Morgunblaðið - 11.06.2004, Blaðsíða 2
2 | FÓLKIÐ | FÖSTUDAGUR 11|6|2004 MORGUNBLAÐIÐ
Útskrift: Brá mér í afbragðs úrskriftarveislu hjá vini
mínum á laugardaginn. Þar var margt um góðan
manninn, vel veitt og að sjálfsögðu var mál málanna
skeggrætt. Inni var hlaðborð með gómsætum smá-
réttum og úti var boðið upp á brennivín og hákarl, að
frumkvæði föður hins útskrifaða. Já, mál málanna
var mikið rætt, eins og búast mátti við. Yndislegt að
vera áheyrandi að svoleiðis umræðum og þarna var
nóg af fólki með skoðanir. Sumum var málið meira
að segja töluvert skylt og áttu nokkurt verkefni fyrir
höndum að sannfæra hina. Það tókst með ágætum,
held ég… Endurfundir og aðrir fundir: Hitti svo gamlan vin
minn, sem ég hef ekki talað við í allt of langan tíma. Við byrj-
uðum á að fara í keilu í Öskjuhlíðinni og það var gaman. Þar
hitti ég líka vinkonu mína, sem var þar með vinnufélögunum.
Hæsta skor mitt var í síðasta leiknum af þremur, 136 minnir
mig. Frekar slakt, enda tapaði ég þeim leik. Vann reyndar fyrri
tvo, en þeir voru svo hneykslanlega illa spilaðir af okkur félög-
unum að ekki er við hæfi að monta sig af því. En hvað um það,
við tókum leigara niður í bæ og kíktum á nokkra skemmtistaði.
Meðal annars Prikið, þar sem ég átti skemmtilegt spjall við
Heiðar í Botnleðju. Svo lá leiðin á 22, hvaðan vinur minn lét sig hverfa, enda klukkan orðin margt. Þar hitti ég hins-
vegar fyrrnefnda vinkonu aftur og við dönsuðum við tóna Pixies. Bæjarferðin endaði svo með viðeigandi hætti; á
pizzastað við Ingólfstorg. Frábært sumarkvöld orðið að morgni. |ivarpall@mbl.is
Hákarl og keila
FRÁ FYRSTU HENDI
FÓLKIÐ Umsjón Pétur Blöndal pebl@mbl.is |Blaðamenn Ívar Páll Jónsson ivarpall@mbl.is
| Inga Rún Sigurðardóttir ingarun@mbl.is | Hildur Loftsdóttir hilo@mbl.is | Árni Matthíasson arnim@mbl.is
Sigurvegari þessa vikuna er Halldór Eldjárn, með tillöguna: „Veistu,
Sigurjón, ég held að þetta sé ekki að ganga upp hjá okkur. Ég er
ófrísk.“ Hann hlýtur að launum geislaplötuna Hopes and Fears með
Keane. Boli merkta fólkinu fá Ómar Örn Jónsson, fyrir tillöguna „Svona
erum við nú fallegir karlmenn,“ og Magnús Ágústsson, fyrir tillöguna
„Og svo þarf alltaf að sjóða kartöflurnar í 10 mínútur.“ Mynd í næstu
keppni má finna á Fólkinu á mbl.is, á síðunni „Besti myndatextinn“.
Besti mynda-
textinn
„VEISTU, SIGURJÓN, ÉG
HELD AÐ ÞETTA SÉ EKKI AÐ
GANGA UPP HJÁ OKKUR.
ÉG ER ÓFRÍSK.“
Við vissum ekki fyrir viku…
…að stytta yrði gerð af elsta
asíufíl veraldar, sem hét Lin
Wang og lést 86 ára að aldri
í febrúar síðastliðnum. Lin
Wang stóð í ströngu í seinni
heimsstyrjöldinni og bar
fallbyssur fyrir japanska
herinn í Búrma.
…að Antje Buschschulte
myndi ná tímanum 2:17:52
í 200 metra baksundi á
þýska meistaramótinu í
Berlín.
…að franski knattspyrnumað-
urinn Thierry Henry myndi
setja upp svo skemmti-
legan svip á blaðamanna-
fundi vegna Evrópumótsins
í Portúgal, sem hefst á
morgun. Fyrsti leikur
Frakka er í Lissabon gegn
Englendingum á sunnudag-
inn.
…að nýbakaður eiginmaður
Jennifer Lopez, söngvarinn
Marc Anthony, myndi
syngja af þetta mikilli inn-
lifun í þættinum „Today
Show“ á NBC á þriðjudag-
inn.
…að svona stór brjóstahaldari
yrði til sýnis í Suður-Kóreu í
tilefni af opnun nýrrar
brjóstahaldarabúðar á
þriðjudaginn.
…að Antonio Banderas og
Skrekkur væru svona góðir
vinir, en þeir hittust á frum-
sýningu Skrekks 2 í Ástralíu
á miðvikudaginn.
Í skugga moldvörpunnar lá lykill.
Greifinginn tók lykilinn upp. Hann
var útataður í mold, sem moldvarp-
an hafði varpað yfir öxlina á sér.
Greifinginn sleikti moldina af lykl-
inum og stakk honum í skráargatið
á moldvörpunni.
„Þetta skaltu hafa fyrir skepnuskap-
inn, skepnan þín!“ æpti hann í
vinstra eyra moldvörpunnar á með-
an andlit hennar afmyndaðist af
sársauka.
Ívar Páll Jónsson
LYKILL
MOLDVÖRPU
HUGHRIF
Flosi Ólafsson leikari fór með hlut-
verk vínguðsins Bakkusar í balletti
Nönnu Ólafsdóttur Dafnis og Klói
við tónlist Ravel. Á myndinni er
hann með Guðmundu Jóhann-
esdóttur ballettdansara. „Henni
Mundu mjóu,“ kallar Flosi, þegar
myndin er rifjuð upp fyrir honum.
„Hún var ballerína, – og ég. Ég er
flagaralegur, gott ef ég held ekki á
glasi. Þetta var áður en ég varð
þorstaheftur. Og er ægilega sætt –
settu í fimmdálk strax!“
Úr safn inu | 1985
Morgunblaðið/Jim Smart
Dafnis
og Klói