir
við aðkomu-göng eitt fá
heitið Teigsbjarg, við
aðkomugöng tvö heita þær
Öxará og búðir við
aðkomu-göng þrjú skulu
heita Tunga.
Reiknað er með að um
700 íbúar verði í Laugarási,
um 200 í Tungu, um 100 í
Öxará og álíka margir íbúar á
Teigsbjargi.
Í lögum um lög-heimili
segir að menn geti ekki skráð
lög-heimili í vinnu-búðum.
Það þurfti því frávik frá þeim
lögum sem þjóðskrá féllst á.
Var þetta gert að tilmælum
sveitar-félaganna á grundvelli
tillagna frá Impregilo.
Morgunblaðið/Sigurður Aðalsteinsson
Starfs-kröftum á eftir að fjölga til muna við Kárahnjúka.
Um 1.100 manns
með lögheimili við
Kára-hnjúka
Netfang: auefni@mbl.is
SYNIR Saddams Husseins,
fyrrverandi forseta Íraks, voru
felldir í sex klukkustunda
skot-bardaga á þriðjudag.
Bræðurnir, Qusay og Uday,
féllu í árás um 200
bandarískra
sérsveitar-manna, sem
réðust gegn þeim í húsi í
borginni Mosul í Norður-Írak.
Vonast var til að með dauða
bræðranna myndi draga úr
árásum á bandaríska
hermenn í Írak. Þess sjást þó
engin merki enn.
Talið er að eigandi hússins
og frændi þeirra bræðra hafi
sagt til þeirra. En
Bandaríkja-stjórn hafði lagt
mikið fé til höfuðs þeim.
Ekkert var til sparað í árásinni
og beittu sérsveitirnar alls
konar vopnum. Þegar
átökunum lauk höfðu fjórir
menn fallið. Bræðurnir tveir,
14 ára gamall sonur Qusays
og lífvörður þeirra.
Flestir Írakar hafa fagnað
fréttinni um dauða
bræðranna. Þeir voru
orðlagðir fyrir grimmd og
miskunnarleysi.
Tannlækna-skýrslur hafa
þegar verið notaðar til að
sanna að líkin séu af þeim
Qusay og Uday. Sumir efast
þó enn og segir Donald
Rumsfeld,
varnarmála-ráðherra
Bandaríkjanna, að líkin verði
sýnd fljótlega. Þá þurfi enginn
að efast lengur um að
bræðurnir séu látnir.
Talsmenn Breta og
Bandaríkjamanna vonast til
að fréttirnar dragi máttinn úr
stuðnings-mönnum stjórnar
Saddams. Aðrir eru þó efins
og benda á að andstaðan
gegn hernáms-liðinu í Írak sé
af margvíslegum toga. Ekki
sé aðeins um að ræða
stuðnings-menn Saddams.
Reuters
Írakar lesa fréttir af láti sona
Saddams Hussein, fyrrum
forseta Íraks.
Synir
Saddams
fallnir
ALÞJÓÐA-LEIKAR
þroska-hamlaðra fóru fram í
borginni Dublin á Írlandi í lok
júní. Meðal íslenskra
keppenda þar voru þau
Áslaug Hrönn Reynisdóttir,
Kristján Magnús Karlsson og
Gyða Karen Guðmundsdóttir
sem kepptu í handbolta.
Á Írlandi var mikill áhugi
fyrir íþrótta-leikunum og
fylgdist írska þjóðin vandlega
með.
Meðal þeirra sem fylgdust
með leikunum voru
kvikmynda-leikarinn Arnold
Schwarzenegger. En hann
leikur einmitt í
kvikmyndunum um
Tortímandann. Þá var
hnefaleika-kappinn
Muhammad Ali einnig meðal
áhorfenda, en hann er einn
af frægustu boxurum
sögunnar.
Forseti Íslands, Ólafur
Ragnar Grímsson, og kona
hans, Dorrit Moussaieff,
fylgdust líka með leikunum
og skemmtu sér með
íslensku keppendunum. Í
einum handbolta-leiknum
hjálpaði Ólafur Ragnar meira
að segja til og stjórnaði því
hver fór inn á og hver út af.
Leikurinn gekk ágætlega og
stóðu íslensku keppendurnir
sig vel.
Alþjóða-leikar
þroska-hamlaðra snúast þó
ekki um að stökkva lengst,
hlaupa hraðast eða skora
flest mörk. Heldur er
aðalatriðið að hafa gaman af
íþróttunum og skemmta sér
með vinum sínum.
Ljósmynd/Stefán Lárus Stefánsson
Dorrit Moussaieff, forsetafrú, ásamt tveimur keppendum
á alþjóða-leikum þroska-hamlaðra.
Forsetinn
hjálpaði til
ÍSLENSKIR sund-menn hafa
sett fimm Íslands-met á
heimsmeistara-mótinu í
sundi. En mótið stendur nú
yfir í Barcelona á Spáni.
Jakob Jóhann Sveinsson úr
Ægi hefur sett tvö met. Þá
hafa þau Lára Hrund
Bjargardóttir, SH, Örn
Arnarson, ÍBR og Kolbrún Ýr
Kristjánsdóttir, ÍA, sett eitt
met hver.
Jakob Jóhann bætti met
sín í 100 m og 200 m
bringu-sundi. Hann synti 100
m á 1.03,11 mín. og síðan
200 m á 2.15,20 mín. Jakob
Jóhann komst í undan-úrslit
og hafnaði í 16. sæti. Lára
Hrund stórbætti met sitt í
200 m fjór-sundi er hún synti
á 2.20,35 mín., en gamla
met hennar var 2.22,45 mín.
Kolbrún Ýr bætti met sitt í
100 m skrið-sundi er hún
kom í mark á 57,94 sek. Örn
bætti met sitt í 100 m
skrið-sundi er hann synti á
50,59 sek. Örn náði sér ekki
á strik í 100 m bak-sundi.
Hann komst þó í undan-úrslit
og hafnaði í 14. sæti.
Eftir frammistöðu sína í
Barcelona hafa þær Lára
Hrund og Íris Edda
Heimisdóttir, ÍBR, tryggt sér
rétt til að keppa á
Ólympíu-leikunum í Aþenu
2004. Áður höfðu þrír
sund-menn tryggt sér
farseðilinn á Ólympíu-leikana
í Aþenu. En það voru þau Örn,
Jakob Jóhann og Kolbrún Ýr.
Jakob Jó-
hann með
tvö met í
Barcelona
Morgunblaðið/Brynjar Gauti
Jakob Jóhann Sveinsson á ferðinni í 200 metra bringusundi.