Pressan - 14.12.1989, Qupperneq 6
6
Fimmtudagur 14. dés. 1989
Jón Óttar
útilokaður?
Þegar viðræðurnar hófust var Jón
Óttar með í ráðum og sömuleiðis
fulltrúi Verslunarbankans. Forsvars-
menn fyrirtækjanna þriggja fóru af
stað með það í huga að kaupa meiri-
hluta. Skoðun þeirra var að til lítils
væri að fara inn í Stöð 2 án þess að
hafa öll ráð í hendi sér.
Það kom á daginn að hugmyndir
Jóns Óttars voru aðrar. Hann var
fyrst og fremst á höttunum eftir fjár-
magni til að styrkja óbreyttan rekst-
ur Stöðvarinnar, þar sem hann sjálf-
ur leggur linuna.
Það leið ekki á löngu þar til Jón
Óttar var útilokaður frá viðræðun-
um. Það var gert með samþykki
Verslunarbankans.
Fyrirtækin þrjú gerðu sér grein
fyrir að kaupverð Stöðvarinnar var
svo hátt að heppilegra væri að fá
fleiri aðila með i framtakið. Verslun-
arbankinn var einnig þess fýsandi
að önnur fyrirtæki kæmu inn í við-
ræðurnar.
Markmið bankans er að fá til liðs
við Stöð 2 trausta og örugga aðila til
að ábyrgjast skuldir. Um áramótin
rennur bankinn inn í íslandsbanka
og vill sýna nýjum samstarfsaðilum
fram á að útistandandi skuldir séu
vel tryggðar.
Auk áhuga annarra fyrirtækja en
hér hafa verið nefnd á að komast yf-
ir Stöð 2 munu stöðvarmenn enn
halda í þann möguleika að erlendir
aðilar kaupi hlutafé í Stöð 2. Er því
haldið fram að þ.á m. séu tvö mögu-
leg tilboð frá bandarískum aðilum.
Stöð 2 hefur haft ár til að styrkja eig-
infjárstöðu sína, en enn sem komið
er virðist ekkert haldfast hafa kom-
ið erlendis frá og því varla inni í
myndinni hvað Verslunarbankann
snertir.
Um áramótin tekur til starfa nefnd
á vegum íslandsbanka sem mun
leggja mat á eignir og útistandandi
skuldir bankanna fjögurra. lýomi
fram mismunur á eigin mati bank-
anna og niðurstöðu nefndarinnar
verður að leiðrétta þann mismun að
sögn Tryggva Þálssonar, banka-
stjóra Verslunarbankans. Bankarnir
leggja þess vegna allt kapp á að
tryggja sem best útistandandi skuld-
ir. Allt frá því að Stöð 2 hóf rekstur,
fyrir þrem árum, hefur Verslunar-
bankinn stutt dyggilega við bakið á
Jóni Ottari. Höskuídur Ólafsson
bankastjóri hefur einkum haft með
mál Stöðvarinnar að gera. Nú er aft-
ur svo komið að það þarf meira en
velviljaðan bankastjóra til að bjarga
Stöð 2.
Skuldirnar að sliga
Stöð 2
Skuldir Stöðvar 2 nema um eða
yfir einum milljarði íslenskra króna.
Afborganir af þessum skuldum eru
að sliga Stöðina.
Versta hugsanlega útkoma fyrir
Verslunarbankann er að Stöðin
verði gjaldþrota. Bankinn myndi
tapa hundruðum milljóna króna.
Það er hinsvegar lítil hætta á að til
gjaldþrots komi þar sem töluverður
áhugi er fyrir sjónvarpsrekstri í við-
skiptalífinu. Þessi áhugi birtist með-
al annars í því að sömu aðilar og
komu sér saman um tilboð í Stöð 2
hafa velt fyrir sér möguleikanum á
samstarfi við Sýn hf.
Sýn boðaði í haust að fyrirtækið
ætlaði að stofna helgarsjónvarp á
næsta ári. Auglýsingastoían GBB er
aðaleigandi Sýnar og forsvarsmenn
hennar leita logandi Ijósi að fjár-
sterkum samstarfsaðilum. Kins'lrg
staðan er núna taka fyrirtækin
fimm Stööina fram yfir Sýn, sem
enn er óskrifaö blað. Þá hefur heyrst
aö meöal fyrirtækja sem reynt er að
laða að Stöð 2 séu Bifreiöar og land-
búnaöarvélar auk fleiri sem ekki
hefur fengist staðfest.
Takist Jóni Ottari að safna hlutafé
til aö tryggja stöðu sína veröur Sýn
aftur inni í dæminu hjá fyrirtækjun-
um fimm, að minnsta kosti einhverj-
um þeirra.
Þrátt fyrir sínar miklu skuldir er
Stöð 2 talin vænleg fjárfesting. Þeg-
ar búið er að grynnka á skuldunum
og rekstrinum komið á eölilegan
grunn getur Stöðin skilað myljandi
gróða.
Bíókóngur í sjón-
varpsrekstri
Árni Samúelsson bíóeigandi og
Prentsmiðjan Oddi komu síöust inn
í viðræður Hagkaups, Heklu og Víf-
ilfells um kaup á Stöð 2.
Árni hefur hvorki viljað neita né
játa að hann taki þátt í þessum viö-
ræðum. Það er á hinn bóginn aug-
Ijóst að hann hefur sitthvað aö
sækja í Stöð 2. Árni er umsvifamikill
i kvikmyndahúsarekstri. Hann á
þrjú kvikmyndahús, Bióhöllina,
Bíóborgina (gamla Austurbæjarbíó)
og Nýja bíó í Keflavík. Samtals eru
níu sýningarsalir í húsunum. Þá sel-
ur Árni myndbönd og hyggst auka
við sig á þeim vettvangi.
Myndbönd sem Árni setur á
markað hér eru textuð á tæknideild
Stöðvar 2. Árni auglýsir á Stöð 2, en
ekki í rikissjónvarpinu, þær kvik-
myndir sem ganga í kvikmyndahús-
um hans.
Árlega gerir Árni marga samn-
inga um sýningarrétt á kvikmynd-
um. Hann er meðal annars með um-
boð fyrir bandarísku kvikmynda-
fyrirtækin Warner, Disney, 20th
Century Fox og MGA-UA. LítilJ vafi
er á að Árni nær hagfelldari samn-
ingum erlendis ef hann semur í senn
um sýningarrétt á kvikmyndum í
bíó og sjónvarpi.
Það er langsóttara að Prentsmiðj-
an Oddi skuli vilja hasla sér völl í
sjónvarpsrekstri. Að vísu prentar
Oddi Sjónvarpsvísi fyrir Stöð 2 en
það telst ekki feitur biti. Oddi á það
sameiginlegt með hinum fyrirtækj-
unum að vera í eign fjölskyldu. Þor-
geir Baldursson, forstjóri Odda,
sagði í samtali við Pressuna að hann
væri eingöngu í þessum viðræðum
út frá viðskiptasjónarmiðum. Þor-
geir sagði aö hvað sig varðaði væri
ekki tímabært að gera tilboö í Stöð
2, hann þyrfti frekari upplýsingar
um rekstrarstööu Stöðvarinnar.
Hvert fer
meirihlutinn?
Jón Ottar vill ekki fyrir nokkurn
mun tapa meirihluta sínum í Stöð 2.
Hann veit af kaupáhuga fjölskyldu-
fyrirtækjanna og rær að því öllum
árum aö safna nægu hlutafé til að
halda veldi sínu.
Enn sem komið er getur Jón Óttar
lítiö sýnt, þó hann hafi víöa leitað.
Engum sögum fer af þeim fresti sem
Verslunarbankinn veitir Jóni Ottari,
en hitt er vitaö að bankinn miðar
við að hlutirnir verði komnir á
hreint um áramót.
Á meöan Jón Óttar gerir úrslitatil-
raun til að halda meirihlutanum
standa þrjú sterkefnuö fjölskyldu-
fyrirtæki álengdar, meö tvö önnur
rétt fyrir aftan, og bíöa þess að
Verslunarbankinn gefi grænt Ijós.
Jón Óttar dregur augað i pung og telur sig hafa nýja samstarfsaöila í sigtinu. Öðrum finnst það ótrúlegt og vilja kaupa sjónvarpsstjórann út.