Lesbók Morgunblaðsins - 03.09.2005, Síða 14

14 | Lesbók Morgunblaðsins ˜ 3. september 2005
Þú lítur í baksýnisspegilinn.
Einhvers staðar þarna
utan úr blámóðu buskans komstu
og hélst eftir hinni bugðóttu leið hingað,
þar sem þú nú staldrar við í vegkantinum;
kastar mæðinni.
Þú rýnir út um foruga framrúðuna
inn í biksvarta þokuna framundan.
Ekki verður tafið lengur.
Óvissuferðinni verður að halda áfram.
Einn góðan veðurdag tekur hún enda
í fjörugrjóti feigðarinnar.
Aðeins ein lítil ósýnileg hnoða
mun af komast úr logandi flakinu.
Mun hún þegar hundasund þreyja
í átt að sjónhring eilífðarinnar.
Þar mun hún uppnumin verða
í faðm föður alls sem er,
sem skaffar nýtt ökutæki.
Sveinn Auðunsson
Í hringekjunni
Höfundur fæst við skriftir.