Morgunblaðið - 05.11.2003, Síða 5

MORGUNBLAÐIÐ MIÐVIKUDAGUR 5. NÓVEMBER 2003 B 5
bílar
SMÁBÍLAR er kannski ekki það
fyrsta sem mönnum dettur í hug þeg-
ar rætt er um Jeep. En Jeep Treo
hugmyndabíllinn er engu að síður
minni en t.d. Daewoo Matiz. Jeep er
líka að prófa sig áfram með nýja
tækni í Treo, sem var frumsýndur á
bílasýningunni í Tókíó í síðasta mán-
uði. Þessi nýja tækni er ekki síst fólg-
in í aflrás bílsins, sem verður knúinn
rafmagni sem hann framleiðir sjálfur
í efnarafölum. Oft hafa framleiðendur
ekki annan tilgang með hugmyndabíl-
um en að vekja athygli á sjálfum sér á
bílasýningum. En stundum sýna þeir
hugmyndabíla sem gefa til kynna
hvernig framleiðslubílar muni líta út.
Treo er ekki á leið í framleiðslu en
hann sýnir engu að síður að Jeep er
farið að huga að umhverfisvænni
lausnum en bensín- og dísilvélum,
eins og velflestir stærri bílaframleið-
endur heims. Einnig gefur bíllinn til
kynna að jafnframt er farið að huga
að framleiðslu smábíls, bíls sem á að
höfða til yngri markhóps.
Nýr flokkur - UMV
Eins og svo margir hugmyndabílar
skapar Treo alveg nýjan flokk bíla, að
minnsta kosti að mati framleiðand-
ans. Þeir kalla þennan nýja flokk
UMV (urban mobility vehicle), sem á
íslensku gæti verið borgarfarartæki,
en eins og nærri má geta er erfitt fyr-
ir Jeep að búa til bíl sem ekki er
gæddur jeppaeiginleikum. Treo er
með lítinn rafmótor við hvert hjól og
er því með fullgilt fjórhjóladrif. Hann
er líka á sérframleiddum dekkjum og
á 19 tommu felgum. Það eru líka 20
cm undir lægsta punkt og bíllinn gæti
því farið víðar en margur smábíllinn.
Bíllinn er aðeins 3,24 m á lengd og
breiddin er 1,68 m. Hann vegur 816
kg sem ætti að gera hann meðfærileg-
an í utanvegaakstri. Bíllinn er óvenju-
legur að innan ekki síður en að utan.
Hann er með tveimur sætum að fram-
an en einu að aftan og af þessu dregur
hann líka ytra útlit sitt. Afturrýminu
er hægt að breyta í farangursrými og
að aftan er opnanlegur afturhleri.
Jeep með
nýstárlegan smábíl
Fjórhjóladrifinn og með efnarafal. Einungis eitt aftursæti. Fyrsti smábíllinn frá Jeep?
GÆÐABÓN, ein elsta starfandi bón-
stöð landsins, hefur um árabil starf-
rækt bónstöð í Ármúla 17a í Reykja-
vík. Í tilefni af 12 ára afmæli
fyrirtækisins nýverið ákváðu eigendur
Gæðabóns að færa út kvíarnar og
opna aðra bónstöð í Borgartúni 21
(bak við Höfðaborg). Þar verður merki
fyrirtækisins haldið áfram á lofti og
boðin samskonar þjónusta og í Ár-
múlanum, þ.e. alþrif, djúphreinsun,
mössun, teflonhúðun og lakkviðgerðir.
Í Borgartúni verður einnig boðið upp á
nýjung í þjónustu við bíleigendur því
Gæðabón hefur gengið til samstarfs
við fyrirtækið Smáréttingar um rétt-
ingar á allskyns smádældum.
Allir þekkja hinar hvimleiðu smá-
dældir sem enginn bifreið er óhult fyr-
ir. Dældirnar stinga í augu, stuðla að
lakara viðhaldi og draga oft verulega
úr endursöluvirði bílsins. Með smá-
réttingu er komin einfaldari, fljótlegri
og ódýrari lausn í réttingum en áður
hefur verið boðin hér á landi. Smárétt-
ing stuðlar að því að varðveita upp-
runalegt útlit bifreiðarinnar því ekki er
unnið á yfirborði hennar ef lakkið er
heilt í dældinni. Smárétting er í eðli
sínu einföld viðgerð sem yfirleitt er
framkvæmd samdægurs.
Hjá Gæðabóni og Smáréttingum í
Borgartúni verður því að finna alhliða
lausnir fyrir þá sem láta sér annt um
útlit bílsins og vilja gera sér far um að
varðveita eða auka endursöluvirði
hans sem allra mest og best.
Í tilefni af opnun bónstöðvarinnar í
Borgartúni mun Gæðabón bjóða
ókeypis teflonhúðun á bílinn með al-
þrifum út nóvembermánuð. Einnig
munu Smáréttingar vera með sérstök
tilboð út mánuðinn. Nánari upplýs-
ingar um fyrirtækin og tilboð þeirra er
að á heimasíðum þeirra, www.gaeda-
bon.is og www.smarettingar.is.
Smáréttingar koma í stað dýrari við-
gerða á bílum.
Alþrif og
réttingar á
einum stað