Morgunblaðið - 29.09.2004, Qupperneq 3
MORGUNBLAÐIÐ MIÐVIKUDAGUR 29. SEPTEMBER 2004 C 3
bílar
SJÖUNDI bíllinn frá Renault hlaut
formlega 5 stjörnu vottun frá Euro
NCAP þegar Louis Schweitzer,
stjórnarformaður Renault, fékk af-
hent vottunarskírteini fyrir Modus á
bílasýningunni í París. Modus er jafn-
framt fyrsti smábíllinn til að fá 5
stjörnur af 5 mögulegum í öryggis-
prófun Euro NCAP.
Tímamót innan bílaiðnaðarins
Skírteinið afhenti Claes Tingvall,
stjórnarformaður Euro NCAP.
Tingvall sagði að það væru sann-
kölluð tímamót innan bílaiðnaðarins
að einn og sami framleiðandinn fengi
5 stjörnu vottun í sjöunda sinn fyrir
jafn margar bifreiðar. Hann benti jafn-
framt á mikilvægi þess að bíla-
framleiðendur legðu aukna áherslu á
aukið bifreiðaöryggi, án þess að grípa
þurfi til hertra lagaboða.
Louis Schweitzer sagði að afhend-
ingunni lokinni að Euro NCAP hefði
gerbreytt viðhorfum jafnt bílaiðn-
aðarins sem almennings til mik-
ilvægis bifreiðaöryggis á skömmum
tíma. „Fyrir ekki nema fimm árum,
hafði öryggi takmarkað vægi í hugum
fólks þegar það keypti sér bíl. Euro
NCAP hefur breytt þessum við-
horfum til hins betra, fyrst og fremst
með því að sannreyna á hlutlægan
hátt fullyrðingar framleiðenda um ör-
yggisbúnað einstakra bifreiða. Þannig
hefur stofnuninni tekist að virkja
markaðsöflin, sem er síðan að skila
sér í sífellt öruggari bílum.“
Claes Tingvall, stjórnarformaður Euro
NCAP, afhendir Louis Schweitzer,
stjórnarformanni Renault, vottunina.
Euro NCAP
hefur breytt
vægi örygg-
isbúnaðar
HARALDUR Þór Stefánsson, sölustjóri hjá Lexus,
var einn þeirra Íslendinga sem sóttu bílasýninguna
í París. Hann sagði að stóru tíðindin hjá Lexus á
sýningunni væru RX300h tvinnbíllinn, sem þar var
sýndur í fyrsta sinn, og þriðja kynslóð GS-línunnar.
Hann segir að um nýjan bíl sé að ræða að öllu leyti.
„Sem fyrr verða tvær vélarstærðir í boði, annars
vegar 3,0 lítra, sex strokka vél sem er 245 hestöfl og
hins vegar 4,3 lítra, V8 sem er 300 hestöfl. Yfir-
byggingu bílsins er algjörlega breytt og þá er hann
kominn með svokallað VDIM, sem er nýtt tölvu-
stýrt stöðugleikakerfi, sem tekur mið af hemlun og
hröðun. Einnig er komin sex þrepa sjálfskipting
með handskiptivali og 18 tommu felgur á V8 bílinn.
Bíllinn er líka stærri en hann var og búast má við að
hann hækki eitthvað í verði,“ segir Haraldur Þór.
Nýr og breyttur
Lexus GS
Morgunblaðið/Guðjón Guðmundsson
Haraldur Þór Stefánsson við nýjan Lexus GS sem sýndur var í París.
NORSKA vefsíðan Dinside.no, þar
sem er að finna yfirgripsmikla bíla-
umfjöllun, gerði á dögunum könnun
á afstöðu lesenda sinna til suður-kór-
eska bílaframleiðandans Hyundai.
Hyundai er sá bílaframleiðandi í
heiminum sem er í mestum vexti. Af
1.000 lesendum sem létu álit sitt í
ljós höfðu 559 jákvæða afstöðu til
merkisins en 414, eða 43%, höfðu
ennþá efasemdir um gæði fram-
leiðslunnar.
Hyundai er langstærsti bílafram-
leiðandinn í Suður-Kóreu og á þar að
auki meirihluta í Kia. Keppinautur-
inn Daewoo, sem á auk þess Ssan-
gYong, er dvergur í samanburði við
veldi Hyundai. Verksmiðja Hyundai
í Ulsan er ein sú stærsta í heimi og
þar er framleiðslugetan 1,5 milljónir
bíla á ári. Hyundai hefur á undan-
förnum árum sett á markað fjölda
nýrra bíla og markmið fyrirtækisins
er að verða fimmti stærsti bílafram-
leiðandi heims árið 2010.
Í ágúst spurði Dinside.no lesendur
sína um afstöðuna til Skoda. 87% af
1.200 sem svöruðu töldu að Skoda
væri orðinn virðingarverður fram-
leiðandi góðra bíla. Hyundai á því
enn nokkuð í land meðal norskra að
ná sömu stöðu og Skoda.
Meirihluti
með jákvæða
afstöðu til
Hyundai
♦♦♦