Nýja dagblaðið - 09.11.1933, Blaðsíða 4

<
M Ý 3 A
DAGBLA9 IÐ
Annáll.
Skipafregnir.
Esja var á Sauðárkróki í gær
um hádegi. Súðin kemur til
Hornafjarðar í dag frá Noregi,
Gullfoss fer vestur og norður
á föstudagskvöld. Goðafoss er
á leið til Hull frá Hamborg.
Brúarfoss kom að vestan seint
í gærkvöld. Dettifoss fór frá
Stykkishólmi í gærmorgun á-
leiðis til Flateyjar. Lagarfoss
er í Kaupmannahöfn.
Bækur Remarque,
sem auglýstar eru í þessu
blaði, voru meðal þeirra rita, er
brennd voru á bókabálinu
mikla í Berlín í vor.
í utanríkismálanefnd
voru kosnir í sameinuðu þingi
í gær Bjarni Ásgeirsson, Jón
Þorláksson, Jónas Jónsson,
Magnús Jónsson, Ólafur Thors,
Tryggvi Þórhallsson og Vil-
mundur Jónsson. Deildafundir
voru engir í gær, en í dag eru
fundir í báðum deildum kl. 1.
Aðalfundur
glímufélagsins Ármann var
hafdinn í Varðarhúsinu nýlega
og var fjölmennur. Ýms mál
voru þar rædd. Á fundinum
var stofnaður „utanfarasjóður
glímufélagsins Ármann“. Eru
stofnendurnir Svíþjóðarfarar
Ármanns, sem gáfu stofnfé að
upphæð 300,00 kr. 1 stjóm voru
kosnir: Jens Guðbjörnsson, for.
maður, ólafur Þorsteinsson,
Kristinn Hallgrímsson, Jóhann
Jóhannesson, Þórarinn Magnús-
son, Jón G. Jónsson og Björn
Rögnvaldsson. Varastjórn skipa
þau Rannveig Þorsteinsdóttir,
Karl Gíslason og Þórunn Jóns-
dóttir, en endurskoðendur voru
kosnir Stefán G. Björnsson og
Konráð Gíslason. — Æfingar
eru nú byrjaðar af kappi í öll-
um flokkum félagsins. Glímu-
kennarar eru Jón Þorsteinsson
og Þorst. Kristjánsson og fim-
leikakennarar Vignir Andrés-
son og Jón Þorsteinsson.
Útgjöld lækka.
Hagstofan reiknar út eftir
gildandi verðlagi á hverjum
tíma hve mikil útgjöld eru fyr-
ir 5 manna fjölskyldu hér í
Reykjavík. Eftir yfirliti Hag-
stofunnar í október ættu út-
gjöld fjölskyldunnar til matar,
fata, húsnæðis, skatta og ann-
ara nauðsynlegra útgjalda að
nema 4067 kr., en eftir verð-
lagi því sem var í fyrrahaust
- mundi tílsvarandi upphæð hafa
numið kr. 4150,00. Lækkunin
stafar aðallega af því að garð-
ávextir og aldin hafa lækkað
um 15% og mjólk, ostur og egg
um 7%. Mjólkin lækkaði, sem
kunnugt er í nóvember í fyrra
úr 44 aur. niður í 40.
Maður hverfur.
Gamall maður, Jón Hannes-
son að nafni, fyrverandi öku-
maður, hvarf á mánudaginn
var og hefir ekki fundizt síð-
an. Hann átti heima á Elli-
heimilinu og hefir verið þar í
tvö ár. Leitað var á þriðjudag-
inn og í gær. Hefir skátaflokk-
ur tekið þátt í leitinni, en
einskis orðið vart, sem gefið
geti bendingu um, hvað af
manninum hafi orðið.
ísfisksalan.
Samkvæmt síðustu hagtíð-
indum hefir ísfisksalan í ár
verið miklu minni en í fyrra.
Á mánuðunum jan. til sept. í
fyrra var fluttur út ísfiskur
fyrir kr. 2.577.610,00, en á
sama tíma í ár fyrir kr.
1.873.840,00.
Útflutningur meiri í ár
en í fyrra.
Samkvæmt skýrslum lög-
reglustjóranna hefir heildar-
útflutningurinn í ár til septem-
berloka verið 2,7 milj. króna
meiri en á sama tíma í fyrra,
eða 32,2‘milj. kr. á móti 29,6
milj. á sama tíma í fyrra.
Aukning fimleika í K. R.
Nýjum flokki hefir verið.
bætt við vegna mikillar aðsókn-
ar og verður það 3. flokkur
kvenna, sem hefir æfingar á
þriðjudögum og fimmtudögum
kl. 6—7. Geta fáeinar stúlkur
komizt í þennan flokk ennþá.
Einnig hefir verið bætt við
telpnaflokk undir 15 ára, sem
hefir æfingu á miðvikudögum
kl. 6—7 og telpuflokkur undir
! 8 ára, sem hefir æfingu á
þriðjudögum og fimmtudögum
kl. 5—6. Kennari er ungfrú
Unnur Jónsdóttir. Einnig hefir
verið bætt við drengjaflokk
undir 15 ára, sem hefir æfingu
á miðvikudögum og föstudög-
um kl. 5—6. Kennari hr. Júlíus
Magnússon. Nokkrir drengir og'
telpur geta komizt í þessa
flokka ennþá og eru þau beðin
að snúa sér til kennaranna.
— Foreldrar hvetjið börn yðar
til að iðka fimleika. G.
Ungur þýzkur vísindamaður
að nafni Landy kom hingað til
lands í sumar til þess að rann-
saka gróður og dýralíf í vötn-*
um. Hafði hann með sér mjög
fullkomin tæki, svo vænta má
góðs árangurs af rannsóknum
þessum. Landy hefir nú um
nokkurt skeið dvalið norður við
Mývatn, þar sem hann hefir
verið við rannsóknir. Er það
ætlun hans að rita doktorsrit-
gerð um niðurstöðumar af
rannsókn sinni. Landy hefir
áður dvalið um tvö ár hér á
landi og talar íslenzku.
Maður hleypur í sjóinn.
í fyrrakvöld köm lögreglu-
bíll niður að höfn og ók fram
hjá verkamánna skýlinu. Voru
þar nokkrir menn staddir og
virtist lögregluþjónunum að
þeir myndu eiga erindi við
einn þeirra. Stigu þeir þá úr
bílnum og gengu til mannsins,
en hann tók á rás undan og
hljóp á bak við húsið. Þegar
lögreglan kom þangað hafði
maðurinn stokkið niður af
uppfyllingunni og stóð upp und-
ir hendur í sjó. Náðu þeir
honum upp. Hafði hann með-
an á þessu stóð losað sig við
flösku af landa, er hann bar
á sér. Fannst flaska þessi, er
út fjaraði.
Á veiðar
eru nýfarnir togararnir
Karlsefni, Hannes ráðherra,
Tryggví gamli og línuveiðar-
inn Jarlinn. Línuveiðarinn
Sigríður er að búa sig á veiðar.
Atvinnuleysið í Danmörku.
1 lok októbermánaðar var
tala atvinnuleysingja í Dan-
mörk 88.957, en 128.316 um
sama leyti í fyrra. Síðustu viku
óx tala atvinnuleysingjanna um
2477.
íslenzkur matur.
I dag heldur Helga Thorlaci-
us sýningu á réttum úr íslenzk-
um grösum og jurtum, svo sem
fjallagrösum, sölvum og Skarfa.
káli, og fer sýningin fram kl,
2—7 síðd. í Oddfellowhúsinu
uppi. Einnig verða til sýnis
réttir úr ýinsu grænmetí af
erlendum uppruna, sem nú er
ræktað á íslandi, fisk- og kjot-
réttir ýmiskonar.
íslenzkir námsmenn í Svíþjóð.
Til skamms tíma hefir það
verið ótíður viðburður að ísl.
námsmenn hafa farið til Sví-
þjóðar, en nú er þetta tölu-
vert að breytast. Möimum er
orðið það ljóst, að þeir geta
margt gott sótt til Svíþjóðar.
Nú eru þar 8 stúdentar við
nám. Lesa þeir þar: 1 bygg-
ingafræði, 1 jarðfræði, 1 jarð-
ræktarfræði, 2 málfræði, 2
hagfræði og 1 guðfræði, 2
kandidatar í læknisfræði eru
þar einnig við nám. Einn piltur
er þar á verzlunarskóla og ann-
ar á byggingarskóla og 6 ung-
lingar eru þar á lýðskóla.
Útflutningur hrossa.
í september voru flutt út 199
hross fyrir kr. 17630,00, eru
það tæplega 90 kr. á hross.
Alls hafa verið flutt út 420
hross á þessu ári og er það
178 hrossum færra en flutt
voru út á sama tíma í fyrra.
Bílar.
Bílar eru stöðugt að nálgast
það að verða útbreiddasta sam-
göngutækið. 1920 voru um 6
milj. bíla í notkun í heiminum.
Við seinustu áramót var sú
tala orðin 36,3 milj. Útbreiðsla
þeirra í nokkrum löndum er
sem hér segir: í Bandaríkjun-
um 1 bíll á 5 íbúa, Canada 1 á
8, Frakkland 1 á 24, Danmörk
1 á 29, England 1 á 32, Sví-
þjóð 1 á 41, Þýzkaland 1 á 95,
Japan 1 á 643, Rússland 1 á
2300 og Kína 1 á 14000.
Staddur er í bænum
Sæmundur Einarsson bóndi í
Stóru-Mork.
• Ódýrn •
auglýsinga rnar.
Húsnæði
Gott pláss óskast til leigu
fyrir fisksölu. Tilboð merkt
„15“ sendist afgr. blaðsins.
Tapað-Fundið
Grábröndóttur, stálpaður
ketlingur hefir tapast. Finn-
andinn góðfúslega beðinn að
gera aðvart í síma 3091.
Atvinna
Mæld feiti í mjólk. Sími
2151.
Nýmóðins pergament lampa-
skermar, handmálaðir. Fyrir-
liggjandi og saumaðir eftir
pöntun á Grundarstíg 8. Verð
afar ódýrt. Sími 4399.
Munið síma Herðubreiðar
4565, Fríkirkjuvegi 7. Þar
fæst allt í matinn.
Ritvél, helzt Caronne, óskast
keypt með tækifærisverði. A.
v. á.
Nýtt kjöt, saltkjöt, reykt
kindabjúgu o.m.fl. — Kjötbúð
Reykjavíkur, Vesturgötu 16.
Sími 4769.
Hafið þið reynt hið holla og
ljúffenga kjarnabrauð frá
Brauðgerð Kaupfél. Reykjavík-
ur?
ÖDÝRASTAR
vörur fáið þið aðeins á Vest-
urgötu 16.
Verzlunin Brúarioss
Sími 3749.
Iíjötfars alltaf bezt hjá
K L E IN,
Baldursgötu 14. Sími 3073.
RAUÐA HÚSH).
síns var hvergi nærri eins mikils um hann vert eins
og yngri utgáfurnar í sumum öðrum fjölskyldum;
til dæmis fjölskyldunni Champion Birket. En Cham-
pion Birkett -ar líka bezti líereford tarfurinn, sem
hann hafði nckkru sinn aiið upp.
Antony ætlaði sér annars ekki lengra en til Lund-
úna. Hann ætlaði sér að sjá sig um í heiminum. En
það var ekki meining hans að sjá lönd heldur að
sjá menn og kynnast þeim frá sem fiestum hliðum.
í Lundúnum eru allskonar menn, bara maður viti
frá hvaða hlið maður á að virða þá fyrir sér. Og
Antony virti þá fyrir sér, frá undarlegum og marg-
víslegum sjónarmiðum, frá sjónarmiði lögreglu-
þjónsins, fréttaritarans, veitingaþjónsins og búðar-
lokunnar. Úr því hann hafði þessi 400 pund í árs-
tekjur, var honum þetta allt regluleg skemmtun.
Hann var hvergi lengi í stað og endaði oftast með
því að segja yfirboðaranum rétt og slétt skoðun
sína á honum (þvert ofan í það sem venja er um
þjóna og húsbændur). Hann átti ekki erfitt með að
fá vinnu á ný. í stað vitnisburða og reynslu hafði
hann mannsbrag og djarfmannlega framkomu.
Hann krafðist engra launa fyrsta mánuðinn, en
aftur — ef vinnuveitandinn yrði ánægður með hann
— tvöföld laun næsta mánuð. Hann fékk alltaf sín
tvöföldu laun.
Hann var nú þrítugur að aldri. 1 Woodham
hafði hann stigið af lestinni aðeins vegna þess, að
honum leizt þar vel á sig. Farmiðinn leyfði honum
að halda lengra áfram, en það var nú hans háttur,
að gera það sem honum sjálfum líkaði bezt. Honum
fannst fallegt í Woodham og hann hafði með sér
farangur sinn og peninga hafði hann á sér. Hvað
var þá eiginlega á móti því að stíga hér af lest-
inni ?
Veitingamannskonan í „The George“ varð himin-
lifandi að fá að taka á móti honum og lofaði því
að maður hennar skyldi sækja farangur hans á
stöðina seinna um daginn.
— Og hvað viljið þér hafa til hádegisverðar,
herra minn?
— Þakka yður fyrir, gerið yður ekki mikið ómak
mín vegna. Eitthvað kalt, hvað sem vera skal.
— Kannske buff, herra minn? spurði hún, rétt
eins og hún réði yfir kjötréttum í hundraðatali og
væri að bjóða fram það bezta.
— Það er ágætt. Og svo ölflösku.
Meðan hann var að borða kom veitingamaður-
inn inn til þess að grennslast eftir um farangur-
inn. Antony bað um flösku í viðbót og liðkaðist nú
um málbeinið á gestgjafanum.
— Það held ég sé nógu gaman að hafa svona
veitingahús, sagði hann og hugsaði með sér, að nú
væri eiginlega tími til þess kominn að fá sér nýja
atvinnu.
— Ég læt það vera. Það er hægt að lifa af því,
en ekki er það nú meira.
— Þér ættuð að taka yður hvíld, sagði Antony
og virti hann fyrir sér og var hugsi.
— Skrítið að þér skulið segja það, sagði veit-
ingamaðurinn og hló við. Einn af gestunum í Rauða
húsinu sagði svipað við mig í gær. Bauðst til þess
að sjá um gistihúsið og allt saman. Hann hló svo
að glumdi við.
— Rauða húsinu? Það er þó ekki Rauða húsið
hjá Stanton?
— Jú, reyndar. Stanton er næsta stöð við Wood-
ham. Rauða húsið er svona mílu vegar hér frá, þar
býr mr Ablett.
Antony tók bréf úr vasa sínum. Það var sent frá
„Rauða húsinu, Stanton“ og undirritað „Bill“.
— Bill, gamli seggur, tautaði hann fyrir munni
sér. Hann kemur til.
Antony hafði hitt Bill Beverley fyrir tveim ár-
um í tóbaksbúð einni. Þeir stóðu þá sinn hvoru
megin við búðarborðið. Antony varð einhverra
hluta vegna nokkuð starsýnt á Bill, kannske vegna
þess, hvað hann var. unglegur og fjörugur; þegar
hann var búinn að kaupa sígaretturnar og segja til,
hvert ætti að senda þær, minntist Antony þess,
að hann hefði einu sinni hitt frænku Beverleys úti
á búgarði nokkrum. Þeir Beverley hittust nokkru
síðar af hendingu á matsölustað einum. Þeir voru
báðir í samkvæmisfötum, en fóru hvor á sinn hátt
með pentudúkana sína og var Antony þar slyngari.
Honum geðjaðist vel að Bill. Og einn góðan veður-
dag, þegar hann hafði ekkert fyrir stafni, kom
hann því í kring, að vinur þeirra beggja lét fund-
um þeirra bera saman og kynnti þá hvorn fyrir
öðrum. Bill fór ögn hjá sér, er hann var minntur
á fyrri samfundi þeirra, en hann jafnaði sig fljótt
og þeir Antony urðu brátt góðir vinir. En Bill kall-
aði hann „gamla bjána“, ef svo bar við, að hann
sendi honum línu.
Antony réði af að labba upp til Rauða hússins
eftir hádegisverðinn og heilsa upp á kunningja sinn.
Hann skoðaði fyrst svefnherbergið og fann að það
var ekki nærri eins vaniljuþefjandi gistihússher-
bergi eins og hefði mátt ætla, en þvert á móti