Íslendingaþættir Tímans - 19.07.1973, Blaðsíða 6

Sigurður Jónsson
bóndi Refsstöðum, Hálsasveit
Siðbúin kveðja
Mér verður það að jafnaði ekki
sorgarefni, þegár ég frétti lát gamals
manns, sem ég veit að ólæknandi sjúk-
dómur hefur bugað, og svo fór enn, er
ég frétti lát vinar míns og nágranna.
Sigurðar á Refsstöðum. Hann andaðist
i sjúkrahúsi Akraness 27. janúar s.l.
eftir langt og erfitt dauðastríð.
Með Sigurði er genginn traustur og
góður bóndi — maður, sem allir, er til
hans þekktu, treystu og báru vel-
vildarhug til.
Sigurður fæddist 29. sept. árið 1900
að Búrfelli i Hálsasveit. Hann var þvi
á sjötugusta og þriðja aldursári, þegar
hann lézt. Hann var elztur sjö barna
hjónanna Valgerðar Guðmundsdóttur
og Jóns Þórðarsonar, sem bjuggu
aldarfjórðung á Búrfelli.
Það mun hafa verið fremur fátitt á
fyrstu áratugum þessarar aldar, að
auður væri i búi á barnmörgum sveita-
heimilum, og svo var ekki heldur hjá
hjónunum á Búrfelli, a.m.k. ekki i
venjulegum skilningi, en þar var auð-
ur samt — auður, sem ekki var siður
dýrmæturen veraldargull. Auður Búr-
fellshjónanna var fólginn i léttu og
glöðu skaplyndi. Þau undu ánægð sinu
hlutskipti og létu baslið ekki buga sig.
Þau komu barnahópnum upp með
nýtni og vinnusemi, og börn þeirra
urðu öll góðir og nýtir þegnar.
Þennan eiginleika foreldra sinna —
hið góða og létta skaplyndi — erfði Sig-
urður á Refsstöðum i rikum mæli. Hon
um var ekki eiginlegt úrræðaleysi eða
barlómur, þótt á móti blési. Hann sá
ávallt færa leið og valdi með yfirvegun
þá, sem hann taldi bezta, og gekk sið-
an hiklaust til verks.
Sigurður fór úr foreldarhúsum um
fermingaraldur og þá I vinnumennsku
eins og tiðast var um unglinga á þess-
um árum. Hann var á ýmsum stöðum
hér I byggðarlaginu, en þó lengst af I
heimasveit. Árið 1920 réðst hann
vinnumaður til ömmu minnar, Þor-
geröar Hannesdóttur i Stóra-Ási’ og
var hjá henni næstu fjögur árin, eða
þangað til hún hætti búskap árið 1924.
Það ár fluttust foreldrar minir hingað
að Stóra-Asi og tóku við búinu, og réðst
Sigurður til þeirra næsta ár. Sú vist
varð þó lengri, þvi að hann var óslitið
hjá þeim i 19 ár og þvi samfellt 23 ár I
Stóra-Asi.
Arið 1943 keypti Sigurður jörðina
Refsstaði i Hálsasveit og hóf þar bú
skap, og ári siðar gekk hann að eiga
eftirlifandi konu sina, Guðbjörgu Guð-
mundsdóttur, mikla myndar- og dugn-
aðarkonu. Þau hófust fljótlega handa
viö að byggja og bæta jörðina, en öll
slik verk undirbjuggu þau vandlega
áður en hafin voru að hætti hinna
hyggnu og traustu búenda. Þar var
ekki hrapað að einu i fyrirhyggjuleysi.
Arið 1955 kom 12ára gamall drengur
til þeirra Refsstaðahjóna, Olaf Lillaa
að nafni, og hefur hann dvalizt þar sið-
an. Hann var stoð þeirra og stytta við
búskapinn hin siðari ár. Hann hefur nú
tekib við búskap á Refsstöðum ásamt
unnustu sinni, Guðrúnu Bjarnadóttur.
Þrátt fyrir mikla heimatryggð og
umhyggju þeirra hjóna fyrir búi sinu
og heimili, voru þau ætið boðin og búin
að veita hjálp og aðstoð, þar sem þau
vissu að við þurfti, og þau biðu þessi
ekki ætið, að til þeirra væri leitað. Þau
urðu oft fyrri til að bjóða fram aðstoð
sina.
Sigurður á Refsstöðum var um árabil
leitarstjóri á Arnarvatnsheiði. Það
starf vann hann — sem önnur — af al-
kunnri dyggð sinni og trúmennsku. Ég
hygg, að ferðir hans fram á heiði, bæði
vor og haust, hafi veriö með mestu
gleðistundum i lifi hans.
Hann fór sem skilamaður norður I
Miðfjarðarrétt samfellt i tiu haust.
Honum lét það vel, þvi að hann var
glöggur á fé og minnugur á fjármörk.
öll störf, sem lutu að samskiptum
Rannveig Halldórsdóttir
frá Hólmavík
Kveð.ia
eiginmanns og barna við jarðarför Kannveigar Halldórsdóttur.
Ó drottinn minn, hve þung mér þraut sú er,
og þrek mitt smátt, að bera harmsins sár,
að sjá á bak þvi bezta sem ég hlaut
i blessun þinni, gegnum lifsins ár.
Hún breiddi sina blessun á mitt lif
og birtu sinnar gleði skina lét
i kærleikslund og góðleik lifs á leið,
sem ljómar hennar minning, hvert mitt fet.
Nú stöndum við, sem elskum hana öll
viö auða sætið heima, hrygg i raun.
En drottinn gaf og drottinn aftur tók,
og drottins náð er hennar sigur laun.
Við kveðjum þig og blessum, börnin þin
og bænir vorar flytjum Guði klökk.
Við kistu þina kæra Rannveig min
við krýnum minning þina hjartans þökk.
Jör undur Gestsson
frá Hellu
6
islendingaþættir