Morgunblaðið - 22.12.2003, Blaðsíða 4
ÍÞRÓTTIR
4 B MÁNUDAGUR 22. DESEMBER 2003 MORGUNBLAÐIÐ
ARNÓR Atlason, landsliðsmaður í
handknattleik og leikmaður KA, er
með tilboð frá þýska meistaraliðinu
Magdeburg, en Arnór kom heim
um helgina eftir nokkurra daga
dvöl hjá þýska liðinu.
„Mér stendur til boða þriggja ára
samningur við Magdeburg og ég
reikna með að ganga frá samn-
ingnum á næstunni. Þeir vilja fá
mig út næsta sumar og ég er auð-
vitað mjög spenntur fyrir þessu,“
sagði Arnór við Morgunblaðið í
gærkvöldi þar sem hann fylgdist
með leik Hauka og Créteil á Ásvöll-
um.
Arnór hefur farið á kostum með
KA-liðinu á yfirstandandi leiktíð.
Hann skoraði 109 mörk í 11 leikjum
með KA í norðurriðli Íslandsmóts-
ins, eða rétt tæp 10 mörk að með-
altali í leik. Mest hefur hann gert 17
mörk í leik í vetur, gegn Þór, og þá
gerði hann 16 mörk í bikarleik
gegn Haukum. Arnór var einn af
burðarásunum í unglingalandslið-
inu sem tryggði sér Evrópumeist-
aratitilinn í sumar.
Atli Hilmarsson, faðir Arnórs,
var í för með syni sínum hjá Magde-
burg en Atli lék á árum áður sem
atvinnumaður í Þýskalandi, og
þjálfaði þar síðasta vetur. Þeir
feðgar sáu Magdeburg tryggja sér
farseðilinn í 8-liða úrslit Meist-
aradeildar Evrópu með sigri á
Skjern á laugardaginn en með
Magdeburg leikur sem kunnugt er
Sigfús Sigurðsson og þjálfari liðs-
ins er Alfreð Gíslason.
son og Andri Stefan eins og þeir
væru hoknir af reynslu en ekki 19
ára pjakkar, en þeir náðu ekki að
halda þeim dampi þegar mest á
reyndi. Eins fór hjá Pauzuolis og
Halldóri Ingólfssyni, þeir sýndu frá-
bær tilþrif framan af en tókst ekki
að halda liðinu uppi á lokamínútun-
um. Vignir Svavarsson lék geysilega
vel í vörninni en fékk ekki úr nægi-
lega miklu að moða á línunni og það
hefði vel mátt gefa nýja Íslendingn-
um, Aliaksandr Shamkuts, færi á að
spreyta sig þar.
Franska liðið er ekki eins öflugt
og vænta hefði mátt af þriðja
fremsta félagsliði þessarar miklu
handboltaþjóðar, liði sem er með
geysimikla reynslu úr Evrópumót-
um. Fyrirliðinn Gueric Kervadéc,
fyrrum línumaður Magdeburg og
franska landsliðsins, var burðarás í
vörninni og erfiður viðureignar í
sókninni, þótt Haukunum gengi vel
að slást við hann á línunni lengi vel.
Liðið er jafnt og sýndi ágæt sókn-
artilþrif þegar á reyndi í síðari hálf-
leiknum en er alls ekki ofar Haukum
í gæðaflokki. Það eru því mikil von-
brigði, ekki aðeins fyrir Hauka held-
ur fyrir íslenskan handknattleik í
heild, að þeim skyldi ekki takast
ætlunarverk sitt og halda áfram
keppni.
Haukar léku fyrri hálfleikinnmjög vel, ef fyrstu og síðustu
mínútur hans eru undanskildar. Þeir
voru firnafastir fyrir
í vörninni og áræðn-
ir í sókninni, auk
þess sem Birkir Ívar
Guðmundsson varði
mark þeirra virkilega vel. Mestur
varð munurinn sjö mörk í fyrri hálf-
leiknum, 13:6, en Frökkunum tókst
að minnka muninn í 15:10 fyrir hlé.
Framan af síðari hálfleiknum
benti fátt til annars en að Haukarnir
væru á leiðinni í átta liða úrslitin.
Munurinn var fjögur til sex mörk
lengi vel, Créteil minnkaði muninn í
22:20 þegar rúmar 10 mínútur voru
eftir en Haukar svöruðu með tveim-
ur vel útfærðum sóknum, 24:20.
En þar með hrökk leikur Hauk-
anna algjörlega í baklás. Það sem
eftir lifði leiks, í níu mínútur, skor-
uðu þeir ekki mark utan af velli. Jón
Karl Björnsson kom ískaldur af
bekknum og skoraði úr vítakasti,
25:22, þegar 5 mínútur voru eftir.
Möguleikarnir voru enn allir Hauka
megin. Créteil svaraði, 25:23, og síð-
an var komið að þætti Robertas
Pauzuolis. Hann var lengi vel einn
besti maður vallarins og því grátlegt
fyrir hann hvernig fór hjá honum á
stuttum kafla. Fyrst lét hann stela
af sér boltanum, á leiðinni í sókn í
stöðunni 25:23, og síðan var hann
rekinn af velli í 2 mínútur fyrir brot
skömmu síðar. Þá voru 2 mínútur og
12 sekúndur eftir og ljóst að erfiðar
mínútur biðu Hauka, manni færri.
Þeir höfðu reyndar leyst þá stöðu
vel fram að því í leiknum, en nú var
taugaspennan virkilega komin til
sögunnar. Créteil skoraði strax,
25:24. Haukunum tókst að halda
boltanum allt þar til 25 sekúndur
voru eftir, en gekk erfiðlega að ógna
sterkri vörn Créteil. Frakkarnir
sluppu reyndar með skrekkinn eftir
gróft brot á Andra Stefan, skömmu
áður en Ásgeir Örn Hallgrímsson
fékk dauðafæri til að skora 26.
markið. Dragan Pocuca varði frá
honum, Frakkarnir fengu boltann
og héldu honum til leiksloka. Æv-
intýri Haukanna var á enda, þeir
gengu daprir af velli en leikmenn
Créteil dönsuðu stríðsdans, við litla
hrifningu áhorfenda.
Leikur Haukanna var ótrúlega
kaflaskiptur. Þeir léku vörnina vel
lengst af og Birkir Ívar sýndi oft
snilldartilþrif í markinu. En það var
sóknarleikur þeirra sem brást þegar
á leið, og þá ekki síður hjá reyndari
mönnunum en þeim yngri. Eftir að
Frakkarnir fóru að koma framar á
móti þeim í seinni hálfleiknum var
eins og Haukarnir yrðu ragir, sjálfs-
traustið sem geislaði af þeim í fyrri
hálfleiknum var horfið og sóknar-
leikurinn varð að ómarkvissu hnoði.
Birkir Ívar var bestur Haukanna í
gærkvöld. Hann er í landsliðsklassa
þegar hann vill svo við hafa. Framan
af leik léku Ásgeir Örn Hallgríms-
Morgunblaðið/Kristinn
Vignir Svavarsson skorar eitt marka sinna fyrir Hauka án þess
að Pierre-Yves Rigault, skytta í liði Créteil, komi vörnum við.
Víðir
Sigurðsson
skrifar
Evrópuævintýrið á enda eftir slæman lokakafla gegn Créteil
Haukarnir fóru
illa að ráði sínu
HAUKAR köstuðu frá sér sæti í átta liða úrslitum Evrópukeppni
bikarhafa í gærkvöld þegar þeir unnu franska liðið Créteil með að-
eins eins marks mun, 25:24, á Ásvöllum. Aðeins eins marks mun
skal áréttað, því Haukarnir voru með leikinn í höndum sér allan tím-
ann. Þeir þurftu að vinna með tveimur mörkum, svo framarlega sem
þeir fengju ekki fleiri en 27 á sig, og voru með vænlega stöðu nær
allan tímann. En á lokamínútunum var eins og hinir reyndu leik-
menn Hauka færu á taugum á meðan Frakkarnir tvíefldust og náðu
að minnka muninn í eitt mark í fyrsta og eina skiptið frá því á upp-
hafsmínútum leiksins. Créteil verður því í pottinum í dag þegar
dregið verður til átta liða úrslitanna, vann 54:53 samanlagt, en
þátttöku Haukanna í Evrópumótunum í vetur er lokið.
ÓLA
Real
béry
um A
ari le
Meis
ur og
fran
Ól
Spán
fjögu
liðsi
Han
Ó
MAGDEBURG, lið Alfreðs
Gíslasonar og Sigfúsar Sigurðs-
sonar, átti ekki í nokkrum vand-
ræðum með að komast í átta
liða úrslit Meistaradeildar Evr-
ópu um helgina. Liðið tók þá á
móti danska liðinu Skjern og
vann með tíu marka mun, 34:24,
en Danirnir unnu fyrri leikinn
með fimm marka mun, 30:25.
Heimamenn mættu mjög
ákveðnir til leiks og þegar fyrri
hálfleikur var hálfnaður voru
þeir svo gott sem búnir að vinna
upp markamuninn frá leiknum í
Danmörku, staðan þá 9:5. Ein-
beittir og ákveðnir héldu
heimamenn áfram og voru
18:11 yfir í leikhléi. Leikstjórn-
andinn Oleg Kuleschov lék með
á ný en hann lék ekki með liðinu
þegar það lagði Lemgo í deild-
inni í síðustu viku. Leikstjórn-
andinn gerði þrjú mörk líkt og
Sigfús, Schöne og Just en
markahæstur var Pólverjinn
ungi, Grzegorz Tkaczyk með
níu mörk og Kretzschmar gerði
átta auk þess sem Abati gerði
fimm mörk.
„Nú náðum við að leika eins
og við eigum að okkur og strák-
arnir stóðu sig mjög vel,“ sagði
Alfreð Gíslason eftir leikinn, en
7.400 áhorfendur voru í Börde-
landhalle að þessu sinni.
Engin vandræði
hjá MagdeburgFÓLK
DEJAN Stankovic, knattspyrnu-
maður hjá Lazio á Ítalíu, hefur
ákveðið að ganga til liðs við Inter
Mílanó í janúar. Stankovic er laus
undan samningi næsta vor en Inter
mun væntanlega greiða Lazio fyrir
hann til að fá hann strax eftir ára-
mótin.
FRANCESCO Totti skoraði bæði
mörk Roma sem vann Empoli á úti-
velli, 2:0, í ítölsku 1. deildinni á laug-
ardagskvöldið. Roma náði með sigr-
inum sex stiga forystu. Totti gerði
fyrra markið úr vítaspyrnu eftir að
John Carew var felldur og það síð-
ara með því að lyfta boltanum
skemmtilega yfir markvörð Empoli.
AC MILAN tapaði óvænt á heima-
velli fyrir Udinese í gær, 1:2, og mis-
tókst því að saxa á ný á forskot
Rómverja. Þetta var fyrsti ósigur
liðsins í deildinni á tímabilinu en það
var taplaust í fyrstu tólf leikjunum.
Khaka Kaladze hjá AC Milan var
rekinn af velli þegar staðan var 0:2
en bakvörðurinn Cafu náði þó að
laga stöðuna. AC Milan saknaði
Andriy Shevchenko, úkraínska
sóknarmannsins, sem lá heima í
flensu.
DAVID Trezeguet bjargaði stigi í
höfn fyrir Juventus sem varð að
sætta sig við jafntefli, 1:1, í Lecce.
Trezeguet, sem kom inn á sem vara-
maður, jafnaði fjórum mínútum fyr-
ir leikslok en leikmenn Juventus
voru aðeins tíu síðasta hálftímann
þar sem Mark Iuliano var vikið af
velli.
INTER átti möguleika á að kom-
ast í annað sætið en situr áfram í því
fjórða eftir tap gegn Lazio í Róm,
2:1. Christian Vieri kom þó Inter yf-
ir en Bernardo Corradi og Luciano
Zauri svöruðu fyrir Lazio. Matias
Almeyda hjá Inter var rekinn af
velli í stöðunni 1:1.
LUCA Marchegiani, markvörður-
inn reyndi, tryggði Chievo sigur
gegn Ancona, 1:0, þegar hann varði
vítaspyrnu frá Milan Rapaic, króat-
íska sóknarmanninum, seint í leikn-
um.
BERTRAND Lacquaits, mark-
vörður belgíska knattspyrnuliðsins
Charleroi, kom kollega sínum í
marki Mons í opna skjöldu þegar lið-
in mættust í 1. deildinni um helgina.
Á fyrstu mínútu leiksins spyrnti
Lacquaits frá marki sínu, yfir allan
völlinn og í markið hjá Mons. Síðar í
leiknum þurfti Lacquaits að sækja
boltann tvisvar í sitt mark og loka-
tölur urðu 2:2.
EKKI nóg með það, heldur skor-
aði annar markvörður í belgísku
deildinni um helgina. Það var Fab-
ian Carini, markvörður Standard
Liege, en hann skoraði sigurmark
liðsins gegn Germinal Beerschot,
2:1, úr vítaspyrnu. Carini tók aðra
vítaspyrnu síðar í leiknum en þá
brást honum bogalistin.
Arnór Atlason er með
tilboð frá Magdeburg
Morgunblaðið/Kristján
Arnór Atlason