NT - 19.06.1984, Side 28

Verkamannasambandið
vill segja upp samningum:
Þurfum minnst
5-6% hækkun
- segir Guðmundur J. Guðmundsson
■ Margt bendir nú til þess að
kjarasamningum verði almennt
sagt upp frá og með 1. septem-
ber í haust. Framkvæmdastjórn
VMSÍ samþykkti á fundi sínum
í gær að leggja til við formanna-
fund sambandsins sem haldinn
verður í Lindarbæ í Reykjavík
í dag, að verkamannafélögin
segi samningunum upp frá 1.
sept.
NT hafði í gærkveldi sam-
band við Guðmund J. Guð-
mundsson, formann Verka-
mannasambandsins og spurði
hann um ástæðurnar fyrir þess-
ari tillögu. Guðmundur sagði
meginorsökina vera þá að Ijóst
væri orðið að sú 3% hækkun
sem umsamin væri 1. sept.
hrykki ekki til að halda kaup-
mætti febrúarsamninganna
óbreyttum. Pótt ekki kæmu til
neinar óvæntar verðhækkanir
fram til þess tíma, virtist aug-
ljóst að a.m.k. 5-6 prósenta
hækkun þyrfti til að halda í við
verðbólguna. Guðmundursagði
ennfremur að mikil óánægja
ríkti innan hreyfingarinnar
vegna þess hversu margirlauna-
taxtar væru lægri en dagvinnu-
tryggingin. T.d. væru allir byrj-
unartaxtar VMSf undir þessum
mörkum. Af þessu leiddi að
raunverulegt yfirvinnuálag væri
í mörgum tilvikum ekki nema
20 og 60% en ætti að vera 40 og
80%.
Dýrbítar í
Melasveit
staðnir
að verki
- Eigandinn neitar að afhenda þá
■ Dýrbíturnir sem NT
greindi frá í gær að hefðu
lagst á fé í Melasveit, voru
að öllum líkindum staðnir
að verki í fyrrakvöld. Var
það í annað sinnið á tveim
sólarhringum scm þeir
gerðust athafnasamir í
Melasveit en eins og greint
hefur verið frá þá lágu
fimm lömb í valnum i
fyrra skiptið. í seinna
skiptið sluppu hundarnir
hcim til sín, er mönnum
tókst að hrekja þá frá
verknaðnum áður en illa
fór.
Að sögn Jóns Magnús-
sonar, hreppstjóra í Mela-
sveit er ekki fullsannað að
um sömu hunda hafi verið
að ræða í þessi tvö skipti.
Hundarnir voru eltir heim
að bæ til eigandans en
hann neitaði alfarið að
afhenda þá eða aflífa.
Málið er nú í höndum
lögreglunnar í Borgarnesi.
Þórður Sigurðsson, yfir-
lögregluþjónn í Borgar-
nesi vildi lítið tjá sig um
málið. Hann sagði að mál
af þessu tagi væru yfirleitt
leyst innan sveitar. „Okk-
ur finnst þetta nú ekkert
tilefni til stórvandræða,
hundar taka upp á þessu
annað slagið," sagði
Þórður. Aðspurður kvaðst
hann ekki álíta skepnurn-
ar réttdræpar við verknað-
inn. Það væri ákveðin
hagsmunaregla höfð í
gildi í svona tilvikum, og
sennilega færi úrskurður-
inn eftir því hver hefði
mciri hagsmuna að gæta,
hundeigandinn eða fjár-
eigandinn.
Jón Magnússon, hrcpp-
stjóri kvaðst hinsvegar
álíta það ófrávíkjanlega
reglu að dýrbítar væru
réttdræpir á staðnum ef til
þeirra næðist við iðju sína.
„Hinsvegar hafa menn
ekki leyfi til að fara inná
landareignir annarra
manna og drepa hundana
fyrst þeir sluppu til síns
heima“ sagði Jón.
Eins og fram kom í NT
í gær, þá hafa sveitarmenn
í Melasveit stórar áhyggj-
ur af þessum atburðum.
Jafnvel mun hafa komið
til tals að takmarka
hundahald í hreppnum.
Þá kom jafnframt fram að
dýraiæknirinn á Hvann-
eyri teldi næsta víst að
hundar hefðu grandað
lömbunum fimm enda
væru áverkar eftir hunda
annarskonar en áverkar
eftir t.d. tófu.
■ Þeir máttu mála veginn tvisvar upp á Hellisheiði nú á dögunum. Eftir fyrra skiptið bráðnaði vegurinn
og öll málningin hvarf saman við asfaltið.
Er sólin skaðvaldur?
Vegirnir bráðna
Varúð, - ekki festast í slitlaginu!
■ „Þegar bindiefnið kemur
upp á vegina þá er ekki hægt að
ganga á þeim,“ sagði Rögnvald-
ur Jónsson verkfræðingur hjá
Vegagerð ríkisins. Og vissu-
lega hafa gangandi vegfarendur
víða mátt forða sér útaf bundna
slitlaginu í sólinni fyrr í mánuð-
inum þegar vegirnir beinlínis
bráðnuðu. Að öðrum kosti áttu
menn á hættu að skórnir festust
við asfaltdrulluna sem smaug
upp á yfirborðið, eins og henti
einn göngumann norður í
Hrútafirði. Heimildamenn NT
kváðust hafa sums staðar séð
vegi renna til. Bráðnun sem
þessi gerist yfirleitt aldrei á
malbiki eða olíumöl en er næsta
árviss á nýrri tegund slitlags,
svokallaðri klæðningu sem víða
er notuð um landið. Þessa hefur
þó ekki fyrr gætt í Reykjanes-
kjördæmi frá því að klæðningin
var fyrst notuð þar 1978.
í blíðviðrinu um daginn henti
þetta sig víða um land og er þá
gripið til þess ráðs hjá Vega-
gerðinni að dreifa þunnu malar-
lagi yfir vegina. í Hveradölum
á Hellisheiði syðri gerðist sá
atburður að akbrautarlínur sem
nýlega höfðu verið málaðar í
veginn hurfu en þar hefur
klæðningin verið notuð til við-
gerða. Asfaltið sem blandað er
ýmsum rokefnum eyðileggur
málninguna. Annars taldi Run-
ólfur tjón af völdum þessa
óverulegt en vel verður að fylgj-
ast með og dreifa möl yfir
jafnóðum og asfaltinu blæðir
upp í gegnum malarlagið.
Mest bráðnun verður í klæðn-
ingu sem lögð hefur verið í
köldu veðurfari en þá hefur
asfaltið gengið verr saman við
malarslitlagið.
Tap á Listahátíð:
Fílharmónían
kom verst út
■ Tónleikar hljómsveitarinnar Fflharmóníu frá London
voru þau atriði nýafstaðinnar Listahátíðar, sem komu
einna verst út fjárhagslega, og að sögn Bjama Olafssonar
framkvæmdastjóra hátíðarinnar var vitað fyrirfram, að
kostnaður yrði meiri en tekjur.
Önnur stór atriði komu
betur út. Þannig sagði
Bjarni, að tónleikar ítölsku
stórsöngkonunnar Luciu
Valentini-Terrani og Mo-
dern Jazz Quartet hefðu að
minnsta kosti komið út á
sléttu. Hann sagðist þó vona,
að þeir sýndu einhvern
hagnað.
Niðurstöðutölur um tap á
Listahátíð munu ekki liggja
fyrir fyrr en í síðari hlutá
júlímánaðar, en ljóst er, að
það muni nema a.m.k. 3
milljónum króna.
Kostar rík-
ið 16-17
bús. kr.
■ Þýski fálkaeggjaþjóf-
urinn Miroslav Peter Baly,
sem var dæmdur í háar
fjársektir og skilorðsbund-
ið fangelsi í síðasta mán-
uði er hér enn og kostar
íslenska ríkið 16-17 þús-
und krónur á mánuði.
Hæstiréttur úrskurðaði
hann í farbann til 5. júlí og
fram að þeim tíma býr
hann við sömu kjör og
þeir íslendingar sem segja
sig til sveitar í Reykjavík.
Hann gistir og borðar á
Hjálpræðishernum og
kostar það tæpar 500 kr. á
dag. Auk þess fær hann
500 kr. í vasapeninga á
viku.
Miroslav Baly er gert að
tilkynna sig til útlendinga-
eftirlitsins tvisvar í viku og
hann hefur ekki heimild
til að fara út fyrir lögsagn-
arumdæmi Reykjavíkur.
Mörgum þykir undar-
legt, að Þjóðverjinn skuli
ekki vera sendur strax í
afplánun refsingarinnar,
þar sem hann er ekki borg-
unarmaður fyrir sektinni
og engin trygging hefur
verið lögð fram. Hæsti-
réttur á hins vegar eftir að
dæma í málinu og að sögn
Baldurs Möller ráðuneyt-
isstjóra í dómsmálaráðu-
neytinu er ekki hægt að
fullnægja dómi,sem ekki
er orðinn endanlegur.
Varlahægt
að gera út
■ „Mér líst illa á þetta.
Það er ekkert hægt að
gera þessi stóru skip út
lengur," sagði Eggert
Þorfinnsson skipstjóri á
Hilmi SU 171, um þá
ákvörðun sjávarútvegs-
ráðherra að nota sömu
kvótaskiptingu og í fyrra.
Eggert sagði að honum
hefði litist illa á þessa
kvótaskiptingu strax í
fyrra. Hann sagði að það
hefði verið fluttur afli frá
stóru bátunum á minni
bátana.
Kvótaskipting eins og
nú hefur verið ákveðin
felur í sér að % hlutum
heildarafla verður skipt
jafnt milli allra skipa en V5
eftir burðargetu skipanna.
Heildarafli hefur verið á-
kveðinn, til bráðabirgða
195.000 tonn á næstu
vertíð. Reiknaðermeð að
aflamörk yrðu endur-
skoðuð eftir leiðangra
Hafrannsóknarstofnunar
í nóvember og október.
Hilmir SU 171 ber 1300
tonn. Kvótinn yfir þann
bát á síðustu vertíð var
14.000 tonn. Sagði Eggert
að þeir hefðu auðveldlega
getað fiskað meira.
„Ég var ekkert hress
með þetta þegar þetta var
sett á,“ sagði Eggert. „Ef
maður ber saman síðustu
vertíðina með frjálsri veiði
og þegar byrjað var að
nota kvótann - aflann sem
fékkst og svo kvótann -
þá sér maður að það var
fært talsvert frá stærri bát-
unum til minni bátanna.“