Morgunblaðið - 31.08.2003, Blaðsíða 4

samstarf í Evrópu
- aukum öryggi barna á Netinu
Gakktu til liðs við okkur
félagaöflun á landsvísu
Á næstu dögum og vikum munu samtökin standa að félagaöflun og verður hringt í eins marga foreldra á landsvísu og kost-
ur er og þeim boðið að gerast félagar. Við viljum biðja alla foreldra sem fá símhringingu um að taka vel á móti fólkinu sem
hringir. Einnig er hægt að skrá sig í samtökin á vefsetri félagsins, www.heimiliogskoli.is, eða hringja á skrifstofu samtak-
anna í síma 562 7475. Félagsgjaldið er einungis 2.600 kr. á ári en það stendur að mestu undir rekstri samtakanna og gerir
okkur kleift að sinna því starfi sem að hluta til hefur verið kynnt í þessu blaði. Þitt framlag er okkur mikils virði.
Hvers vegna á ég að vera félagi í Heimili og skóla - landssamtökum foreldra?
• Barnið mitt er í grunnskóla í 10 ár og mögulega í framhaldsskóla í 4 ár eftir það.
• Ég ber höfuðábyrgð á barninu mínu.
• Það er bæði réttur minn og skylda að eiga samvinnu við skólann um skólagöngu barnsins míns.
• Rannsóknir sýna að áhugi foreldra á skólagöngu barns skiptir sköpum fyrir almenna velferð og námsárangur.
• Heimili og skóli styður mig í mikilvægu ábyrgðarhlutverki mínu.
• Foreldrar þurfa að starfa og standa saman.
• Fjárhagslegur, félagslegur og faglegur styrkur Heimilis og skóla ræðst af fjölda félagsmanna og virkni þeirra.
Heimili og skóli - landssamtök foreldra hafa
verið leiðandi á Íslandi í vitundarvakningu
meðal foreldra og kennara um netnotkun
íslenskra barna og unglinga. Fyrst með Evr-
ópuverkefninu SUSI og núna með Evrópu-
verkefninu SAFT (Safety, Awareness, Facts
and Tools).
SAFT er rannsóknar- og fræðsluverkefni
um örugga netnotkun. Verkefnið er stutt af
„Safer Internet Action Plan“ áætlun Evrópu-
sambandsins um öryggi á Netinu og eru sjö
stofnanir frá fimm löndum aðilar að verk-
efninu. Þátttökulöndin eru Danmörk, Írland,
Ísland, Noregur og Svíþjóð. Heimili og skóli
- landssamtök foreldra er aðili að sam-
starfshópnum fyrir hönd Íslands.
Markmið SAFT er að auka vitund barna
og unglinga um möguleika og hættur Nets-
ins. Ætlunin er að kenna börnum og ung-
lingum ábyrga netnotkun og draga úr
áhættuhegðun þessa hóps. Þá er ætlunin
að virkja foreldra, skólastjórnendur, kenn-
ara og aðila netiðnaðarins til að leiðbeina
og hjálpa börnunum við að ná þessu mark-
miði með útgáfu fræðslu- og kennsluefnis.
Síðast en ekki síst
er markmiðið að
koma af stað
þjóðarumræðu
um netnotkun ís-
lenskra barna.
Helstu þættir
SAFT verkefnis-
ins:
Yfirgripsmiklar
kannanir
Eitt af verkefnum
SAFT samstarfs-
hópsins var að fram-
kvæma könnun á við-
horfi foreldra til net-
notkunar barna sinna og könnun þar sem
börn eru spurð ítarlega um eigin netnotkun.
Kannanirnar voru gerðar meðal 10 þúsund
barna og foreldra og eru þær viða-
mestu sem hafa verið fram-
kvæmdar í samstarfslöndun-
um. Tæplega 1.000 íslensk
börn og unglingar á aldrinum
9 til 16 ára og um 800 for-
eldrar tóku þátt í könnunun-
um. Gallup á Íslandi sá um fram-
kvæmdina hér á landi en MMI
framkvæmdi könnunina í öðrum
þátttökulöndum.
Fræðsluátak
Hluti af verkefninu er að hanna
fræðslu- og kennsluefni fyrir foreldra
og skólastarfsmenn til að leiðbeina
börnum og unglingum um örugga
netnotkun. Það kom í hlut Ís-
lands og Írlands að hanna og
forprófa kennsluefnið sem að
hluta er byggt á niðurstöðum kannan-
anna. Nú í september verður efnið
forprófað meðal 10 ára barna í sjö
skólum um allt land. Efnið er kær-
komið verkfæri foreldrum og skólastarfs-
mönnum sem hafa hingað til þurft að feta
sig áfram án fyrirmyndar þegar kemur að
netnotkun.
Netþjónustur
Einn mikilvægur þáttur SAFT verkefnisins er
að vekja athygli netiðnaðarins á málefninu
og gera hann ábyrgari. Á Íslandi hefur í
þessu skyni tekist samstarf við netþjónustur
Og Vodafone og Símann Internet.
Netþjónusturnar munu koma að gerð upp-
lýsingabæklings og sjá um dreifingu hans.
Vefsetur - www.saft.is
Öllum þátttökulöndunum er gert að
starfrækja vefsetur sem miðstöð
upplýsinga um örugga net-
notkun. Í september verður
íslenska SAFT-vefsetrið,
www.saft.is, formlega tekið í
notkun. Þar geta börn, foreldrar
og skólastarfsmenn fundið
upplýsingar og fræðsluefni
sem tengist öruggri netnotkun.
Hægt er að skoða vefsetur
annarra þátttökulanda á
www.saftonline.org.
Hvernig nota börnin
okkar Netið?
SAFT-kannanirnar um
netnotkun barna og ung-
linga á Netinu voru gerðar
meðal 10 þúsund barna og for-
eldra í þátttökulöndunum fimm.
Niðurstöðurnar liggja nú fyrir
og á grundvelli þeirrar þekk-
ingar sem þær veita er ætlunin
að veita foreldrum aðgang að upplýsingum
og fræðslu til að auðvelda þeim að ræða
við börn sín um öryggi á Netinu og setja
reglur sem þeir vilja að farið sé eftir við
notkun þess. Hér eru dregnar fram nokkrar
niðurstöður kannananna meðal íslenskra
barna og foreldra en þeim sem vilja
fræðast meira er bent á vefsetur SAFT
á Íslandi, www.saft.is.
SAFT-kannanir
Nokkrir punktar
úr niðurstöðum
• 96% þeirra foreldra sem tóku þátt í
foreldrakönnuninni hafa farið á Netið
og af þeim skoða 83% efni á Netinu
reglulega.
• Þau börn sem könnunin náði til hafa í
um 99% tilfella aðgang að Netinu,
ýmist á heimili sínu eða annars stað-
ar, og flest þeirra skoðuðu Netið í
fyrsta skipti á aldrinum 5 til 8 ára.
Meira en helmingur þeirra segist hafa
haft tækifæri til að vafra á Netinu án
vitundar foreldra sinna.
• Um 87% foreldra segjast sitja hjá
börnum sínum þegar þau vafra um
Netið en einungis um 22% barnanna
segja að svo sé.
• Um 49% barna sem nota Netið hafa
heimsótt síður með klámfengnu efni
fyrir slysni og 27% þeirra af ásetn-
ingi, flest drengir. Um fjórðungur
þeirra sem hafa heimsótt vefsetur
með klámfengnu efni segjast hafa
slegið inn ranga slóð og fengið síðuna
þannig upp.
• 66% barna segjast nota spjallrásir á
Netinu og 41% segir að fólk sem þau
hafa kynnst á Netinu hafi beðið þau
að hitta sig augliti til auglitis. Þar af
hefur 21% þeirra barna sem fara á
spjallrásir hitt í eigin persónu ein-
hvern sem þau kynntust á Netinu.
Þakkir fyrir
samstarf
Samstarf heimila og skóla hefur aukist
geysimikið á síðasta áratug og hefur það
farið í ákveðnari farveg með tilkomu
foreldraráða við skólana sem viðbót
við foreldrafélögin.
Í dag efast enginn um mikilvægi sam-
starfsins og þátttöku foreldra í skólastarf-
inu. Nauðsynlegt er að samstarfið ein-
kennist af gagnkvæmu trausti, trúnaði og
virðingu aðila og hafi hag nemendanna
að leiðarljósi.
Jón Ingi Einarsson,
framkvæmdastjóri Skólastjórafélags
Íslands og fyrrum skólastjóri.
Kveðja frá
Hafnarskóla
Í Hafnarskóla hafa flestir foreldrar skrifað
undir Foreldrasamning Heimilis og skóla
síðustu ár. Skólinn leggur áherslu á að
styðja foreldra í því forvarnarstarfi sem
foreldrasamningurinn er og við erum
sannfærð um gildi hans. Það eru að
sjálfsögðu alltaf einhverjir foreldrar sem
ekki sýna samstöðu en styrkurinn felst
í hinum sem standa saman og smám
saman holar dropinn steininn.
Þórgunnur Torfadóttir
aðstoðarskólastjóri Hafnarskóla.
Nauðsynlegt er að kenna börnum góða netnotkun rétt eins og umferðarreglurnar.