Morgunblaðið - 01.08.2003, Blaðsíða 8
AUÐLESIÐ EFNI
8 FÖSTUDAGUR 1. ÁGÚST 2003 MORGUNBLAÐIÐ
EKKERT lát er á hörmungum í
Líberíu í Afríku. Á þetta
einkum við í Monróvíu,
höfuðborg landsins, en þar
hafa átökin verið hvað
hörðust. Um miðja vikuna
sendu ríki Vestur-Afríku
könnunar-lið til borgarinnar.
Var það gert til að búa í
haginn fyrir komu
friðargæslu-liðs, þótt ekki sé
enn vitað hvenær það verður
sent þangað.
Ástandið er verst í
Monróvíu, en þar hafa
uppreisnar-menn barist við
stjórnar-herinn frá því í júní.
Stefna þeir að því að steypa
Charles Taylor, forseta
landsins, af stóli. Borgin er nú
matar- og vatnslaus og hrjáir
hungur og van-næring marga
íbúana. Á þetta til dæmis við
um þá rúmlega 50.000 íbúa
sem leitað hafa skjóls á
íþróttaleik-vangi í borginni. Er
hann svo yfir-fullur að farið er
að bægja fólki frá, enda
aðstæður ömurlegar. Auk
van-næringar eru þá komnir
upp skæðir smit-sjúkdómar á
borð við kóleru og malaríu.
Efnahags-samtök ríkja
Vestur-Afríku, ECOWAS, hafa
samþykkt að senda gæslu-lið
til Líberíu. Óvissa um hver eigi
að bera kostnaðinn af þeim
aðgerðum hefur þó orðið til
þess að lítið hefur verið gert.
George W. Bush, forseti
Bandaríkjanna, hefur ítrekað
að bandarískt gæslu-lið verði
ekki sent til Líberíu fyrr en
kyrrð er komin á og Charles
Taylor farinn frá. Stjórn
Bandaríkjanna hefur hins
vegar beðið öryggis-ráð
Sameinuðu þjóðanna að
heimila, að þangað verði sent
alþjóðlegt gæslu-lið.
Reuters
Íbúar höfuðborgarinnar, Monróvíu, flýja undan kúlna-regni.
Ekkert lát á
hörmungum
í Líberíu
Netfang: auefni@mbl.is
FRUM-SKÝRSLA
Samkeppnis-stofnunar um
olíu-félögin var til umfjöllunar
hjá fjölmiðlum í vikunni. Í
skýrslunni kemur fram að
olíu-félögin þrjú hafi haft
mikið verð-samráð um langt
skeið. Félögin fá nú að koma
á framfæri andmælum, en
loka-skýrsla stofnunarinnar
um málið er væntanleg um
áramótin.
Í kjölfar umfjöllunar
fjölmiðla um skýrsluna hefur
athyglin beinst að þætti
Þórólfs Árnasonar,
borgar-stjóra Reykjavíkur, í
málinu. En Þórólfur var
markaðs-stjóri Esso á þeim
tíma sem samráð
olíu-félaganna á að hafa átt
sér stað. Kom hann meðal
annars að útboði Esso á olíu
til Reykjavíkur-borgar.
Þórólfur segist þó ekki hafa
blekkt borgina. Hann hafi
ekki haft fulla vitneskju um
verð-samráðið fyrr en eftir að
hann var hættur að vinna hjá
félaginu.
Geir Magnússon,
fyrrverandi forstjóri Esso,
sagði í tilkynningu að Þórólfur
hefði ekki ákveðið verð á olíu
í starfi sínu. Vilhjálmur Þ.
Vilhjálmsson, oddviti
sjálfstæðismanna í
borgarstjórn, segir Þórólf þó
tala gegn betri vitund. Honum
hafi verið kunnugt um málið.
Borgarstjóri segist ekki
hafa blekkt borgina
BJÖRGUNARSVEITAR-MENN
í Sandgerði drógu
hvals-hræ þrjár mílur á haf
út á miðvikudaginn. Þar
sprengdu þeir hræið í loft
upp, en það hafði tvisvar
rekið upp í fjöruna á Fitjum
við Sandgerði. Lagði af því
mikinn óþef sem gerði
nær-stöddum lífið leitt.
Eftir að hræið hafði verið
sprengt í loft upp tóku
björgunar-menn eftir að það
flaut enn betur en áður og
ákváðu þeir þá að draga
hræið lengra á haf út.
Vonast þeir til að
hvals-hræið sökkvi í
framhaldi og valdi ekki
meira ónæði.
Sprengdu hvals-
hræ í loft upp
Morgunblaðið/Reynir Sveinsson
Sprengi-strókurinn stóð hátt í loft upp þegar björgunar-
sveitarmenn úr Sandgerði reyndu að sökkva hvals-hræinu.
BIRGIR Leifur Hafþórsson úr GKG og
Ragnhildur Sigurðardóttir úr GR sigruðu á
Íslands-mótinu í golfi, sem fór fram í
Vestmanna-eyjum um síðustu helgi.
Á mótinu fagnaði Birgir Leifur sigri á ný
eftir sjö ára bið og Ragnhildur eftir fimm ára
hlé. En bæði unnu þau Íslandsmeistara-titla
síðast í Vestmanna-eyjum. Birgir Leifur árið
1996 og Ragnhildur árið 1998.
Birgir Leifur sagðist himin-lifandi með
titilinn og að loka-hringurinn hefði verið
nokkuð þægilegur hjá sér. „Ég kann mjög
vel við mig í Vestmanna-eyjum, enda hálfur
Eyja-maður og fæ alltaf hlýjar móttökur. Ég
á mikið af ættingjum hérna og það hjálpar
til. Það er gaman að finna hlýja strauma,“
sagði Birgir Leifur.
Ragnhildur setti glæsilegt nýtt vallar-met í
Eyjum á þriðja keppnis-degi, er hún lék á 68
höggum. En Ragnhildur hefur verið lengi að
í golfinu og um árabil í fremstu röð kvenna í
golfi. „Þetta var ljúft. Mig langar að þakka
kylfu-sveininum mínum, Óskari Jónassyni,
sem stóð sig vel og hjálpaði mikið,“ sagði
Ragnhildur og var ánægð með sigurinn.
Morgunblaðið/Sigfús Gunnar Guðmundsson
Birgir Leifur Hafþórsson og Ragnhildur
Sigurðardóttir með verðlaun sín í Eyjum.
Birgir Leifur og
Ragnhildur
fögnuðu í Eyjum
ÞRÁTT fyrir smæð Íslands
virðist vera nóg að finna af
frambærilegum
tónlistar-mönnum hér á
landi. Eru Björk
Guðmundsdóttir og
hljómsveitin Sigurrós líklega
frægust erlendis. Aðrar
hljómsveitir eru þó einnig að
koma sér á framfæri. Þessa
dagana eru tvær hljómsveitir
á leið út í heim í
tónleika-ferðalög. Það eru
múm og I Adapt. Múm ætlar
meðal annars að spila í
Portúgal, Bandaríkjunum,
Ástralíu og Japan. En I Adapt
verða í Danmörku, Hollandi,
Þýskalandi, Spáni, Tékklandi,
Frakklandi og Bretlandi.
Hljómsveitirnar eru mjög
ólíkar. Múm spilar melódíska
raftónlist en I Adapt eru
harðkjarna-pönkarar. Það má
því segja að tónlist þeirra sé
eins og svart og hvítt. Tónlist
beggja er þó skemmtileg og
á vonandi eftir að skemmta
tónleika-gestum erlendis.
Morgunblaðið/Jim Smart
Hljómsveitin múm hefur náð töluverðum vinsældum erlendis
fyrir tónlist sína. Þau eru meðal annars að fara til Japans.
Útrás íslenskrar tónlistar heldur áfram