24 stundir - 28.05.2008, Page 15

24stundir MIÐVIKUDAGUR 28. MAÍ 2008 15
ENDURO
Husaberg FE 450, FE 550 og FE 650
2007 árgerðir, verð frá 790.000 kr.
2008 árgerðir, verð frá 870.000 kr.
SUPERMOTO
Husaberg FS 450 og FS 650
2008 árgerðir, verð frá 960.000 kr.
N1 VERSLUN BÍLDSHÖFÐA 9 REYKJAVÍK. SÍMI 440 1220, OPIÐ VIRKA DAGA 08-18, LAUGARDAGA 10-14
Dalshrauni 17 Hafnarfirði, Hafnargötu 90 Reykjanesbæ, Innnesvegi 1 Akranesi, Tryggvabraut 18-20 Akureyri,
Lyngási 13 Egilsstöðum, Hrísmýri 7 Selfossi, Básaskersbryggju Vestmannaeyjum. WWW.NITRO.IS
YFIR URÐ
OG GRJÓT
HUSABERG HJÓL
Á ALVÖRU VERÐI!
MIKIÐ ÚRVALAF ÖRYGGIS- OGAUKABÚNAÐI
Reyklausi dagurinn er dagurinn
sem allir reykingamenn hata og
engum þeirra dettur í hug að
hætta þá! Á meðan ég reykti
breyttist ég í skrímsli þennan dag.
Ég fylltist sterkri réttlætiskennd og
réttlátri reiði. Ég reykti þar sem
mér sýndist. Þetta gerðist bara
þennan dag – bara einn dag á ári!
Alla aðra daga hegðaði ég mér eins
og allir aðrir. Ekkert gerir reyk-
ingamenn eins reiða og fólk sem
aldrei hefur reykt og segir þeim að
hætta! Þetta fólk skilur ekki reyk-
ingamenn! Allir reykingamenn
vilja samt hætta! Annars mundu
þeir hvetja börnin sín til að reykja,
ekki satt? Bara orðið „hætta“ fyllir
okkur skelfingu og áður en við vit-
um af erum við búin að finna
okkur einhverja „réttlætingu“ til
að fresta því að hætta, fresta því
einu sinni enn. Þessi skelfing stafar
af því að við trúum því að við
verðum að vaða eld og brennistein
til að hætta. Á undanförnum ár-
um hefur reykingamönnum á Ís-
landi fækkað úr því að vera um
25% þjóðarinnar niður í um 20%.
Frábært! En þetta segir bara ekki
alla söguna. Á sama tíma hefur
neysla nikótín-„lyfja“ á Íslandi
aukist gífurlega og við notum nú
rúmlega sexfalt það magn á hvern
íbúa sem Norðmenn nota!
Gallinn er að flestir fara að inn-
byrða meira nikótín með nikótín-
„lyfjunum“ og þeir eru áfram fast-
ir í nikótíninu. Nikótín er alls ekki
skaðlaust. Það er ekki bara öflugt
fíkniefni, það er enn notað í skor-
dýraeitur af því að það virkar
mjög vel. Aðalvandinn er samt
hæfileiki þess til að draga saman
æðarnar í æðakerfi okkar. Það
leiðir til þess að háræðarnar okkar
stíflast. Þetta er ástæðan til þess að
það þarf að taka fætur og hendur
af reykingamönnum. Það er hins
vegar verra að háræðarnar í hjart-
anu stíflast líka og það kemur drep
í hjartavöðvann, sem á endanum
leiðir til hjartastopps. Ef þessi
nikótín-þróun heldur áfram meg-
um við eiga von á verulegri aukn-
ingu á hjartastoppstilfellum! Núna
á að fara auka aðgengið að nikó-
tín-„lyfjunum“ og þá er gert ráð
fyrir að verðið lækki. Það er ekki
reykingaathöfnin sjálf sem ánetjar
okkur – það er nikótínið sem gerir
það! Ef þú ættir barn sem væri
komið í heróín, mundirðu þá gefa
því heróíntyggjó til að hjálpa því
að losna við heróínið? Aldrei!
Það er til námskeið sem fjar-
lægir óttann við það að hætta og
löngunina í nikótínið: Allen Carŕs
easyway to stop smoking – Létta
leiðin til að hætta er langárang-
ursríkasta aðferðin sem til er. Ég
losnaði við nikótínið með þessari
aðferð fyrir næstum 20 árum og
það var ekki nokkur vandi og eng-
in skelfing. Ég vissi að ég væri laus
að eilífu – enginn kvíði, bara ótrú-
lega ánægjulegt að losna loksins og
ég hef aldrei saknað tóbaksins.
Þessi aðferð losar líka fólk sem er
fast í nikótín-„lyfjunum“ eða tek-
ur tóbak í munn eða nef. Þú getur
ekki tapað því það fylgir endur-
greiðslutrygging með námskeið-
unum. Þeir lesendur blaðsins sem
skrá sig á námskeið til að hætta fá
10% afslátt!
Höfundur er leikari
Létta leiðin til að hætta! UMRÆÐAN aPétur Einarsson
Þessi aðferð
losar líka fólk
sem er fast í
nikótín-
„lyfjunum“
eða tekur
tóbak í munn
eða nef.
Ósjálf-
stæðir
háskólar
UMRÆÐAN aÁsgeir RunólfssonNú er menntamálanefnd Alþingis
búin að afgreiða frumvarp til laga
um opinbera háskóla til annarrar
umræðu í þinginu. Ungir jafnaðar-
menn gerðu athugasemdir við
frumvarpið þegar það kom fyrst
fram. Ein af athugasemdunum sneri
að gjörbreyttri skipan háskólaráða.
Samkvæmt frumvarpinu átti meiri-
hluti háskólaráða að vera skipaður
fulltrúum sem koma ekki frá skól-
unum sjálfum. Í ljósi þess að engin
haldbær rök hafa komið fram fyrir
þessari breytingu, sem gengur þvert
á þær lýðræðishefðir sem hafa skap-
ast í háskólasamfélögum í aldanna
rás, verður ekki hægt að ætla annað
en að menntamálaráðherra sé að
sækjast eftir meiri völdum innan
skólanna. Ganga þannig þvert á yf-
irlýstan góðan tilgang frumvarpsins
um að auka sjálfstæði opinberra há-
skóla. Menntamálanefnd Alþingis
virðist ætla að taka þátt í þessum
skrípaleik ráðherra. Hún hefur gert
breytingatillögur á frumvarpinu
sem fela m.a. í sér að pólitískt skip-
aðir fulltrúar í háskólaráði HÍ verða
fjórir, voru áður tveir. Ásamt tveim-
ur utanaðkomandi fulltrúum geta
þeir myndað meirihluta í 11 manna
ráðinu. Enn er meirihluti háskóla-
ráðs skipaður utanaðkomandi aðil-
um! Að hafa fjóra pólitískt skipaða
fulltrúa í æðsta stjórnstigi nú-
tímaháskóla er mikið óráð. Erfitt er
að átta sig á hvaða tilgangi það þjón-
ar öðrum en að tryggja ítök ráð-
herra við stjórnun skólans.
Þær lýðræðishefðir sem mótast
hafa í háskólum á seinustu öldum
hafa tryggt skólunum mikla virð-
ingu og á Íslandi endurspeglast það
best í því að Háskóli Íslands er sú
stofnun sem Íslendingar bera mest
traust til. Með frumvarpinu er gert
lítið úr framlagi nemenda og kenn-
ara við stjórnun skólanna, það eru
þeir sem mynda háskólasamfélögin
og þeir eiga að hafa völdin á æðsta
stjórnstigi skólanna. Eins og þeir
hafa völdin á öðrum stjórnstigum
þar sem nemendur og kennarar
kjósa sér fulltrúa til að leiða starf
skólanna. Eðlilegt er að utanaðkom-
andi aðilar sitji í háskólaráðum en
að þeir séu í meirihluta tekur eng-
um rökum. Skorað er á alþingis-
menn að stöðva þessar slæmu breyt-
ingar nú á seinustu dögum þingsins.
Meirihluti háskólaráðs á að vera
skipaður af þátttakendum í háskóla-
samfélaginu og endurspegla þá
stjórnunarhætti sem háskólarnir
byggja á. Lengri útgáfa greinarinnar
birtist á vefsíðunni www.politik.is,
þar eru lagðar fram tillögur að
breytingum frumvarpinu.
Höfundur er í framkvæmdastjórn
Ungra jafnaðarmanna,
ungliðahreyfingu Samfylkingarinnar.