Morgunblaðið - 18.04.2004, Síða 25

Ef menn eru tilbúnir til að fórna eins og einum verslunardegi í miðborg Dublin og langar
til að bregða sér út í friðsæla sveitina er hægt að gera margt vitlausara en leigja sér bíl og
aka suður með sjó. Strandlengjan sem Dublin liggur við er nefnilega býsna falleg og sunn-
an við borgina er síðan að finna hin tignarlegu Wicklow-fjöll. Fyrst er ekið í gegnum
Ballsbridge-hverfið í suðurhluta Dublin, sendiráðahverfið svokallaða, en hér er að finna
margar fallegar byggingar sem má dunda sér við að skoða. Áfram er ekið suður með sjó,
til Dun Laoghaire og Sandycove, þar sem James Joyce fór að skrifa bók sína, Ódysseif. Á
þessum slóðum er einmitt safn til heiðurs Joyce. Örlitlu sunnar, þegar Dalkey-kastali blas-
ir við, erum við komin í hverfi ríka og fræga fólksins og skal engan undra, að hinir efna-
meiri kjósi að koma sér hér fyrir. Útsýnið yfir flóann er fallegt og skarkali stórborgarinnar
plagar hér engan. Leiðsögumaður minn er fróður mjög um íbúa þessa svæðis. Hann getur
bent á heimili Bondsins-fyrrverandi, Rogers Moore, og þarna á líka kappaksturskappinn
Eddie Irvine heima. Írsku kvikmyndaleikstjórarnir Neil Jordan og Jim Sheridan búa hér,
sem og gítarleikari U2, The Edge. Og þegar áfram er haldið, til Killiney Bay, birtist fyrir
sjónum manns á veginum risavaxinn kastali sem ku vera í eigu söngkonunnar Enyu. Bono
býr hér á þessum slóðum líka. Framundan sjást svo Wicklow-fjöllin, tignarleg og seiðandi.
Ekki klukkutíma keyrsla Leggi menn ekki í bíltúr um Wicklow (þjóðgarðurinn Glend-
alough er vinsæll áfangastaður) er tilvalið er að staldra við um stund í Powerscourt-
görðunum, í útjaðri bæjarins Enniskerry. Powerscourt er ein fallegasta landareign á Ír-
landi, nú í eigu Slazenger-fjölskyldunnar sem framleiðir tennis- og golfvörur, en áður í
eigu Wingfield-fjölskyldunnar. Hér er glæsilegur skrúðgarður, skemmtilegt safn og þægi-
legt kaffihús – en líka átján holu golfvöllur fyrir þá sem það vilja, hér var meira að segja
haldið landsmót írskra öldunga fyrir tveimur árum. Það tekur minna en klukkustund að
aka til Powerscourt (enda fjarlægðin ekki nema 25 km) en vilji menn komast hjá því að
leigja sér bíl má taka lestina frá miðborg Dublin til Bray en þaðan er strætisvagninn enga
stund að keyra til Enniskerry. Vel þess virði, séu menn ekki aðeins á Írlandi til að versla
eða þamba öl. david@mbl.is Lj
ós
m
yn
d:
D
av
íð
L
og
i
Á SLÓÐUM FRÆGA FÓLKSINS
Það þarf ekki að fara langt til að flýja skarkala miðborgar Dublin
FERÐALÖG | DAVÍÐ LOGI SIGURÐSSON
Powerscourt-garðarnir
eru ekki langt frá Dublin.
Sumar
stelpur
vilja fá
Diddl
í
sumargjöf!
AHA í Kringlunni, sími 588 5511
Mikið úrval af flottri
gjafavöru frá ASA
Laugavegi 63 • sími 551 2040
(Vitastígsmegin)Silkitré og silkiblóm