Nýja dagblaðið - 02.06.1938, Qupperneq 2

2
N Ý J A
DAGBLAÐIÐ
t T L Ö N D :
---------i
Göng undir Ermasund
Haia Chamberlaín og Daladíer
rætt um íramkvæmd þeírra?
Göngia verða 50 km. löng og 35 m.
undir halsbolní.
Það eru nú meira en hundr-
að ár síðan að fyrst kom fram
tillaga um jarðgöng undir
Ermarsund. Frakkar hafa
jafnan verið málinu hlynntir,
en Englendingar andvígir,
einkum hernaðarsérfræðingar
þeirra. Hin nýju hemaðar-
tæki hafa nú breytt viðhorfi
Englendinga og er jafnvel tal-
ið að þetta mál hafi verið rætt
af fullri alvöru, þegar fundum
Chamberlains og Daladiers
bar saman í London fyrir
skemmstu. Herforingjaráð
beggja landanna eru málinu
fylgjandi. Á styrjaldarárunum
lét Foch hershöfðingi svo um
mælt, að slík göng útilokuðu
stríðshættuna i Evrópu.
Franskur verkfræðingur, Bas-
devant, hefir gert áætlun um
jarðgöngin. Fréttaritari Social-
Demokraten í Stokkhólmi, hefir
nýlega haft tal af honum, og seg-
ist honum svo frá:
— Um aldamótin 1800 gerði
verkfræðingur, Mattieu að nafni,
áætlun um jarðgöng undir Erm-
arsund. Hann skýrði Napóleon
frá tillögum sínum, en hann
taldi þær ekki framkvæmanleg-
ar. —
Upphaflegu tillögurnar gerðu
ráð fyrir járnbraut eftir göng-
unum. En sú hugmynd er úrelt
nú. Ég geri þvi ráð fyrir bílasam-
göngum. Sökum jarðvegsins,
geta göngin ekki verið bein,
heldur þurfa að vera í bugðum
og henta því betur fyrir bíla en
járnbraut.
Ég geri ráð fyrir tveimur sam-
liggjandi göngum, svo bílarnir
þurfi ekki að mætast. Með 100
m. millibili geri ég ráð fyrir
göngum á milli þeirra, svo bíl-
arnir geti snúið við. Lengdin á
göngunum verður 50 km., 40 km.
undir yfirborði hafsins, 7 km.
undir yfirborði frönsku strand-
arinnar og 3 km. undir yfirborði
ensku strandarinnar. Þar sem
dýpst er, verða göngin 110 metra
undir sjávarmáli eða 35 m.
undir hafsbotni. Ætti það að
vera vera nægilegt til þess að
ekki væri hægt að eyðileggja
göngin með sprengjuárás.
Fimm þús. verkamenn ættu
að geta fullgert göngin á tveim-
ur árum. Um 2 millj. fermetra
af krít verður að grafa í burtu.
Borunin myndi byrja samtímis
beggja megin frá. Göngin verða
að hafa öflugt járnþak og ak-
brautirnar verða úr þykkri
steinsteypu.
Einna mestu örðugleikarnir
eru í sambandi við loftræsting-
una, en með fullkomnum útbún-
aði verður þó hægt að hafa hana
sæmilega góða.
Kostnaðinn áætla ég iy2 mill-
jarð franka. Sé reiknað með að
4 millj. bíla fari göngin árlega
— árið 1936 fóru 2.100 þús. far-
þegar yfir Ermarsund — og
gjaldið sé 50 frankar, ætti stofn-
kostnaðurinn að fást endur-
greiddur á nokkrum árum, jafn-
framt því að fargjöldin milli
Englands og Frakklands myndu
stórlækka.
Landvarnarráð Englands lýsti
sig andvígt jarðgöngunum undir
Ermarsund fyrir 10 árum síðan,
en þessi afstaða Breta er nú
mikið breytt. Churchill 'er t. d.
nú ákafur fylgismaður þeirra.
Ég er því viss um að þetta mál
verður tekið til nákvæmrar at-
hugunar á næstunni. England
þarf ekki að óttast göngin hern-
aðarlega séð. Það er hægt að
loka þeim og fylla þau með sjó,
hvenær sem þörf krefur. Hins-
vegar ættu þau einmitt að geta
komið Englendingum að ómet-
anlegu gagni, ef þeir ættu í ó-
friði á meginlandinu, þar sem
þau eru óvinnanleg af flugvélum
og kafbátum.
Slík göng eru víða til. T. d.
undir Thames, Elbe, Hudson-
fljótið o. s. frv. Þau síðastnefndu
eru 3—4 km. löng. í Japan hafa
slík göng verið gerð milli tveggja
eyja. Lengd þeirra eru rúmir 7
km.
Menntumál,
janúar—maí 1938,
er komið út fyrir skömmu. Er
það fjölbreytt að efni og fróðlegt
að vanda. Má nefna, meðal
þeirra greina sem í ritinu eru,
t. d. Trúarmæti og menntamæti
kristindómsins, eftir dr. Matt-
hías Jónasson. Er það allítarleg
grein, sem fjallar um kristin-
dóminn í sambandi við uppeldi
bæði í skólum og heimahúsum.
Sigurður Helgason skrifar um
heimavistarskóla í sveitum og
skemmtisamkomur. Ræðir hann
þar um samstöðu skemmtistaða
og heimavistarskóla og kemst að
þeirri niðurstöðu, að þetta
tvennt eigi litla samleið, enda
þótt því sé oft ætlað það. Rit-
stjórinn, Sigurður Thorlacius,
skrifar um skátahreyfinguna, í
tilefni af 25 ára afmæli hennar
og Hannes J. Magnússon skrifar
um samvinnu heimila og skóla.
Auk þess er í ritinu ýmislegt
fleira, bæði til fróðleiks og
skemmtunar.
aðeins Loftur.
ÚTBREIÐIÐ
NÝJA DAGBLADIÐ!
Gístíng í Bírtínga-
holtí
Enn man ég morgunin fagra.
Mörg eru liðin ár
frá því ég garð þann gisti,
þá glitruðu daggar tár
á túni og teigum grænum.
Við töfrandi fuglasöng
ég vaknaði sæll af svefni.
Sú var ei nóttin löng.
Umurinn inn um gluggann,
með ómunum til mín leið.
Um sólstöðubilið, þá syðra,
var sumarnóttin heið.
Húsfreyjan, móðirin milda,
morgunverð til mín bar.
Ég minnist þess, meðan ég lifi,
hve morguninn fagur var.
Árvöku mennirnir úti
orfið sitt tóku og Ijá,
brýndu og „báru niður",
byrjuðu varpann að slá.
Grösin' hljóðlega hnigu.
Himinsins glitruðu tár.
Fórnin, sem jörðin færði,
var fögur.... en sár....
Húsbóndinn fylgdi úr hlaði.
Handtakið man ég enn.
Það er svo heilnæmt að hitta
hugljúfa afbragðsmenn.
Hann sýndi mér sáðsléttur
margar,
sumarsins angandi skraut.
Sólargeislarnir signdu
sérhverja blómalaut.
Af frjómagni full voru grösin.
.... Fögnuð þeirra ég skil.
Ljósinu það var að þakka
að þau voru orðin til.
Bjart var í Birtingaholti.
Braut mín þaðan lá....
Og nú eru nítján ár liðin,
en naumast ég fegra sá
árdegi upp til sveita.
Sigfús Elíasson.
\ r r m
IBioin.
Orrustan við
Port Arthur.
Stríðsmyndir eru að öllum
jafnaði alltilþrifamiklar. Þó er
sú barátta, sem háð er með
tundri og blýi enganveginn á-
hrifaríkust allra átaka. Þannig
er og í þessari mynd. Þar eru
það ekki sjálfar orrusturnar,
sem hertaka vitund manns.
Heldur er það baráttan milli
föðurlands- og frændaástar og
ástar á maka. Viðureign þessara
djúpstæðu afla er vel þess virði
að á hana sé horft. Myndin er
vel leikin og eru þó sum hlut-
verkin engin léttiverk.
Ágætt saltkjöt
í heilum og hálfum tunnum.
Nokkrar tunnur óseldar.
Samband ísl. samvinnuíélaga.
Síuíi 1080.
Sýníng á barnateíkníngum írá Norðurlönd-
um er í Kennaraskólanum. Opín kl. 10-22.
Kjötyerzlanir
Seljum hreinsaðar kindagarnir.
Garnastöðin, Reykjavík.
Sími 4241.
Kjarnar — (Essensar)
Höfum birgðir af ýmiskonar kjörnum tlliðnaðar
Álengisverzlun ríkisins.
Til brúðargfjafa:
Handskorinn kristall i miklu úrvali. Schramberg-
er heimsfræga kunst Keramik í afar miklu úrvali.
Schramberger Keramik ber af öðru Keramik, sem gull
af eir.
K. EINARSSON & BJÖRNSSON.
20stk. PAKKINN KOSTAR KR. 1-50