Morgunblaðið - 11.12.2003, Side 15

lifun
Skrautið sótt í geymsluna
Herdís Kristjana Hervinsdóttir nýtur
aðventunnar með fjölskyldunni. Dóttir
hennar, Margrét Heiðrún, hefur kveikt í
henni jólabarnið sem hún segist ekki hafa
fundið fyrir áður á þennan hátt. Heimilið
hefur verið skreytt.
jólainnlit
Hvað er það fyrsta sem þú gerir til að gera heimilið jólalegt?
„Ég þríf og sæki jóladótið í geymsluna.“
Ertu mikil jólakona?
„Ég var það ekki en er að verða það meira og meira. Dóttirin er ástæðan.“
Skreytirðu heimilið meira eftir því sem nær dregur jólum?
„Nei, ég skreyti snemma en set síðan bara upp jólatréð fyrir aðfangadag.“
Uppáhaldsjólaskrautið?
„Jólakarlarnir mínir sem eru á hillunni inni í stofu.“
Besti jólamaturinn?
„Svínahamborgarhryggurinn sem ég borða á aðfangadag.“
Hvernig nýtur þú aðventunnar?
„Reyni að vera með manninum og barninu þegar ég er ekki að vinna.“
Hvernig telur þú niður dagana fram að jólum?
„Þar sem ég vinn í verslun þá er lengri afgreiðslutími merki þess að jólin
nálgast.“