Morgunblaðið - 25.11.2004, Qupperneq 4

Paradís og pólit ískt stúss
„Góð helgi er í mínum huga sem minnst lituð
af pólitískum störfum, heldur dagar þar sem
ég get notið þess að vera heima í sveitinni
með fjölskyldunni. Þar sem ég bý, í Skarði í
Gnúpverjahreppi, er algjör paradís finnst
mér. Þar get ég til dæmis sinnt hesta-
mennskunni sem er mitt helsta áhugamál;
hvort sem maður er eitthvað að stússast í
klárunum eða fara í skemmtilega
útreiðatúra. Eins og verða vill blandast
stjórnmálastússið síðan alltaf í einhverjum
mæli inn í líf manns og tilveru um helgar og
yfir því er ég svo sem ekkert að kvarta. Að
hitta áhugavert fólk og ræða þjóðfélagsmál
er skemmtilegt. Starfi mínu sem alþingismaður fylgir einnig gjarnan
að blanda sér í leikinn í umræðuþáttum í ljósvakanum sem eru um
helgar og hafa nú mikið færst yfir á sunnudagana. Þeir eru vissulega
hressilegir á stundum, enda alltaf gaman að taka lotur við pólitíska
keppinauta.“
Ég komst ekki í aldingarðinn
„Hin fullkomna helgi hjá mér væri að skreppa
til Kaupmannahafnar í fimmtudagsafmæli
núna á jólaföstunni rétt einsog ég hafði
ráðgert. Ég var búin að kaupa miða út með
Iceland Express þegar ég fékk tölvupóst frá
flugfélaginu um að búið væri að fella niður þá
ferð sem ég átti með bókað far út. Hlálegast
er kannski þó að bréfið var á ensku, rétt
einsog sjálfsagt sé að miðaldra húsmæður í
Vesturbænum séu almæltar á enska tungu.
Við þessu er afskaplega lítið að gera og
segja; rétt einsog Evu gafst ekki ráðrúm til að
staldra lengi við í aldingarðinum Eden hér
forðum. Sjálf fékk ég ekki í þetta skiptið að
minnsta kosti inngöngu í sæluríkið við Eyrarsund, þó svo ég viti að
komi tímar og ráð. Blessunarlega er ég þó búin að fá farmiðann
endurgreiddan og ætli ég í staðinn bjóði ekki eiginmanni mínum í
sæluvist á hóteli einhvers staðar úti á landi; þar sem er hægt að vera í
ró og næði í heita pottinum. Og ekki er verra ef á boðstólum gæti
verið dádýrasteik. Slíkt væri toppurinn.“
4 helgin
❊ uppskrift að góðri helgi
Björgvin G. Sigurðsson,
alþingismaður:
Hildur Finnsdóttir,
prófarkalesari
„Þetta er ágætis tímabil, það er miklu fleira fólk á
ferðinni út af þessu jólastandi og það kaupir gamlar
bækur í jólagjafir. En við feðgarnir fáum ekki aukas-
tarfsfólk fyrir jólin eins og í öðrum búðum,“ segir Bragi
Kristjónsson, eigandi fornbókaverslunarinnar
Bókarinnar á Klapparstíg. „Hingað koma oft konur að
kaupa það sem karlinn hefur ekki tímt að kaupa
handa sjálfum sér og gefa honum það svo út á
gullkortið hans,“ segir Bragi og hlær dátt.
Andstætt öðrum bókabúðum er jólatíminn ekki sá tími
sem flestar bækur rata í hillur fornbókabúða.
„Bækurnar koma hingað við ýmsar breytingar á
högum fólks, fullorðið fólk minnkar við sig húsnæði,
yngra fólk flytur eða þær koma úr dánarbúum,“ svarar
Bragi. „Stundum fréttum við af bókunum en yfirleitt
kemur fólk sjálft með bækurnar til okkar. Mest kemur
inn í svona búð á vorin og haustin en þá virðist vera
mest um flutninga hjá fólki.“
Bragi er enginn nýgræðingur í fornbókaverslunarrek-
stri en hann rak Bókavörðuna á Vesturgötu í 30 ár en
flutti sig nýverið yfir á Klapparstíg og við það breyttist
nafnið í Bókin. „Það er gríðarlegur munur að vera hér
og á Vesturgötunni, það kemur miklu fleira fólk hér.
Klapparstígurinn er orðinn líka dáldið „inn“. Annars
eru söfnurum að fækka og það eykur kannski
strauminn í svona búðir. Nú er ekki mikið um að menn
séu að safna bókum bókanna vegna. Áður fyrr
geymdi fólk peninga í bókum, frímerkjum og
málverkum en nú hefur það breyst. Flestir kaupa hér
bækur til að lesa þær, ekki bara til að stilla þeim
upp í hillu til að hafa voða fínt hjá sér, eins og
þegar Kiljan var til í 1,5 metra lengju á öllum
heimilum ásamt Íslendingasögum,“ segir Bragi innan
um ilm af gömlum bókum og reykelsi.
Va r n a r g a r ð u r
j ó l a b ó k a f l ó ð s i n s
Tamten er ný verslun við Laugaveg sem selur eingöngu
kínverskar vörum, þar á meðal æðislega útsaumaða
inniskó. Þeir eru til í mismunandi útgáfum. Verð 3.900
kr. og 4.500 kr., með hæl
Fátt er notalegra en að stinga tánum í góða inniskó þegar heim er komið eftir
erfiðan dag. Ekki er verra að eiga nokkur pör því þá er hægt að lána gestum
sem koma í heimsókn.
Enginn verður svikinn af
þessum íslensku lambs-
skinnskóm sem eru hannaðir
af Sunnevu. Hlýir og frekar
poppaðir með glimmeri og
glansandi áferð.
Verksmiðjan, 5.900 kr.
Heklaðir inniskór með
hörðum botni. Til í þremur
litum. Sipa, 2.550 kr.
i n n i s k ó r ❊ góð hugmynd
Heimsmet
Hjá Vöku-Helgafelli er komin út
Heimsmetabók Guinness 2005,
Guinness World Records 2005, í
ritstjórn Árna Snævarr. Í ár eru liðin
50 ár frá því að Heimsmetabók
Guinness leit dagsins ljós. Metin í
bókinni spanna vítt svið, frá fyrstu
útgáfunni hafa líka flest met verið
slegin, en ekki öll.
Hér er eitt heimsmet. Mesta neyrsla á
bökuðum baunum: Hvergi í heiminum
er borðað jafnmikið af bökuðum
baunum og í Bretlandi. Ársneysla á
mann er 5,3kg. Samkv. rannsóknum
frá 1999.
ljósm
ynd B
rink
Nú má sjá jólabókaflóðið flæða að og verslanir uppfullar af nýprentuðum bókum.
En hvernig snýr þessi tími að fornbókaverslunum þar sem hillur svigna undan
gömlum bókum ?