NT - 23.03.1985, Blaðsíða 5

7. tbl. mars 1985 5 - Blað II
IlL ÁBÓT Innanhússo g utan
Erlend gólfteppi
á markaðnum:
Ull, gervi-
efni og
svampbotnar
■ Gífurlegt úrval er af innfluttum
gólfteppum á markaönum hér á landi
og fjöldi verslana sem hefur þau á
boðstólum. Til þess að fá innsýn í
gerð þessara gólfteppa var talað við
Hjört Guðbjartsson, framkvæmda-
stjóra verslunarinnar Málarans, en sú
verslun flytur inn gólfteppi frá Ege-
teppaverksmiðjunum í Danmörku.
Tuftingteppi
„Þessi erlendu teppi eru svo til öll
Tufting teppi og flest með svamp-
botni. Að vísu eru einstaka tegundir
með strigabotni. Svampundirlagið er
með mismunandi styrkleika og í fram-
leiðslu kemur það fljótandi á botn
teppanna. Yfirleitt eru þessi teppi
límd niður á gólf og við hér í verslun-
inni ráðleggjum alfarið að gera það
við öll gerviefni. Ef það er ekki gert
vilja þau teygjast eftir því hvernig
gengið er á þeim og það verður aldrei
gott. f>að gengur með ullarteppi með
svampbotni að líma þau niður með
sérstöku límbandi, en yfirleitt er
ráðlegt að heillíma þessi teppi niður.
Mikið úrval er af lími til þessara
nota. Ef að menn hyggjast taka teppi
sín upp aftur er ráðlegt að líma þau
aðeins niður með límbandi, en hætta
er þá á að þau hreyfist og losni. Það
á að vera hægt að taka heillímd teppi
upp aftur ef svampbotninn er sterkur.
Annars er hætta á að hann rifni. Á
Egeteppunum sem við seljum er
stöðugur og góður botn sem á að vera
hægt að taka upp aftur.
Úrval og efni
Erlendu teppin eru gerð úr ull og
gerviefnum eða blöndu af þessu
tvennu. Það gerviefni sem helst er
notað nefnist polyamid. Þessi teppi
eru yfirleitt ódýrari en íslensku
teppðin.
Úrvalið er mjög fjölbreytt, .á mark-
aðnum eru gólfteppi fyrir heimili og
vinnustaði til dæmis skrifstofur og eru
þau með öðru vísi botni en þau sem
ætluð eru til heimilisnota. Einnig eru
gólfteppi á markaðnum sem eru með
sérstökum þráðum sem afrafmagna.
Þetta hefur líka verið gert með sér-
stökum efnum sem sett eru í teppin,
en fyrrnefnda aðferðin er talin mun
betri.
{ nokkur ár hafa Berberteppi verið
á markaðnum og verið vinsæl. All-
flestar erlendar verksmiðjur hafa
framleitt þessi teppi. Þau eru Tufting
teppi, en sérstaða þeirra liggur í að
þau eru með lokaðri, grófri lykkju.
íslensku Wilton ullarteppin hafa
enst gífurlega vel. En ekki er alltaf
víst að menn séu að leita að end-
ingarmiklum gólfteppum þar sem
tískan breytist og menn vilja skipta
oft um teppi hjá sér.
Til athugunar
Þar sem það er gífurlegt úrval af
erlendum teppum hér á markaðnum
hefur það borið við að innan um hafi
komið rusl og jafnvel ullarteppi sem
greinilega eru notuð afgangsefni í.
Fólk hefur lent í skakkaföllum
vegna þessa. Það er því ákaflega
þýðingarmikið hjá fólki sem er að
velja sér teppi að það leiti sér upplýs-
inga um efnismagn og framleiðanda.
Það segir mikið til um gæði teppanna.
Það er sem sagt ekki nóg að líta
aðeins á verð og útlit.“
NT-mynd: Árni Bjama
Úr verslun Málarans á Grensásvegi.
Mðzds 323
Glæsllegur, rúmgóður 5 manna fjölskyldubíll með framdrifi.
MEST FYRIR PENINGANA
Eftirfarandi búnaður fylgir Mazda 323 DeLuxe:
Rúllubelti — Stillanleg hæð á framsæti með mjóhryggsstillingu — Sportrendur á hliðum — Heilir stuðarar
með rauðri innfelldri rönd — Öryggisljós að aftan — Litað gler í rúðum — Niðurfellanlegt aftursætisbak
í tvennu lagi — Handgrip í lofti — Tauáklæði á sætum — Quarts klukka — 60A rafgeymir — Sérstök hljóð-
einangrun í farþegarými — 3 hraða rúðuþurrkur — Halogen aðalljós — Stokkur á milli framsæta — Blást-
ur á hliðarrúður — Spegill í sólskyggni hægra megin — Farangursgeymsla klædd í hólf og gólf — 3 hraða
miðstöð — Útispegill — Baksýnisspegill með næturstillingu — Þurrka og sprauta á afturrúðu — Hituð
afturrúða —- Opnun á afturhlera og bensínloki innan frá — Ljós í farangursgeymslu (HB) — Barnaöryggis-
læsingar — Vindlakveikjari og margt fleira.
Verð með öllu þessu aðeins kr. 337.900
til öryrkja ca kr. 237.900.
Opið laugardag
frá kl. 10—4
£ _______________
BÍLABORG HF
Smiðshöfða 23 sími 812 99