Morgunblaðið - 05.03.2004, Blaðsíða 2

Peaches er uppáhaldið mitt þessa dagana. Hlusta á hana daginn út og inn.
Hef hins vegar aldrei séð umtalað myndband við lagið Kick it þar sem hún
kemur fram með gamla rokkaradjöflinum Iggy Pop en það ku vera frekar
sóðalegt. Reyndar finnst mér það hundleiðinlegt lag. Peaches gerir vissu-
lega út á að hneyksla fólk með alls konar dónaskap og klúryrðum en hún er
auk þess snillingur og textarnir hennar eru fyndnir. Þeir virka meira að segja
eins og lyf þegar maður er pirraður. Shake your dix er dæmi um lag sem
kemur mér undantekningarlaust í gott skap. Það er líka alltaf gaman að
stelpum með kjaft. ...Blóðsugubaninn Buffy:
Önnur stelpa sem kemur mér alltaf í gott skap er
góða gamla Buffy. Stöð 2 verður nú að fara að
sýna 6. seríu. Byrjunarþátturinn er hreint stór-
kostlegur, ég tók andköf þegar ég sá hann. Ég á
líka Buffy geisladisk sem ég hlusta mikið á, að-
allega af því að vinir mínir gerðu svo mikið grín að
mér fyrir að kaupa hann. Hann er víst góður!
...Hótel Holt: Að fara fínt út að borða kemur
manni líka í gott skap þótt ég tími því nánast aldrei. Fór í hádeginu á Hótel Holt
til að fagna þrítugsafmæli vinar míns og samstarfsfélaga. Það var rosa fínt og
kostar bara 1.900 krónur á mann, tveir réttir. Gat reyndar ekki borðað forréttinn
en mér var alveg sama. Forréttir eru hvort sem er bjánalegir. Til hvers að borða
sig saddan áður en aðalmaturinn kemur?
Vegna flensu er ég búin að horfa á fullt af vídeómyndum. Tók The Magdalene
Sisters en hún var sýnd á bresku kvikmyndahátíðinni síðasta sumar. Hún fjallar
um stúlkur á Írlandi sem fyrir einhverjar „sakir“ eins og að vera nauðgað eða vera
fallegar voru sendar í klausturfangelsi þar sem þeirra bíður eymdarlíf hjá nunnum
sem eru hinir mestu sadistar. Myndin er byggð á sönnum atburðum og sat svolít-
ið í mér lengi á eftir. Þvílík mannvonska!
Að snúa andlitinu í sólina (samt með lokuð augun) kemur manni víst líka í gott skap, sagði vitur maður mér um
daginn. „Þannig fær maður frumefnið lithíum í sig,“ sagði hann en lithíum er einmitt geðlyf… | |bryndis@mbl.is
FRÁ FYRSTU HENDI
2 | FÓLKIÐ | FÖSTUDAGUR 5|3|2004 MORGUNBLAÐIÐ
FÓLKIÐ Umsjón Pétur Blöndal pebl@mbl.is| Blaðamenn Ívar Páll Jónsson ivarpall@mbl.is| Inga Rún Sigurðardóttir
ingarun@mbl.is |Bryndís Sveinsdóttir bryndiss@mbl.is | Kristín Heiða Kristinsdóttir khk@mbl.is | Sæbjörn Valdimarsson
saebjorn@mbl.is | Árni Matthíasson arnim@mbl.is
Dag einn vaknaði Sigvaldi Örn og vissi um leið að
sennilega væru örlög hans ráðin. Opnaði augun var-
færnislega, sá sólina rísa upp í austri og senda fyrstu
geisla sína gegnum móðuga rúðuna; hjartað sló ótt og
títt. Hann steig fram úr rúminu, teygði sig í hálftóma
viskýflöskuna og kláraði þær litlu leifar sem eftir voru
eftir dýfu gærkvöldsins. Hóran var á bak og burt og allir þeir peningar
sem spilastokkurinn hafði fært honum. Sigvaldi klæddi sig í fötin,
spennti á sig beltið og setti á sig hattinn. Þegar hann leit í spegilinn
varð honum hugsað heim til gamla landsins og langaði í hákarl – í dag
myndi hann drepa eða deyja sjálfur. Skammbyssurnar voru hlaðnar
þegar Sigvaldi Örn gekk út í heitan Texas-morguninn. Kúrekinn og út-
laginn Sigvaldi Örn.
Sá sem gekk eftir Dallas-stræti þennan sólríka morgun
hefði vart látið sér til hugar koma að þessi maður á
snjáðum gallabuxum og kúrekastígvélum með upp-
étna hæla hefði eitt sinn verið númer í sínum
heimabæ. Maður sem steig létt dansspor á gljáfægð-
um lakkskóm um leið og hann sýndi fínustu frúm bæj-
arins það nýjasta í búðinni sinni. Maður sem hafði hlot-
ið hæstu einkunn á lokaprófi í blómaskreytingum í virtum skóla í Dan-
mörku. Nú gekk þessi sami maður um eins og innfæddur kúreki, með
byssurnar bungandi undan jakkanum. „Þar sem enginn þekkir mann,
þar er gott að vera,“ sönglaði hann, en í sömu mund
heyrði hann sagt að baki sér: „Sigvaldi Örn! Long time
no see! Hvað ert ÞÚ að gera í Texas?“
Hjartað tók aukakipp og Sigvaldi þreifaði eftir byssunni
um leið og hann snéri sér við. Á móti honum stóð Sig-
urlín hjúkrunarkona. Á milli þess sem hugur Sigvalda flögraði til ólík-
legustu staða, dvaldi hann inni á Kleppi. Fangi skynvillna og geðveiki.
Ferðalagið til Texas var aðeins enn einn áfangi í endalausu ferðalagi
hugans. Sigvaldi brosti til Sigurlínar um leið og hann rétti fram lófann
og þáði litlar pillur í öllum regnbogans litum. Eftir klapp á kollinn og hlý
orð, lagðist Sigvaldi Örn á koddann og hallaði aftur augunum. Smá
hvíld til að safna kröftum fyrir næstu ferð sem enginn veit hvar byrjar
eða endar.
Keðj
usag
an
Fyrsti hluti | eftir Óskar Jónasson
Annar hluti | eftir Önnu Kristine Magnúsdóttur
Þriðji og síðasti hluti | eftir Kristófer Helgason
Í næsta blaði byrjar ný saga.
ÚTVARPSMENN
Nú vantar hugmynd að því hvað ýsan á myndinni gæti verið að segja. Hægt
er að senda tillögur með því að fara á Fólkið á mbl.is og smella á „Besti
myndatextinn“. Þrjár tillögur verða verðlaunaðar með eintaki af geislaplöt-
unni 0 með Damien Rice og bolum merktum Fólkinu.
Yfir 200 tillögur bárust í síðustu myndagetraun og Atli Ö. Hilmarsson
sigraði með uppástunguna: „Ég vona að þetta konfekt sé ekki framleitt af
vélmennum Geir.“ Að auki eru verðlaunaðar tillögur frá Þórmundi Jónatans-
syni: „Ekki meir, Geir!“ og Kára Magnússyni: „Snöggur, áður en bláa höndin
kemur.“ Þeir fá eintak af safndisknum Skonrokki í boði Skífunnar.
HVAÐ ER ÝSAN AÐ SEGJA?
„ÉG VONA AÐ ÞETTA KONFEKT SÉ EKKI
FRAMLEITT AF VÉLMENNUM, GEIR.“
Við vissum ekki fyrir viku…
… að svona mikil harka tíðk-
aðist í strandfótbolta, en
þarna er Argentínumað-
urinn Adrian Corrales að
kýla Spánverjann Manuel
Bustillo kaldan. Kannski
var hann tapsár, enda tap-
aði Argentína með tveimur
mörkum gegn sex í leik
þjóðanna á heimsmeist-
aramótinu í Rio de Janeiro í
Brasilíu.
… að svona tilþrif væru mögu-
leg í krikket, en þarna er
engu líkara en Sri Lanka-
maðurinn Thilan Sam-
araweera sé með höndina á
kafi í hausnum á Ástr-
alanum Ricky Ponting.
… Að Leonardo DiCaprio væri
svo umhugað um að ungt
fólk notfærði sér kosninga-
rétt sinn, en hann tók þátt í
átakinu Taktu afstöðu, sem
snýst um að fá sem flesta
til að taka þátt í forseta-
kosningunum í nóvember.
… að Jack Connelly, 65 ára
ellilífeyrisþegi, vildi fá sjón-
varpsdrottninguna Mörthu
Stewart sem forseta.
… að þetta japanska vél-
menni, Nuvo að nafni, gæti
hlýtt yfir 1.000 skipunum eig-
anda síns, til dæmis dansað,
hneigt sig og stoppað. Fjölda-
framleiðsla á Nuvo hefst á
þessu ári og mun hann kosta
yfir 320.000 krónur.
… að Járnfrúin sjálf, Margaret
Thatcher, væri enn í fullu
fjöri, en hér sést hún yf-
irgefa guðsþjónustu í Lond-
on, í tilefni af 300 ára af-
mæli samskipta Breta og
Gíbraltarmanna.
Sykurmolarnir voru upp á sitt besta ár-
ið 1987, um það leyti sem platan Life’s
too Good kom út og heimsfrægðin var
yfirvofandi. Sennilega hefur unga og
óþroskaða Molana ekki grunað hversu
mikil ævintýri framtíðin bæri í skauti
sér, en í sveitinni voru, f.v.; Þór Eldon,
Sigtryggur Baldursson, Björk Guð-
mundsdóttir, Einar Örn Benediktsson
og Bragi Ólafsson.
Úr safninu | 1987
Sykurmolarnir
Lithíum og gott skap