NT - 07.08.1985, Blaðsíða 1

u'MMNEWS. SUMMARYIN ENGUSH í\SEEP.21ÍT¥l
Varnarliðsflutningarnir:
Lausn í sjónmáli
Steingrímur Hermannsson staðfestir frétt NT um að flutn-
ingarnir verði boðnir út á frjálsum markaði
■ í dag ræðir Geir Hallgríms-
son, utanríkisráðherra, við
Edward Derwinski, háttsettan
mann í Bandaríska utanríkis-
ráðunéytinu um deilu þjóðanna
um flutningana fyrir varnarliðið
á Keflavíkurflugvelli. Eins og
kunnugt er þá yfirtók banda-
ríska skipafélagið Rainbow
Navigation þessa flutninga með
tilvísun til gamalla bandarískra
laga um að bandarískir aðilar
hafi forgang á alla flutninga
fyrir bandaríska herinn.
Derwinski mun vera með til-
boð til íslensku ríkisstjórnarinn-
ar, um að flutningarnir verði
boðnir út á frjálsum ntarkaði,
eins og NT greindi frá s.l. laug-
ardag.
NT ræddi við Steingrím Her-
mannsson, forsætisráðherra, í
gær og sagðist hann gera sér
mjög ákveðnar vonir um að
lausn -fengist á þessu máli á
næstu dögum. „Okkar megin-
krafa hefur verið að varnarliðs-
flutningarnir verði boðnir út á
frjálsu.m markaði og að þeir
sem bjóða hagstæðustu flutn-
ingana fái þú.“
Steingrímur sagðist ekki álíta
að tollskoðunin á varningnum
til varnarliðsins hefði haft áhrif
á þessa stefnubreytingu Banda-
ríkjastjórnar. Sagði hann að
tillagan hefði verið kornin fram
áður en að til tollskoðunarinnar
kom. „Við höfum rætt þetta
mál lengi og mig grunar að
flotamálaráðuneytið hafi talið
að þessir flutningar væru of
dýrir."
Að sögn Steingríms Her-
mannssonar, þá eru ákvæði í
bandarískum lögum, sem
heimila hernurn að leita eftir
hagkvæmari tilboðum séu flutn-
ingarnir taldir of dýrir. Það þarf
því enga lagabreytingu til að
koma til móts við kröfu íslend-
inga.
Ölvaðir
ökumenn
■ Níutíu og einn ökumaður
var tekinn vegna gruns um ölv-
un við akstur um verslunar-
mannahélgina. Áberandi mest
var um ölvaða ökumenn í um-
dæmi lögreglunnar í Árnes-
sýslu, en þar voru 34 ökumenn
færðir til blóðsýnitöku, eftir að
öndunarpróf hafði sýnt að við-
komandi hafði innbyrt áfengi.
Jón Guðmundsson varðstjóri í
lögreglunni í Árnessýslu sagði
að þetta væri svipað og undan-
farin ár um verslunarmanna-
helgar. Hann sagði að mikið af
þessum ökumönnum hefði
hreinlega dottið í hendurnar á
þeim. „Við fengum tilkynningar
frá fólki, og síðan var talsvert
um eftirlit með ölvunarakstri í
grennd við bæði mótsstaði og
þar sem fólk var samankomið.“
Lögreglan á Egilsstöðum
hafði afskipti af átta manns sem
grunaðir eru um ölvun. Þá voru
sautján blóðsýni sem lögregla á
■ höfuðborgarsvæðinu tók úr
ökumönnum. Fimm ökumenn
voru teknir í Hafnarfirði og
Borgarnesi.
Annarsstaðar á landinu voru
teknir færri ökumenn, og víðast
hvar enginn. Pá var það athygl-
isvert að einungis einn ökumað-
ur var tekinn á Akureyri, þrátt
fyrir mikla umferð.
Þegar 91 maður er tekinn
vaknar spurningin hversu marg-
ir sleppa. Jón Guðmundsson á
Selfossi sagði: „Það fer hrollur
um mig þegar ég hugsa um alla
þá sem aka slompaðir."

■Mörg hundruð Reykvíkingar fleyttu kertum á Reykjavíkurtjörn í fyrrakvöld klukkan 23.15 en á því augnabliki fyrir
40 árum var kjarnorkusprengju varpað á japönsku borgina Hiroshima. NT-ffl»nd: Suerrir-
Bjór tekinn af
ferðamanni:
„Ég vil
fara eft-
ir lögum“
- segir deildarstjóri
tollgæslunnar
■ „Við búum í Gög og
Gokke þjóðfélagi þar sem ráð-
herrar geta gefið út reglugerðir
sem brjóta í bága við
landslög," sagði Kristján Pét-
ursson, deildarstjóri tollgæsl-
unnar á Keflavíkurflugvelli,
eftir að hann tók bjór af ferða-
manni í gær. Ferðamaðurinn
flutti bjórinn til landsins sam-
kvæmt reglugerð sem Sighvat-
ur Björgvinsson þáverandi
fjármálaráðherra gaf út.
Kristján sagðist þrásinnis'
hafa mótmælt þessari reglu-
gerð og sagði aðgerðirnar í
gær endapunktinn á mótmæl-
um sínum. Hann sagði að urn
prófmál væri að ræða og því
hafi einungis verið tekinn bjór
af einum manni. Aðspurður
sagðist Kristján kannast við
manninn, sem er starfsmaður
fríhafnarinnar, en þó sagðist
hann hafa valið manninn af
handahófi.
Kristján kærði manninn fyr-
ir ólöglegan innflutning á
áfengu öli.
Siðleysi á útihátíðum:
Fíkniefni, þjófnaðir
og kynferðisafbrot
fylgifiskar verslunarmannahelgarinnar
■ Fimm nauðgunarkærur, lík-
amsárásir, þar sem mönnum
var misþyrmt með kylfum og
hnefum, fíkniefnasalar sem
buðu vöru sína hverjum sem
vildi, fullorðnir karlmenn sem
nýttu sér meðvitundarleysi ofur-
ölvi kvenna og skipulagðir
þjófnaðir úr tjöldum var hluti
þess sem kom inn á borð hjá
lögreglu á Egilsstöðum á meðan
útihátíðin í Atlavík stóð yfir.
Björn Halldórsson varðstjóri
í lögreglunni á Egilsstöðum
sagði í samtali við NT að fólk
yrði að velta því fyrir sér hvort
þetta fyrirkomulag á útihátíð
væri það sem hentaði. „Siðferði
var á andskoti láguplani. Lög-
reglumenn urðu vitni að því að
fólk hafði samfarir á víðavangi
fyrir framan hundruði manna.
Pá var nokkrum sinnum sem
karlmenn voru stöðvaðir, þegar
þeir voru að káfa á meðvitund-
arlitlum stúlkum sökum ölvun-
ar.“ Björn sagði að því stærri
sem hátíðirnar yrðu, því meira
væri um ofbeldi og þjófnaði.
Hann vildi taka það fram að
hann teldi Atlavík ekki hafa
neina sérstöðu meðal útihátíða
af því tagi sem væru nú haldnar
um hverja verslunarmanna-
helgi. „Það verður að vekja fólk
til umhugsunar um það sem fer
fram á þessum hátíðum," sagði
Björn.
Tveir menn voru handteknir
fyrir dreifingu á fíkniefnum. Þá
var lagt hald á eitthvert magn af
hassi og einnig fundust pípur og
vogir.
„Það er ekki rjóminn af ís-
lendingum sem sækir þessar há-
tíðir. Menn koma til þess að
svala hvötum sínum hverjar svo
sem þær eru. Ég myndi ekki
leyfa mínum börnum að sækja
hátíð af þessu tagi,“ sagði
Björn.
Hafnarfjörður:
Hljóðkútur
á laugina
■ Nú er verið að vinna að
því að setja hljóðdeyfingu á
Sundhöli Hafnarfjarðar.
Ástæðan er sú að hávaðinn í
lauginni er talinn geta skaðað
heyrn starfsfólksins, sem
verður að dveljast þarna frá
morgni til kvölds.
Það voru sundkennararnir
sem heimtuðu að hljóðmæl-
ingar yrðu gerðar árið 1983
og var brugðist við því í
jarnúar 1984. Þegar mæling-
in var gerð voru „12 ungling-
ar í háværum leik í sundlaug-
inni“ eins og segir í skýrslu
frá verkfræðistofu Annar,
sem sá um mælinguna.
Reyndust hljóðstigin vera
80-90 dB, en talið er mjög
óæskilegt að hljóðstigin verði
hærri en 85 dB. Reiknaður
meðaltals ómtími var 2,9
sek. en samkvæmt sænskum
normum er mælt með að
hann fari ekki yfir 1,2 sek-
úndur.
Á veggi sundhallarinnar
verða settar þjappaðar gler-
ullarplötur með hljóðgleypi-
yfirborði. Þetta eru sænskar
plötur og er hægt að fá þær í
mörgum litum. Er ætlunin
að reyna að leika sér að
litunum.
Áætlaður kostnaður við
þetta verk er 500 þúsund
krónur.