Morgunblaðið - 14.05.2004, Síða 11
MORGUNBLAÐIÐ FÖSTUDAGUR 14|5|2004 | FÓLKIÐ | 11
Nú er komið að því að Ashton Kutcher reyni
að sanna að hann sé alvöru leikari, ekki bara
glórulausi gæinn í That ’70s Show eða prakk-
arinn í sjónvarpsþætti sínum Punk’d. Í The
Butterfly Effect leikur hann hvorki meira né
minna en hrjáðan og óhamingjusaman snill-
ing, sem er kannski akkúrat öfugt við þá hlið
sem hann hefur sýnt á sér hingað til.
Auðvitað eru menn misánægðir með
frammistöðu hans. Þrátt fyrir að hann hafi
víst ekki alls fyrir löngu verið rekinn af upp-
tökustað ónefndrar kvikmyndar þar sem leik-
stjórinn gargaði á hann að fara í leiklist-
artíma, segja sumir hann sýna hér að hann
sé ágætur leikari. Hlutverkið sé alls ekki það
auðveldasta, það feli í raun í sér margar per-
sónur og hann þurfi því að fara öfganna á milli
í tjáningu sinni. Aðrir hefðu viljað sjá mun
sterkari leikara í hlutverkinu, og enn aðrir
segja að hann eigi alls ekkert að vera að
leika. En eru það ekki bara einhverjir öfund-
sjúkir sem eru skotnir í Demi Moore?
Ashton Kutcher leikur náunga sem fer aftur
í tímann og inn í líkama sinn sem lítill strák-
ur. Þannig reynir hann að breyta hörmulegri
fortíð og hryggilegri nútíð. Hann kemst
fljótt að því að það er ekki góð hugmynd.
Aftur til fortíðar
Franski kvikmyndagúrúinn Luc Besson kem-
ur nú með þriðju myndina sína um Daniel
leigubílstjóra. En fyrsta myndin um þennan
pítsusendil sem helst langar að verða her-
þotuflugmaður, en lætur sér nægja leigibíl-
stjórann, var frumsýnd árið 1998 og varð
strax mjög vinsæl. Kannski ekki síst fyrir
það að hún er algerlega byggð á amerísku
hasar- og spennumyndahefðinni, nema að
hún gerist í Frakklandi og er auðvitað á
frönsku. Það ætti því ekki að koma á óvart
að í þessari þriðju mynd um ævintýri Daniels
kemur sjálfur Sly Stallone fram og er sleipari
í frönskunni en margan grunar - eða trúir!
Það er svo skrýtið með Besson, sem hef-
ur leikstýrt mörgum af allra vinsælustu
frönsku myndum seinni tíma, að hann hefur
ekki leikstýrt mynd síðan hann gerði Jó-
hönnu af Örk árið 1999. Hann hefur hins
vegar verið heldur betur stórtækur í fram-
leiðslunni, því eftir Taxi 3 hefur hann fram-
leitt fjórtán myndir, vestan hafs og austan,
skrifað sjö þeirra en ekki leikstýrt neinni.
Hvað er í gangi?
Bensínið í botn
Þeir eru mættir aftur til leiks í Taxi 3,
frönsku vinir okkar, Daniel súper-leigubíl-
stjóri og vini hans í löggunni. Þeir eiga nú í
höggi við glæpsamlega jólasveina og það
með kínverskan blaðamann á hælunum.
FRUMSÝNT
Hver er elst þessara teiknimynda frá
Disney?
Fríða og dýrið
Mjallhvít og dvergarnir sjö
Öskubuska
Hver lék aðalhlutverkið í kvikmyndinni
Ever After (1998)?
Drew Barrymore
Lucy Liu
Cameron Diaz
Hver leikstýrði kvikmyndinni Princess
Bride (1987)?
Rob Reiner
Ron Howard
Steven Spielberg
Þeir sem álíta sig hafa rétt svör við
þessum spurningum ættu að skella sér
á Fólkið á mbl.is og svara þeim þar.
Þeir lenda þá í lukkupotti sem dregið
verður úr, en þrír keppendur geta unnið
miða fyrir tvo á myndin Ella Enchanted
sem frumsýnd verður eftir viku í Smár-
anum og Regnboganum, og boli merkta
Fólkinu.
Vinningshafar seinustu vikur eru:
Ásþór Aron Þorgrímsson, Björn Önund-
ur Arnarsson og Hervör Pálsdóttir. Við
óskum þeim til hamingju og vinningarnir
bíða þeirra í afgreiðslu Morgunblaðsins.
VILTU VINNA MIÐA?
Hvað veistu
um ævintýri
fyrr á tímum?
Butterfly Effect í Laugarásbíói og Regn-
boganum. Leikstjórn: Eric Bress og J.
Mackye Gruber. Með Ashton Kutcher,
Melora Walters, Amy Smart, Elden Hen-
son og William Lee Scott.
Taxi 3 í Smárabíói og Borgarbíói Akureyri.
Leikstjórn: Gérard Krawczyk. Með Sami
Naceri, Frédéric Diefenthal, Bernard
Farcy og Ling Bai.
Anything Else í Háskólabíói. Leikstjórn:
Woody Allen. Með Jason Biggs, Christinu
Ricci, Stockard Channing og Woody Allen.
Frumsýningar
helgarinnar
Þessi mynd þykir um margt sérstök fyrir gamla
kvikmyndahundinn Woody Allen. Það sem
menn reka fyrst augun í er að elskendurnir í
myndinni eru um tvítugt og auk þess á sama
aldri. Er Woody að gera unglingamynd?
UNGLINGASTJÖRNURNAR AÐAL
Vissulega voru Alvy og Annie í Annie Hall
(1977) á næstum sama aldri en eftir það hef-
ur bilið á milli elskendanna sífellt breikkað þar
sem maðurinn (vanalega leikinn af leikstjór-
anum) verður sífellt eldri, en konan sífellt
yngri. Kannski Woody sé búinn að gera sér
grein fyrir hversu gamall hann er orðinn og
byrjaður upp á nýtt? Í Anything Else leikur
hann nefnilega gamlan læriföður unga manns-
ins, og lætur stjörnum unga fólksins, Jason
Biggs og Christinu Ricci, eftir aðalhlutverkin.
Líkt og í mörgum unglingamyndum, eru þau
ráðvillt og vita ekki hvert halda skal í lífinu. En
þótt sagan þyki ekki jafnfrumleg og þegar
Woody flíkar sínu besta, er þó mun meiri
hugsun í þessari mynd er öðrum unglinga-
myndum sem nú eru í boði, enda er myndin
alls ekki byggð á sömu klisjunum og viðgengst
í unglingamyndum. Margir brandaranna eru
víst frábærir, samtölin eru auðvitað snilld,
eins og Woody er tamt, og þá þykir ekki verra
að Woody hefur undarlega mikinn skilning á
mannlegum veikleikum þegar kemur að kyn-
lífi.
Það þykir sýna og sanna að hér sé unglinga-
mynd á ferð, að í öllum kynningarmynd-
böndum og auglýsingum er lögð ofuráhersla á
aðalleikarana ungu, hvergi sjáist glitta í
Woody og varla minnst á að hann komi ná-
lægt myndinni. Hér er greinilega verið að miða
neðar en á hinn vanalega 35 ára og eldri
markhóp leikstjórans.
STEFNAN UPP Á VIÐ
Og ungu leikararnir þykja bara standa sig
vel. Jason Biggs leikur Jerry Falk, unga tauga-
veiklaða rithöfundinn sem byggður er á per-
sónunni sem Woody leikur oftast. Allavegana
tvisvar áður hafa aðir leikarar farið í hans skó,
en John Cusack lék hann í Bullets over Broad-
way (1994) og Kenneth Branagh í Celebrity
(1998), og þóttu báðir ná honum mjög vel.
Það þekkja allir Jason sem sló í gegn sem
Jim Levinstein í American Pie (1998) mynd-
unum. Jason hefur leikið síðan hann var fimm
ára, en það var ekki fyrr en eftir American Pie
sem hann fékk að velja úr hlutverkum. Ein-
hvern veginn hefur hann ekki valið sér nógu
góð hlutverk. Hann virðist ekki treysta sér of
langt frá Jim Levinstein-hlutverkinu, og oft leik-
ið einhverja aula í frekar glötuðum unglinga-
grínmyndum.
Hann virðist þó vera að taka stefnuna að-
eins upp á við þessa dagana, og það verður
áhugavert að sjá hann spreyta sig á nýjum
hlutverkum fyrst í Woody Allen-mynd, og síðan
í næstu mynd hans Jersey Girl sem er eftir
Kevin Smith.
HREINLEGA ÓMÓTSTÆÐILEG
Mótleikkona hans Christina Ricci á hins
vegar mun safaríkari feril að baki. Hún byrjaði
að leika 10 ára og hefur nú leikið í 40 kvik-
myndum, þrátt fyrir að vera bara 24 ára göm-
ul. Það muna allir eftir henni sem stelpu í The
Addams Family myndunum, en síðan hefur
hún unnið með leikstjórum á borð við Ang
Lee, Terry Gilliam, John Waters og Tom Burt-
on. Hún leikur aðalhlutverk í Wes Craven
mynd á næsta ári, og í ár er hún tilnefnd til
MTV-verðlaunanna fyrir besta kossinn á móti
Charlize Theron í Monster (2003), og ekki er
það nú ónýtt.
Það er engum blöðum um það að fletta að
hún er hæfileikaríkur leikari og Christina þykir
hreinlega ómótstæðileg í Anything Else. Hún
leikur hina sætu og kynþokkafullu Amöndu,
sem veit ekkert í sinn haus þegar kemur að
karlmönnum. Hún segir kærastann, sem Jas-
on leikur, minna sig á pabba sinn og vill því
ekki sofa hjá honum. En henni hefur verið lýst
sem óþolandi, fallegri, töfrandi tík sem ekki er
hægt að slíta augun af þegar hún birtist á
skjánum. Það gæti orðið gaman að sjá.
|hilo@mbl.is
Fyrsta unglingamynd Woody Allens?
Anything Else heitir kvikmynd Woody
Allens þetta árið. Þar leikur Jason
Biggs unga rithöfundinn, sem er í
þeirri leiðu klípu að vera með leik-
konu sem Christina Ricci leikur, en
hún vill ekki sofa hjá honum. Aum-
ingja hann. FRUMSÝNT