Þjóðvakablaðið - 23.08.1995, Síða 7

Ekki er langt síðan þeir hjá B&L tóku yfir Rover-
umboðið, en það fengu þeir með BMW-pakkan-
um. Fari sem horfir, þá er líklegt að þeir láti sér
ekki nægja að vera bara með Rover-umboð. Telja
verður víst að reynt verði að fá viðunandi verð á
þeim bílum sem British Leyland á Englandi fram-
leiðir í dag. Spennandi kostur er Rover 400, sem er
samnefnari Honda Civic, en er með breskri vél.
Við sem höfum verið aðdáendur breskrar bíla-
smíði í gegnum tíðina getum því jafnvel átt von á
að bílum framleiddum á Englandi fari hér fjölgandi.
Meðal nokkurra bíltegunda sem nú eru fluttar inn
frá Englandi má nefna Civic og Accord, sem koma
frá Honda. Micra og Primera koma frá Nissan. Frá
British Leyland hefur Hekla hf. flutt inn Range
Rover og Discovery. Það er ekki á allra færi að
eignast þá, en þó hafa stöku bíiar verið fluttir inn
til landsins.
Rover 416i
Japönsk yfirbygging, ensk vél.
Það var í mars 1968 sem millj-
ónasti Lincoln bíllinn kom af
færiböndum Ford-verksmiðj-
anna. Lincoln hefur verið vand-
aðasti og dýrasti bíll sem frá
Ford-verksmiðjunum kemur síð-
an árið 1922, en hafði verið fram-
leiddur af óháðum aðilum í tvö
ár þar á undan. Forsetar Banda-
ríkjanna hafa haldið nokkurri
tryggð við Lincoln, en einna
þekkastir þeirra forsetabíla voru
Sunshine Special árgerð 1939, í
notkun hjá Roosevelt forseta,
svo og Lincoln sá er Kennedy
notaði, en hann var árgerð 1961.
Bíllinn hefur þótt nokkuð stór og
nokkuð dýr í gegnum tíðina, en
þeir fyrir vestan voru ekki að
súta það, rými, vélarafl og sú í-
mynd auðs og velgengni sem
fylgdi því að aka í svona tæki var
það sem máli skipti.
Ekki hefur farið mikið fyrir
þessari tegund hér á landi, en
nokkrir hafa þó verið fluttir til
landsins. Fyrir utan bíla sem
hafa komið á vegum sendiherra
og vöktu fádæma athygli, þá er
ekki hægt annað en minnast á
bílinn sem Nóbelsskáldið flutti
hingað til lands. Þetta var ljóslit-
ur bíll með eftirtektarverðum
fersklofts plaststrokkum, sem
komu upp undir afturrúðu,
skinnklæddur að innan og með
öllu því rafverki sem hugur
þráði. Vélin var að sjálfsögðu
átta strokka með sjálfskipingu,
vökvastýri og skriðstilli, og ein-
hver sagði að kæli mætti finna í
bílnum. Þeir voru margir sem
hefðu þegið að kynnast bílnum
nánar, en hann vakti mikla at-
hygli þegar hann sigldi um götur
bæjarins.
Orkukreppan og áróður sá
sem kom í kjölfar hennar varð
stóru sófunum þungur og einn af
öðrum hafa þeir minnkað og
State President Coupe 1938
Ekki er hægt að standast þá freistingu að birta hér mynd af þessum einna fcdlegasta bíl sem hefur verið
sendur á markað úr smiðju þeirra hjá Studebaker. Bíllinn er árgerð 1938, tvennra dyra, og fjögurra
manna útlitið dregur nokkurt dám af Pierce Arrow sýningabíl sem mikla athygli vakti á árunum 1933 -
1935. Þrátt fyrir þá erfiðleika sem við var að etja hjá Studebaker-verksmiðjunum árið 1933, sem riðu þeim
nærri að fullu, vantaði hvorki kjark né stórhug þegar að hönnun og framleiðslu þessa bíls kom.
lést. En hvað um það; nokkrar
tölur fyrir okkur sem höfum á-
huga á aflmiklum, stórum, þung-
um og dásamlegum bílum.
Lincoln Continental árgerð 1966
í öllu sínu veldi: Hjól-
haf 3,2 m, heildar-
lengd 5,61 m, breidd
2,02 m, hæð 1,39 m.
Þyngdin var nálægt
2500 kílóum. Vélin að
sjálfsögðu átta
strokka, hestöflin 340
og viðbragð úr kyrr-
stöðu í 100 km hraða
10,8 sek. Hámarks-
hraði um 200 km á klst.
Hvað eyðslu varðar,
þá er það magn sem
látið er milli hluta,
enda verið að huga að
öllu öðru en henni
þegar menn eru á
draumabíl.
imiíKD
Þegar rætt var um Bugatti
sportbílana við bílaáhugamenn
hér áður fengu menn blik í augu
og töldu að goðsögnin yrði vart
endurvakin. Einhverjar tilraunir
voru gerðar til endurvakningar
Bugatti bílanna, en allar runnu
þær út í sandinn því að fjármun-
ir þeir er nauðsynlegir voru til
þessa verkefnis lágu ekki á
lausu. Skiljanlegt, því miklu yrði
að kosta til svo hægt yrði að
standa undir þeim væntingum
sem gerðar yrðu til þeirra bíla
sem bæru Bugatti-nafnið.
Það var því með biendnum
hug sem fylgst var með þeirri til-
raun sem síðast var gerð til þess
að koma þjóðvegaskelfinum í
framleiðslu á ný. Myndir sem
birtust af frumgerðinni lofuðu
þó góðu, útlit bílsins sýndu
metnað og djörfung og gaf til
kynna að í engu yrði vikið frá því
markmiði að framleiða vandað-
an og hraðskreiðan ofurbíl. Þeg-
ar bíllinn var kynntur önduðu
ýmsir aðdáendur léttar. Goð-
sögnin setti ekki niður, hvort
sem litið var á útlit bílsins eða
vélbúnað, og því miður fyrir okk-
ur meðal-Jónana mátti segja það
sama um verðið. Einn Bugatti
kostaði jafnmikið og 10 stykki af
Buick Avenue, en þrátt fyrir þá
staðreynd fá færri tækifæri til
þess að fjárfesta í bílnum en
vilja. Við hér á klakanum höldum
áfram að láta okkur dreyma, en
eina vonin til þess að berja grip-
inn augum virðist vera fólgin í
því að sjá honum bregða fyrir ör-
skotsstund á hraðbrautum eða á
stærri bílasýningum.
En hvað um það, hér eru
nokkrar tölur og staðreyndir um
Bugatti sem hægt er að ylja sér
við. Hjólhaf er 2,55 m, lengd er
4,39 m, breidd er 1,96 m, hæð
1,12 m og þyngdin tæp 2000 kíló.
Vélin er 60 ventla og skilar 560
hestöflum miðað við 8000 snún-
inga með forþjöppu og millikæli.
Bíllinn er 6 gíra handskiptur.
Hann er tæpar 4 sekúndur úr
kyrrstöðu í 100 km hraða og há-
markshraði er í kringum 320 km
á klukkustund.
Hagfræðingur
Iðnaðar- og viðskiptaráðuneyti óskar eftir að ráða
hagfræðing í stöðu deildarsérfræðings. Starfssvið
hans verður m.a. á sviði gengis- og vaxtamála.
Reynsla af erlendum samskiptum er nauðsynleg.
Umsóknir, ásamt upplýsingum um menntun og fyrri
störf, sendist ráðuneytinu í síðasta lagi 31. ágúst
nk.
Iðnaðar- og viðskiptaráðuneyti,
26. júlí 1995.