NT - 12.04.1985, Blaðsíða 8

Fösfudagur 12. apríl 1985 8 Blað II
Laxveiði 1984:
Veiðin var rúmum þriðjungi lakari
- miðað við meðaltal síðustu tíu ára
■ Alls veiddust 41.089 laxar,
að heildarþunga 159.770 kíló
árið 1984. Samkvæmt upplýs-
ingum veiðimálastofnunar,
mun það vera þriðjungi lakara í
en árlegt meðaltal síðastlið-
inna tíu ára, og fimmtungi
lakara en árlegt meðaltal síð-1
ustu tuttugu ára. Árið 1984 er
fimmtánda í röð bestu veiðiára
hér á landi. Meðalþungi laxins
var 3,9 kíló (nálægt átta
pundum), og er það vel yfir
meðallagi. Auk villta laxins
voru framleidd 107 þúsund kíló
af eldislaxi.
Óvenju mikið var um stóran
lax í ánum sumarið 1984. Lax
tveggja ára og eldri setti ríku-
legan svip á veiðiskap í ýmsum
ám. Þetta gerðist á sama tíma
og ár sem eru þekktar fyrir
stóran fisk, komu verr út hvað
fjölda laxa snertir. Þetta tengist
góðumgöngum ársgamalsfisks
sumarið 1983 þegar góður bati
kom í veiðina í ám á Suður- og
Vesturlandi.
Sú á sem gaf mestan afla í
fyrra var Laxá í Kjós ásamt
Bugðu, með 1734 laxa. Önnur
var Elliðaár, en þar veiddist
1331 lax. Þriðja í röðinni var
Laxá í Aðaldal með 1256 laxa.
Fjórða varð Þverá í Borgar-
firði með 1082 laxa. Síðan
komu Grímsá ásamt Tunguá,
Hvítá í Árnessýslu. l.axá í
Dölum, Norðurá í Borgarfirði,
Laxá í Leirársveit, og tíunda í
röðinni var Stóra-Laxá í
Hreppum.
Netaveiði var með lakara
móti miðað við síðustu ár, og
sem dæmi má ncfna að á vatna-
svæði Hvítár í Borgarfirði
veiddust alls 3.465 laxar í net,
en 3.846 á stöng, og er það um
43% lakari veiði í net, en
meðaltal síðustu tíu ár. Á
vatnasvæði Ölfusár-Hvítár
veiddust alls 7.887 laxar, þaraf
5.405 í net, og 2.482 á stöng.
Þetta er þriðjungi lélegri veiði
en meðaltal síðustu tíu ára. í
Þjórsá veiddust í net tæplega
1300 laxar og er það talsvert
undir meðallagi.
Þrátt fyrir að laxagengd
■ Lax stekkur í Elliðaánuni. Nú fer að styttast í að veiði-
menn geti tekið fram veiðiútbúnaðinn, og farið að huga að
væntanlegum veiðiskap.
■ Beðið eftir þeim StÓra í Laxá í KjÓS. NT-mynd: Gunnþór
væri góð í upphafi veiðitímans
í fyrra, reyndust þær vonir sem
menn gerðu sér um áframhald-
andi góðæri, vera tálvonir ein-
ar, þar sem aldrei kom neinn
kraftur í smálaxagönguna, og
ársgamli fiskurinn reyndist
óvcnju smár. Þá trufluðu flóð í
ám veiðina, og þá sérstaklega
netaveiði. í byrjun síðasta
sumars var full ástæða til bjart-
sýni, þar sem laxinn gekk bæði
vel og snemma, og um vænan
fisk var að ræða. Því miður var
framhaldið ekki eins og lax-
veiðimenn hefðu kosið.
Áin sem hafði hæstu meðal-
þyngd á árinu 1984, var Sandá
í Þistilfirði, en meðalþyngdin
þar var 11,3 pund. Ekki komu
nema 35 fiskar á land úr ánni en
hafa þeir allir verið vænir, ef
marka má tölur frá veiðimála-
stofnun. Fast á eftir Sandá
kemur Laxá í Aðaldal með
meðalþyngdina 11,2 pund og
1256 laxa eftir sumarið. Laxá í
Aðaldal hefur verið á niðurleið
alveg síðan árið 1978, þegar
veiddust 3063 laxar. Árið 1983
var veiðin 1109 fiskar. Síðan
verður aukning síðastliðið ár
um 150 fiska, og virðist sern
áin sé í einhverri uppsveiflu.
Annars ef litið er á þær
upplýsingar sem veiðimála-
stofnun sendi frá sér til þess að
gefa yfirsýn yfir laxveiði árið
1984, kemur í ljós að veiði var
víðast hvar mun lakari en árið
áður. Þetta kemur í ljós, ef
litið er á nokkrar ár, sem hafa
átt góðu gengi að fagna. Álftá
á Mýrum er á sem hefur verið
í örum vexti síðastliðin þrjú
ár, og náði hún hámarki árið
1983 þegar veiddust 485 laxar.
Síðan í fyrra veiðast ekki nema
268 laxar. Burtséð frá því
hversu mikil fækkun varð, er
aflinn viðunandi, þegar litið er
á þá staðreynd að einungis er
veitt á tvær stangir í ánni.
Þverá í Borgarfirði má
einnig muna sinn fífil fegurri.
Árið 1983 kom 1901 lax á
land, en ekki nema 1082 í
fyrra. Veiði hefur minnkað í
mörgum öðrum ám, og má
■ Lax tekinn í Elliðaánum í fossinum. Elliðaárnar voru næst
aflahæstar veiðiáa síðasta sumar. NT-mvnd: Róberi
nefna Laxá í Ásum, sem skil-
aði ekki nema 625 löxum í
fyrra, en hún hefur yfirleitt
verið vel yfir þúsundinu. Víði-
dalsá, þrátt fyrirgóðan meðal-
þunga, dettur niður á sama
deyfðarplanið með 625 laxa,
en hefur yfirleitt verið vel yfir
þúsund laxa markinu.
Þrátt fyrir að þessar helstu
ár hafi ekki staðið undir
björtustu vonum manna, eru
aðrar ár, sem fara vaxandi, og
öruggt að veiðimenn fara að
renna til þeirra hýrari auga.
Stóra-Laxá í Hreppum hefur
verið í vexti, og bætti við sig
rúmum tvö hundruð löxum, og
var með tíu aflahæstu veiðián-
um árið 1984. Þá hefur Hvítá í
Árnessýslu bætt við sig, enn
frekar, og er nú komin í hóp
bestu veiðiáa á landinu, eftir
að hafa verið í talsverðri lægð
um tíma, eða allt frá árinu
1980, þegar áin datt úr rúmum
þúsund fiskum, og niður í 300.
Nú hefur Hvítá hinsvegar aftur
náð sínum sess meðal stang-
veiðiáa.
Á meðan Hvítá og Stóra-
Laxá í Hreppum eru að skipa
sér háan sess meðal veiðiáa,
eru aðrar ár á stöðugri niður-
leið og sker sig sérstaklega úr
Miðfjarðará, sem árið 1977
var næst hæsta áin yfir landið á
eftir Laxá í Aðaldal. Úr Mið-
fjarðará kom 2581 lax árið
1977, en sfðan hefur fjöldi laxa
minnkað jafnt og þétt fram til
ársins í fyrra þegar að áin gefur
af sér 583 laxa. Miðfjarðará er
nú í fimmtánda sæti yfir afla-
hæstu veiðiár á landinu.
Laxáí
Kjós með
flesta
laxa
Sandá í
Þistil'
firði
með
hæsta
meðal-
þungann
-'nn ■
■ Sá fjórði þreyttur í Laxá í Kjós.
Fengsæll vciðimaður í ailahæstu veiöiá
á íslandi árið 1984.