Morgunblaðið - 18.12.2003, Blaðsíða 3
MORGUNBLAÐIÐ FIMMTUDAGUR 18. DESEMBER 2003 B 3
NFRÉTTIR RAGNAR Guðmundsson, fram-
kvæmdastjóri fjármála- og stjórn-
unarsviðs Norðuráls, var kjörinn
formaður Amerísk-íslenska versl-
unarráðsins á aðalfundi félagsins
síðastliðinn mánudag.
Ragnar segir að það leggist vel í
sig að taka við formennsku í félag-
inu en hann hefur ekki verið í því
áður. Verslunarráðið hafi unnið að
ýmsum framfaramálum s.s. á sviði
viðskipta, skatta- og menntamála.
Á þessum málum hafi hann mikinn
áhuga. Að sögn
Ragnars var
m.a. rætt um
það á aðalfund-
inum hvort
hægt væri að
auka viðskipti
milli Íslands og
Bandaríkjanna.
Hann segir að
mikið hafi verið
horft til Evrópu
í þessum efnum
að undanförnu en minna til þess
stóra og hagkvæma markaðar sem
sé í Bandaríkjunum. Fundarmenn
hafi verið á því að þar kunni að
vera ónýtt tækifæri og einnig að
ástæða geti verið til að kanna
hvort einhvejar hindranir séu fyrir
auknum viðskiptum. Þá hafi einnig
komið fram vilji fyrir því að skoða
hvernig aðstæður íslenskra náms-
manna séu, námsmanna sem hafi
áhuga á að læra í Bandaríkjunum.
„Útlit er fyrir að vaxandi hluti af
útflutningi frá Íslandi verði á veg-
um fyrirtækja sem eru í Norður-
Ameríku,“ segir Ragnar. „Þau tvö
álver sem eru hér á landi sem og
væntanlegt álver á Austurlandi
eru öll í eigu aðila þaðan. Það er
því að verða mikil breyting á sam-
setningu vöruútflutnings frá Ís-
landi og tengslin við Norður-Am-
eríku munu því án efa eflast í
framtíðinn. Meðal annars vegna
þessa er ástæða til að skoða sam-
skiptin enn frekar.“
Nýr formaður Amerísk-íslenska
verslunarráðsins kjörinn
Ragnar Guðmunds-
son, formaður Amer-
ísk-íslenska versl-
unarráðsins.
BRESKA matvörukeðjan Morri-
son hefur gert kauptilboð upp á 3
milljarða punda eða um 384 milljarða
króna í matvörukeðjuna Safeway.
Barátta milli breskra matvörukeðja
um kaupin hefur staðið yfir í ellefu
mánuði en tilboð Morrison markar
að líkindum endalok baráttunnar, að
því er fram kemur á fréttavef Reut-
ers. Tilboðið jafngildir 283 pensum á
hlut í Safeway sem er um einu pró-
senti undir markaðsgengi.
Morrison-keðjan er sú fimmta
stærsta á matvörumarkaðnum í
Bretlandi en Safeway er sú fjórða
stærsta. Þrjár stærstu matvörukeðj-
ur landsins, Tesco, Asda og J. Sains-
bury, voru útilokaðar frá kaupum á
Safeway af breskum samkeppnisyf-
irvöldum í september síðastliðnum.
Í frétt Reuters segir að Morrison
komi til með að hagnast á samningn-
um, þrátt fyrir að tilboðið sé hærra
en það sem Morrison lagði fram í
janúar síðastliðnum. Þá vildi Morri-
son bjóða 2,9 milljarða punda eða um
371 milljarð króna í Safeway. Það til-
boð jafngilti 294 pensum á hlut sem
er tæpum 3% yfir markaðsgengi.
Safeway er ekki talið munu fara eins
vel út úr samningnum og er sam-
keppnisyfirvöldum kennt um. Telja
sérfræðingar að meira hefði fengist
fyrir Safeway ef þremur stóru keðj-
unum hefði ekki verið meinað að
gera kauptilboð.
Þótt Morrison fái að kaupa Safe-
way krefjast samkeppnisyfirvöld
þess að keðjan selji aftur 52 mat-
vöruverslanir af þeim 480 verslunum
sem nú eru starfræktar undir hatti
Safeway. Stóru keðjurnar þrjár,
Tesco, Asda og J. Sainsbury, geta
boðið í þessar verslanir ef og eftir að
samningur Morrison og Safeway
gengur í gegn.
Morrison með
nýtt tilboð í
Safeway
HAGNAÐUR Odda hf. á Patreks-
firði nam 18,4 milljónum á síðasta
rekstrarári sem nær frá 1. septem-
ber 2002 til 31. ágúst 2003. Árið á
undan nam hagnaðurinn 61 milljón
króna. Þetta er fimmta árið í röð sem
hagnaður var á rekstri félagsins.
Samanlagðar rekstrartekjur fisk-
vinnslu og útgerðar voru 17% hærri
en árið á undan og námu rúmum ein-
um milljarði króna.
Í fréttatilkynningu kemur fram að
minnkandi hagnað megi rekja til
nokkurra neikvæðra þátta í útgerð-
arrekstri félagsins. Eins lægra af-
urðaverð, bæði vegna lækkunar á af-
urðamörkuðum og vegna óhag-
stæðrar gengisþróunar íslensku
krónunnar.
„Hin góða afkoma síðastliðinna
ára hefur gert það að verkum að eig-
infjárstaða félagsins er nú um 337
millj. kr. og eiginfjárhlutfallið 36%
Þá batnaði lausafjárstaðan og veltu-
fjárhlutfallið hækkaði úr 1,09 í 2,5,“
að því er segir í tilkynningu.
Aðalfundur, sem haldinn var ný-
verið ákvað að greiða 7% arð til hlut-
hafa.
Nýlega keypti félagið 80 milljóna
hlutafé í Eignarhaldsfélaginu Glámu
hf. í þeim tilgangi að styrkja rekstr-
argrundvöll sinn í atvinnurekstri á
Patreksfirði til framtíðar. Eignar-
haldsfélagið Gláma hf. er einnig í
eigu Þórsbergs ehf. í Tálknafirði og
aðila á Drangsnesi, ásamt Byggða-
stofnun og hefur það að markmiði að
fjárfesta í álitlegum framtíðarverk-
efnum á þessum stöðum, sem og
annarsstaðar á Vestfjörðum.
Framkvæmdastjóri Odda hf. er
Sigurður Viggósson og stjórnarfor-
maður Einar Kristinn Jónsson
rekstrarhagfræðingur. Aðrir lykil-
stjórnendur eru Halldór Leifsson út-
gerðarstjóri, Skjöldur Pálmason
framleiðslustjóri, Smári Gestsson yf-
irvélstjóri og Jón Bessi Árnason
skipstjóri.
Hagnaður
Odda 18,4
milljónir
◆