Morgunblaðið - 22.12.2003, Blaðsíða 7
ÍÞRÓTTIR
MORGUNBLAÐIÐ MÁNUDAGUR 22. DESEMBER 2003 B 7
ÚRSLIT
Roda 15 5 6 4 25:18 21
Roosendaal 16 5 6 5 17:19 21
Groningen 16 5 5 6 22:25 20
Nijmegen 16 6 1 9 19:27 19
Breda 16 5 3 8 25:25 18
Waalwijk 16 4 5 7 19:22 17
Vitesse 16 2 7 7 23:30 13
Volendam 16 3 4 9 17:44 13
Den Haag 16 2 4 10 12:35 10
Zwolle 16 1 4 11 9:32 7
Frakkland
Ajaccio – Lens...........................................2:0
Bastia – Lille .............................................0:2
Bordeaux – Metz.......................................2:0
Le Mans – Sochaux ..................................2:2
Nantes – Auxerre .....................................1:0
Nice – Guingamp ......................................2:0
Rennes – Mónakó .....................................1:0
Strasbourg – Montpellier ........................4:2
Marseille – Toulouse ................................1:0
Staðan:
Mónakó 18 13 3 2 32:14 42
Lyon 18 10 5 3 32:14 35
Sochaux 19 10 5 4 29:18 35
París SG 19 10 5 4 25:16 35
Auxerre 19 10 2 7 30:18 32
Marseille 17 10 0 7 24:17 30
Nice 18 7 8 3 18:15 29
Lens 19 9 1 9 16:27 28
Nantes 19 8 3 8 19:18 27
Strasbourg 19 7 5 7 30:27 26
Bordeaux 18 7 5 6 18:16 26
Bastia 19 6 5 8 23:30 23
Rennes 19 5 7 7 20:20 22
Montpellier 18 6 4 8 25:28 22
Lille 19 5 6 8 21:25 21
Ajaccio 19 6 3 10 18:26 21
Guingamp 19 5 2 12 16:30 17
Metz 18 4 4 10 14:21 16
Le Mans 19 3 7 9 17:30 16
Toulouse 19 2 6 11 13:30 12
Breiðablik byrjaði vel í leiknumog var yfir eftir fyrsta leik-
hluta, 24:22. Þá höfðu þeir Mirko
Virijevic og Loftur
Einarsson skorað öll
stig Blika og komst
þriðji maður þeirra
ekki á blað í stiga-
skorun fyrr en eftir um 15 mínútna
leik. Í öðrum leikhluta náðu Grind-
víkingar ágætum tökum á leiknum
og höfðu níu stiga forskot í hálfleik. Í
síðari hálfleik náðu Blikar aldrei að
saxa á forskot Grindvíkinga og
mestur varð munurinn 18 stig í síð-
asta fjórðungi. Friðrik Ingi Rúnars-
son, þjálfari Grindavíkur, var sáttur
við leik sinna manna: „Við náðum
undirtökunum í öðrum leikhluta með
því að spila góða vörn og okkur tókst
að halda forskotinu í kringum 10 stig
eftir það. Í hálfleik lagði ég áherslu á
að við myndum byrja síðari hálfleik-
inn af krafti til þess að hleypa þeim
ekki inn í leikinn og það gekk ágæt-
lega.
Hins vegar vantaði kannski örlít-
inn neista til þess að klára leikinn al-
mennilega í lokin, en það kom ekki
að sök.“
Spurður um hina umtöluðu sigur-
göngu liðsins, sagðist Friðrik ekki
velta henni mikið fyrir sér: „Ég
hugsa fyrst og fremst um að vinna
þá titla sem eru í boði og þessi ár-
angur okkar getur vissulega lagt
grunninn að heimavallarrétti í úr-
slitakeppninni. En hættan er að
menn verði værukærir þegar vel
gengur og ef menn mæta með rangt
hugarfar í leik í þesari deild þá tapa
þeir, svo einfalt er það.“ Friðrik
sagðist jafnframt reikna með því að
Keflvíkingar og Njarðvíkingar
myndu þjarma meira að toppliðinu
eftir áramót heldur en hingað til í
vetur.
Jón Arnar Ingvarsson, starfs-
bróðir Friðriks hjá Breiðabliki,
sagði lið sitt fyrst og fremst skorta
breidd til þess að geta lagt sterkt lið
eins og Grindavík að velli. „Við lék-
um án Cedricks Holmes og við höf-
um ekki nægilega breidd til þess að
mæta slíku áfalli. Hins vegar erum
við á svipuðu róli og í fyrra, þ.e.a.s í
fyrra höfnuðum við í 10. sæti og það
var vitað að það yrði á brattann að
sækja hjá okkur í vetur, því mörg
hinna liðanna hafa bætt við sig
Bandaríkjamanni frá því á síðustu
leiktíð.“ Jón Arnar segist samt ekki
hafa gefið úrslitakeppnina upp á bát-
inn og segir Blika enn eiga mögu-
leika á því að komast þangað. „Sem
dæmi höfum við tapað nokkrum
jöfnum leikjum í vetur vegna þess að
við höldum ekki leikina alveg út. Því
þurfum við að breyta eftir áramót og
þá gætum við færst upp töfluna,“
sagði Jón Arnar Ingvarsson.
Grindvíkingar fara
taplausir í fríið
SIGURGANGA Grindavíkur í úrvalsdeildinni í körfuknattleik karla
hélt áfram í Smáranum á laugardaginn, þegar liðið heimsótti
Breiðablik. Grindavík vann öruggan sigur, 72:83, og hefur því sigrað
í öllum ellefu deildaleikjum sínum til þessa. Blikar eru hins vegar í
neðri hlutanum og fátt sem bendir til þess að þeim takist að komast
í úrslitakeppnina, þótt mikið vatn eigi enn eftir að renna til sjávar í
deildinni.
Kristján
Jónsson
skrifar
Keflavík sigraði að því er virtistáhugalausa Haukamenn
93:78 í Intersportdeild karla í
körfu í gær og virt-
ist sem Haukar
væru meira með
hugann við jólin en
leikinn.
Keflvíkingar byrjuðu leikinn
sterkt með góðri pressuvörn og
hröðum sóknarleik. Keflavík náði
fljótt forystu og allt virtist stefna í
öruggan sigur. Staðan eftir fyrsta
fjórðung var 26:17. Í öðrum leik-
hluta tóku Haukarnir við sér og
spiluðu mjög góða vörn, en á þeim
kafla virkuðu Keflvíkingar áhuga-
lausir og voru kærulausir í öllum
sínum aðgerðum. Á þessum kafla
skoruðu Haukar átta stig í röð og
á stuttum kafla var þetta orðinn
jafn og skemmtilegur leikur. Stað-
an í hálfleik var 44:41.
Keflvíkingar mættu dýrvitlausir
í þriðja leikhluta, skoruðu hverja
körfuna af annarri og spiluðu
hörkuvörn og stálu boltanum tíu
sinnum í þriðja leikhluta.
Nick Bradford átti stórleik hjá
Keflavík, skoraði 26 stig, stal bolt-
anum sex sinnum og hirti átta frá-
köst. En hann átti tilþrif leiksins
þegar hann stal boltanum, hljóp
upp allan völlinn og tróð með til-
þrifum yfir Sigurð Einarsson leik-
mann Hauka. Þessi karfa kveikti
algjörlega í Keflavíkurliðinu og
skoruðu þeir tíu stig í röð eftir
þetta. Haukar töpuðu boltanum
fimmtán sinnum í þriðja fjórðungi
og gerði það útslagið í þessum
leik. Staðan eftir þriðja fjórðung
var 70:57.
Í fjórða leikhluta var þetta bara
spurning hversu stórt Keflavík
mundi vinna því vondaufir Haukar
voru ekki líklegir til afreka nema
kannski Mike Manciel sem var
besti maður vallarins með 44 stig.
En þegar einn leikmaður skorar
meira enn helming stiga liðsins,
hafa hinir ekki mikið lagt á sig í
leiknum.
„Við mættum hér í kvöld með
því hugarfari að ná sigri og leit
það ágætlega út framanaf. Kefla-
vík skoraði mikið með þriggja
stiga skotum í þriðja leikhluta en
við lögðum leikinn upp hjá okkur
til að reyna að stöðva það. Banda-
rikjamaðurinn okkar átti stórleik í
kvöld, bara ef hinir hefðu mætt
eins hungraðir í leikinn þá hefði
þetta farið öðruvísi,“ sagði Reynir
Kristjánsson, þjálfari Hauka, í
leikslok.
„Þetta var bara skylduverkefni
hjá okkur. Það er búið að vera
mikið álag á okkur undanfarnar
vikur. En við erum sáttir við að
landa sigri hér fyrir frí. Þessi leik-
ur var ekki mikið fyrir augað, en
sigur er sigur,“ sagði Gunnar Ein-
arsson, fyrirliði Keflvíkinga.
TÍMARITIÐ Golf á Íslandi er
komið út í fjórða sinn á árinu
og kennir þar margra grasa.
Blaðið er að þessu sinni 150
síður prýtt fjölda mynda og
má þar finna innlend viðtöl,
úttektir á golfvöllum og
fjallað er um mörg af mótum
sumarsins. Einnig eru viðtöl
við erlendar golfstjörnur, svo
sem Ryder-hetjuna Sam
Torrance fyrirliða og Philipp
Price, einn af keppendum.
Það er afrakstur samnings
GSÍ og Golf á Íslandi við hið
þekkta tímarit Golf Monthly
en GSÍ má nota efni frá því,
til dæmis viðtöl og kennslu-
efni.
GSÍ samdi
við Golf
Monthly
Fyrstu mínúturnar hittu KR-kon-ur úr flestum sínum skotum en
þegar sló á hittnina þurftu þær að
hafa mikið fyrir því
að halda í við Kefla-
vík. Í þriðja leikhluta
náði Keflavík níu
stiga forskoti og
þjálfari KR tók leikhlé til að skerpa
á baráttunni, sem dugði til að 5 stig
skildu liðin að í upphafi fjórða leik-
hluta. En þar við sat, á 8 mínútum
skoruðu Keflvíkingar 21 stig á móti
einu því þrátt fyrir að KR tæki
leikhlé og þjálfarinn læsi duglega yf-
ir liði sínu tókst ekki að halda aftur
af Keflvíkingum.
„Við höfum breiðari leikmanna-
hóp og inn á milli reynslumeiri leik-
menn en svo erum við einfaldlega
með betri lið en KR,“ hélt Erla
áfram. „Við lögðum áherslu á að
stöðva Hildi og Katie, sem eru
þeirra helstu leikmenn en að öðru
leyti ætluðum við spila að okkar
hætti eins og við gerum best. Ég
vissi að við myndum vinna þannig.“
Erla spilaði í 22 mínútur og tók 9
fráköst, hitti úr 10 af 13 skotum inni
í teig og öllum þremur vítaskotum
sínum. Anna María Sigurðarsdóttir
tók 9 fráköst en Bryndís Guðmunds-
dóttir, 15 ára, tók tíu. Alls hitti
Keflavík úr 26 af 54 skotum inni í
teig, tveimur af 13 þriggja stiga og
15 af 19 vítaskotum.
„Við hittum ekki nógu vel þrátt
fyrir galopin færi,“ sagð Gréta
María Grétarsdóttir, þjálfari KR,
eftir leikinn. Níu af 36 skotum KR
inni í teig fóru ofan í, níu af 31
þriggja stiga og 16 af 24 vítaskotum.
„Við ætluðum að stöðva Erlu Þor-
steinsdóttur og það tókst vel framan
af en henni tókst að skora of mikið í
fjórða leikhluta. Okkur vantar leik-
mann til að takast á við hana, sem
við þurfum að laga. Keflvíkingar
spiluðu svæðisvörn allan leikinn og
það sýnir líklega styrkleika okkar –
að þeir treysti sér ekki í maður á
mann vörn. Það er gott fyrir okkur
en við verðum þá að setja skotin
okkar niður. Líklega eru Keflvíking-
ar með meiri breidd og í fjórða leik-
hluta gekk ekkert upp hjá okkur.
Okkur vantaði Georgíu Kristiansen
og Höllu Jóhannesdóttur, sem eru
meiddar en það kemur maður í
manns stað.“ Guðrún Arna Sigurð-
arsdóttir, með 11 fráköst, og Tinna
B. Sigmundsdóttir áttu góða spretti
en Hildur Sigurðardóttir og Katie
Wolfe báru uppi leik KR.
Keflavík-
urkonur
stungu
KR af
„VIÐ vorum rosalega seinar í gang í dag og þetta gekk brösuglega,
vorum ekki nógu skynsamar í sókninni og töpum boltanum of oft
auk þess að vera ekki sterkar í fráköstunum en svo small þetta
saman hjá okkur og þá náðum við að stinga þær af,“ sagði Erla Þor-
steinsdóttir úr Keflavík, sem átti stærstan þátt í 73:52 sigri á KR í
úrslitaleik Fyrirtækjakeppni KKÍ, Hópbílabikars kvenna, í Smár-
anum á laugardaginn. Það var samt ekki fyrr en í fjórða leikhluta að
Keflavík náði að stinga af.
Morgunblaðið/ÞÖK
Birna Valgarðsdóttir smellir einum nettum á bikarinn góða.
Stefán
Stefánsson
skrifar
Haukar komnir
í jólaskap?
Davíð Páll
Viðarsson
skrifar