24 stundir - 13.06.2008, Síða 28

Eftir Hauk Harðarson
haukurh@24stundir.is
„Við höfum haldið bílasýninguna
17. júní frá árinu 1974, en þetta er í
þrettánda skipti sem Bíladagar á
Akureyri eru haldnir í kringum
sýninguna. Hátíðin í ár verður sú
langstærsta hingað til,“ segir Björg-
vin Ólafsson, talsmaður Bílaklúbbs
Akureyrar, en klúbburinn sér um
skipulagningu Bíladaga.
Keppa í „hliðarskriggsspóli“
Björgvin segir að nokkrar nýj-
ungar verði uppi á tengingnum
þetta árið. „Í ár verður keppt í svo-
kölluðu „drifti,“ eða hliðarskriggs-
spóli eins og við köllum það á ís-
lensku. Þetta hefur verið gríðarlega
vinsælt í útlöndum og þar sem við
höfum langa helgi ákváðum við að
skella þessu inn í dagskrána,“ segir
Björgvin og bætir við: „Þar fyrir ut-
an erum við svo með götuspyrn-
una sem er langstærsta spyrnu-
keppnin sem er haldin á hverju ári.
Hún lítur mjög vel út þetta árið og
við eigum von á um hundrað
keppendum og þrjú til fjögur þús-
und áhorfendum sem er alveg frá-
bært og ekki margir sem geta
montað sig af slíkum tölum, það
þyrfti líklega stóran landsleik í fót-
bolta til að trekkja jafn marga
áhorfendur að.“
Lofar góðu veðri
Björgvin er ekki lengi að svara
þegar hann er spurður hverju gestir
mega eiga von á þetta árið. „Góðu
veðri. Þetta verður einstök upplif-
un, bærinn stútfyllist af breyttum
og skemmtilegum bílum og í fyrra
voru 10-12.000 manns sem heim-
sóttu bæinn. Í 17.000 manna bæj-
arfélagi breytir þetta náttúrlega
bæjarlífinu ansi mikið og sumar-
stemningin hellist yfir mann.“
Móðgun við sjálfboðaliðastarf
Margra mánaða undirbúningur
liggur að baki hátíðinni og í flest-
um tilvikum er um að ræða sjálf-
boðaliðastörf einstaklinga. Vinnan
er að mestu leyti í höndum Bíla-
klúbbs Akureyrar sem hefur staðið
í ströngu við að fá sýningarbíla, út-
búa brautir, útvega leyfi auk þess
sem öryggiskröfur eru mjög
strangar. „Við girðum alltaf áhorf-
endur vel af í keppnunum, ljósa-
staurarnir eru sérvarðir þar sem
þarf og heyrúllur verða settar upp
við hús. Það verður að gera ráð fyr-
ir því að allt geti gerst og slökkvi-
liðið vinnur náið með okkur alla
helgina.“ Umdeildar aldurstak-
markanir rekstraraðila tjaldsvæðis-
ins á Akureyri hafa vakið hörð við-
brögð að undanförnu. Skátafélagið
Klakkur sem rekur tjaldstæðið hef-
ur tekið ákvörðun um að meina
öllum undir tvítugu aðgang að
svæðinu á meðan hátíðinni stend-
ur. „Við erum mjög sárir út af
þessu. Okkur finnst það óskiljan-
legt að fólk geti ekki tekið á móti
gestum til bæjarins óháð því á
hvaða aldri þeir eru. Það er bara til
skammar. Við verðum bara að
undirbúa okkur betur fyrir næsta
ár og vera með okkar eigin gistiað-
stöðu sem við getum boðið öllum
gestum á. Þetta er í raun móðgun
við alla þá sem koma að þessu sjálf-
boðastarfi við að reyna að fá ferða-
menn í bæinn.“
Vonar að fólk keyri varlega
Björgvin á ekki von á því að
hækkandi eldsneytisverð hafi áhrif
á þátttöku í keppnum hátíðarinnar.
„Þegar menn eru komnir út í
keppni eru krónurnar fljótar að
gleymast. Ég vona bara að menn
keyri varlega á leiðinni til okkar og
komist heilir á húfi bæði hingað og
til baka heim. Það er lykilatriðið og
það eina sem við höfum áhyggjur
af,“ segir Björgvin að lokum.
Bíladagar á Akureyri og hátíðin hefur aldrei verið viðameiri
Akureyri fyllist af
breyttum bílum
Bíladagar á Akureyri
verða haldnir í þrettánda
skiptið um helgina og
hefjast 14. júní. Gríð-
arlegur undirbúningur
hefur verið lagður í hátíð-
ina og búist er við mikl-
um fjölda gesta norður.
Skipuleggjendur lofa
langflottustu hátíðinni
hingað til.
Björgvin Fyrir framan einn af
mörgum „töffarabílum“ sem koma
til með að fylla Akureyrarbæ á
Bíladögum um næstu helgi.
➤ Bílasýningin sem hefur alltafverið 17. júní á Akureyri hefur
verið haldin frá 1974.
➤ Bíladagar eru nú haldnir íþrettánda skipti.
➤ Hátíðin hefur aldrei veriðstærri í sniðum en nú.
BÍLADAGAR Á AKUREYRI
28 FÖSTUDAGUR 13. JÚNÍ 2008 24stundir
Ferrari-bifreið samvinnuverkefni snillinga
Eins og krítartafla
Þýska fyrirtækið NoviTec Rosso
sem hannar aksturseiginleika Ferr-
ari-bifreiða og Marcus Walz, sem
handgerir mótorhjól, hafa tekið
höndum saman og framleitt ofur-
sportbílinn Ferrari F430 TuNero.
Bíllinn er með sérstaka krítartöflu-
áferð og er allur svartur, að utan
sem innan. Það ætti ekki að koma
neinum á óvart að ekkert skortir á
kraftinn en bíllinn skartar 707
hestöflum og fer upp í hundrað
kílómetra hraða á 3,5 sekúndum.
Aðeins er gert eitt eintak af Tu-
Nero-bílnum og upphæðin sem
þyrfti að punga út er væntanlega
ógnvænleg.
Það er morgunljóst að hækk-
andi eldsneytisverð er farið að
hafa greinileg áhrif á bílamark-
aðinn hér á landi ef marka má
upplýsingar úr fréttabréfi Um-
ferðarstofu. Fyrstu 158 daga
þessa árs hafa 11.113 ökutæki
verið nýskráð miðað við 12.494
ökutæki eftir jafn marga skrán-
ingardaga árið 2007.
Upplitsdjarfari í byrjun árs
Þetta er 11% lækkun milli ára
en það vekur athygli að fyrstu 53
daga ársins hafði nýskráning
ökutækja aukist um 46,8% miðað
við sama tímabil í fyrra og má
því sjá að gríðarlegur viðsnún-
ingur hefur átt sér stað í fjölda
nýskráninga eftir því sem liðið
hefur á árið.
Aukning á öðru en bílum
Í þessari mælingu er tekið tillit
til nýskráningar á öllum tegund-
um ökutækja en sem dæmi má
nefna að sala á vespum og léttum
bifhjólum sem nota minna elds-
neyti en bifreiðar hefur margfald-
ast á árinu.
Eigendaskipti ökutækja eru
færri það sem af er árinu en á
sama tímabili í fyrra. Skráð eig-
endaskipti fyrstu 158 daga ársins
voru 39.663 en voru 44.286 á
sama tímabili í fyrra. Þetta þýðir
að það hefur orðið 10,4% sam-
dráttur í eigendaskiptum miðað
við sama tímabil í fyrra. Það er
ljóst að menn voru eyðsluglaðari
og í meiri kauphugleiðingum í
upphafi ársins því fyrstu 53 daga
ársins var aukning í eigendaskipt-
um og nam sú aukning 2,6%
miðað við sama tíma í fyrra.
haukurh@24stundir.is
Hægir mjög á
bílamarkaðnum
LÍFSSTÍLL
lifsstill@24stundir.is a
Við eigum von á um hundrað keppendum og
þrjú til fjögur þúsund áhorfendum sem er al-
veg frábært og ekki margir sem geta montað sig af
slíkum tölum. bílar
  


 

 

  
 Ertu að flytja, láttu fagmenn
sjá um verkið fyrir þig
Örugg og trygg
þjónusta